اعاجاي-التاي تورابى   ›   اقپارات ايدىنى   ›   شينجياڭ حابارلارى

رايونىمىز ادەتتەگى ونەركاسىپ - ساۋدا سالاسىنداعى ەلەكتر باعاسىن بيىل تاعى ءبىر رەت تومەندەتەدى

    شينجياڭ گازەتىنىڭ ءتىلشىسى شى شين 6 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، جۋىقتا اۆتونوميالى رايون تاعى دا حۇجات شىعارىپ، رايونىمىزداعى ادەتتەگى ونەركاسىپ - ساۋدا سالاسىنىڭ جانە باسقا تۇردەگىلەردىڭ ەلەكتر تۇتىنۋ باعاسىن تومەندەتكەن، بۇل رەتكى ەلەكتر باعاسىن رەتتەۋ ساياساتى 7 - ايدىڭ 1 - كۇنىنەن باستاپ اتقارىلادى ەكەن.

  1 - توپتاعى جانە وسى رەتكى باعا تومەندەتۋ شاراسىن جيناقتاعاندا، رايونىمىزدىڭ ادەتتەگى ونەركاسىپ - ساۋدا سالاسىنداعى جانە باسقا تۇردەگى ەلەكتر باعاسى ورتا ەسەپپەن جيىنى كيلوۆات - ساعاتىنا 0.0657 يۋان تومەندەپ، ورتاشا تومەندەۋ مولشەرى %13.77كە جەتىپ، مەجەمەن ءار جىلى بۇكىل رايونداعى 813 مىڭ ادەتتەگى ونەركاسىپ - ساۋدا سالاسىنداعى جانە باسقا دا تۇتىنۋشىلار ەلەكتر اقىسى شىعىسىنان ءبىر ميلليارد 93 ميلليون يۋان ۇنەمدەيدى ەكەن.

  ءۇرىمجى قالاسىنىڭ نانچاڭ جولىندا بۇرىشپەن قۋىرىلعان تاۋىق قۋىرداعى دۇكەنىن اشاتىن جىڭ جىجيە تىلشىگە بىلاي دەدى: 2018 - جىلى اسحانانىڭ جالپى تۇتىنعان ەلەكتر مولشەرى 45 مىڭ كيلوۆات - ساعاتقا جەتتى، كەلەر ايدا ەلەكتر باعاسى تومەندەسە، بيىل ءبىرتالاي ەلەكتر اقىسى شىعىسىن ۇنەمدەپ قالعالى وتىرمىز.

  اۆتونوميالى رايوندىق حالىق ۇكىمەتىنىڭ ماقۇلداۋىمەن، اۆتونوميالى رايوندىق دامۋ جانە رەفورما كوميتەتى جۋىقتا «رايونىمىزدىڭ ادەتتەگى ونەركاسىپ - ساۋدا سالاسىنىڭ جانە باسقا تۇردەگىلەردىڭ ەلەكتر تۇتىنۋ باعاسىن ونان ارى تومەندەتۋگە قاتىستى ىستەر تۋرالى حابارلاندىرۋ»دى (تومەندە «حابارلاندىرۋ» دەلىندى) باسىپ تاراتىپ مىنانى ايقىندادى: رايونىمىزدىڭ ادەتتەگى ونەركاسىپ - ساۋدا سالاسى جانە باسقا تۇردەگىلەر تۇتىناتىن ەلەكتردىڭ ساتىلىم باعاسى ءار كيلوۆات - ساعاتىنا 0.04215 يۋان (سالىق قامتىلعان، تومەندە دە وسىلاي) تومەندەتىلەدى، ادەتتەگى ونەركاسىپ - ساۋدا سالاسى جانە باسقا تۇردەگىلەر تۇتىناتىن ەلەكترگە سايكەستى جەتكىزىلەتىن ەلەكتر باعاسى ءار كيلوۆات - ساعاتىنا سايكەستى تۇردە 0.04215 يۋان تومەندەتىلەدى، حوتان ايماعىنداعى ادەتتەگى ونەركاسىپ - ساۋدا سالاسى جانە باسقا تۇردەگىلەر تۇتىناتىن ەلەكتردىڭ ساتىلىم باعاسى بۇكىل رايون بويىنشا رەتتەلگەننەن كەيىنگى دەڭگەيگە دەيىن ءبىر تۇتاس تومەندەتىلەدى. رەتتەلگەننەن كەيىن رايونىمىزدىڭ ادەتتەگى ونەركاسىپ - ساۋدا سالاسى جانە باسقا تۇردەگىلەر تۇتىناتىن ەلەكتردىڭ ەلەكتر كەرنەۋى دارەجەسىنە ءبولۋ ءتىزىمى بويىنشا ساتىلىم باعاسى كيلوۆات - ساعاتىنا 0.4157 - 0.4087 يۋان بولادى.

  «حابارلاندىرۋ»دا مىنالار بەلگىلەندى: سۋ ەلەكترىنىڭ ارتقان قۇن سالىق مولشەرى %13كە تومەندەتىلگەندىكتەن، رايونىمىزدىڭ 50 مىڭ كيلوۆاتتىق جانە ونان جوعارى سۋ ەلەكترىنىڭ جەلىگە قوسىلۋ باعاسى سايكەستى رەتتەلەدى. سۋ ەلەكتردىڭ ولشەمدى جەلىگە قوسىلۋ باعاسى (سالىق قامتىلعان) كيلوۆات - ساعاتىنا 0.227 يۋان بولىپ رەتتەلەدى، وڭتۇستىك شينجياڭداعى 3 ايماق - وبلىستا (بۇعان ءۇشتۇرپان اۋدانى، كەلپىن اۋدانى، اۋات اۋدانى قوسىلادى) كيلوۆات - ساعاتىنا 0.251 يۋان بولىپ رەتتەلەدى. سونىمەن بىرگە، اۆتونوميالى رايوندىق دامۋ جانە رەفورما كوميتەتى بۇرىن ماقۇلداعان 50 مىڭ كيلوۆاتتىق جانە ودان جوعارى ”ءبىر ستانسيا ءبىر باعا“ سىندى سۋ ەلەكتردى جەلىگە قوسىلۋ باعاسىنا سايكەستى رەتتەۋ جۇرگىزىلەدى.

  «حابارلاندىرۋ»دا مىنالار اتاپ كورسەتىلدى: مەملەكەتتىك ەلەكتر تورى قارامايلى ەلەكترمەن قامداۋ شەكتى سەرىكتەستىگى، شينجياڭ ىلە ەلەكتر قۋاتى شەكتى جاۋاپكەرشىلىك سەرىكتەستىگى اۆتونوميالى رايوننىڭ باعا تومەندەتۋ ورنالاستىرۋىنا نەگىزدەلىپ، وسى رەتكى ادەتتەگى ونەركاسىپ - ساۋدا سالاسىنداعى ەلەكتر باعاسىن تومەندەتۋ قىزمەتىنىڭ مىندەتىن ۇزدىكسىز ويداعىداي تياناقتاندىرادى. بيڭتۋان ەلەكتر جەلىسىنىڭ ادەتتەگى ونەركاسىپ - ساۋدا سالاسى تۇتىناتىن ەلەكتردىڭ باعاسىن تومەندەتۋ ءىسىن شينجياڭ ءوندىرىس - قۇرىلىس بيڭتۋانى بولەك اقىلداسادى.

  اۆتونوميالى رايوندىق دامۋ جانە رەفورما كوميتەتى مىنالاردى تالاپ ەتتى: جەر - جەردەگى دامۋ جانە رەفورما كوميتەتتەرى، ەلەكتر جەلىسى كاسىپورىندارى بەلگىلەمە بويىنشا دەن قويا ۇيىمداستىرىپ، جان - جاقتى ورنالاستىرىپ، ۇگىتتەۋ - ءتۇسىندىرۋ قىزمەتىن ويداعىداي ىستەپ، كاسىپورىندارعا ىرىقتى قىزمەت وتەپ، جاڭا ەلەكتر باعاسى ساياساتىنىڭ ورنىقتى اتقارىلۋىنا شىنايى كەپىلدىك ەتۋ كەرەك. قاتىستى ساۋدالىق كەشەندەر، قوجالىق ورىندارى، جۇمىس عيماراتتارى سياقتى ەلەكتر جەتكىزىپ قامدايتىن تۇلعالار رايونىمىزدىڭ بيىل جىل باسىنان بەرى 2 رەتكى باعا تومەندەتۋ ساياساتىنىڭ پايداسىن ءوز ق−الپىندا س−وڭعى بۋىنداعى تۇتىنۋشىلارعا جەتكىزىپ بەرۋى كەرەك، ءارقانداي سەبەپپەن ونى ۇستاپ قالۋىنا بولمايدى.

جاۋاپتى رەداكتور: ءاننا اكىمقان قىزى
  • شي جينپيڭ پيڭراڭعا بارعاندا، قىزۋ قارسى الۋعا بولەندى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
  • شي جينپيڭ اۋە ارمياسىنىڭ 13 - رەتكى پارتيا قۇرىلتايىنىڭ ۋاكىلدەرىن قابىلدادى
  • الداعى ءۇش كۇندىك اۋا رايىنان الدىن الا مالىمەت