اعاجاي-التاي تورابى   ›   زاڭ-تارازى   ›   عىلىمي ماقالالار

جوۋ حوۋگاڭ: قۇرىش باتىر سومداعان ”قاھارماندىق قامال“

جوۋ حوۋگاڭنىڭ سۋرەتى. شينحۋا اگەنتتىگى تاراتقان (داندۇڭ امەريكا جيانگەرلىگىنە قارسى تۇرىپ، چاۋشيانعا كومەكتەسۋ ەسكەرتكىش سارايى بەرگەن)

  شينحۋا اگەنتتىگىنىڭ 6 - ايدىڭ 23 - كۇنى جيناننان بەرگەن حابارى (ءتىلشى ۋاڭ ياڭ). باقباق گۇلى جايقالا اشىلعان مەزگىلدە، ءتىلشى شاندۇڭ ولكەسى رۇڭچىڭ قالاسى نيڭجين ءمالىسى نانگاڭتوۋ قىستاعىنا باردى، قىستاقتىڭ ورتاسىنداعى ”جوۋ فاميليالىلار شاڭىراعى تاۋاپحاناسى“نىڭ كورنەكتى ورنىنا ”جۇڭگو حالىق ەرىكتىلەر ارمياسىنىڭ ءبىرىنشى دارەجەلى سوعىس قاھارمانى“ جوۋ حوۋگاڭ قۇرباننىڭ سۋرەتى مەن ىزگى ىستەرى كورسەتىلىپتى. ءار رەت چيڭميڭ نەمەسە ەلەۋلى مەرەكە كەزدەرىندە، جەرگىلىكتى ورىنداعى پيونەرلەر، كادرلار مەن بۇقارا وسى جەرگە كەلىپ گۇل ارناپ ەسكە الىپ ازا بىلدىرەدى.

  1924 - جىلى كوكتەمدە جوۋ حوۋگاڭ نانگاڭتوۋ قىستاعىنداعى ءبىر كەدەي شارۋا وتباسىندا دۇنيەگە كەلگەن، 1946 - جىلى 9 - ايدا ازاتتىق ارمياعا قاتىناسقان. سول جىلى 12 - ايدا جۇڭگو كوممۋنيستىك پارتياسىنا مۇشە بولعان. 1950 - جىلى 10 - ايدا جۇڭگو حالىق ەرىكتىلەر ارمياسىنا قاتىناسىپ، ەرىكتىلەر ارمياسى 20 - كورپۋس 59 - شى 176 - تۋان 5 - ليانىنىڭ ليانجاڭى بولعان.

  چاۋشيانعا كىرگەننەن كەيىن، جوۋ حوۋگاڭ 2 - ، 4 - ، 5 - رەتكى شايقاستارعا جانە 1951 - جىلعى شەپ قورعانىسى شايقاسىنا قاتىناسادى، اسىرەسە، 1951 - جىلى 6 - ايداعى 785 - بيىك جەردى قورعاۋ شايقاسىندا ول پاراساتتىلىقپەن جانە ەرلىكپەن بۇكىل لياننىڭ شەپتى بەرىك ساقتاۋ، باۋىرلاس قوسىنداردىڭ قورعانىس اۋىستىرۋىن قورعاۋ مىندەتىن جەڭىسپەن ورىنداۋىنا قولباسشىلىق ەتەدى.

  785 - بيىك جەردىڭ تياناق ەتەر جەرى جوق بولاتىن، توسقاۋىلداپ سوققىلاۋدىڭ قيىندىعى ايتپاسا دا تۇسىنىكتى. 1951 - جىلى 6 - ايدىڭ 15 - كۇنى تۇندە جوۋ حوۋگاڭ تۇتاس ليانداعى 170تەن استام جاۋىنگەردى باستاپ 785 - بيىك جەرگە كىرىپ، ”وت كۇشىنىڭ الدى كۇشتى ارتى باسەڭ، اسكەر كۇشىنىڭ الدى باسەڭ ارتى كۇشتى“ بولۋ سىندى شەپ ورنالاستىرادى ءارى ”از كۇشپەن كوپ جاۋدى جەڭۋ، قويان قولتىق شايقاس ءتاسىلىن قولدانۋ، جاۋدىڭ كۇشىن تۇبەگەيلى جويۋ، 785 - بيىك جەردى بەرىك ساقتاۋ“ سىندى شايقاس جاساۋ جوسپارىن تۇراقتاندىرادى.

  16 - كۇنى جاۋ شابۋىل باستاپ، 785 - بيىك جەردى جاپپاي بومبىلايدى. وسىدان كەيىن ءۇش جاقتان كەزەكپەن قاتتى شابۋىل جاسايدى. جاۋدىڭ كۇن - ءتۇن دەمەي جاساعان كۇشتى شابۋىلى الدىندا، جوۋ حوۋگاڭ تۇتاس ليانداعى جاۋىنگەرلەرگە قولباسشىلىق ەتىپ، بەكىنىس، وردان پايدالانىپ سالماقتىلىقپەن قارسى شايقاسىپ، قويان قولتىق شايقاسپەن قايتارما شابۋىل جاساپ، جاۋدىڭ تالاي رەتكى شابۋىلىن تويتارادى.

  ۇزاق شابۋىلدان ناتيجە شىعارا الماعان جاۋ 3 اۋىر زەڭبىرەك ليانىن اكەلىپ، 3 - 4 ساعات توقتاۋسىز اتقىلايدى، سان مىڭداعان زەڭبىرەك وعى 785 - بيىك جەردى ءورت تەڭىزىنە اينالدىرادى. جاۋدىڭ اۋىر قارۋ باسىمدىعى الدىندا 785 - بيىك جەردى بەرىك ساقتاۋ ءۇشىن، ءسوز جوق، جاۋدىڭ زەڭبىرەك شوعىرىن كۇيرەتۋ كەرەك. الايدا 5 - لياننىڭ نە بارى 5 شاعىن زەڭبىرەگى عانا بار بولاتىن. جوۋ حوۋگاڭ زەڭبىرەكشىلەرمەن بىرگە جاۋدى جويىپ جەڭىسكە جەتۋدىڭ امالىن اقىلداسادى − زەڭبىرەك سوعىسىندا ۋ - شۋ كوپ، ءبىزدىڭ شاعىن زەڭبىرەكتەرىمىز وڭاي كوزگە تۇسپەيدى، جاۋدىڭ زەڭبىرەك اتقان ورايىنان پايدالانىپ جاۋ زەڭبىرەكتەرى تۇرعان نىسانانى مەجەلەپ الىپ، 5 شاعىن زەڭبىرەكپەن ءبىر ۋاقىتتا اتقىلاپ وت كۇشى ىرىقتىلىعىن قولعا كەلتىرۋ. بۇل ءادىس، شىنىمەن، ونىمدىلىك كورسەتىپ، جاۋدىڭ ۇلكەن زەڭبىرەكتەرىنىڭ ءۇنى وشەدى.

  جوۋ حوۋگاڭ پاراساتتىلىقپەن جانە باتىرلىقپەن تۇتاس ليانداعى جاۋىنگەرلەرگە قولباسشىلىق ەتىپ 8 تاۋلىك شايقاس جۇرگىزىپ، جاۋدىڭ كۇشتى زەڭبىرەكتەرىنىڭ قورعاۋىندا جاساعان 40 رەتتەن استام شابۋىلىن تالقانداپ، 605 جاۋ اسكەرىنىڭ كوزىن جويىپ، 785 - بيىك جەردى بەرىك ساقتاپ، جوعارى جاق تاپسىرعان مىندەتتى جەڭىسپەن ورىندايدى.

  6 - ايدىڭ 26 - كۇنى 5 - ليان بۇيرىق بويىنشا 785 - بيىك جەردەن شەگىنىپ شىعادى. شەپتەن شەگىنىپ مينا كومىپ جاتقاندا جوۋ حوۋگاڭ باقىتقا قارسى قۇربان بولادى، ول كەزدە ول نەبارى 27 جاستا بولاتىن. ونىڭ ەڭبەگىن ماداقتاۋ ءۇشىن، جۇڭگو حالىق ەرىكتىلەر ارمياسى وعان ەرەكشە دارەجەلى ەڭبەكتى تولىقتاپ جازى−پ، ”ءبىرىنشى دارەجەلى سوعىس قاھارمانى“ اتاعىن بەرەدى. جوۋ حوۋگاڭ كوزى تىرىسىندە قولباسشىلىق ەتكەن 5 - ليان دا كوللەكتيۆ ءبىرىنشى دارەجەلى ەڭبەك كورسەتەدى.

  جوۋ حوۋگاڭنىڭ نەمەرە باۋىرى جوۋ چاڭفا بىلاي دەدى: جوۋ حوۋگاڭ قۇربان نانگاڭتوۋ قىستاعى تۇرعىندارىنىڭ ماقتانىشى ءارى جۇڭحۋا ۇلتىنىڭ ماقتانىشى. ءبىز بۇگىنگى وڭاي - وسپاق قولعا كەلمەگەن باقىتتى تۇرمىستى قاستەرلەپ، جوۋ حوۋگاڭنىڭ قاھارماندىق رۋحىن جالعاستىرىپ، مەكەندى جاقسى گۇلدەندىرىپ، مەملەكەت پەن قوعام ءۇشىن ءوز كۇشىمىزدى قوسۋىمىز كەرەك.

جاۋاپتى رەداكتور: ءاننا اكىمقان قىزى
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى
  • شي جينپيڭ امەريكانىڭ زۇڭتۇڭى ترامپپەن ءديدارلاستى