اعاجاي-التاي تورابى   ›   مادەنيەت ارناسى   ›   دەنساۋلىق

ازىق-تۇلىكتى توڭىزىتقىشسىز ساقتاۋ

  

دەمالىس كەزىندە نەمەسە كۇتپەگەن جەردەن توڭازىتقىش جوق بولىپ قالاتىن كەزدەر بولادى. بىراق توڭازىتقىشقا سالىنباسا بۇزىلىپ كەتەدى دەگەن ازىق-ت ۇلىكتەردىڭ ءوزىن ءبىراز ۋاقىتقا دەيىن ساقتاپ تۇرۋعا مۇمكىندىك بار.

  ءسۇت ونىمدەرى

  سارىمايدى كىشكەنتاي قۇتىعا تىعىزداپ سالىپ، بەتىن جاۋىپ، ۇستىنەن سۋىق تۇزدى سۋ قۇيىڭىز جانە ونى كۇندە اۋىستىرىپ وتىرىڭىز. ءسۇت ونىمدەرىن ءبىر ىدىسقا قۇيىپ، سۋىق سۋعا تولى ودان دا ۇلكەن ىدىسقا سالىپ قويۋعا بولادى. ازىق-تۇلىكتى ماتامەن وراپ، ماتانىڭ شەتىن سۋىق سۋعا سالىپ قويۋ كەرەك. سۋ بۋعا اينالىپ، تومەنگى تەمپەراتۋرانى ساقتاپ تۇرادى. بۇل ءوز كەزەگىندە ازىق-تۇلىكتىڭ ءبۇلىنۋىنىڭ الدىن الادى.

  بالىق

  جاس بالىقتى ۇزاعىراق ساقتاۋ ءۇشىن ىشەك-قارنىن ارشىپ تازالاپ، جەلبەزەكتەرىن الىپ تاستاۋ كەرەك. بالىقتى قۇرعاتىپ ءسۇرتىپ، قۇرساق قۋىسىن تۇزداپ، مايلىق نەمەسە دارەتحانا قاعازىنا توسەپ قويۋ كەرەك. بۇدان كەيىن ءار بالىقتى قۇرعاق تازا قاعازعا وراپ قويادى. ەگەر شاياندى ۇزاعىراق ساقتاۋ كەرەك بولسا، وندا ونى سۋعا ءپىسىرىپ، شىنى قۇتىعا سالىپ، ۇستىنەن سۋىق تۇزدى سۋ قۇيىپ قويادى (1 ليتر قايناتىلعان سۋعا 1 ۇلكەن قاسىق اس تۇزى).

  كوكونىستەر

  كوكونىستەر كوبىنە دىمقىلدانۋدىڭ سەبەبىنەن بۇزىلادى، سوندىقتان ولاردى ساقتايتىن بولساڭىز جۋماعانىڭىز ءجون جانە قاعازعا وراپ قويۋ دۇرىس بولادى.

  ەت

  ماڭىزدىسى: بۇل ونىمدەر تەز بۇزىلاتىن بولعاندىقتان اۋا وتپەۋىن قاداعالاڭىز. ول ءۇشىن وعان ءسۇت قۇيىپ قويىڭىز (1-2 ساعاتتان كەيىن كىلەگەي ەتتىڭ جان-جاعىنا جابىسىپ، اۋانى كىرگىزبەيدى، ال ءسۇت قىشقىلى باكتەريالاردىڭ ءوسۋى مەن كوبەيۋىنىڭ الدىن الادى).

  ونىمدەردى گەرمەتيزاتسيالاۋدىڭ باسقا دا ءتاسىلى بار: ەت نەمەسە قۇس ەتىنە قايناعان سۋ قۇيىپ (بەت جاعى اعارۋى مۇمكىن)، نەمەسە كۇنباعىس مايىمەن مايلاپ قويىڭىز. جازدا ەتتى شىبىننان قورعاۋ قاجەت: ءونىمدى بۇرىشپەن، ۇنتاقتالعان اقجەلكەكپەن سىلاۋ قاجەت نەمەسە اشىتىلعان قياردىڭ تۇزدىعىنا مالىنعان ماتاعا وراپ قويىڭىز.

  جۇمىرتقا

  جۇمىرتقانى 5 سەكۋندقا قايناعان سۋعا سالىپ گەرمەتيزاتسيالايدى (قابىعىنىڭ استىندا قايناتىلعان اقۋىز قاباتى پايدا بولادى). پايدالانىلماعان سارى ۋىزدى شىنى قۇتىعا سالىپ، سىرتىنان سۋىق سۋ قۇيىپ قويۋ قاجەت.

  وسى كەڭەستەردى پايدالانساڭىز توڭازىتقىشتىڭ جوقتىعىنا قاپالانباي، ونىمدەردى ءبىراز ۋاقىتقا ساقتاي الاسىز.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى دەن قويا ۇيىمداستىرىپ، تىڭعىلىقتى تۇردە ويداعىداي ورىستەتىپ، ورنىقتىلىق، دامۋ قىزمەتىنىڭ تاعى تىڭ ورەگە كوتەرىلۋىن ىلگەرىلەتەيىك
  • شي جينپيڭ پيڭراڭعا بارعاندا، قىزۋ قارسى الۋعا بولەندى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
  • شي جينپيڭ اۋە ارمياسىنىڭ 13 - رەتكى پارتيا قۇرىلتايىنىڭ ۋاكىلدەرىن قابىلدادى