اعاجاي-التاي تورابى   ›   اقپارات ايدىنى   ›   سۋرەتتى حابارلار

جازعى كۇننىڭ كورىنىستەرى سىزعان سۋرەتتەي

  7 - ايدىڭ 6 - كۇنى كەشقۇرىم، قالا تۇرعىندارى ءۇرىمجى نانحۋ قالا تۇرعىندار الاڭىندا سەيىل - سەرۋەن قۇرىپ كوڭىل كوتەردى. سۋرەتتى ءتىلشىمىز شيە لۇڭ تۇسىرگەن

  7 - ايدىڭ 6 - كۇنى، قالا تۇرعىندارى ءۇرىمجى قالاسى حالىق باقشاسىندا تاڭەرتەڭگى شىنىعۋدا. سۋرەتتى ءتىلشىمىز شيە لۇڭ تۇسىرگەن

  7 - ايدىڭ 6 - كۇنى، ءۇرىمجى قالاسى تيانشان رايونى ىرداۋچياۋ اۋماعىن باسقارۋ كوميتەتى فۋشوۋ كوشەسى الەۋمەتتىك اۋماعىنىڭ ۇلتتار ىنتىماعى اۋلاسىنداعى تۇرعىندار بىرگە سالقىنداپ، شاحمات ويناۋدا. سۋرەتتى ءتىلشىمىز وتكىر نيجات تۇسىرگەن

  7 - ايدىڭ 6 - كۇنى، قالا تۇرعىندارى ءۇرىمجى چيجياڭيۋان جالپىلىق زات ساتىپ الۋ ورتالىعىنىڭ اۋىل شارۋاشىلىق ونىمدەرى ساۋدا بازارىندا كوكونىس ساتىپ الۋدا. سۋرەتتى ءتىلشىمىز ۋاڭ جىن تۇسىرگەن

  7 - ايدىڭ 5 - كۇنى، بالالار ءۇرىمجى قالاسى حۇڭشان مالتاۋ سارايىنىڭ دالاداعى كولشىگىندە سايران سالۋدا. سۋرەتتى ءتىلشىمىز زوۋ ي تۇسىرگەن

  7 - ايدىڭ 5 - كۇنى، ساياحاتشىلار پويەزبەن شاۋەشەك ۆوكزالىنا كەلدى. 5 - ايدىڭ 30 - كۇنى قارامايلى - شاۋەشەك تەمىر جولىندا پويەز قاتىناعاننان بەرى، پويەزبەن تارباعاتاي ايماعىنا ساياحاتتاي باراتىن ساياحاتشىلار بارعان سايىن كوبەيدى. سۋرەتتى ءتىلشىمىز حان لياڭ تۇسىرگەن

  7 - ايدىڭ 6 - كۇنى، ساياحاتشىلار باعراش كولى داحىكوۋ كورىنىس وڭىرىندە سەرۋەندەۋدە. تەمپەراتۋرانىڭ جوعارىلاۋىنا ساي، باعراش كولىنىڭ اينالاسىنداعى ساياحات تۇيىندەرى ساياحاتشىلاردىڭ سۋعا ءتۇسىپ سالقىندايتىن تاماشا جەرىنە اينالدى. سۋرەتتى چۋە حۇرا تۇسىرگەن

  7 - ايدىڭ 6 - كۇنى، شاندۇڭ ولكەسى ۋيفاڭ قالاسىنان كەلگەن ساياحاتشىلار قاشقار بايىرعى قالاسى كورىنىس اۋماعىندا ساياحاتتاۋدا. قاشقار بايىرعى قالاسىنىڭ وزگەشە قۇرىلىس ەرەكشەلىگى مەن حالىقتىق سالت - سانا مادەنيەتى ەل ءىشى - سىرتىنداعى كوپتەگەن ساياحاتشىنى باۋرادى. سۋرەتتى ءتىلشىمىز جوۋ پىڭ تۇسىرگەن

  7 - ايدىڭ 5 - كۇنى، ساياحاتشىلار ءۇرىمجى قالاسى ۋ - ي شيڭگۋاڭ كەشكى بازارىندا ءدامدى تاعامداردان ءدام تاتۋدا. سۋرەتتى شينحۋا اگەنتتىگىنىڭ ءتىلشىسى ديڭ لەي تۇسىرگەن

  7 - ايدىڭ 5 - كۇنى، ساياحاتشىلار ءۇرىمجى ۇلكەن بازارى كورىنىس اۋماعىندا ءوزىن سۋرەتكە تۇسىرۋدە. سۋرەتتى ءتىلشىمىز ازات ءيۇسىپجان تۇسىرگەن

  ءتىلشىمىز سۇي يۇنيان

  قۇستار سايراپ، مۇنار سەيىلىپ، گۇلدەر جايناپ، تيانشاننىڭ تۇستىگى مەن تەرىستىگىنە تاڭ ساۋلەسى سەبەلەدى. كوشەلەردەن سۋ شاشاتىن كولىكتەر قوڭىراۋلاتىپ وتەدى، تاڭەرتەڭ ەرتە شىنىعۋعا شىققان ادامدار ءوزارا ەسەندىك سۇراسادى، ءيىسى مۇرىندى جاراتىن توناردان جاڭا شىققان نان، سيىر ەتى كەسپەسى، سامسا، بۇرشاق شىرىنى، ماي شۇيكە، يوۋتازى ساتۋشىلاردىڭ ايقايى بىردە كوتەرىلىپ، بىردە باسەڭدەيدى.

  باقشا ىشىندە، مىنا جاقتا ىرحۋعا ءان قوسىپ جيڭجۇي ورىنداپ جاتسا، تاعى ءبىر بۇرىشتا ءماشىراپشىلار ويناقى بيگە باسادى، قاۋمالاعان قالىڭ كورەرمەن، قاتىناسۋشىلار دا مول.

  جەمىس باعىندا ورىك، شاپتول، المۇرت سامسىپ تۇر، تۇرپاننىڭ ءجۇزىمى تامشىداي مولدىرەپ ساياحاتشىلاردى كۇتۋدە، جەمىس ۇزەتىن مەزگىل جەتىپ كەلدى.

  بازاردا ادامدار جاڭا عانا سىعىپ العان جەمىس شىرىندارىن ىشۋدە؛ اۋىل شارۋاشىلىق ونىمدەرى ساۋدا بازارىندا قالا تۇرعىندارى قالاعان كوكونىستەرىن تاڭداپ الۋدا؛ ساۋدا سارايلارىندا بويجەتكەندەر ەڭ ادەمى كيىمدەردى كيىپ كورۋدە.

  قىستاقتا تۇراتىن كادرلار مەن قىستاق تۇرعىندارى ءجۇزىم سورەسىنىڭ استىندا وتىرىپ اڭگىمەلەسەدى، دويبىشىلار اعاش ساياسىندا سايىسۋدا، جازدىق دەمالىسقا تاراعان بالالار اسىر سالىپ، كوڭىلدى كۇلكىلەر كوتەرىلەدى...

  بارلىق جەردە ساياحاتشىلاردىڭ اياعى ۇزىلمەدى. تابيعي كورىنىستەر، گۋمانيتارلىق ادەت - عۇرىپتار، تاريحي ىزدەر، ءار الۋان ءدامدى تاعامدار تۇگەلدەي اپپارات كوزىنەن قاعىس قالمايدى. مايتاۋ - كۇشار تاس جولىمەن ءوتىپ جاتقان ءوز اۆتوكولىكتەرىمەن ساياحاتتاۋشىلاردىڭ كوز قۋانىشى مول، ءبىر كۇندە ءتورت ماۋسىمدى كەسىپ وتەتىنى ەرتەگى ەمەس... مۇنىڭ ءبارى دوستار شەڭبەرىن ءدۇر سىلكىندىرۋگە جەتىپ اسادى. بيىل 1 - ايدان 5 - ايعا دەيىن، شينجياڭ 50 ميلليونعا جۋىق ادام - رەت ساياحاتشى قابىلداپ، ساندى مالىمەتتە تاعى دا تىڭ رەكورد جاراتتى، تاعى دا رەكورد جاڭالاۋدان ءۇمىت بار، ساياحاتتىڭ ”ورلەۋى“ بوگەۋ بەرمەيدى.

  كەشقۇرىم قاپىرىق ىستىق قايتىپ، سالقىن سامال ەسىپ، جانعا جايلى كەشكى تۇرمىس باستالادى. كوز جاۋىن الاتىن شىراقتارمەن اسەمدەلگەن قالالار، باقشالار، الاڭدار قايتادان شاتتىق دۋمانىنا شومادى، ۇلكەندەر بالالارىن جەتەلەپ كەشكى سەيىلگە شىعادى، كوشە بويىنداعى كوگالداردا عاشىقتار سىرلاسا وتىرىپ، بالداي ءتاتتى باقىتقا كەنەلەدى. تىرلىك كۇيبەڭىنەن ءبىر ءسات ايىعىپ، كوڭىلدەرى كوتەرىلىپ - اق قالادى.

  سەيىل - سەرۋەن − كەرىم كەشتىڭ ارقاۋى، ءتىل ۇيىرەتىن ءدامدى تاعامدار دا سولاي، شينجياڭدا ءتىپتى دە سولاي. مەيلى وڭتۇستىك شينجياڭدا، الدە سولتۇستىك شينجياڭدا بولسىن، مەيلى قالادا، الدە اۋىل - قىستاقتاردا بولسىن، ءدامدى، قۇجىرعا تولى شينجياڭ ءدال وسىنداي دۋماندى كەشكى بازارلارمەن ايشىقتالادى.

  جازعى كۇنگى شينجياڭنىڭ كورىنىسى سىزعان سۋرەتتەي، تۇرمىسى ادەمى ءان - جىرداي.

جاۋاپتى رەداكتور: ءاننا اكىمقان قىزى
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى