اعاجاي-التاي تورابى   ›   اقپارات ايدىنى   ›   شينجياڭ حابارلارى

بيڭتۋان بيىل 36 ميلليارد 700 ميلليون يۋان قارجى قوسىپ، حالىق تۇرمىسىنا قاتىستى 88 ءتۇرلى ناقتى ءىستى اتقارۋدى جوسپارلادى

   شينجياڭ گازەتنىڭ ءتىلشىسى جاڭ شياۋيان 6 - ايدىڭ 23 - كۇنى ۇرىمجىدەن حابارلايدى. جۋىقتا بيڭتۋاندا اشىلعان اقپار جاريالاۋ ماجىلىسىنەن ۇعىسۋىمىزشا، كەزەكتە 2019 - جىلعى بيڭتۋاننىڭ حالىق تۇرمىسىنا قاتىستى ناقتى ءىس قىزمەتى جاپپاي اتقارىلىپ، حالىق بۇقاراسىنىڭ ءتول مۇددەسىنە ساياتىن وقۋ - اعارتۋ، ەمدەلۋ، جۇمىسقا ورنالاسۋ، زەينەتكەرلىك، كىرىستى ارتتىرۋ سياقتى حالىق تۇرمىسىنا قاتىستى جالپى 10 ۇلكەن ءتۇر بويىنشا 88 ءتۇرلى ناقتى ءىس اتقارىلىپ، جيىنى 36 ميلليارد 717 ميلليون يۋان قارجى قوسۋ جوسپارلانعان.

  بيىل جوسپارعا الىنعان حالىق تۇرمىسىنا قاتىستى ناقتى ىستەرگە قوسىلاتىن قارجى 2018 - جىلعىمەن سالىستىرعاندا %7.4 ارتىپ، مۇنىڭ ىشىندە ءوز دارەجەسىندەگى قازىنالىق قارجى 4 ەسە كوبەيدى؛ ۇكىمەتتىك نەسيە حاۋىپ - قاتەرىنەن ساقتانۋعا جانە ونى جويۋعا اناعۇرلىم نازار اۋدارىپ، بارلىق ۇكىمەتتىك قارجى قوسۋ نىسانىنىڭ سايكەستى قارجىسىن بيڭتۋان، شى ەكى دارەجەلى قازىنا مەجە ەسەبىنە ەنگىزىپ، نولدىك نەسيەگە شىنايى كەپىلدىك ەتتى.

  بيىل حالىق تۇرمىسىنا قاتىستى ناقتى ىستەردىڭ ءتۇيىندى مىندەتى نەگىزگى ساتىنى قامتاماسىز ەتۋدە اناعۇرلىم كورنەكتىلەندى. وڭتۇستىك شينجياڭداعى شى، تۋانداردىڭ الەۋمەتتىك قىزمەت وتەۋ دەڭگەيى ءبىرشاما تومەن، قامتاماسىز ەتۋ قابىلەتى جوعارى بولماۋداي ولقىلىقتارىن كۇش سالا تولىقتاپ، وڭتۇستىك شينجياڭداعى شى، تۋانداردىڭ دامۋ نەگىزىن بەكەمدەدى. كەدەيلىكتەن ارىلتۋدان قامال الۋدا حالىق تۇرمىسىنا قاتىستى ناقتى ىستەردى كۇش سالا اتقارىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋگە دەمەۋشى بولدى. نازاردى لاستانۋدىڭ الدىن الۋ جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزۋگە شوعىرلاندىرىپ، ەكولوگيالىق وركەنيەت قۇرىلىسىن جانە قورشاعان ورتانى قورعاۋدى كۇشەيتتى. اۋىل - قىستاقتاردى گۇلدەندىرۋ ستراتەگياسىن كوزدەپ، ءوندىرىس، تۇرمىس شارت - جاعدايىن جاقسارتۋعا كۇش سالۋ، ليان - دۇيلەردەگى بۇقارانىڭ كىرىسىن ورنىقتىرۋ نەگىزىندە، كوپ نەگىزدى كىرىستى ارتتىرۋدى ىلگەرىلەتتى. الەۋمەتتىك جۇمىسقا ورنالاستىرۋعا، شارۋاشىلىق قۇرۋعا قىزمەت وتەۋ قابىلەتى مەن باسقارۋ دەڭگەيىن كۇش سالا جوعارىلاتىپ، كوپ ءتۇرلى شارالاردى قاتار قولدانىپ جۇمىسقا ورنالاسۋدى جانە شارۋاشىلىق قۇرۋدى جەبەدى. وقۋ - اعارتۋ، دەنساۋلىق ساقتاۋ، قوعامدىق قامتاماسىزداندىرۋ، مادەنيەت ارقىلى جەتەكتەۋ سياقتى قىزمەت وتەۋ قۇرىلعىلارى قۇرىلىسىنا كۇش سالىپ، قوعامدىق قامتاماسىز ەتۋ تورىن ءجيى توقىپ بەكەمدەپ، ۇكىمەتتىڭ تومەنگى شەكتەن تۇسىرمەۋ رولىن ساۋلەلەندىردى.

  بيىل بيڭتۋان قيىنشىلىعى بار وڭىرلەر مەن ءالسىز بۋىندارعا اناعۇرلىم نازار اۋداردى. وڭتۇستىك شينجياڭداعى شى، تۋانداردىڭ حالىق تۇرمىسىنا قاتىستى ناقتى ىستەرىنە ۇسىنىلىمدى ارتتىرىپ، وڭىرلىك پارىقتى كۇش سالا كىشىرەيتىپ، الەۋمەتتىك قىزمەت وتەۋدىڭ بىركەلكىلەنۋىن جەبەپ، جالپى قوسىلاتىن قارجىنى بىلتىرعىدان 5 ەسەدەن استام ارتتىرۋدى جوسپارلادى؛ حالىق تۇرمىسىن قامتاماسىز ەتۋ تورىن ءجيى توقىپ بەكەمدەپ، جالپى 19 ميلليارد 75 ميلليون يۋان قارجى قوسۋدى جوسپارلاپ، بىلتىرعىمەن سالىستىرعاندا %16 ارتتىردى؛ قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋگە كەپىلدىك ەتىپ، تۇرمىستىق قۇتقارۋ - كومەكتەسۋ، ەمدەۋدەگى قۇتقارۋ - كومەكتەسۋ سياقتى قوسىمشا قاراجات قارجىسىنا 618 ميلليون يۋان ورنالاستىرۋدى جوسپارلاپ، وتكەن جىلداعىمەن سالىستىرعاندا %4 ارتتىردى.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى دەن قويا ۇيىمداستىرىپ، تىڭعىلىقتى تۇردە ويداعىداي ورىستەتىپ، ورنىقتىلىق، دامۋ قىزمەتىنىڭ تاعى تىڭ ورەگە كوتەرىلۋىن ىلگەرىلەتەيىك
  • شي جينپيڭ پيڭراڭعا بارعاندا، قىزۋ قارسى الۋعا بولەندى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
  • شي جينپيڭ اۋە ارمياسىنىڭ 13 - رەتكى پارتيا قۇرىلتايىنىڭ ۋاكىلدەرىن قابىلدادى