اعاجاي-التاي تورابى   ›   زاڭ-تارازى   ›   عىلىمي ماقالالار

”زەڭبىرەك مايتالمانى“ ۋاڭ حىڭ: زەڭبىرەك وعىنا كوز ءبىتىردى

ۋاڭ حىڭنىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ 6 - ايدىڭ 24 - كۇنى شىجياجۋاڭنان بەرگەن حابارى (ءتىلشى ۋاڭ مين). بيىل 77 جاسقا كەلگەن ۋاڭ دىساي ۋاڭ حىڭ قۇرباننىڭ نەمەرە باۋىرى. قارت قوس قولى دىرىلدەپ تۇرىپ ۋاڭ حىڭنىڭ كونە سۋرەتىن الىپ شىعىپ، جانارى ىستىق جاسقا تولىپ تۇرىپ بىلاي دەدى: ”مەنىڭ بەسىنشى اعايىم ءبىلىمدى، سان سوعىستى باستان كەشكەن، سوعىستاعى ەرلىگى جۇرتتان اسقان، ول ءبىزدىڭ اۋلەتىمىزدىڭ ماقتانىشى“.

  ۋاڭ حىڭ، تاعى ءبىر اتى ۋاڭ حاۋفۋ، 1912 - جىلى 3 - ايدىڭ 5 - كۇنى حىبەيدىڭ رىنچيۋ قالاسى شينجۇڭي قالاشىعى بەيشينجۇڭي قىستاعىنداعى ءبىر كەدەي شارۋا وتباسىندا دۇنيەگە كەلگەن. 1930 - جىلى ۋاڭ حىڭ شىعىس سولتۇستىڭ جياڭۋتاڭنان وقۋ ءبىتىرىپ، شىعىس سولتۇستىك ارمياسىنا قاتىناسادى. 18 - قىركۇيەك وقيعاسىنان كەيىن، شىعىس حىبەيعا بارىپ اماندىق قورعاۋ اترەتىندە بولىمشە اترەت باستىعى مىندەتىن ارقالايدى.

  1937 - جىلى بۇكىل مەملەكەتتە جاپون شاپقىنشىلارىنا قارسى سوعىس باستالعان سوڭ، ۋاڭ حىڭ شىعىس حىبەي اماندىق قورعاۋ اترەتىنىڭ كوتەرىلىسىنە قاتىناسادى ءارى 1938 - جىلى 3 - ايدا 8 - ارمياعا قاتىناسادى، سول جىلى جۇڭگو كوممۋنيستىك پارتياسىنا مۇشە بولادى. 8 - ارميانىڭ يىڭجاڭى، سوعىس سانموۋجاڭى، 8 -ارميا 3 - زۇڭدۇيىنىڭ باستىعى، قوسىمشا ورتا حىبەي اسكەري رايونى 29 - تۋاننىڭ سانموۋجاڭى، سانشي - چاحار - حىبەي اسكەري رايونى 13 - اسكەري بولىمشە رايونى 12 - تۋاننىڭ سانموۋجاڭى، رىحى - لياۋنيڭ زۇڭدۇيى قۇراما لۇيىنىڭ باستىعى، حىبەي - رىحى - لياۋنيڭ اسكەري رايونى 16 - اسكەري بولىمشە رايوننىڭ سانموۋجاڭى، كەيىننەن جينجوۋ ۋيشۋ قولباسشىلىق شتابىنىڭ سىليڭيۋانى، حىبەي - چاحار - رىحى - لياۋنيڭ اسكەري رايونى زەڭبىرەكشىلەر لۇيىنىڭ ورىنباسار باستىعى، شىعىس سولتۇستىك زەڭبىرەكشىلەر قولباسشىلىق شتابىنىڭ ءبىرىنشى قولباسشىلىق ورنىنىڭ ورىنباسار مەڭگەرۋشىسى، 4 - دالا سوعىس ارمياسى ەرەكشە قوسىنى قولباسشىلىق شتابىنىڭ زەڭبىرەكشى اسكەر 1 - شىسىنىڭ 1 - ورىنباسار شىجاڭى، زەڭبىرەكشىلەر 8 - شىسىنىڭ شىجاڭى قاتارلى مىندەتتەردى ارقالايدى. 1949 - جىلى كوكتەمدە ۋاڭ حىڭ جۇڭگو حالىق ازاتتىق ارمياسى زەڭبىرەكشىلەر 25 - تۋانىن باستاپ وڭتۇستىككە شەرۋ تارتىپ، حۋاڭحىدان، چاڭجياڭنان ءوتىپ، حىڭباۋ شايقاسىنا قاتىناسىپ، جاۋدىڭ قالدىق كۇشتەرىن گۋاڭشيعا دەيىن تىقسىرا قۋىپ، سوعىستا ەلەۋلى ەڭبەك كورسەتەدى.

  1950 - جىلى ۋاڭ حىڭ جۇڭگو حالىق ەرىكتىلەر ارمياسىنا قاتىناسىپ، چاۋشيانعا بارىپ سوعىس جۇرگىزىپ، ەرىكتىلەر ارمياسى زەڭبىرەكشى اسكەرلەر 8 - شىسىنىڭ شىجاڭى مىندەتىن وتەيدى، قوسىندى باستاپ، 1 - دەن 5 - رەتكە دەيىنگى شايقاستارعا جانە شەپ قورعانىسى شايقاسىنا قاتىناسىپ، جاۋعا توسقاۋىلداپ سوققى بەرۋ، جاۋعا وت كۇشى ارقىلى سوققى بەرۋ سياقتى جوعارى دارەجەلى ورىن تاپسىرعان سوعىس جۇرگىزۋ مىندەتىن جەڭىسپەن ورىنداپ، جاياۋ اسكەرلەردىڭ سوعىس جۇرگىزىپ، جاۋدى جويۋىنا پارمەندى كومەك كورسەتەدى.

  سوعىس بارىسىندا ۋاڭ حىڭ بۇرىنعى سوعىس جۇرگىزۋ ءتاسىلىنىڭ جاڭا سوعىس ورتاسىنا ۇيلەسپەيتىندىگىن سەزىنىپ، سوعىس جۇرگىزۋ تاجىريبە ساباعىن قورىتىندىلاۋ، سوعىس تەحنيكاسى دەڭگەيىن جوعارىلاتۋدان كىرىسىپ، اسكەري بولىمدە رەتتەۋ - جاتتىعۋ جۇرگىزدى. رەتتەۋ - جاتتىعۋ جۇرگىزۋ بارىسىندا، ول شىنىڭ قولباسشىلىق شتابىنىڭ قاريتادان پايدالانىپ اتقىلاۋ جانە تاۋلى وڭىردە اتقىلاۋ توسىن شابۋىلى جاتتىعۋىن ۇيىمداستىرىپ وتكىزۋگە بۇيىرىپ، كەشكى اتقىلاۋدىڭ دالدىك دەڭگەيىن جوعارىلاتادى. كەشتە جورىققا شىعاتىن قوسىندى جاتتىقتىرعاندا، باسقىشتى ازايتۋ، ارالىقتى كەڭەيتۋ جانە قاتىناس كۇزەت ورنىن كوبەيتۋ سياقتى شارالاردى قولدانىپ، اسكەري ءبولىمنىڭ شىعىنىن ازايتادى. جاتتىعۋ بارىسىندا قاتاڭ تاسالانۋ جۇرگىزىپ، زەڭبىرەكتى ءبولىپ ورنالاستىرۋ جانە وت كۇشىن شوعىرلاندىرۋ ءادىسىن قولدانىپ، توسىننان شۇعىل دا تەز اتقىلاۋ ارقىلى جاۋدىڭ اتويشى توبىنا سوققى بەرەدى.

  1951 - جىلى 7 - ايدا ۋاڭ حىڭ اسكەري قوسىندى باستاپ رەتتەۋ - جاتتىعۋ جۇرگىزگەندە شۇعىل حاراكتەرلى سىرقاتى توسىننان قوزعالىپ قالادى ءارى سۇزەك اۋرۋىنا شالدىعىپ، 7 - ايدىڭ 24 - كۇنى ساعات 23تە باقىتقا قارسى قايتىس بولادى، سول كەزدە 39 جاستا بولاتىن.

  سول كەزدە زەڭبىرەكشىلەر 1 - شىسىنىڭ ورىنباسار شىجاڭى مىندەتىن وتەگەن لياڭ بيڭ بىلاي دەدى: ”ۋاڭ حىڭ شىجاڭ حۋاڭحى، چاڭجياڭ وزەندەرىنەن ەندەي ءوتۋ، شياڭجياڭ وزەنىنەن ءوتۋ، حىڭباۋ شايقاسىنا قاتىناسۋ، سونداي - اق ەڭ سوڭىندا جاۋلاردى گۋاڭشيعا دەيىن تىقسىرا سوققىلاۋ بولسىن، ول قاي - قاشان دا ءوز بويىنان ۇلگى كورسەتىپ، اتويلاپ الدا ءجۇرىپ، ەرلىكپەن سوعىس جۇرگىزدى. ونىڭ بىزگە قالدىرىپ كەتكەن دۇنيەلەرى وتە كوپ، ءبىزدىڭ ماڭگى ۇيرەنۋىمىزگە جانە ساعىنا ەسكە الۋىمىزعا تاتيتىن قاھارمان“.

جاۋاپتى رەداكتور: ءاننا اكىمقان قىزى
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى
  • شي جينپيڭ امەريكانىڭ زۇڭتۇڭى ترامپپەن ءديدارلاستى