اعاجاي-التاي تورابى   ›   اقپارات ايدىنى   ›   شينجياڭ حابارلارى

شينجياڭنىڭ ەرەكشە اۋىل شارۋاشىلىق ونىمدەرىنىڭ ”ەكى تورى“ توقىلعان سايىن جيىلەي ءتۇستى

ءوندىرىس ورنىنان بازارعا دەيىنگى جەلىنى تۇتاستىردى

شينجياڭنىڭ ەرەكشە اۋىل شارۋاشىلىق ونىمدەرىنىڭ ”ەكى تورى“ توقىلعان سايىن جيىلەي ءتۇستى

ءتىلشىمىز شى شين

  شينجياڭنىڭ ەرەكشە جەمىس ورمان شارۋاشىلىعى سالاسىنداعى ەڭ ۇلكەن باستاماشى كاسىپورىن شينجياڭ جەمىس - جيدەك كاسىبى توبى شەكتى سەرىكتەستىگى تاياۋدا ”ەكى تور“ قۇرىلىسىنا بارىنشا كۇش سالىپ، بۋىن - بۋىن بويىنشا يگەردى.

  شينجياڭ ىشىندەگى ساتىپ الۋ تورى جاعىندا، شينجياڭ (اقسۋ) اۋىل شارۋاشىلىق ونىمدەرى ساۋدا ورتالىعى جۇمىس باستادى، شينجياڭ جاڭعاق (اقسۋ) تولايىم ساۋدا بازارى نىسانىنىڭ ىرگە تاسى قالاندى. شينجياڭ سىرتىنداعى ساتۋ تورى جاعىندا، الەۋمەتتىك اۋماقتىڭ 300 ارناۋلى ساتۋ دۇكەنى جيلين ولكەسىنىڭ كوپتەگەن قالالارىندا ىرگە تەۋىپ، ساۋدا باستادى، ”باقىتتى يىڭىسار. ورىگىڭ ءدامدى“ بۇكىل ەلدە ارالاتا كورمەلەۋ قيمىلى شاندۇڭنىڭ جينيڭ قالاسىنا جەتتى، اناعۇرلىم زور كولەمدەگى الەۋمەتتىك اۋماق ارناۋلى ساتۋ دۇكەندەرى تيانجين قالاسىن ورتالىق ەتكەن حۋابەي وڭىرىنە ىرگە تەبۋ دايىندىعىن جاساۋدا...

  شينجياڭ جەمىس - جيدەك كاسىبى توبىنىڭ باس جوراسى يۋان جىنتيڭ مىنانى ءبىلدىردى: بيىل 9 - ايدا شينجياڭ ىشىندەگى ساتىپ سالۋ تورى تۇگەلدەي ىسكە قوسىلىپ، كەڭەيۋ، دەم بەرۋ جانە ساۋدالاۋ، وڭدەۋ قۋاتى 3 ميلليون توننادان اسادى؛ بيىل جىل سوڭىنا دەيىن شينجياڭ سىرتىنداعى ساتۋ تورى ءتۇيىنى 3300دەن اسادى.

  ”ەكى تور“ قۇرىلىسىنىڭ تەرەڭدەي ىلگەرىلەۋىنە ىلەسە، شينجياڭنىڭ ەرەكشە اۋىل شارۋاشىلىق ونىمدەرىنىڭ ۇزاق ۋاقىت، ورنىقتى ساتۋ ارناسى جانە تورى بىرتىندەپ قالىپتاسادى.

■ شينجياڭ ىشىندەگى ساتىپ الۋ تورى قۇرىلىسىنىڭ قارقىنى تەزدەدى

  6 - ايدىڭ 27 - كۇنى جاڭ شيڭحۋ شينجياڭ (اقسۋ) اۋىل شارۋاشىلىق ونىمدەرى ساۋدا ورتالىعىن جارتى ساعاتتان استام ۋاقىت ارالادى، تولايىم ساۋدا رايونىن، ەلەكتروندى جۇمىس رايونىن، ساقتاۋ، وڭدەۋ، زات اينالىمى رايونىن ءبىر - بىردەن ارالاپ، ءارقايسى رايوننىڭ يقۋاتىن جانە قىزمەت وتەۋىن ۇعىستى.

  جاڭ شيڭحۋ ىلگەرىندى - كەيىندى 4 رەت كەلىپ، ءوزىنىڭ اقسۋ قالاسى حىڭشين جەمىس - جيدەك كاسىبى سەرىكتەستىگىنە جاڭا تياناق قاراستىردى.

  ”سەرىكتەستىكتىڭ قازىرگى تولايىم ساتۋ بازارى ءبىرشاما ءيىن تىرەسكەن، قاتىناسى قولايسىز، سايكەستى قۇرىلعىلارى كەمەلدى ەمەس، مەن ساۋدا ورتالىعىنان 4 ورىندى جالعا الىپ، وسى ارقىلى سەرىكتەستىكتىڭ كاسىپ مولشەرىن جوعارىلاتۋدى ويلاپ وتىرمىن“، - دەدى جاڭ شيڭحۋ، ونىڭ كەپتىرىلگەن، جاس جەمىس - جيدەك ونىمدەرى تولايىم ساۋداسىمەن شۇعىلدانعانىنا 21 جىل بولدى، ءار جىلعى ساتىپ الۋ مولشەرى نەشە مىڭ تونناعا جەتەدى، كوك قابىقتى جاڭعاق جانە شىلاندى نەگىز ەتەدى.

  شينجياڭ (اقسۋ) اۋىل شارۋاشىلىق ونىمدەرى ساۋدا ورتالىعى ”جەلىدەگى ناقتى زاتتاردى ەلەكتروندى ساۋدالاۋ تۇعىرى + جەلىدەن تىسقارى ءوندىرىس ورنىندا ساۋدالاۋ، شوعىرلى سەپتەۋ ورتالىعىنىڭ“ ءبىر تۇلعالانعان جۇمىس ۇلگىسى ارقىلى جەلىدە، جەلىدەن سىرت ءبىر تۇلعالانعان شينجياڭ ىشىندەگى ساتىپ الۋ تورى جۇمىس جۇرگىزۋگە قىزمەت وتەۋ جۇيەسىن قۇردى ءارى شينجياڭنىڭ ەرەكشە اۋىل شارۋاشىلىق ونىمدەرى ساۋداسىنىڭ الىس ارالىقتان باعا مالىمدەۋ، ەسەپ جاساۋ، اقشا تولەۋ، وتكەرۋ، زات اينالىمىن باسقارۋ ءبىر تۇلعالاندىرعان باسقارۋ جۇيەسىن بىرگە قۇردى.

  ”ءبىز جەلىدەن سىرتقى ناقتى بازار + جەلىدەگى B2B ەلەكتروندى ساۋدا توپ تاراتۋ ۇلگىسى بويىنشا، شارۋا وتباسىلارىنا، دەلدالدارعا جانە ساۋداگەرلەرگە قاراتا مۇشەلىك ءتۇزىم باسقارۋىن جانە قىزمەت وتەۋىن اتقاردىق، وسى ساۋدا تۇعىرى ارقىلى ىشكى ولكەلەردەگى ساۋداگەرلەردىڭ الىس ارالىقتان باعانى سۇراستىرۋىنا جانە شوعىرلى ساتىپ الۋىنا بولادى، شارۋالار دا اناعۇرلىم كوپ ساتۋ ورايىنا جانە ارناسىنا يە بولدى، ساپالى اۋىل شارۋاشىلىق ونىمدەرىن اناعۇرلىم جاقسى باعاعا ساتۋعا بولاتىن بولدى“. شينجياڭ جەمىس - جيدەك كاسىبى توبى جەمىس كاسىبى ءبولىمىنىڭ ورىنباسار باس ديرەكتورى جاي كاييۋان : سەرىكتەستىك الۋان ءدامدى جاڭعاق ءوندىرىس جەلىسىن، جاڭعاق ءدانىن ايىرىپ سارالاۋ جەلىسىن، سونداي - اق جاڭعاق ءدانىن ايىرۋدىڭ اۆتوماتتانعان ءوندىرىس جەلىسىن ەنگىزدى، بۇل جەمىس - جيدەكتى ءوز قالپىندا ساتۋدى نەگىز ەتكەن جالاڭ ۇلگىنى وزگەرتىپ، اۋىل شارۋاشىلىق ونىمدەرىنىڭ ۇستەمە قۇنىن اناعۇرلىم جوعارىلاتادى، - دەدى.

  ساۋدا ورتالىعى اقسۋ ايماعىنىڭ جاڭعاق، شىلان، الما، المۇرت كاسىبىنىڭ دامۋىنا دەم بەرۋدەن سىرت، تاعى وڭتۇستىك شينجياڭنىڭ باسقا دا ايماق، وبلىستارىنىڭ، اۋەلى، شيزاڭنىڭ الي سياقتى وڭىرلەرىنە دە ىقپال كورسەتەتىن بولادى.

  شينجياڭ جەمىس - جيدەك كاسىبى توبى 2018 - جىلى حوتان ايماعى، قاشقار ايماعى، تۇرپان قالاسى سياقتى جەمىس ورمانى نەگىزگى ءوندىرىس وڭىرلەرىنە شينجياڭ (اقسۋ) اۋىل شارۋاشىلىق ونىمدەرى ساۋدا ورتالىعىن قامتىعان شينجياڭ ءىشى قامباسىن، ساتىپ الۋدى، وڭدەۋدى، ساۋدالاۋدى شوعىرلى سەپتەۋ ورتالىعى نىسانىنان 7سىن جاڭادان قۇردى، ونىڭ جالپى قۇرىلىس اۋماعى ءبىر ميلليون 60 مىڭ شارشى مەترگە جەتەدى.

  ”9 - ايداعى شينجياڭنىڭ ەرەكشە اۋىل شارۋاشىلىق ونىمدەرى بازارىنىڭ كۇسەت مەزگىلىنە بارعاندا، شينجياڭ ىشىندەگى ساتىپ الۋ تورى نىسانى تۇگەلدەي جۇمىسقا تۇسەدى، مەجەمەن تۇتاس قامبانىڭ شارپۋ، دەم بەرۋ جانە ساۋدالاۋ، وڭدەۋ قۋاتى مەجەمەن 3 ميلليون توننادان اسادى“، - دەدى يۋان جىنتيڭ.

■ شينجياڭ سىرتىنداعى ساتۋ تورى جەدەل ورنالاستىرىلۋدا

  ”مەن شينجياڭنىڭ جەمىس - جيدەگىن جاقسى كورەمىن، ولاردىڭ ءار تۇرىنەن ساتىپ الىپ ۇيگە الىپ قايتۋعا اسىعىپ وتىرمىن“، - دەدى چاڭچۇن قالاسىنىڭ تۇرعىنى چي يان 6 - ايدىڭ 23 - كۇنى چاڭچۇن قالاسى ارداۋ رايونى ليڭدۇڭ جولىنداعى شينجياڭ جەمىس - جيدەك كاسىبى مەيجيا مەيگو الەۋمەتتىك اۋماعىنداعى دۇكەندە.

  سول كۇنى شينجياڭ جەمىس - جيدەك كاسىبىنىڭ 300 اۋىل شارۋاشىلىق ونىمدەرى الەۋمەتتىك اۋماق دۇكەنى جيلين ولكەسىنىڭ جەر - جەرىندە جۇمىس باستادى، ليڭدۇڭ جولى دۇكەنى سولاردىڭ بىرەۋى. دۇكەن قوجايىنى چىن يىحان: جۇمىس باستاعان 3 ساعاتتا، دۇكەن 300دەن استام الارمان قابىلدادى، تيجارات سوماسى 3000 نەشە يۋاننان استى، الدىڭعى كۇنى شينجياڭنان ءۇزىپ اۋە تاسىمالى ارقىلى اكەلىنگەن يىڭسار سامەت ورىگى دۇكەندەگى ەڭ ءوتىمدى ونىمگە اينالدى، - دەدى.

  300 الەۋمەتتىك اۋماق دۇكەنىنىڭ ىرگە تەۋىپ، جۇمىس باستاۋى شينجياڭ جەمىس - جيدەك كاسىبى توبىنىڭ جيلين ولكەسىن ورتالىق ەتىپ دۇڭبەي بازارىن شارپىعان شينجياڭ اۋىل شارۋاشىلىق ونىمدەرىن ساتۋ تورى جۇيەسى قۇرىلىسىندا باسقان العاشقى قادامى سانالادى.

  شينجياڭ جەمىس - جيدەك كاسىبى توبىنىڭ ورىنباسار باس ديرەكتورى ۋاڭ يۇيشان بىلاي دەدى: شىعىس سولتۇستىك ساتۋ تورى قۇرۋ ۇلگىسىندە ءبىرشاما جاڭالىق اشىپ، جيليننىڭ جەرگىلىكتى كاسىپورىندارىمەن سەلبەسۋ ارقىلى جاڭا سەرىكتەستىك قۇرىپ، قارسى جاقتىڭ دايىن دۇكەنىنىڭ، ساتۋ ارناسىنىڭ جانە مۇشەلەرىنىڭ، سونداي - اق جەمىس - جيدەك كاسىبى توبىنىڭ ەرەكشە كەپتىرىلگەن، جاس جەمىستەرمەن قامداۋ تىزبەگىنىڭ ابزالدىلىعىنا سۇيەنىپ، قۋاتتىلار مەن قۋاتتىلاردىڭ سەلبەسۋىن جۇزەگە اسىردى.

  دۇڭبەي ءوڭىرى − شينجياڭ جەمىس - جيدەك كاسىبى توبى شينجياڭ سىرتىنداعى ساتۋ تورىن ورنالاستىرعان 6 - ءىرى ءوڭىر. قازىرگە دەيىن، شينجياڭ جەمىس - جيدەك كاسىبى توبى ”ءوزى قۇرۋ + بىرىكتىرىپ ساتىپ الىپ قايتا قۇرۋ + ەرەكشە رۇقساتپەن تيجارات جۇرگىزۋ“ ۇلگىسى ارقىلى شينجياڭنىڭ ەرەكشە اۋىل شارۋاشىلىق ونىمدەرى الەۋمەتتىك اۋماق دۇكەندەرىن جەدەل ورنالاستىرىپ، ساۋدا دۇكەنىندەگى، ەرەن بازارداعى، ساتۋ الاڭى ارناۋلى رايونىن، ارناۋلى سورەسىن بەكەمدەپ دامىتىپ، وڭىرلەردەگى ساۋداگەرلەردى، سونداي - اق وداقتاس ساۋداگەرلەردى مولايتىپ، شينجياڭنىڭ اۋىل شارۋاشىلىق ونىمدەرىنىڭ ساتىلۋ ارناسى مەن تورىن كەڭەيتىپ، جەمىس ورمانى ونىمدەرىن نەگىز ەتكەن شينجياڭنىڭ ەرەكشە اۋىل شارۋاشىلىق ونىمدەرىنىڭ تەز قاداممەن بۇكىل ەلگە بەت الۋىنا مۇمكىندىك جاسادى.

  قازىرگە دەيىن شينجياڭ جەمىس - جيدەك كاسىبى توبى ىشكى ولكەلەردەگى قالالاردا الەۋمەتتىك اۋماق دۇكەندەرىنەن 976سىن قۇردى، 2122 ساۋدا دۇكەنىندەگى، ەرەن بازارداعى، ساتۋ الاڭى ارناۋلى رايونىن، ارناۋلى سورەسىن ساقتادى، بەكەمدەدى، تىڭنان اشتى، جۇڭگو مۇناي حيمياسىنىڭ يجيەسىنە، جۇڭگو مۇناي كۇنلۇن حاۋكى قولايلى دۇكەنىنە كىردى، 12 مىڭ شارشى مەتردەن استام كەلەتىن ۋحان، گۋاڭجوۋ، شي - ان ءبولۋ، تاڭداۋ، قامبادا ساقتاۋ زات اينالىمى ورتالىعىن قۇردى.

  ”تيانجين قالاسىن ورتالىق ەتكەن حۋابەي بازارى ساتۋ تورى قۇرىلىسىنا قازىر قاۋىرت دايىندىق جۇرگىزىلۋدە، ەڭ تەز بولعاندا، 8 - ايدا اياقتالادى“ دەدى ۋاڭ يۇيشان، بيىل جىل اياعىنا دەيىن، شينجياڭ سىرتىنداعى ساتۋ تورى تۇيىندەرى 3300دەن اسادى، جەكە الەۋمەتتىك اۋماق دۇكەندەرىنىڭ ءار جىلعى ورتاشا ساتۋ مولشەرى ءبىر ميلليون يۋاننان اسادى.

■ ”ينتەرنەت +“ ايگىلى ماركانىڭ دارەجەسىن جوعارىلاتۋدى ىلگەرىلەتتى

  6 - ايدىڭ 29 - كۇنى يىڭسار اۋداندىق حالىق ۇكىمەتىنىڭ شاندۇڭ جينيڭ قالاسىنىڭ شينجياڭعا كومەكتەسۋ قولباسشىلىق شتابىمەن، شينجياڭ جەمىس - جيدەك كاسىبى توبىمەن سەلبەسىپ وتكىزگەن ”باقىتتى يىڭسار. ورىگىڭ ءدامدى“ اتىنداعى بۇكىل ەلدە ارالاتىپ كورمەلەۋ قيمىلى جينيڭ قالاسىنا جەتتى.

  قيمىل الاڭىندا، جينيڭ قالاسىنىڭ تۇرعىندارى كۋايشان دۇكەنى، قۇلاقتاندىرۋ، كورمە سورەسى، بەينە - جازبالار ارقىلى يىڭسار ورىگىنىڭ ءوسۋ ورتاسى، ەگىلۋ بارىسى، ءونىم ەرەكشەلىگى، شارۋالاردىڭ حيكايالارى سياقتىلاردى ۇعىسۋىنا جانە سەزىنۋىنە، ونان دا كەرەمەتى، ورىك بالمۇزداعى قوناعاسىنان ءدام تاتۋىنا دا بولادى.

  يىڭسار ورىگى − شينجياڭ جەمىس - جيدەك كاسىبى توبىنىڭ شينجياڭنىڭ جاس ورىگىن توردا ساتۋدا تۇلعالاعان جاڭا مىسالى. ”ەكى تور“ قۇرىلىسىن تەز ىلگەرىلەتۋمەن بىرگە، شينجياڭ جەمىس - جيدەك كاسىبى توبى اۋىل شارۋاشىلىق ونىمدەرى ەلەكتروندىق ساۋداسىن دامىتۋدىڭ جاڭا كاسىپ قالىبىن بەلسەنە قاراستىرىپ، شينجياڭنىڭ ەرەكشە اۋىل شارۋاشىلىق ونىمدەرىنىڭ ينتەرنەت قاناتىن جالعاپ، ەلەكتروندىق ساۋدانىڭ ”قولايلى كولىگىمەن“ بۇكىل ەلگە بەت الۋىنا مۇمكىندىك جاسادى.

  شينجياڭ جەمىس - جيدەك كاسىبى توبى داتاڭ جىبەك جولى ەلەكتروندىق ساۋدا شەكتى سەرىكتەستىگىنىڭ اتقارۋشى جوراسى ياڭ يۇڭشياڭنىڭ تانىستىرۋىنشا، 2018 - جىلى شينجياڭ جەمىس - جيدەك كاسىبى توبى ىلگەرىندى - كەيىندى ”ورتالىق تەلەۆيزياسىنىڭ ايگىلى ماركا جوباسى“ قيمىلى، شينجياڭ اۋىل شارۋاشىلىق ونىمدەرى بەيجيڭ ساۋدا جينالىسى سياقتىلاردى ۇستىنە الىپ وتكىزىپ، قاتىناسىپ، تاۋباۋ، جيڭدۇڭ، يۇنجي سياقتى ەل ىشىندەگى ايگىلى ەلەكتروندىق ساۋدا ىستەرى تۇعىرلارىمەن سەلبەستىك جاساپ، شينجياڭ ەرەكشە اۋىل شارۋاشىلىق ونىمدەرىن ينتەرنەتتە تانىستىرۋ قيمىلىن 6 رەت وتكىزىپ، يىڭسار سامەت ورىگى، اقسۋ الماسى، كورلا المۇرتى، قاعىلىق جاڭعاعى، حوتان شىلانى سياقتى جيىنى 60 نەشە توپتاعى، 250 نەشە ءتۇرلى تاۋاردى جەلىدە تانىستىرىپ ساتقان.

  ”مۇنىڭ ىشىندە اۋىزعا الۋعا تاتيتىنى، ءبىزدىڭ اليبابا توبىمەن سەلبەسكەن ’شينجياڭنان ەڭ ءدامدىنى ىزەۋ‘ اتىنداعى ينتەرنەتتە ساتۋ قيمىلىمىز 15 اۋدان وڭىرىندەگى (مۇنىڭ ىشىندە 4ى كەدەي اۋدان) اۋىل شارۋاشىلىعى ونىمدەرىنىڭ بازارعا كىرۋىنە تۇرتكى بولىپ، اۋىل شارۋاشىلىعى ونىمدەرىنەن 700 مىڭ داناسىن ساتۋدى جۇزەگە اسىردى، ساتىلۋ سوماسى 50 ميلليون يۋاننان استى“، - دەدى ياڭ يۇڭشياڭ.

  بۇدان سىرت، شينجياڭ جەمىس - جيدەك كاسىبى توبى داتاڭ جىبەك جولى شەكتى سەرىكتەستىگى تاعى جيڭدۇڭمەن سەلبەسىپ ”جاقسى زات . شينجياڭنان“ قيمىلىن وتكىزىپ، جيڭدۇڭ − شينجياڭ كەدەيلەردى سۇيەمەلدەۋ سارايىن قۇرىپ، 25 اۋدان وڭىرىندەگى اۋىل شارۋاشىلىق ونىمدەرىنىڭ جانە ۇلتتىق قولونەر بۇيىمدارىنىڭ بازارعا كىرۋىنە تۇرتكى بولدى؛ حۋانچيۋ بۋشوۋمەن سەلبەسكەن ”جۇڭگو اتىزى . شينجياڭنىڭ ءتاتتىسى“ قيمىلى شينجياڭنىڭ اۋىل شارۋاشىلىق ونىمدەرىن الەۋمەتتىك جەلىدەگى ەلەكتروندىق ساۋدادا جاڭا بولشەك ساتۋ ۇلگىسىن ىلگەرىلەتتى، وندا الما، المۇرت، شىلان، جاڭعاق، مەيىز سياقتىلاردان جالپى 110 مىڭ قوراپ ساتىلدى.

  ياڭ يۇڭشياڭ مىنالاردى ءبىلدىردى: داتاڭ جىبەك جولى ەلەكتروندىق ساۋدا شەكتى سەرىكتەستىگى ەل ىشىندەگى ءىرى ەلەكتروندىق ساۋدا تۇعىرلارىمەن ۇزدىكسىز سەلبەسىپ، ءىرى كولەمدى ەلەكتروندىق ساۋدا تانىستىرۋ قيمىلدارىن ورىستەتىپ، شينجياڭنىڭ ەگىن، مال شارۋاشىلىق ونىمدەرىنىڭ جاسىل، ەكولوگيالىق، ورگانيكالىق ايگىلى ماركالارىنىڭ اتاعىن شىعارىپ، شينجياڭنىڭ اۋىل شارۋاشىلىق ونىمدەرىنىڭ وڭىرلەردەگى جالپىلىق ايگىلى ماركاسىن، كوپ ءتۇرلى ونىمدەر ايگىلى ماركاسىن، ەرەكشە اۋىل شارۋاشىلىق ونىمدەرى ايگىلى ماركاسىن جانە كاسىپورىن ايگىلى ماركاسىن وزەك ەتكەن اۋىل شارۋاشىلىق ايگىلى ماركالارى جاعدايىنىڭ تەز قالىپتاسۋىن جەبەيدى.

جاۋاپتى رەداكتور: ءاننا اكىمقان قىزى
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى