اعاجاي-التاي تورابى   ›   زاڭ-تارازى   ›   عىلىمي ماقالالار

يۇن باۋشان: وزگەلەردى قۇتقارۋ جولىندا ءوزىن ارناعان، امەريكا جيانگەرلىگىنە قارسى تۇرىپ، چاۋشيانعا كومەكتەسكەن دارىگەر

يۇن باۋشاننىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ 6 - ايدىڭ 26 - كۇنى جىڭجوۋدان بەرگەن حابارى (ءتىلشى جاڭ حاۋران). جۇڭگو حالىق توڭكەرىستىك اسكەري ىستەر مۇراجايىندا جاي كوزگە قاراپايىم كورىنەتىن اسكەري سۋ تورسىق قويىلعان، بۇل سۋ تورسىقتىڭ يەسى كەزىندە ەرىكتىلەر ارمياسىندا دارىگەر مىندەتىن ارقالاعان يۇن باۋشان قۇربان بولاتىن. ول اۋىر جارالانسا دا سوعىس مايدانىندا جارالانعانداردى ەمدەپ قۇتقارىپ، سۋ تورسىعىنداعى اۋىرعاندى باساتىن شۇعىل قۇتقارۋ سۋىمەن ولاردىڭ اۋرۋ ازابىن جەڭىلدەتىپ، قۇربان بولعانعا دەيىن ءبىر تامشى سۋدى ىشۋگە قيمايدى. كورمەگە قويىلعان ونىڭ ارتىندا قالعان زاتتارىن ەكسكۋرسيالاعان نەمەسە ونىڭ ەرلىك ىزگى ىستەرىن ەستىگەن ادامداردىڭ بارلىعى شىن جۇرەكتەن قۇرمەت بىلدىرەدى.

  يۇن باۋشان 1930 - جىلى حىنان ولكەسى انياڭ قالاسى دۇڭجياۋ اۋىلىنداعى كەدەي شارۋا وتباسىندا دۇنيەگە كەلگەن. 1949 - جىلى جۇڭگو حالىق ازاتتىق ارمياسىنا قاتىناسادى، 1951 - جىلى كوممۋنيستىك جاستار وداعىنا مۇشە بولادى. 1950 - جىلى 10 - ايدا جۇڭگو حالىق ەرىكتىلەر ارمياسىنا قاتىناسىپ، چاۋشيانعا بارىپ شايقاس جۇرگىزەدى، 1 - ، 2 - ، 3 - ، 4 - رەتكى شايقاستارعا جانە 1951 - جىلعى جاز، كۇز كەزىندەگى شەپ قورعانىس شايقاسىنا قاتىناسادى، دارىگەرلىك مىندەتىن ارقالاعان ول تالاي رەت بوراعان وققا قاراماي ەرلىكپەن جارالىلاردى قۇتقارادى.

  1951 - جىلى 9 - ايدىڭ 7 - كۇنى يۇن باۋشان تۇرعان قوسىن بۇيرىق بويىنشا چاۋشيان جياڭيۋانداۋ تيەيۋانجۇن جۇڭماشان تاۋىنا شابۋىل جاسايدى، يۇن باۋشان ەكپىندىلەر پايىنە ىلەسىپ ارەكەت جاسايدى. جارالىلاردى قۇتقارۋ بارىسىندا ونىڭ بىلەگى، اياعى ىركەس - تىركەس جارالانادى، ورىنباسار ليانجاڭ وعان شەگىنىپ بارىپ دەمالۋدى ايتادى، ول: ”مەن دارىگەرمىن، الدىڭعى شەپ مەنى قاجەت ەتەدى“، - دەيدى. سوعىس شەبىنەن شەگىنبەي تابانداپ تۇرادى. جارالىلاردى قۇتقارۋ كەزىندە قۇرساق ءبولىمى تاعى دا اۋىر جارالانىپ، ىشەگى شۇباتىلىپ شىعىپ كەتسە دە ول اۋرۋعا شىداپ تۇرىپ ىشەگىن قۇرساعىنا قايتا سالىپ، ءبىر قولىمەن قۇرساعىن باسىپ، ءبىر قولىنا شۇعىل كومەك كورسەتۋ سۋ تورسىعىن الىپ، ماشاقاتپەن الدىعا قاراي ورمەلەيدى. سۋ تورسىعىن وق تەسىپ كەتىپ، تۇبىندە قالعان اۋىرعاندى باساتىن شۇعىل قۇتقارۋ سۋىن ىشۋگە قيماي، جاۋىنگەر سەرىكتەرىنە قالدىرادى. ول شىداتپاي اۋىرعانىنا قاراماي، تاۋعا ورمەلەپ شىعىپ، تاعى دا 3 جارالىنى قۇتقارادى. اقىرىندا اۋىر جارالانعاندىقتان، نەبارى 21 جاسىندا قۇربان بولادى.

  يۇن باۋشان قۇربان بولعاننان كەيىن، ونىڭ كوزى ءتىرى كەزىندەگى ارمانىنا ساي، 1951 - جىلى 12 - ايدىڭ 2 - كۇنى ول تۇرعان اسكەري قوسىن پارتكومى ونى ”جۇڭگو كوممۋنيستىك پارتياسىنىڭ مۇشەسى“ دەپ تانيدى. 1952 - جىلى 6 - ايدىڭ 25 - كۇنى جۇڭگو حالىق ەرىكتىلەر ارمياسىنىڭ باسشىلىق ورگانى يۇن باۋشانعا ەرەكشە دارەجەلى ەڭبەكتى تولىقتاپ جازىپ، ”ءبىرىنشى دارەجەلى قاھارمان“ اتاعىن تولىقتاپ بەرەدى. چاۋشيان دەموكراتيالىق حالىق رەسپۋبليكاسى ەڭ جوعارى حالىق كەڭەسى تۇراقتى كوميتەتى وعان ءبىرىنشى دارەجەلى جاۋىنگەر داڭق وردەنىن تولىقتاپ بەرەدى.

  جۇڭگو كوممۋنيستىك پارتياسى انياڭ قالالىق كوميتەتى پارتيا تاريحىن زەرتتەۋ كەڭسەسىنىڭ مەڭگەرۋشىسى فان شۋيۇن بىلاي دەدى: ”يۇن باۋشان قۇربان جۇڭگو حالىق ەرىكتىلەر ارمياسىنان شىققان ءبىرىنشى دارەجەلى قاھارمان، انياڭ حالقىنىڭ ماقتانىشى. ونىڭ وتان ءۇشىن، حالىق ءۇشىن قىزمەتكە ادال، قاھارمان دا قايسار، وزگەلەر ءۇشىن ءوزىن ارناپ، قۇربان بەرۋدەن قورىقپايتىن رۋحى ءبىزدىڭ ماڭگى ۇيرەنۋىمىزگە تاتيدى. ونىڭ ەرلىك ەسىمى مەن ىزگى ىستەرى تەك جۇڭگو - چاۋشيان ەكى ەلدىڭ مەملەكەت تاريحىندا، اسكەري ىستەر تاريحىندا عانا ەستەلىككە الىنباستان، اسىرەسە، بەيبىتشىلىكتى قىزۋ سۇيەتىن حالىق جۇرەگىندە ماڭگى ساقتالادى“.

جاۋاپتى رەداكتور: ءاننا اكىمقان قىزى
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى
  • شي جينپيڭ امەريكانىڭ زۇڭتۇڭى ترامپپەن ءديدارلاستى