اعاجاي-التاي تورابى   ›   مادەنيەت ارناسى   ›   بىلگەنگە مارجان

ارمانىڭىز اداستىرماسىن...

  ارمانىمىز شىندىققا اينالۋ ءۇشىن نە كەرەك؟ ەڭبەك، ەرىك-جىگەر، مۇمكىن قاراجات شىعار. ال، شىندىعىنا كەلسەك، تەك دۇرىس ويلانا ءبىلۋ كەرەك. سەبەبى، تابىستى باسقارۋ، جەڭىس پەن جەڭىلىستەردىڭ بارلىعى ءبىزدىڭ ويىمىزبەن تىعىز بايلانىستى. ەگەر ويىڭىزدى وزگەرتپەسەڭىز، ەشنارسەنى وزگەرتە المايسىز. ەگەر ۇلكەن نارسەنى ارماندايتىن بولساڭىز، ەڭ الدىمەن جاعىمسىز ويلاردى ساناڭىزدان شىعارىپ تاستاڭىز.

  1. مەنىڭ ارمانىم مەن ماقساتتارىم كۇتە تۇرادى: قاشانعا دەيىن ەرتەڭگە شەگەرىپ جۇرمەكسىز؟ مۇمكىن ءسىز ساتسىزدىكتەن، سىننان جانە ءسىزدى قورشاعان ورتانىڭ تۇسىنىسپەۋشىلىگىنەن قورقاتىن شىعارسىز. ءبىراق، وزىمىزگە پايداسى جوق زاتقا كەتكەن ۋاقىتىمىزدان قورقۋىمىز كەرەك. ەگەر ءوز ءومىرىڭىز ءۇشىن ماقتانۋدى قالاساڭىز، ارماندارىڭىز تۋرالى ايتا بەرمەي، ىسكە كىرىسكەنىڭىز ءجون.

  2. مەنىڭ ۋاقىتىم جوق: بۇل ــ «مەن ءۇشىن اسا ماڭىزى جوق» تىركەسىنىڭ جاسىرىن بالاماسى.

  3. مەنىڭ بويىمدا دارىن جوق: تالانت پەن اقىل تۋرالى ويلاي بەرگەنشە، تاجىريبە جانە ءوز بەتىمەن جۇمىس ۇعىمدارىمەن جاقىنىراق تانىسىڭىز. بۇل داعدىلار ءسىزدىڭ ارمانىڭىزدىڭ ەسىگىن اشاتىن كىلت ىسپەتتەس. تاباندىلىق پەن وقۋعا، ۇيرەنۋگە شىدامدىلىق قاجەت. قاتەلىك جاساي وتىرىپ داميتىن ادامدار قاشاندا دەگەنىنە جەتەدى.

  4. وتە قيىن: ءومىردە ەشقانداي ماسەلە جوق. ونى تۋعىزاتىن ادامنىڭ ويلارى.

  5. دايىن ەمەسپىن: مۇمكىندىك پايدا بولعاندا ەشكىم ءوزىنىڭ دايىن ەكەنىن سەزبەيدى. ۇلكەن مۇمكىندىكتەر ادامعا ەموتسيونالدى جانە زياتكەرلىك تۇرعىسىنان وسۋگە سەپتىگىن تيگىزەدى. سونىمەن قاتار، ادام ءوزىنىڭ ۇيرەنگەن شەڭبەرىنەن ءارى اسۋى ءتيىس. سوندىقتان، ولاردىڭ بويىندا قورقىنىش پەن دايىن ەمەسپىن دەگەن وي تۋادى. بىراق، مۇمكىندىكتى ءبىر جىبەرىپ الساڭىز، ومىرلىك جولىڭىزدا ءسال كىدىرىپ قالاتىنىڭىزدى ۇققايسىز.

  6. ودان دا جاقسى ىستەي الاتىن ەدىم:ء ومىر – كۇرەس الاڭى. سول ۋاقىتتا بۇيىرماسا، دەمەك، سىزگە وزگە باعىتتا ءجۇرۋ كەرەك. وكىنىش پەن ىشتەي ءوزىڭىزدى جەي بەرۋدەن ەشنارسە وزگەرمەيدى.

  7. مەنىڭ جولىم بولمايدى: ناعىز ساتسىزدىك ــ بىرنارسەنى ىستەۋگە تىرىسپاۋ. ال، قالعانى تاجىريبە. ەگەر، وسى جولى قولىڭىزدان كەلمەسە، دەمەك، كەلەسى جولى مىندەتتى تۇردە ىسكە اسادى.

  8. ماعان ەشكىم قولداۋ كورسەتپەيدى: اينالامىز تولعان سىنشىلار. ءسىز ونىڭ ورنىنا ادامدارعا دەم بەرەتىن، موتيۆاتسيا بەرەتىن كۇشكە يە بولىڭىز. ساتسىزدىكتەن سوڭ قولداۋ كورسەتۋ – الدەقايدا باعالى. ال، ءسىز وزگەلەرگە قولداۋ كورسەتە باستاساڭىز، سىزگە دە جاناشىر بولاتىن جاندار تابىلادى.

  9. مەن ەشقاشان جىلامايمىن: كوز جاسىنان ۇيالۋعا بولمايدى. ونسىز ءبىز ءتىرى روبوتقا اينالامىز. كوز جاسى ءسىزدىڭ بويىڭىزداعى قيىندىقتاردان بوساپ، ءسال سىلكىنىپ الۋعا مۇمكىندىك بەرەدى.

  10. مەنىڭ ەندى قيىندىقتارعا توتەپ بەرەتىن شامام جوق: كەيدە ءبىز بۇدان دا ارتىق نارسەگە لايىقتى سەكىلدى كورىنەمىز. ءوزىڭىزدى اياۋدىڭ ورنىنا، باتىل قادام جاساپ، ءوزىڭىزدىڭ وتكەنىڭىزدى بوساتىڭىز. ومىردە، مىڭ رەت سۇرىنسەڭىز دە، ءسىز قايتا تۇرىپ جۇگىرۋگە مىندەتتىسىز. ايتپەسە، اياق استىندا تاپتالىپ قالاسىز. قانداي جاعداي بولسىن، ارماننان باس تارتۋعا بولمايدى. ويكەنى، ارمانسىز ەشقاشان ەركىندىككە قول جەتكىزبەيسىز.

جاۋاپتى رەداكتور: ءاننا اكىمقان قىزى
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى