اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماقتىق قازاق ەمشىلىگى شيپاحاناسى جاڭا ورىنعا كوشىپ بارىپ ەمدەۋ قىزمەتىن باستادى

  التاي گازەتىنىڭ ءتىلشىسى حۋ جۇنشيۋ حابارلايدى. 6 ـ ايدىڭ 28 ـ كۇنى قولى مەرتىككەن ناۋقاس كوكحوت قالاسىنان كەلگەن ىشكى موڭعۇل حالىقارالىق موڭعۇل ەمشىلىگى مامانى، باۋ اۋلەتى وتاشىلىق ءبولىمىنىڭ مەڭگەرۋشىسى باۋسىچينعا العىس تۋ ۇسىندى ءارى بىلاي دەدى: «4 ايدىڭ الدىندا قاتتى جىعىلۋدىڭ سالدارىنان بىلەگىمنىڭ بۋىنى شىعىپ كەتكەن بولاتىن، كوپ رەت ەمدەتسەم دە، ىسىگى قايتپاي، قاتتى اۋىرىپ قولىمدى قوزعالتۋ قيىن بولدى. ايماقتىق قازاق ەمشىلىگى شيپاحاناسى ەلىمىزدىڭ ءارقايسى جەرىنەن مامانداردى التايعا ۇسىنىس ەتىپ اقىسىز ەمدەۋ جۇرگىزىپ جاتقاندىعىن ەستىگەننەن كەيىن وسى جەرگە كەلىپ، موڭعۇل ەمشىلىگى وتاشىلىق ەمدەۋىن ىستەتتىم، قازىر قولىم قالىپتى ارەكەتكە كەلەتىن بولدى».

  ۇعىسۋعا قاراعاندا، 6 ـ ايدىڭ 22 ـ كۇنى ايماقتىق قازاق ەمشىلىگى شيپاحاناسى التاي قالاسىنىڭ وڭتۇستىك رايونىنا ءبىر تۇتاس كوشىپ بارعان، بۇل شيپاحانا كوشۋ قۋانىشىن وراي ەتىپ، مەملەكەتتىك دەنساۋلىق ساقتاۋ سالەمەتتىك كوميتەتى جۇڭگوشا ەمشىلىگىن، ءدارى ـ دارمەگىن باسقارۋ مەكەمەسىنىڭ كومەگىندە استانا مەديتسينا داشۋەسى، ىشكى موڭعۇل حالىقارالىق موڭعۇل ەمشىلىگى شيپاحاناسى، شيزاڭ اۆتونوميالى رايونى زاڭزۋ ەمشىلىگى مامانى، شينجياڭ مەديتسينا داشۋەسى قاتارلى ەل ىشىندەگى اتى ايگىلى 7 جۇڭگوشا دارىگەرلىگى، موڭعۇل دارىگەرلىگى، زاڭزۋ دارىگەرلىگىنە قاتىستى 7 ماماندى ارناۋلى ۇسىنىس ەتىپ، ايماقتاعى ءار ۇلت ناۋقاستارىن اقىسىز كوردى، اۋرۋ كورۋ كولەمى سۇيەك ءبولىمى، ىشكى اۋرۋلار ءبولىمى، تەرى اۋرۋلار ءبولىمى، سىرتقى اۋرۋلار ءبولىمى قاتارلى سالالاردى قامتىدى.

  اقىسىز اۋرۋ كورۋ كۇنى ايماقتىق قازاق ەمشىلىگى شيپاحاناسىنىڭ امبولاتورياسى اۋرۋ كورسەتۋگە كەلگەن ناۋقاسقا تولدى. امبولاتوريانىڭ سەستراسى بىلاي دەدى: «الىستان كەلگەن ماماندارعا ناۋقاسىن كورسەتۋ ءۇشىن كوپتەگەن ادامدار تاڭەرتەڭ 8 دەن باستاپ الدىن الا كەلىپ قاتارعا تۇردى، شيپاحانامىز ەمدەۋ قىزمەتىن باستاعاننان بەرى ەمدەلگەن ادام سانى 1000 نان استى».

  ءتىلشىنىڭ ۇعىسۋىنشا، ايماقتىق قازاق ەمشىلىگى شيپاحاناسى 1985 ـ جىلى قۇرىلعان، قازاق ەمشىلىگىن نەگىز ەتكەن، ەمدەۋ، وقىتۋ، عىلمي زەرتتەۋ، ساۋىقتىرۋدى ءبىر تۇلعالاندىرعان 2A دارەجەلى ۇلتتىق ەمشىلىك شيپاحاناسى، 2015 ـ جىلى اۆتونوميالى رايون جاعىنان «جىبەك جولى» ەكونوميكالىق بەلدەۋىندەگى حالىقارالىق قازاق ەمشىلىگى ەمدەۋ ورتالىعى دەپ تۇراقتاندىرىلعان. ايماقتىق قازاق ەمشلىگى شيپاحاناسىنىڭ جاڭا ورنىنىڭ يەلەيتىن جەر اۋماعى 51 مىڭ 67.7 شارشى مەتر، جالپى قۇرىلىس اۋماعى 39 مىڭ شارشى مەتر، 300 توسەك ورنى، ءبولىم ـ كەڭسەسىنەن 39 ى بار، مۇنىڭ ىشىندە بۇلاۋ، ىشكى اۋرۋلار ءبولىمى، ايەلدەر اۋرۋى ءبولىمى، تەرى اۋرۋلارى ءبولىمى، جەلقۇز رەۆماتيزم اۋرۋلارى ءبولىمى، سۇيەك اۋرۋلارى ءبولىمى قاتارلىلار ىلگەرىندى ـ كەيىندى اۆتونوميالى رايون دارەجەلى ارناۋلى ءبولىم تۇرىنە يە بولعان.

  ايماقتىق قازاق ەمشىلىگى شيپاحاناسى كەڭسەسىنىڭ جاۋاپتىسى لۇي حىڭگاڭ تىلشىگە بىلاي دەدى: «مەملەكەت دارەجەلى ەمدەۋ ماماندارى التايعا كەلىپ اقىسىز اۋرۋ كورەدى دەگەندى ەستىگەننەن كەيىن، مامانعا كورىنەتىن 700 نەشە ءنومىر قىسقا عانا 2 ساعاتتا تاۋسىلدى. ساناققا نەگىزدەلگەندە وسى رەتكى اقىسىز اۋرۋ كورۋدە 1000 نان استام ناۋقاستىڭ اۋرۋىن كورىپ، 100 مىڭ يۋاننان استام ءنومىر الۋ قاراجاتى ۇنەمدەلگەن».

  ايماقتىق قازاق ەمشىلىگى شيپاحاناسىنىڭ پارتگرۋپپا شۋجيى دىڭ يۇڭ جيان بىلاي دەدى: «ايماقتىق پارتكومنىڭ، اكىمشىلىك مەكەمەسىنىڭ كوڭىل ءبولۋى مەن قولداپ ـ قۋاتتاۋىندا، ايماقتىق قازاق ەمشىلىگى شيپاحاناسى شاعىن شيپاحانادان نەگىزدىك قۇرىلعىسى كەمەلدەنگەن، ەرەكشەلىگى كورنەكتى جاڭا شيپاحانا بولىپ دامىدى. ەمدەۋ ارقىلى حالىققا تيىمدىلىك جەتكىزۋدى اناعۇرلىم جەبەۋ ءۇشىن، شيپاحانامىز ەلىمىزدىڭ ءارقايسى جەرىنەن مامانداردى التايعا ۇسىنىس ەتىپ اقىسىز اۋرۋ كورۋ قيمىلىن ورىستەتىپ، ايماقتاعى ءار ۇلت بۇقاراسىنىڭ جاقىن جەردەن اۋرۋىن كورسەتىپ ەمدەلۋىنە قولايلىلىق جاراتتى. كەلەسى قادامدا، شيپاحانامىز ناۋقاستاردىڭ قاجەتىنە نەگىزدەلىپ، مەرزىم بويىنشا مامانداردى التايعا كەلىپ اۋرۋ كورۋگە ۇيىمداستىرادى، ول كەزدە ناۋقاستار توردا الدىن الا ءنومىر الۋىنا دا بولادى. ايماقتىق قازاق ەمشىلىگى شيپاحاناسى اۋرۋعا شيپا، اجالعا اراشاشى بولۋ ۇستانىمىن جالعاستىرىپ، قازاق ەمشىلىگى، دارىگەرلىگىنە مۇراگەرلىك ەتۋمەن ءبىر ۋاقىتتا، وسىزامانعى ەمدەۋ تەحنيكاسىمەن سايكەستىرىپ، جۇڭگوشا ەمشىلىكتىڭ اسا مول بايلىعىمەن ۇشتاستىرىپ قازاق ەمشىلگىنە اناعۇرلىم ويداعىداي مۇراگەرلىك ەتۋدى، توعىستىرۋدى، جاڭالىق جاراتۋدى جانە دامىتۋدى جەبەيدى».

جاۋاپتى رەداكتور: ءاننا اكىمقان قىزى
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى
  • شي جينپيڭ امەريكانىڭ زۇڭتۇڭى ترامپپەن ءديدارلاستى