اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ پيڭراڭعا بارعاندا، قىزۋ قارسى الۋعا بولەندى

بەيجيڭنەن اتتانىپ، چاۋشيان دەموكراتيالىق حالىق رەسپۋبليكاسىنا مەملەكەت ىستەرى ساپارىندا بولدى

شي جينپيڭ پيڭراڭعا بارعاندا، قىزۋ قارسى الۋعا بولەندى

  6 - ايدىڭ 20 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ارناۋلى ۇشاقپەن پيڭراڭعا بارىپ، چاۋشيان دەموكراتيالىق حالىق رەسپۋبليكاسىنا مەملەكەت ىستەرى ساپارىن باستادى. چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋ اۋەجايعا بارىپ شي جينپيڭ مەن حانىمى پىڭ لييۋاندى ىستىق ىقىلاسپەن قارسى الدى. چاۋشيان جاق اۋەجايدا سالتاناتتى قارسى الۋ سالتىن وتكىزدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  6 - ايدىڭ 20 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ارناۋلى ۇشاقپەن پيڭراڭعا بارىپ، چاۋشيان دەموكراتيالىق حالىق رەسپۋبليكاسىنا مەملەكەت ىستەرى ساپارىن باستادى. چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋ اۋەجايعا بارىپ شي جينپيڭ مەن حانىمى پىڭ لييۋاندى ىستىق ىقىلاسپەن قارسى الدى. چاۋشيان جاق اۋەجايدا سالتاناتتى قارسى الۋ سالتىن وتكىزدى. قارسى الۋ سالتى اياقتاعاننان كەيىن، شي جينپيڭ مەن جين جىڭىن اۆتوكولىككە بىرگە ءتۇسىپ، جينشيۋشان تايياڭگۇڭ الاڭىنا قاراي بەت الدى، جول بويى نەشە 100 مىڭداعان بۇقارا جولدىڭ ەكى جاعاسىندا تۇرىپ قارسى الدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 6 - ايدىڭ 20 - كۇنى پيڭراڭنان بەرگەن حابارى (تىلشىلەر جياڭ ياپيڭ، لي جۇڭفا). 6 - ايدىڭ 20 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ارناۋلى ۇشاقپەن پيڭراڭعا بارىپ، چاۋشيان دەموكراتيالىق حالىق رەسپۋبليكاسىنداعى مەملەكەت ىستەرى ساپارىن باستادى.

  جەرگىلىكتى ۋاقىت ساعات 12 مولشەرىندە شي جينپيڭ وتىرعان ارناۋلى ۇشاق پيڭراڭداعى شۇن - ان اۋەجايىنا جەتتى. جاڭبىردان كەيىنگى كۇن شۋاعىنا مالىنعان پيڭراڭنىڭ اسپانى شايداي اشىلدى، اۋا رايى جانعا جايلى، بار الاپ جاسىل جەلەك جامىلىپ، گۇل - بايشەشەك قۇلپىرىپ، تۇتاس قالا دوستىق مەرەيىنە شومدى. اۋەجايدا جۇڭگو مەن چاۋشيان ەكى ەلدىڭ مەملەكەت تۋلارى جەلمەن جەلبىرەدى، ”جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، جۇڭحۋا حالىق رەسپۋبليكاسىنىڭ ءتوراعاسى شي جينپيڭ جولداستى قىزۋ قارسى الامىز“، ”ىستىق قانمەن ورناعان چاۋشيان مەن جۇڭگو ەكى ەل حالىقتارى اراسىنداعى بۇزىلماس بەرىك دوستىق، ىنتىماق ماڭگى جاساسىن“ دەگەن ۇلكەن جازبا ۇران بيىك ءىلىنىپتى، 10 مىڭعا تاياۋ بۇقارا رەتتى ساپ تۇزەپ، گۇل شوعىرىن بۇلعاپ، شاتتىق ايعايلارى مەن ىقىلاستى كۇلكىلەرى ارقىلى قۇرمەتتى جۇڭگولىق قوناقتارىنىڭ كەلگەندىگىن قارسى الدى. چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىن مەن حانىمى لي شۋەجۋ اۋەجايعا بارىپ قارسى الدى.

  چاۋشيان بۇقاراسىنىڭ تاسقىنداعان سالتانات ۇنىندە، شي جينپيڭ مەن حانىمى پىڭ لييۋان ۇشاق ەسىگىنەن شىقتى، جين جىڭىن مەن حانىمى لي شۋەجۋ ۇشاق باسپالداعىنىڭ جانىندا تۇرىپ ىقىلاسپەن قارسى الدى. شي جينپيڭ ۇشاق باسپالداعىنان ءتۇسىپ، جين جىڭىنمەن ىقىلاسپەن قول الىسىپ، امانداستى. چاۋشياندىق بالالار شي جينپيڭ مەن پىڭ لييۋانعا گۇل ۇسىندى. ءتوراعا شي جينپيڭ قارسى الۋعا بىرگە شىققان چاۋشيان جاقتىڭ جوعارى دارەجەلى مانساپتىلارىمەن ءبىر - بىرلەپ قول الىسىپ، قۇرمەت ءبىلدىردى.

  چاۋشيان جاق اۋەجايدا سالتاناتتى قارسى الۋ سالتىن وتكىزدى. 21 رەت اتىلعان قۇرمەت زەڭبىرەگى ءۇنى ىشىندە، اسكەري وركەستر جۇڭگو مەن چاۋشيان ەكى ەلدىڭ مەملەكەت ءانىن ورىندادى، شي جينپيڭ جين جىڭىننىڭ سەرىك بولۋىمەن چاۋشيان حالىق ارمياسى 3 ارمياسىنىڭ قۇرمەت قاراۋىلىن كوزدەن كەشىردى ءارى قاتار تۇزەۋ سالتاناتىن تاماشالادى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستار ۇشاقپەن بىرگە جەتتى.

  جۇڭگونىڭ چاۋشياندا تۇراتىن باس ەلشىسى لي جينجۇن دە اۋەجايعا شىعىپ قارسى الدى.

  چاۋشياننىڭ پارتيا جانە مەملەكەت باسشىلارىنان پياۋ فىڭجۋ، لي يۇڭحاۋ، لي ۋانجيان، لي جۋيۇڭ، سۇي حۇي، جين يىڭجى، جين شيۋجي، لي يۇڭجي، نۋ گۋاڭتيە، لي لۇڭنان، جين يۇيجىڭ قاتارلىلار اۋەجايداعى قارسى الۋ سالتىنا قاتىناستى.

  قارسى الۋ سالتى اياقتاعاننان كەيىن 21 قوناق قارسى الۋ موتوتسيكلىنىڭ قورعاۋىندا، شي جينپيڭ اۆتوكولىككە وتىرىپ، جينشيۋشان يىڭبيڭ سارايىنا قاراي بەت الدى. جول بويى نەشە 100 مىڭداعان بۇقارا جۇڭگو مەن چاۋشيان ەكى ەلدىڭ مەملەكەت تۋىن جانە الۋان رەڭدى گۇلدى بۇلعاپ، جۇڭگو مەن چاۋشيان دوستىعى ماڭگى جاساسىن دەگەن سياقتى ۇرانداردى اسقاق ىنتامەن شاقىرىپ، جولدىڭ ەكى جاعاسىندا تۇرىپ قارسى الدى.

  شي جينپيڭ ليميڭ كوشەسىنىڭ تۇيىلىسىنە جەتكەندە، توبەسى اشىق اۆتوكولىككە ءتۇسىپ، جين جىڭىنمەن بىرگە جينشيۋشانداعى تايياڭگۇڭ الاڭىنا قاراي بەت الدى. كوشەنىڭ ەكى جاعاسىندا ادامدار سەڭدەي سوعىلىسىپ، كەرەمەت سالتاناتتى بەينە جارىققا شىقتى. قارسى الا شىققان بۇقارا دوڭەستە تۇرىپ، تۇرعىندار عيماراتىنىڭ سامالدىعىنا شىعىپ، جۇڭگولىق قۇرمەتتى قوناقتارعا الاقايلاپ، قۇرمەت ءبىلدىردى. بارلىق جەردەن ىستىق ىقىلاستى جايدارى جۇزدەر مەنمۇندالادى، دوستىقتىڭ سالتانات ءۇنى تولاسسىز ەستىلىپ تۇردى. شي جينپيڭ مەن جين جىڭىن قارسى العان قاۋىمعا ءالسىن - ءالى قول بۇلعاپ قۇرمەت ءبىلدىردى.

  مامىراجاي كۇن نۇرىندا، جينشيۋشانداعى تايياڭگۇڭ الاڭى ايرىقشا ايبىندى كورىندى، جين رىچىڭن−ىڭ، جين جىڭرىنىڭ الىپ سۋرەتى قاتارىنان جوعارى ءىلىنىپتى، ۇلكەن گۇلدىك كەڭ الاڭنىڭ ورتاسىنا ورنالاسىپتى، گۇلدەر جايقالا اشىلىپ، توڭىرەك جاپ - جاسىل بولىپ تۇر. قارسى الا شىققان قاۋىم ۇستىلەرىنە مەرەكەلىك سالتاناتتى كيىمدەرىن كيىپ، رەتتى ءتىزىلىپ تۇردى. شي جينپيڭ كەلگەندە، نەشە 10 مىڭداعان الۋان رەڭدى شار كوككە كوتەرىلدى. شي جينپيڭ مەن پىڭ لييۋان جين جىڭىن مەن لي شۋەجۋدىڭ سەرىك بولۋىندا، وسى ارادا چاۋشياننىڭ پارتيا، ۇكىمەت باسشى كادرلارىنىڭ جانە پيڭراڭ قالا حالقى ۋاكىلدەرىنىڭ ىززەت - قۇرمەتىن قابىلدادى، ولارمەن ءبىر - بىرلەپ قول الىستى. بۇل شەتەل باسشىلارىنىڭ جينشيۋشانداعى تايياڭگۇڭ الاڭىندا تۇڭعىش رەت ىززەت - قۇرمەتكە يە بولۋى، مۇنان وتاعاسى ەلدىڭ ىستىق ىقىلاسى مەن قۇرمەتى تولىق ايگىلەندى. چاۋشياننىڭ پارتيا جانە مەملەكەت باسشىلارىنان سۇي لۇڭحاي، جين سايلۇڭ، پياۋ گۋاڭحاۋ، جين پيڭحاي، ۋ شوۋيۇڭ، پياۋ تايچىڭ، تاي حىڭچى، سۇي فۋرى، جىڭ جيڭزى، جين دىشۇن، لي جوۋ - ۋ، دۇڭ جىڭحاۋ، جين نىڭۋ قاتارلىلار قۇرمەت ءبىلدىرۋ قيمىلىنا قاتىناستى.

  وسىدان كەيىن شي جينپيڭ مەن پىڭ لييۋان اۆتوكولىككە وتىرىپ، جينشيۋشان يىڭبيڭ سارايىنا بارىپ ءتۇستى.

  شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 6 - ايدىڭ 20 - كۇنى ارناۋلى ۇشاقپەن بەيجيڭنەن اتتانىپ، چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىننىڭ ۇسىنىسىنا ساي، چاۋشيان دەموكراتيالىق حالىق رەسپۋبليكاسىنا مەملەكەت ىستەرى ساپارىندا بولدى.

  ساپارعا سەرىك بولىپ شىققانداردان: باس شۋجي، مەملەكەت ءتوراعاسى شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلىلار بار.

جاۋاپتى رەداكتور: ءاننا اكىمقان قىزى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قوزعاۋشى كۇش ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ جاڭا جاعدايىن قۇلشىنا اشايىق
  • شي جينپيڭ اۋە ارمياسىنىڭ 13 - رەتكى پارتيا قۇرىلتايىنىڭ ۋاكىلدەرىن قابىلدادى
  • الداعى ءۇش كۇندىك اۋا رايىنان الدىن الا مالىمەت
  • قامبار اتا تۇلىگى قامىس قۇلاق، جەسەڭ ەت، مىنسەڭ كولىك، ساۋساڭ بۇلاق