اعاجاي-التاي تورابى   ›   حابارلاندىرۋ

كوڭىل بولىڭىزدەر! الداعى بىرنەشە كۇندە كۇشتى جاۋىن-شاشىن بولادى

  ءوز ءتىلشىمىز دۇڭ شىجۇي حابارلايدى. 6-ايدىڭ 11-كۇنى، ءتىلشىنىڭ ايماقتىق اۋا رايى ستانسياسىنان ۇعىسۋىنا قاراعاندا، ورتا ازياداعى تومەن اعىستىڭ شىعىستا جىلجىپ وڭتۇستىككە ويىسۋى ىقپالىنان، مەجەمەن، 6-ايدىڭ 12-كۇنى تۇننەن 14-كۇنى كۇندىزگە دەيىن، ايماعىمىزدا جالپى بەتتىك سەبەزگى جاڭبىر جاۋادى (6.0~ 0.1ميلليمەتر)، جەمەنەي اۋدانى مەن بۋرىلتوعاي اۋدانىنىڭ ءبىر ءبولىم جەرلەرىندە جانە سولتۇستىك بولەك تاۋلى رايون اققابا ــ جالدىڭۇيى ــ قوم ــ قىزىلتاۋ شەكارا وتكەلىندە قالىڭ جاڭبىر جاۋادى (18.0~ 9.1ميلليمەتر)، كوكتوعاي اۋدانى مەن شىڭگىل اۋدانىنىڭ ءبىر ءبولىم جەرلەرى جانە جەمەنەي اۋدانىنىڭ ساۋىر تاۋلى رايونىندا نوسەرلى جاڭبىر جاۋادى، (18.1~36ميلليمەتر)، ءىشىنارا جەرلەردە نوسەرلى جاڭبىر جاۋادى (24.1~ 48ميلليمەتر).

  بۇل رەت اۋا رايى مەكەمەسى ءىشىنارا جەرلەردە قىسقا ۋاقىت ىشىندە كۇشتى جاۋىن-شاشىن، ناجاعايلى نوسەر، بۇرشاق، بوران قاتارلى كۇشتى قاراما-قارسى اعىستىق اۋا رايىنىڭ تۋىلۋ مۇمكىندىگى زور بولاتىندىعىن مەجەلەپ، الدىن الا ساقتانۋدى ەسكەرتەدى. جەمەنەي اۋدانى، قابا اۋدانى، بۋىرشىن اۋدانى، بۋرىلتوعاي اۋدانى، كوكتوعاي اۋدانىنىڭ وڭتۇستىك بولەگى جانە التاي قالاسىنىڭ قيىس وڭتۇستىك بەلدەۋىندە قيىس باتىستان 4~5 بال شاماسىندا جەل سوعىپ، جەل وتتەرىندەگى جەل كۇشى 7~8 بالعا جەتەدى، تەمپەراتۋرا ءسال تومەندەيدى.

  ىقىلاستى ەسكەرتپە

  ايماقتىق اۋا رايى ستانسياسىنىڭ مەجەسىنە قاراعاندا، بۇل رەت جاۋىن-شاشىن مولشەرى مول بولىپ، ٴىشىنارا جەرلەردە نوسەرلى جاڭبىر جاۋاتىندىقتان، ورتا، شاعىن وزەن تاسقىنى، لاي تاسقىنى، جەر كوشكىنى، وپىرىلۋ سياقتى گەولوگيالىق اپاتتار وڭاي تۋىلاۋى مۇمكىن، تاۋلى وڭىرلەردىڭ ماڭىنداعى قىستاقتار، زاۆود-كەن كاسىپورىندارى، سۋ يگىلىگى قۇرىلعىلارى، تاس جول سياقتى اپاتتار وڭاي تۋىلاتىن جەرلەردە تاۋ تاسقىنى مەن گەولوگيالىق اپاتتاردى شۇعىل ٴبىر جايلى ەتۋ جانە ودان ساقتانۋ قىزمەتىن كۇشەيتۋى كەرەك؛ ٴارقايسى سۋ قويمالارى ٴىس جۇزىندىك جاعدايعا قاراي دەركەزىندە سۋ ساقتاۋ نەمەسە تاسقىن سۋىن اعىزىپ وتىرۋى كەرەك؛ تاۋلى رايوندارعا ساياحاتتاي كەلگەن ساياحاتشىلار مەن مالشىلارعا ويپاڭ جەرلەرگە بارماۋ تۋرالى الدىن الا ەسكەرتۋى كەرەك.

  اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى
  • شي جينپيڭ قىرعىزستاننىڭ پرەزيدەنتىمەن كەزدەستى
  • شينجياڭنىڭ بۋرىلتوعاي اۋدانى: تۇيە باعىمشىلىعىمەن دوڭگەلەك داۋلەتتى ورەگە جەتۋگە قۇلشىنۋدا
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى