اعاجاي-التاي تورابى   ›   اقپارات ايدىنى   ›   سۋرەتتى حابارلار

التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى

  ءوز حابارىمىز. جۇڭگو كوممۋنيستىك پارتياسى قۇرىلعاندىعىنىڭ 98 جىلدىعى قارساڭىندا التاي ايماعىنداعى ءار قايسى اۋداندار (قالا) الۋان ٴتۇرلى فورمالارمەن، باي مازمۇندارمەن پارتيانىڭ شۇعىلالى تاريحى مەن سۇبەلى ەڭبەگىن جىرلاپ، ۇلى وتانىمىزدىڭ دۇنيەنى ٴدۇر سىلكىندىرگەن وزگەرىسىن القادى.

  التاي قالاسى

  التاي گازەتىنىڭ ءتىلشىسى ارداق حابارلايدى. 6-ايدىڭ 26-كۇنى كەشتە التاي قالالىق پارتكوم ۇيىمداستىرۋ ٴبولىمى، ۇگىت ٴبولىمى بىرلەسىپ وتكىزگەن جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جۇمىسشىلار ۇيىمى ساۋىتى ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ سىندى وتاندى جىرلايتىن اندەر جارىسى التاي قالاسىنىڭ التىن تاۋ الاڭىندا وتكىزىلدى. ”وتاندى جىرلايمىز“، ”مەن جانە مەنىڭ وتانىم“، ”كوممۋنيستىك پارتيا بولماسا، جاڭا جۇڭگو بولماس ەدى“ قاتارلى جان تەبىرەنتەرلىك، جالىندى وتاندى جىرلايتىن اندەر كورەرمەندەردىڭ قىزۋ قارسى الۋىنا بولەندى. كوپشىلىك بىرلىكتە ٴان ايتۋ ٴتاسىلى ارقىلى پارتيانىڭ 98 جىلدىق شۇعىلالى بارىسى مەن سۇبەلى ەڭبەگىن قىزۋ جىرلاپ، ۇلى وتانىمىزدىڭ دۇينەنى ٴدۇر سىلكىندىرگەن وزگەرىستەرىن القادى. قىزىل ٴان التاي قالاسىنداعى ٴار ۇلت بۇقاراسىنىڭ وتاندى قىزۋ ٴسۇيۋ، ٴداۋىردىڭ نەگىزگى اۋەنىن جىرلاۋ ىنتاسىن جالىنداتىپ، ٴار ۇلت بۇقاراسىنىڭ كوڭىل تۇكپىرىندەگى اقاۋسىز، بەلسەنە العا باسۋ سىندى قىزىل مادەنيەتكە دەگەن تالپىنىسىن قوزعادى.

  بۋىرشىن اۋدانى

  ەرىكتى ءتىلشى حى حاۋۋي، شيە يۇيشيا حابارلايدى. 6-ايدىڭ 29-كۇنى بۋىرشىن اۋداندىق پارتكوم ۇگىت ٴبولىمى ”وتانىمىزبەن بىرگە ەسەيىپ-ەرجەتىپ، جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ جارىسىن ۇيىمداستىردى. بۇل رەتكى زەيىن سىناۋ جارىسى جاۋاپ بەرۋ، تالاسا جاۋاپ بەرۋ، حاۋىپ-قاتەر سۇراۋلارى سىندى ٴۇش ٴتۇرلى سۇراۋدى قامتىدى. جارىستا مادەنيەت-ساياحات مەكەمەسى، ويماقى قالاشىعى، قوستىق قالاشىعى سياقتى ورىنداردان تاڭداپ جىبەرىلگەن 8 كوماندادان 23 شاباندوزدار بايىپتىلىقپەن جاۋاپ قايتارىپ، تىعىز سايكەسىپ، جارىس تارتىمدى وتكىزىلدى.

  قابا اۋدانى

  جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ، نەگىزگى ساتى مادەنيەتىن ونان ارى جانداندىرۋ، ٴار ۇلت حالىق بۇقاراسىنىڭ رۋحاني مادەنيەت تۇرمىسىن بايىتۋ ٴۇشىن، قابا اۋدانى كولباي قالاشىعى سارتاقتاي قىستاعىندا، سالتاناتتى 70 جىل ـــ جاڭا داۋىرگە كۇرەس جۇرگىزۋدى نەگىزگى تاقىرىپ ەتىلگەن ”پارتيا قۇرىلعاندىعىنىڭ 98 جىلدىعى“، جۇڭگو ارمانىن، مادەنيەتىن بارلىق وتباسىنا جەتكىزۋ“ سىندى ويىن قويۋ قيمىلىنىڭ شىمىلدىعى اشىلدى. ەرلەردىڭ جەكە داۋىستى ”بارلىعىن پارتياعا ارنايمىن“ اتتى ٴانى شىرقالىپ، تاريحتى ەسكە الىپ، قازىرگىنى تياناق ەتىپ، بولاشاققا كوز تاستادى؛ ”اق قايىڭ ورمان قىزى“ اتتى ٴبي پارتيا قۇرىلعاندىعىنىڭ 98 جىلدىعىنا دەگەن قۋانىشتى سەزىمدى بەينەلەدى؛ ”مەن جانە مەنىڭ وتانىم“ اتتى ٴان جەكە داۋىستا شىرقالىپ، وتانعا جانە پارتياعا دەگەن ىستىق سۇيىسپەنشىلىك ٴبىلدىرىلدى، كونسەرت جوعارى ورلەۋگە كوتەرىلىپ، ەگىنشى-مالشىلار بۇقاراسى قىزۋ مەرەيگە شومدى.

  كەلۋ قاينارى: قابا اۋداندىق مادەنيەت سارايى

  جەمەنەي اۋدانى

  ەرىكتى ءتىلشى ما جيايىن، ۋاڭ لي حابارلايدى. 6-ايدىڭ 28-كۇنى، مەملەكەتتىك باجى باس مەكەمەسى جەمەنەي اۋداندىق باجى مەكەمەسى مەن قىستاقتا تۇراتىن قىزمەت اترەتى جەمەنەي اۋدانى شالشىقاي اۋىلى اقمىرزا قىستاعىنداعى پارتيالى كادرلاردى وتانشىلدىق بازاعا ۇيىمداستىرىپ، ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ سىندى تاقىرىپتىق تاربيەسىن جانە ”1-شىلدەنى“ قۇتتىقتاۋ قيمىلىن ورىستەتتى. وتانشىلدىق بازاسىندا پارتيالى كادرلار لۇڭجۋداعى تاۋ جولىن، شەكارانى قورعاۋ سارايىن، جۇڭگو-قازاقستان شەكاراسىنداعى 1-قىستاقتى ەكسكۋرسيالاپ، اعا بۋىنداردىڭ شەكارانى قورعاۋ جولىنداعى تاريحي اڭگىمەنى تىڭدادى، اعا بۋىنداردىڭ قاجىرلىلىقپەن كۇرەس جۇرگىزگەن تۇرمىسىن، تاماشا تۇرمىستىڭ وڭاي-وسپاق قولعا كەلمەگەنىن سەزىندى، سونىمەن بىرگە وتاندى ٴسۇيۋ، ۇلەس قوسۋ جولىنداعى اۋەلگى ماقساتىن، شەكارانى قورعاۋ، شەكارانى گۇلدەندىرۋ بورىشىن ونان ارى بەكەمدەدى. قيمىل بارىسىندا بارلىق پارتيا مۇشەسى پارتيا تۋى الدىندا وڭ جۇدىرىقتارىن بيىك ۇستاپ، پارتياعا كىرۋ الدىنداعى سەرتتى، پارتياعا كىرۋدەگى اۋەلگى ماقساتتى ەسكە الدى.

  بۋرىلتوعاي اۋدانى

 

  ەرىكتى ءتىلشى چين كاي، سۇڭ كاي حابارلايدى. 6-ايدىڭ 29-كۇنى، بۋرىلتوعاي اۋدانى 2019-جىلعى ”1-شىلدە كۇنىن قارسى الۋ.جۇمىسشىلار ۇيىمى ساۋىتى“ اتتى جۇمىسشى-قىزمەتكەرلەردىڭ قاۋىرسىن دوپ جارىسىن وتكىزدى. بۇل رەتكى جارىستى بۋرىلتوعاي اۋداندىق باس جۇمىسشىلار ۇيىمى ۇيىمداستىرىپ، بۋرىلتوعاي اۋداندىق مادەنيەت، دەنە تاربيە، راديو، تەلەۆيزيا جانە ساياحات مەكەمەسى، بۋرىلتوعاي اۋداندىق دەنە تاربيە باس قوعامى، قاۋىرسىن دوپ قوعامى ۇستىنە الىپ وتكىزدى. اۋدانعا توتە قاراستى مەكەمە، اۋىل (قالاشىق، الاڭ)، مەكتەپ، تۇرعىلىقتى اسكەري ٴبولىم، كاسىپورىن قاتارلى ورىنداردان كەلگەن 64 قاۋىرسىن دوپ اۋەسكەرىنەن 16 كوماندا ۇيىمداستىرىلىپ، 6-ايدىڭ 29-كۇنىنەن 30-كۇنىنە دەيىنگى ەكى كۇن ارالىقتا جارىس وتكىزىلدى.

  كوكتوعاي اۋدانى

  ”1-شىلدە“ قارساڭىندا كوكتوعاي اۋدانىنىڭ قىزىل ساياحات كورىنىس رايونى ٴۇرتىس قىزۋ ورلەۋگە كوتەرىلدى. جەر-جەردەگى ساياحاتشىلار كوكتوعاي مەملەكەتتىك كەن باقشاسىنا كەلىپ، قىزىل تاريحتى ۇعىسۋ، وتانشىلدىق اندەردى بىرگە شىرقاۋ، پارتياعا كىرۋ سەرتىن قايتا ەسكە ٴتۇسىرۋ سياقتى الۋان ٴتۇرلى زەرتتەۋ، ۇيرەنۋ قيمىلدارى ارقىلى پارتيانىڭ شۇعىلالى تاريحى مەن شۇعىلالى ساتتەرىن، اعا بۋىنداردىڭ سۇبەلى ەڭبەكتەرىن ەسكە الىپ، وتانشىلدىق جانە توڭكەرىستىك تاريحي تاربيەنى قابىلدادى. قىزىل ٴتۇستى زەرتتەۋ-ۇيرەنۋ ساياحاتىنا ٴۇرىمجى ورتا-باستاۋىش مەكتەپ ۇيىرمەسى عانا ەمەس، كوكتوعايدىڭ كورشىلەس اۋدانىنداعى پارتيا، ۇكىمەت ورگاندارى دا قاتىناستى. كوپتەگەن اتا-انالار بالالارىمەن بىرگە كوكتوعايعا كەلىپ، قويۋ قىزىل ساياحات ورتاسىن سەزىندى. ”1-شىلدە“ كەزىندە، كەندە جۇمىس ىستەگەن اعا بۋىنداردىڭ ىزدەرىن بويلاپ، بالالارعا سەيىل-سەرۋەن بارىسىندا قىزىل كەننىڭ شۇعىلالى تاريحىن تەرەڭ ٴتۇسىندىرۋ ارقىلى، كىشكەنتايىنان باستاپ اۋەلگى ماقساتتى ۇمىتپاي، قۇلشىنا كۇرەس جۇرگىزەتىن وتانشىلدىق سۇيىسپەنشىلىكتى جەتىلدىرۋگە جەتەلەدى.

  كەلۋ قاينارى: كوكتوعاي ساياحاتى

  شىڭگىل اۋدانى

  ەرىكتى ءتىلشى ەرلانگۇل حابارلايدى. 6-ايدىڭ 25-كۇنى، شىڭگىل قالاشىعى ەگىن-مال شارۋاشىلىق رايوندارىنداعى پارتيا مەن بۇقاراعا قىزمەت وتەۋ ورتالىعى ”1-شىلدە“ پارتيانىڭ قۇرىلعان كۇنى مەرەكەسىن قۇتتىقتاۋ قيمىلىن ورىستەتتى. 60 نەشە پارتيا مۇشەسى قىزمەت وتەۋ ورتالىعىنداعى كادرلاردىڭ جەتەكشىلىگىندە شىڭگىل اۋداندىق مۇراجايدى ەكسكۋرسيالادى. سول مايداندا كوپشىلىك پارتيا بەلگىسىن تاعىپ، تۇسىندىرۋشىلەردىڭ باستاۋىندا شىڭگىل اۋدانىنىڭ ۇزاق تاريحىن قايتا ەسكە الىپ، شىڭگىل حالقىنىڭ ”قاجىرلىلىقپەن كۇرەس جۇرگىزۋ، ىنتىماقتاسا سەلبەسۋ، قالتقىسىز ۇلەس قوسۋ رۋحىن ءتۇسىندى.

  اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى
  • التاي ايماعىنداعى ٴار ۇلت كادرلارى مەن بۇقاراسى اۋەلگى ماقساتتى ۇمىتپاي، پارتياعا ىلەسىپ، پارتيا قۇرىلعاندىعىنىڭ 98 جىلدىعىن قىزۋ قۇتتىقتادى
  • اۆتونوميالى رايوندىق پارتكومنىڭ 9 - كەزەكتى جەتىنشى جالپى ءماجىلىسى اشىلدى
  • شي جينپيڭ امەريكانىڭ زۇڭتۇڭى ترامپپەن ءديدارلاستى
  • شي جينپيڭ 20 ەل توبى باسشىلارىنىڭ 14 - رەتكى باسشىلار ماجىلىسىنە قاتىناستى ءارى ماڭىزدى ءسوز سويلەدى