اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ بولعاريانىڭ پرەزيدەنتى رادەۆپەن كەڭەس وتكىزدى

  

  «حالىق گازەتى»، 7 - ايدىڭ 3 - كۇنى، بەيجيڭ (ءتىلشى ۋاڭ دي). مەملەكەت ءتوراعاسى شي جينپيڭ 7 - ايدىڭ 3 - كۇنى حالىق سارايىندا بولعاريانىڭ پرەزيدەنتى رادەۆپەن كەڭەس وتكىزدى. ەكى ەل باسشىلارى ەكى ەل قاتىناسىن ستراتەگيالىق ارىپتەستىك قاتىناس دەڭگەيىنە كوتەرۋدى ءبىر اۋىزدان ۇيعاردى.

  شي جينپيڭ مىنالاردى اتاپ كورسەتتى: بولعاريا − جاڭا جۇڭگومەن ەڭ ەرتە ديپلوماتيالىق قاتىناس ورناتقان ەلدەردىڭ ءبىرى. ەكى ەل ديپلوماتيالىق قاتىناس ورناتقان 70 جىلدان بەرى ءداستۇرلى دوستىققا مۇراگەرلىك ەتتى جانە ونى ساۋلەلەندىردى. ەكى جاقتىڭ ەكى ەل قاتىناسىن ستراتەگيالىق ارىپتەستىك قاتىناسقا جوعارىلاتۋدى تىڭ باستاما ەتىپ، حالىقارالىق اۋمالى - توكپەلى جاعدايدىڭ سىنىنا قول ۇستاسا توتەپ بەرىپ، جۇڭگو مەن بولعاريانىڭ دوستىعىنا تىڭ مازمۇن قوسىپ، جۇڭگو مەن بولعاريانىڭ سەلبەستىگىنە تىڭ قوزعاۋشى كۇش قوسۋىن ءۇمىت ەتەمىن.

 شي جينپيڭ مىنالاردى دارىپتەدى: ەكى جاق ءبىرىن - ءبىرى قۇرمەتتەپ، ءبىر - بىرىنە سەنىم ارتىپ، ۇكىمەت، زاڭ شىعارۋ قۇرىلىمى، پارتيا سياقتى جاقتارداعى بارىس - كەلىستى كۇشەيتىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءبىر - بىرىنە ۇزدىكسىز باتىل قولداۋ كورسەتۋى كەرەك. ەكى ەلدىڭ حالىقارالىق جاعداي جونىنەن كوپتەگەن ۇقساستىعى نەمەسە ۇقساس كوزقاراستارى بار، كوپ جاقتىلىقتى جانە حالىقارالىق زاڭدى نەگىز ەتكەن حالىقارالىق جۇيەنى بىرگە قورعاۋ كەرەك. بولعاريا − جۇڭگومەن «ءبىر بەلدەۋ، ءبىر جولدى» بىرگە قۇرۋ ۇكىمەت ارالىق سەلبەستىك قۇجاتىنا ەڭ ەرتە قول قويعان ورتا، شىعىس ەۆروپا ەلدەرىنىڭ ءبىرى، جۇڭگو بولعاريامەن دامۋ ستراتەگياسىن ۇشتاستىرۋدى كۇشەيتىپ، نەگىزدىك قۇرىلعىلاردىڭ ءوزارا بايلانىسىن جەبەپ، ساۋدا، قارجى قوسۋ كولەمىن كەڭەيتىپ، گۋمانيتارلىق اۋىس - كۇيىستى جيىلەتىپ، ءداستۇرلى دوستىقتى ساۋلەلەندىرۋدى قالايدى.

جاۋاپتى رەداكتور: ءاننا اكىمقان قىزى
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى