اعاجاي-التاي تورابى   ›   زاڭ-تارازى   ›   عىلىمي ماقالالار

ليۋ ۋيحان: قاھارمان قان توگىپ، قۇرباندىق بەرۋدەن تايسالمادى

  ليۋ ۋيحاننىڭ سۋرەتى شينحۋا اگەنتتىگى تاراتقان (سۋرەتتى شىنياڭ امەريكا جيانگەرلىگىنە قارسى تۇرىپ، چاۋشيانعا كومەكتەسۋ سوعىس قۇرباندارى قابىرستانى بەرگەن)

  شينحۋا اگەنتتىگىنىڭ 6 - ايدىڭ 17 - كۇنى چاڭشادان بەرگەن حابارى (ءتىلشى يۋان رۋتيڭ). حۋنان ولكەسى تاۋيۋان اۋدان قالاشىعىنىڭ باتىس وڭتۇستىك قالا ماڭىنداعى چيانتي تاۋىندا جاسىل جەلەك جامىلعان قۇرباندار قابىرستانى بار. قابىرستاندا ءبىر ەسكەرتكىش تام بار، وعان توڭكەرىستىك قۇربانداردىڭ ەرلىك ەسىمى ويىپ جازىلعان. ءار جىلى چيڭميڭ كەزىندە، كوپتەگەن بۇقارا قابىرستانعا كەلىپ ازا بىلدىرەدى. وسى ەسكەرتكىش تام قابىرعاسىندا تاۋيۋاندىقتارعا ابدەن تانىس ليۋ ۋيحاننىڭ ەسىمى بار.

  ليۋ ۋيحان 1925 - جىلى حۋنان ولكەسى تاۋيۋان اۋدانى ليڭيان اۋىلى سۇڭزىپو قىستاعىندا (قازىرگى ليگۇڭگاڭ قالاشىعى گۋانينيا قىستاعى) كەدەي ديقان وتباسىندا تۋعان. 1943 - جىلى گومينداڭ اسكەرلىككە ۇستاپ، گومين توڭكەرىستىك ارمياسىنىڭ 20 - قۇراما ارمياسى 53 - كورپۋسى 116 - شىسىندا 3 جىل اسكەر بولادى. ليۋ ۋيحان يۇننان - بيرما سوعىس مايدانىندا جاپون ارمياسىنا قارسى شايقاستا جاۋدى ەرلىكپەن قىرادى، جاپون شاپقىنشىلارىنا قارسى سوعىس جەڭىسكە جەتكەننەن كەيىن، قوسىنمەن بىرگە ۆيەتنامعا جاپون ارمياسىنىڭ تىزە بۇگۋىن قابىل الۋعا جىبەرىلەدى، 1946 - جىلى 6 - ايدا قوسىنمەن بىرگە شىعىس سولتۇستىككە جىبەرىلىپ، ىشكى سوعىسقا قاتىناسادى.

  1947 - جىلى 8 - ايدا ليۋ ۋيحان لياۋنيڭنىڭ ۋييۋانباۋى ازات بولعاننان كەيىن شىعىس سولتۇستىك دەموكراتيالىق بىرلەسكەن ارمياسىنا قاتىناسىپ، شىعىس سولتۇستىك دەموكراتيالىق بىرلەسكەن ارمياسىنىڭ 3 - زۇڭدۇيىنا قوسىلىپ، جاۋىنگەر، ورىنباسار بانجاڭ بولادى. 1948 - جىلى 9 - ايدا جۇڭگو كوممۋنيستىك پارتياسىنا مۇشە بولادى. ازاتتىق سوعىسىندا، ىلگەرىندى - كەيىندى لياۋشىن شايقاسى، دۋجياڭ شايقاسى، گۋاڭشيداعى باندىلاردى الاستاۋ جانە حاينان ارالىن ازات ەتۋ سياقتى شايقاستارعا قاتىناسىپ، 2 - دارەجەلى ەڭبەك كورسەتەدى.

  1950 - جىلى 6 - ايدا چاۋشيان سوعىسى بۇرق ەتە تۇسەدى. 10 - ايدا ليۋ ۋيحان جۇڭگو حالىق ەرىكتىلەر ارمياسى 40 - كورپۋسى 120 - شى 358 - تۋان 1 - يىڭ 3 - ليانىنا ءبولىنىپ، امەريكا جيانگەرلىگىنە قارسى تۇرىپ، چاۋشيانعا كومەكتەسۋدىڭ الدىڭعى شەبىندەگى شايقاسقا اتتانادى.

  1951 - جىلى 4 - ايدىڭ باسىندا، ليۋ ۋيحان قاراستى ليان بۇيرىق بويىنشا چاۋشياننىڭ حونچحون دارياسىنىڭ سولتۇستىك جاعاسىنداعى مەبونسان تاۋىن (قازىر كورەيانىڭ تەرريتورياسىندا) قورعاپ، جاۋدىڭ شابۋىلىنا تورۋىلداي سوققى بەرەدى. 4 - ايدىڭ 5 - كۇنى تۇستەن بۇرىن ساعات 11دەن تۇستەن كەيىن ساعات 5كە دەيىن، ول ءبىر سوعىس گرۋپپاسىن باستاپ، وزدەرىنىڭ 100 ەسەسىنە جۋىق جاۋمەن 7 ساعات قيان - كەسكى شايقاسىپ، جاۋدىڭ 6 رەتكى شابۋىلىن تويتارىپ، 100 نەشە جاۋدى اتىپ ولتىرەدى. ەڭ سوڭىندا، شەپتە ليۋ ۋيحان مەن ياۋ شۋچيڭ ەكەۋى عانا قالادى. ليۋ ۋيحان تاباندىلىقپەن: ”ەكەۋىمىز كوممۋنيستىك پارتيانىڭ مۇشەسىمىز، مەيلى قانشاما ۇلكەن قيىنشىلىققا جولىقساق تا، جوعارىنىڭ نۇسقاۋى بولماسا، شەپتەن استە شەگىنۋىمىزگە بولمايدى“ دەيدى. جاۋىنگەر سەرىگى قۇربان بولعاننان كەيىن دە ليۋ ۋيحان شەپتى تاپجىلماي قورعايدى.

  قاس قارايعاندا جاۋ قورشاۋعا الادى، ليۋ ۋيحان گراناتتىڭ بىلتەسىن تارتىپ، جاۋدى وزىمەن بىرگە الا كەتىپ، ەرلىكپەن قۇربان بولادى. قۇربان بولعاندا ول 26 جاستا ەدى.

  1951 - جىلى 4 - ايدىڭ 29 - كۇنى 120 - شى پارتكومى ليۋ ۋيحاندى ”ۇلگىلى كوممۋنيستىك پارتيا مۇشەسى“ دەپ تانىپ، ليۋ ۋيحاننىڭ سوعىس گرۋپپاسىنا كوللەكتيۆ 1 - دارەجەلى ەڭبەك جازۋدى، ليۋ ۋيحانعا 2 - دارەجەلى ەڭبەك جازۋدى ۇيعاردى. وسى جىلى جۇڭگو حالىق ەرىكتىلەر ارمياسى ساياسي ءبولىمى ليۋ ۋيحانعا ”1 - دارەجەلى سوعىس قاھارمانى“ داڭقتى اتاعىن بەرىپ، ەرەكشە ەڭبەك جازدى ءارى ونى توڭكەرىستىك قۇربان دەپ تانىدى.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى دەن قويا ۇيىمداستىرىپ، تىڭعىلىقتى تۇردە ويداعىداي ورىستەتىپ، ورنىقتىلىق، دامۋ قىزمەتىنىڭ تاعى تىڭ ورەگە كوتەرىلۋىن ىلگەرىلەتەيىك
  • شي جينپيڭ پيڭراڭعا بارعاندا، قىزۋ قارسى الۋعا بولەندى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
  • شي جينپيڭ اۋە ارمياسىنىڭ 13 - رەتكى پارتيا قۇرىلتايىنىڭ ۋاكىلدەرىن قابىلدادى