اعاجاي-التاي تورابى   ›   زاڭ-تارازى   ›   عىلىمي ماقالالار

ۋ گوجاڭ: ىستىق قانىن مەملەكەتتى قورعاۋعا ارنادى

  ۋ گوجاڭنىڭ سۋرەتى. شينحۋا اگەنتتىگى تاراتقان (سۋرەتتى شىنياڭ امەريكا جيانگەرلىگىنە قارسى تۇرىپ، چاۋشيانعا كومەكتەسۋ قۇرباندار قابىرستانى قامداعان)

  شينحۋا اگەنتتىگىنىڭ 6 - ايدىڭ 27 - كۇنى حىفەيدەن بەرگەن حابارى (ءتىلشى باۋ شياۋچيڭ). انحۇي ولكەسى جينجاي اۋدانىنىڭ تاڭجياحۇي قالاشىعى انحۇي ولكەسىنىڭ باتىس جاق جيەگىنە، دابيەشان تاۋى قويناۋىنا، مەملەكەت دارەجەلى گەولوگيالىق باقشا جينگاڭتاي باۋرايىنا ورنالاسقان. بۇل ارانىڭ ورمانى بىتىك، بايلىعى مول، جۇڭگوشا دارىگەرلىك ءدارى ماتەريالى مولىنان شىعاتىندىقتان، جينجايداعى ”شيشان ءدارى قويماسى“ اتانعان جەر. توڭكەرىستىك سوعىس جىلدارى تاڭجياحۇي قالاشىعى − حۋبەي، حىنان، انحۇي توڭكەرىستىك بازاسىنداعى وزەكتى ءوڭىر بولعان، وسى قىزىل وڭىردە كوپتەگەن داڭقتى تاريح جانە توڭكەرىستىك جۇرناقتار قالعان. امەريكا جيانگەرلىگىنە قارسى تۇرىپ، چاۋشيانعا كومەكتەسۋ سوعىسىندا قازا بولعان جۇڭگو حالىق ەرىكتىلەر ارمياسى 39 - كورپۋسىنىڭ ورىنباسار باستىعى ۋ گوجاڭ قاھارماننىڭ اتا مەكەنى دە وسى ارادا.

  ۋ گوجاڭ، 1918 - جىلى انحۇي ولكەسىنىڭ جينجاي اۋدانىندا دۇنيەگە كەلگەن. وتباسى كەدەي بولعاندىقتان، بالا كەزىندە جاردەمشى بولعان، قايىرشى دا بولعان، 7 جاسىندا اتىزعا بارىپ جۇمىس ىستەپ، 9 جاسىندا جەر يەسىنىڭ سيىرىن باعىپ، ۇنەمى تاياق جەپ، اش - جالاڭاش ازاپتى كۇندى باستان كەشىرەدى. 1929 - جىلى شاڭنان وڭىرىندە (بۇگىنگى جينجاي اۋدانى شەكاراسىندا) ديقاندار توڭكەرىستىك قوزعالىسى دابىرالى ورىستەتىلەدى، ۋ گوجاڭ دا بالالار تۋانىنا قاتىناسىپ، بالالاردى توپتاسىپ ەرەۋىل جاساۋعا ۇيىمداستىرىپ، سوۆەتتىك ۇكىمەتتىڭ ساياساتتارى مەن قۋاتتامالارىن ۇگىتتەيدى؛ بالالار تۋانىنداعى مۇشەلەردى باستاپ قاراۋىلعا شىعىپ، جاسانىپ الىپ، جاۋ جاعدايىن بارلاپ، قىزىل ارمياعا، پارتيزاندار اترەتىنە جانە سوۆەتتىك ۇكىمەتكە مالىمەت جەتكىزىپ تۇرادى؛ قىزىل ارميا وتباسىنداعىلارعا وتىن جارىپ، سۋ تاسىپ بەرەدى.

  1930 - جىلى 10 - ايدا ۋ گوجاڭ جۇڭگو جۇمىسشى - ديقان قىزىل ارمياسىنا قاتىناسادى، 1932 - جىلى 12 - ايدا جۇڭگو كوممۋنيستىك جاستار وداعىنا مۇشە بولادى. 1934 - جىلى قىزىل 25 - ارمياعا ىلەسىپ ۇزاق جورىققا قاتىناسادى. جول بويى ەكى اياعى اۋىر دارەجەدە ۇسىنەدى، ول اسقان قايسارلىقپەن تاباندى تۇردە جورىق جاساپ، شايقاس جۇرگىزىپ، سولتۇستىك شانشيگە جەتىپ، ”ۇزاق جورىقتاعى كىشكەنتاي قاھارمان“ اتانادى. 1935 - جىلى 12 - ايدا جۇڭگو كوممۋنيستىك پارتياسىنا مۇشە بولادى.

  1937 - جىلى بۇكىل ەلىمىزدە جاپون شاپقىنشىلارىنا قارسى سوعىس بۇرق ەتە تۇسكەننەن كەيىن، ۋ گوجاڭ پارتيزاندار اترەتىن باستاپ سانشيگە جول تارتىپ، جاۋ ارتقى شەبىندە پارتيزاندىق سوعىس جۇرگىزەدى، كەيىن حىبەي، شاندۇڭ، حىنان اسكەري رايونىنا بارىپ مىندەت وتەپ، ىلگەرىندى - كەيىندى يىڭجاڭ، تۋان ساياسي ءبولىمىنىڭ مەڭگەرۋشىسى، تۋانجاڭ بولادى، قوسىن باستاپ، جاپون شاپقىنشىلارىنىڭ سان رەتكى ”الاستاۋىن“، ”تازالاۋىن“ تالقانداپ، ”جەڭىمپاز ۋ تۋانجاڭ“ اتانادى، حىبەي، شاندۇڭ، حىنان اسكەري رايونى وعان ”شايقاس ۇلگىسى“ دەگەن داڭقتى اتاق بەرەدى.

  1945 - جىلى 9 - ايدا ۋ گوجاڭ بۇيرىق بويىنشا شاندۇڭنىڭ حىزى دەگەن جەرىنەن اتتانىپ، شىعىس سولتۇستىككە شەرۋ تارتادى، ىلگەرىندى - كەيىندى شىعىس سولتۇستىك دەموكراتيالىق بىرىككەن ارمياسى 2 - زۇڭدۇيى 5 - شىسىنىڭ سانموۋجاڭى، شىجاڭى بولىپ، چاڭچۇن توسقاۋىلداپ سوققىلاۋ شايقاسى، داۋا قايتارما سوققى بەرۋ شايقاسى، كاۋشانتۇن مەن داحيلينزىداعى 3 رەتكى قۋالاي سوققىلاپ جويۋ شايقاسى، چاڭتۋ قامال الۋ شايقاسى سياقتى 10 نەشە رەتكى شايقاسقا قاتىناسادى، كەيىن لياۋشىن شايقاسى، پيڭجين شايقاسى، حىڭباۋ شايقاسى سياقتى شايقاستارعا قاتىناسادى.

  1950 - جىلى ۋ گوجاڭ جۇڭگو حالىق ەرىكتىلەر ارمياسىنا قاتىناسىپ، ەرىكتىلەر ارمياسى 39 - كورپۋسىنىڭ ورىنباسار باستىعى بولادى. 3 - ، 4 - ، 5 - رەتكى شايقاستارعا قاتىناسادى. 1951 - جىلى 10 - ايدا امەريكا ارمياسى قالىڭ ۇشاقتى شوعىرلاندىرىپ، ەرىكتىلەر ارمياسى شەبىن سۇراپىل بومبىلايدى، ۋ گوجاڭعا الدىڭعى شەپتە بومبى وعى پارشاسى ءتيىپ اۋىر جارالانىپ، باقىتقا قارسى نەبارى 33 جاسىندا قۇربان بولادى.

  ۋ گوجاڭ قۇربان بولعاننان كەيىن، ونىڭ جان قالتاسىنان قانعا بويالعان ەسەپ قاعازى شىعادى، ەسەپ قاعازىنا ەرىكتىلەر ارمياسى ارتقى شەپ بولىمىنەن قارىزعا العان 100 يۋاننىڭ جۇمسالۋ جاعدايى انىق جازىلعان؛ ساقا قولباسشىلارعا امانداسا بارۋ، راديو رەمونتتاۋ، قورعاۋشىلار مەن شوفەرلەر ناۋقاستانىپ شيپاحاناعا جاتقان كەزدە بەرىلگەن كومەك قاراجات سياقتىلاردىڭ ءبىر تيىنى دا قالدىرىلماي اشىق جازىلعان. قازىر يالۋجياڭ وزەنى جاعاسىنا ورنالاسقان امەريكا جيانگەرلىگىنە قارسى تۇرىپ، چاۋشيانعا كومەكتەسۋ ەسكەرتكىش سارايىندا، قانمەن بويالعان وسى ەسەپ قاعازى ءالى كورمەدە تۇر، سونداي - اق ۋ گوجاڭنىڭ كادىرلىق ءومىر بايان كەستەسى، اسكەري ءبولىمنىڭ ۋ گوجاڭنىڭ وتباسىنا بەرگەن ”قۇربان“ دەپ تانۋ ۇقتىرۋى سياقتى باعالى بۇيىمدار ءالى كۇنگە دەيىن ساقتاۋلى.

  قۇرباننىڭ اۋىلىندا، ءار جىلى كوكەك گۇلى شەشەك اتىپ دابيەشان تاۋىن كومكەرگەن چيڭميڭ كەزىندە، جەرگىلىكتى ورىنداعى كادرلار، وقۋشىلار جانە اۋىلداستار وزدىكتەرىنەن قۇرباندار قابىرستانىنا كەلىپ، ۋ گوجاڭ قاتارلى قۇربانداردى ساعىنىشپەن ەسكە الادى، قۇربانداردىڭ رۋحى دابيەشاندىقتارمەن تامىرلاسىپ ۇرپاقتان - ۇرپاققا جالعاسىپ جاتىر.

جاۋاپتى رەداكتور: ءاننا اكىمقان قىزى
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى