اعاجاي-التاي تورابى   ›   اقپارات ايدىنى   ›   شينجياڭ حابارلارى

شينجياڭ ەل ىشىندەگى ايگىلى ساياحاتتاي ءجۇرىپ سۋرەتكە الۋ بازاسىن تۇلعالادى

   شينجياڭ گازەتىنىڭ ءتىلشىسى رىن جياڭ 7 - ايدىڭ 3 - كۇنى ۇرىمجىدەن حابارلايدى. كەڭ - بايتاق ساحارا، اسقار - اسقار تاۋ، كوكپەڭبەك اسپان، ءالى تولىق تىگىلىپ بولماعان كيىز ءۇي، جەرگە تىكتەپ قويىلعان ايرىقشا جەرگىلىكتى ءتۇس العان اعاش ەسىك، ساياحاتشىلاردى وسى ارادا سۋرەتكە الۋعا باۋرادى. كيىز ءۇي مەن اعاش ەسىك بۇل اراعا ءساتى كەلىپ قويىلا سالعان ەمەس، قايتا نارات كورىنىس ءوڭىرىنىڭ ساياحاتتاي ءجۇرىپ سۋرەتكە الۋ بازاسىن تۇلعالاۋ ءۇشىن ورناتقان قۇرىلعىلارى.

  كوركەم شينجياڭ كوپتەگەن ساياحاتشىلاردىڭ اڭسايتىن جەرى، ”شينجياڭدا جاي عانا تۇسىرىلە سالعان سۋرەتتىڭ ءوزى كومپيۋتەردىڭ ەكرانىنا كورىنىس سۋرەت ەتۋگە جارايدى!“ بۇل كوپتەگەن ساياحاتشىلاردىڭ شينجياڭنىڭ كوركەم كورىنىسىنە دەگەن القاۋى. جۋىق جىلداردان بەرى، شينجياڭنىڭ ساياحات كاسىبىنىڭ دامۋىنا ىلەسە، ەل ىشىنەن كەلەتىن ساياحاتشىلاردىڭ قاتارى دا مولايا ءتۇستى.

  ”سوڭعى 2 جىلدان بەرى، ءبىز جوسپار بويىنشا جوبالاپ، سۋرەتكە الاتىن كورىنىس تۇيىندەرىن قۇردىق، ساحارا كورىنىسىمەن توعىسقان كيىز ءۇي، تەربەلمەلى ورىندىق جانە جارىق شاعىلىستىرعىش تاقتايشا سياقتىلاردى كوبەيتىپ، ساياحاتشىلاردىڭ سۋرەتكە تۇسۋىنە قولايلى شارت - جاعداي جاسادىق“، - دەدى 7 - ايدىڭ 2 - كۇنى نارات كورىنىس ءوڭىرىن باسقارۋ كوميتەتى تيجارات ورتالىعىنىڭ قىزمەتكەرى چى حۋا تانىستىرىپ.

  نارات كورىنىس ءوڭىرىنىڭ كوركەم كورىنىسى «تۇنەك ءتۇن»، «ۇلى چين يمپەرياسى» سياقتى كينو - تەلە فيلمدەرىن وسى اراعا كەلىپ سىرتقى كورىنىستى الۋعا باۋرادى، كورىنىس ءوڭىرى فيلم گرۋپپاسىنان كورىنىس الۋ الاڭىن، ساحنا جابدىعى قاتارلىلاردى قالدىرىپ كەتۋدى ءوتىنىپ، سۋرەتكە الۋ ۇيىرمەسىن قۇرىپ، اتاعىن ەستىپ كەلگەن ساياحاتشىلارعا فيلمدەگى كەيىپكەرلەردىڭ كيىمىن كيىپ، ساحنا جابدىقتارىن الىپ، ولاردىڭ سىرتقى كورىنىس الۋ ورنىندا سۋرەتكە تۇسۋىنە وراي جاراتتى.

  نارات كورىنىس ءوڭىرىنىڭ ساياحاتتاي ءجۇرىپ سۋرەتكە الۋ، ساحارانىڭ جۇلدىزدى اسپانىن تاماشالاۋ سياقتى ساياحاتتاي ءجۇرىپ سۋرەتكە الۋدى نەگىز ەتىپ جاساعان ساياحات ونىمدەرىنىڭ ساتىلۋى بارعان سايىن كۇسەت بولدى. 6 - اي كىرگەندە، ءار كۇنى ساياحاتتاي ءجۇرىپ سۋرەتكە الۋعا قاتىناسقان ساياحات−شىلاردىڭ سانى 200دە 300 ادامعا جەتتى.

  بۇگىنگى تاڭدا، شينجياڭنىڭ كوپتەگەن كورىنىس وڭىرلەرى ساياحاتتاي ءجۇرىپ سۋرەتكە الۋ كاسىبىنە ءمان بەرە باستادى، كورىنىس وڭىرلەرىندە كوپتەگەن ساياحاتتاي ءجۇرىپ سۋرەتكە الۋ بازاسىن قۇرىپ، شينجياڭ ءىشى - سىرتىنان ءتىپتى دە كوپ ساياحاتشىنى تويلىق سۋرەتكە الۋعا، جەكەلىك سۋرەتكە الۋعا، ساياحاتقا ىلەسىپ ءجۇرىپ سۋرەتكە الۋعا باۋرادى.

  ”شينجياڭنىڭ ساحاراسى، ورمانى، قۇمى جانە قارلى تاۋى، كول سۋى، كوك اسپانى سياقتىلار ساياحاتشىلاردى توتەنشە باۋرايدى، ساياحاتتاي ءجۇرىپ سۋرەتكە الۋ بازاسىن قۇرۋدىڭ شارت - جاعدايى ايرىقشا“، - دەدى بۇراتالا وبلىستىق شيحاي فوتو سۋرەت قىزمەت وتەۋ شەكتى سەرىكتەستىگىنىڭ باس ديرەكتورى، فوتو سۋرەت الۋمەن 20 نەشە جىل اينالىسقان ياڭ حۋ. قازىر سايرام كولى كورىنىس ءوڭىرى ”كوكتەمدە گۇل تەڭىزىن سۋرەتكە الۋ، جازدا ساحارانى، كولدى سۋرەتكە الۋ، كۇزدە توگىلگەن جاپىراقتى سۋرەتكە الۋ، قىستا قار كورىنىسىن سۋرەتكە الۋ“ سىندى 4 ماۋسىمدىق ساياحاتتاي ءجۇرىپ سۋرەتكە الۋ ونىمدەرىن قالىپتاستىرىپ قانا قالماستان، تاعى سايرام كولىن سەنتر ەتكەن، كەڭساي، قورعاس لاۆاندا بازاسى قاتارلى جەرلەردى قامتىعان ساياحاتتاي ءجۇرىپ سۋرەتكە الۋ لەنياسىن قالىپتاستىرىپ، اناعۇرلىم كوپ كوركەم كورىنىستى، سۋرەتكە الۋ ءتۇيىنىن قامتىدى.

  زىمۋ سۋرەتكە الۋ قىزمەت كەڭسەسى شينجياڭنىڭ ساياحاتتاي ءجۇرىپ سۋرەتكە الۋ سالاسىندا نەداۋىر اتاعى بار، زىمۋ 2006 - جىلدان باستاپ فوتوگراف بولعان. جۋىق جىلداردان بەرى، شينجياڭ ءىشى - سىرتىنان ساياحاتتاي ءجۇرىپ سۋرەتكە الاتىن قاريدارلار بارعان سايىن مولايدى، زىمۋ جىل سايىن نەشە ون ساياحاتتاي ءجۇرىپ سۋرەتكە الۋ جۇمىسىن قابىلدايدى. ”باسىم كوپ قاريدارلار ينتەرنەتتەن مەنىڭ تۇسىرگەن سۋرەتتەرىمدى كورگەن نەمەسە دوستارى تانىستىرعان سوڭ شينجياڭعا كەلگەن“، - دەدى ول.

  قازىر كەيبىر ساياحات سەرىكتەستىگى دە بىرتىندەپ ساياحاتتاي ءجۇرىپ سۋرەتكە الۋ لەنيا ونىمدەرىن شىعارا باستادى. ءۇرىمجى قالاسىنداعى ءبىر ساياحات سەرىكتەستىگى 2018 - جىلدان باستاپ اۆتوكولىك جالداپ سۋرەتكە الۋ ساياحات ءونىمىن جولعا قويدى، اپتاسىنا 5تەن 10عا دەيىن ۇيىرمە شىعاردى، باسىم كوپ ءبولىمى شينجياڭنىڭ سىرتىنان كەلگەن ساياحاتشى. قازىر الدىن الا ءبىر اي بۇرىن تىزىمدەلۋ قاجەت. بيىل 9 - ايدا وسى ساياحات سەرىكتەستىگى وڭتۇستىك شينجياڭعا اۆتوكولىك جالداپ سۋرەتكە الۋ ساياحات ءونىمىن جولعا قويادى.

  ساياحاتشىلاردىڭ شينجياڭعا ساياحاتقا كەلىپ سۋرەتكە الۋعا دەگەن ىنتاسى ەل ىشىندەگى ساياحاتتاي ءجۇرىپ سۋرەتكە الۋ كاسىپ سالاسىن شينجياڭمەن سەلبەستىك جاساسۋىن كۇشەيتتى. بۇراتالا وبلىستىق شيحاي فوتو سۋرەت قىزمەت وتەۋ شەكتى سەرىكتەستىگى بوجۋە ساياحاتتاي ءجۇرىپ سۋرەتكە الۋ قاتارلى ەل ىشىندەگى تانىمالى ساياحاتتاي ءجۇرىپ سۋرەتكە الۋ كاسىپورىندارىمەن سەلبەستىك قارىم - قاتىناس جاساپ، قارسى جاقتىڭ شينجياڭداعى سۋرەتكە الۋ جۇمىسىن قابىلدايدى. 7 - اي باستالا سالا بۇراتالا وبلىسى شيحاي سەرىكتەستىگى 15 تاپسىرىس قابىلداپ ۇلگىردى.

جاۋاپتى رەداكتور: ءاننا اكىمقان قىزى
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى