اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قاناستا 56 ۇلتتان قۇرالعان 700 ءجۇپ جاس توي سالتىن وتكىزدى

  7- ايدىڭ 1- كۇنى قاناس كورىنىس رايونىندا ەلىمىزدىڭ جەر- جەرىنەن كەلگەن 56 ۇلتتان قۇرالعان 700 جۇپ ەرلى- زايىپتى سالتاناتتى ۇيلەنۋ توي سالتىن وتكىزىپ، جاڭا جۇڭگو قۇرىلعاندىعىنىڭ 70 جىلدىعىن قۇتتىقتادى.

  گۇيجوۋ ولكەسى چياننان بۋيزۋ مياۋزۋ اۆتونوميالى وبلىسى ساندۋشۇيزۋ اۆتونوميالى اۋدانىنان كەلگەن ۋەي چىڭۋاڭنىڭ قالىڭدىعى ۋاڭلۋ بۇل رەت وتانىمىزدىڭ باتىس وڭتۇستىگىنەن باتىس سولتۇستىگىنە وزگەشە توي سالتىنا قاتىناسۋعا ارناۋلى كەلدى.

  شۇيزۋ ازامات ۋەي چىڭۋاڭ: قالىڭدىعىم ەكەۋىمىز گۇيجوۋدەن ارناۋلى كەلىپ، 56 ۇلتتىڭ وزگەشە توي سالتىنا قاتىناستىق، وسى قيمىلدان وتان سىندى ۇلى وتباسىنداعى 56 ۇلتتىڭ ىنتىماعىن سەزىندىم، 56 ۇلت جاڭا جۇڭگو قۇرىلعاندىعىنىڭ 70 جىلدىعىن بىرگە تويلادى.

  وسى رەتكى قيمىلعا ۇيلەنىپ العان ەرلى- زايىپتىلاردا بەلسەنە قاتىناسىپ، ەستەن كەتپەس ەستەلىك قالدىردى.

  جۋاڭزۋ ايەل ۋەي چيڭلەي: بۇگىن توي جاساعانىمىزعا 10 جىل تولدى، كورىكتى شينجياڭعا تۇڭعىش رەت كەلۋىمىز، بۇل جەردىڭ قالقى ىقلاستى، كورىنىسى كوركەم ەكەن، وسى رەتكى قيمىلعا قاتىناسىپ ەستەن كەتپەس ەستەلىك قالدىردىم.

  ماۋنان ايەل جيا چۋنليۋ: وسى رەتكى قيمىلعا 56 ۇلت ۋاكىلى قاتىناستى 56 ۇلتتىڭ كيىمى دە ۇقسامايدى ەكەن، ۇلى وتانىمىزداعى ۇلتتاردىڭ ۇلى ىنتىماعىن اڭعاردىم، وسىندا كەلۋ ورايىن بەرگەن وتانعا ەرەكشە العىس ايتامىن.

  جاعىمدى مۋزيكا ۇنى ىشىندە ۇيلەنۋ تالابىن قويۋ سالتى باستالدى، 534 جۇپ جاس ءبىر تىزەرلەپ جالعاستىرىپ ۇيلەنۋ تالابىن قويۋ فورماسى وسى تۇر بويىنشا گەنيس الەمدىك رەكورتىن جاراتتى. قازىرگى 387 جۇپتىڭ رەكورتى وتكەن جىلى 12- ايدىڭ 31- كۇنى حىبەيدە جاراتىلعان. توي كيمىن كيىپ قولدارىنا گۇل ۇستاعان ەرلى- زايىپتىلاردىڭ شاتتىق كۇلكىسى قاناس الابىن كەرنەدى.

  لوبا ايەل دىجيچۇيجىن: قاناسقا كەلىپ توي سالتىنا قاتىناستىق، وتە ماعىنالى بولدى، بۇگىنگى كۇندى ماڭگى ۇمىتپايمىز.

  گانسۋلىق ساياحاتشى چۇي جىۋىن: 700 جۇپ ەرلى- زايىپتىنى قۇتتىقتايمىز، وتانىمىزدىڭ گۇلدەنە بەرۋىن، 56 ۇلتتىڭ اناردىڭ دانىندەي تىعىز ۇيىسۋىن تىلەيمىز.

  وسى رەتكى قيمىلعا اتسالىسقان 2000 نان استام ءار ۇلت بۇقاراسى «مەن جانە وتانىم» ءانىن تاعى ءبىر رەت اسقاقتاتا شىرقاپ، قيمىلدىڭ دۋمانىن اسىردى. الداعى ەكى كۇندە 700 جۇپ ەرلى- زايىپتى قاناس كولىندە سەيىل- سەرۋەن قۇرىپ، تاماشا ساتتەردى باستان وتكىزەدى.

  قيمىل وتكىزىلگەن كۇنى ەلىمىزدەگى نەشە ميلليون توراپتاس ۇستىنەن تاراتىلعان حابارعا نازار اۋدارىپ، قاناستاعى وزگەشە قيمىلدىڭ دۋمانىن سەزىندى.

  ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن- ءان: 700 جۇپ جاستىڭ سالتاناتتى توي سالتىن وتكىزىپ جاڭا جۇڭگو قۇرىلعاندىعىنىڭ 70 جىلدىعىنا سي تارتۋ ەتتىك، سونىمەن قاتار بۇل رەتكى قيمىل ۇلتتار ىنتىماعىنىڭ بەرەكەلى شاڭىراعىن، ەلىمىزدەگى 56 ۇلتتىڭ ۇلى ىنتىماعىن ايگىلەۋمەن بىرگە باس شۋجي شي جينپيڭنىڭ باسشىلىعىندا حالىق بۇقاراسىنىڭ باقىت سەزىمى، تابىس سەزىمى، حاۋىپسىزدىك سەزىمى نىعايا تۇسكەنىن ايگىلەدى.

جاۋاپتى رەداكتور: ءاننا اكىمقان قىزى
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى
  • شي جينپيڭ امەريكانىڭ زۇڭتۇڭى ترامپپەن ءديدارلاستى