اعاجاي-التاي تورابى   ›   مادەنيەت ارناسى   ›   دەنساۋلىق

ۆيتامىن E تەرىنىڭ دىمقىلدىعىن ساقتاپ، بەتتەگى داقتى كەتىرەدى

  ۆيتامين E توتىعۋعا قارسى دارىلەردىڭ ٴبىرى، ۆيتامين E تۇتىنۋ قارتايۋدىڭ الدىن الادى، بەتتەگى ءاجىمدى ازايتىپ، جاستىق اجارىڭىزدى ساقتايدى. دۇڭنان داشۋەسىنە قاراستى شيپاحانالاردىڭ تەرى اۋرۋلارى ءبولىمنىڭ اعا شيپاگەرى جاڭ جيڭدۇڭ بىلاي دەيدى: «ۆيتامين E تەرى كلەتكاسىن ۋلترا كۇلگىن ساۋلەسى مەن لاس زاتتاردىڭ زياندالۋىنان الاستاپ، تەرىنىڭ سەرپىمدىلىگىن ارتتىرىپ، قارتايۋىنىڭ الدىن الادى، سوندىقتان، ۆيتامينEنى ىشۋدەن سىرت، تىكەلەي بەتكە جاعۋعا دا بولادى.

  بەتكە جاعاتىن ۆيتامين E كۇن نۇرىنىڭ اسەرىنە بايلانىستى تەرىنىڭ قارتايۋىنىڭ الدىن الىپ، تەرى وسپەسىنىڭ تۋىلۋ قاتەرىن ازايتادى، ۋلترا كۇلگىن ساۋلە رادياتسياسىنىڭ اسەرىنەن تۋىلاتىن كەرى اسەردى ازايتادى، سونىمەن بىرگە، كۇنگە كۇيگەن قىزىل داق، سۋلى ىسىك، اجىم سياقتىلاردىڭ تۋىلۋىن ازايتادى. ناقتى پايدالانۋ جولدارى تومەندەگىدەي :

  بەت تەرىنى اعارتۋ ءادىسى: ايراننان ەكى قالاق، بالدان جارتى قالاق، ليمون شىرىنىنان جارتى قالاق الىپ، 3 ٴتۇيىر تابيعي ۆيتامين E مەن ارالاستىرىپ تەرىگە جاعاسىز، 15 مينۋتتان كەيىن جىلى سۋمەن جۋىپ تاستايسىز، وتە ىستىق نەمەسە وتە سۋىق سۋ ىشپەگەن ءجون. بۇل ٴادىس بەت تەرىڭىزدى تازالاپ، اعارتادى.

  دىمقىلدىقتى ساقتاۋ ٴادىسى: ۆيتامين E سۇيىقتىعىن بەتى مايعا ارالاستىرىپ، بەتىڭىزگە جاقساڭىز تەرىڭىزدىڭ دىمقىلدىعىن ساقتايدى. سۋعا شومىلعان سوڭ، ۆيتامين E نى جۋىنۋ سۇيىقتىعىمەن بىرگە پايدالانساڭىز، تەرىنىڭ قۇرعاپ تۇلەۋىنەن ساقتانۋعا بولادى. بۇل ۇزاق ۋاقىت كەڭسەدە قىزمەت ىستەيتىن ايەلدەرگە باپ كەلەدى.

  داق كەتىرۋ ٴادىسى: ۆيتامين E تابلەتكاسىن داق بار جەرگە جاعىپ، 5 ~ 10 مينۋت مولشەرىندە ۋقالاۋ كەرەك، كۇنىنە ەكى رەت ۇزبەي ىستەسەڭىز، ٴونىمى كورنەكتى بولادى.

  ماماندار، تەرىنىڭ اسىرە سەزىمتالدىعىنان ساقتانۋ ٴۇشىن، ۆيتامىن E جاعۋدان بۇرىن ەڭ اۋەلى تەرىڭىزگە سىناق رەتىندە جاعىپ كورۋىڭىزدى ەسكەرتەدى. ۆيتامين E تابلەتكاسىن مولشەردەن كوپ ىشۋگە بولمايدى، شيپاگەردىڭ ايتۋى بويىنشا ىشكەنءجون. مۇنان تىس، ۆيتامين E مول ازىقتاردى كوبىرەك جەۋ كەرەك، ايتالىق، مايمىل شاپتول، بوساي، كاپۋستا، جاپون كارتوبى، ءتاتتى كارتوپ جانە ورىكتى كوبىرەك پايدالانعان ءجون.

جاۋاپتى رەداكتور: ءاننا اكىمقان قىزى
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى