اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ قىرعىزستاننىڭ پرەزيدەنتىمەن كەزدەستى

     جەرلىك ۋاقىت 6 ـ ايدىڭ12 ـ كۇنى كەشتە، ارناۋلى ايروپلانمەن بيشكەككە جەتكەن مەملەكەت ٴتوراعاسى شي جينپيڭ قىرعىزستاننىڭ پرەزيدەنتى جيەنبەكوۆتىڭ ۇسىنىسى بويىنشا پرەزيدەنت سارايىنا كەلدى، ەكى ەل باسشىسى وسىندا ىقىلاسپەن كەزدەستى.

    شي جينپيڭ وتىرعان اۆتوكولىك پرەزيدەنت سارايىنا كەلگەندە، جيەنبەكوۆ پەن حانىمى ساراي الدىندا قارسى الدى. ەكى ەل باسشىلارى اق جارقىن دوستىق بەينەدە جۇڭگو مەن قىرعىزستاننىڭ ٴداستۇرلى دوستىعىن اقتارىلا اڭگىمەلەپ، ەكى جاقتى قاتىناستىڭ كوركەم بولاشاعىن بىرلىكتە اقىلداستى ٴارى ورتاق كوڭىل ٴبولىپ وتىرعان ماسەلەلەر جونىندە ىشكەرىلەي پىكىر اۋىستىردى.

  شي جينپيڭ بىلاي دەپ انىق ايتتى: كونە دوستاردىڭ ۇيىنە قوناققا كەلگەنىمە وتە قۋانىشتىمىن. بۇل مەنىڭ 6 جىلدان كەيىن قىرعىزستاندا تاعى دا ساپاردا بولۋىم عوي. ديپلوماتيالىق قاتىناس ورناتقان 27 جىلدان بەرى، ەكى جاقتىڭ ورتاق قۇلشىنۋىندا، جۇڭگو مەن قىرعىزستاننىڭ قاتىناسى باياندى دامىپ، ساياسي جاقتا وسكەلەڭ دارەجەدە ٴوزارا سەنەتىن، ەكونوميكالىق جاقتا ٴوزارا تيىمدىلىك جەتكىزەتىن، حاۋىپسىزدىك جاعىندا ٴبىر ـ بىرىنە ارقا سۇيەيتىن، حالىقارالىق جاقتا تىعىز سەلبەسەتىن تاماشا جاعداي قالىپتاستى. مەن پرەزيدەنت مىرزانىڭ تالاي رەت جاريا ٴسوز سويلەپ، جۇڭگو مەن قىرعىزستاننىڭ دوستىعىن باتىل قورعاعاندىعىن القايمىن. جۇڭگو قىرعىزستاننىڭ رەفورما، دامۋ جەتىستىكتەرىن جوعارى باعالايدى، قىرعىزستاننىڭ مەملەكەتتىڭ ورنىقتىلىعىن قورعاۋ، ەكونوميكانىڭ دامۋىن جەبەۋ جاعىندا تاعى دا تاماشا ناتيجە جاراتۋىن تىلەيدى. جۇڭگو قىرعىزستانمەن بىرلىكتە ەل باسقارۋ تاجىريبەلەرىن ورتاقتاستىرىپ، بىرلىكتە دامىپ كوركەيۋدى قالايدى. ەكى جاقتىڭ « ٴبىر بەلدەۋ، ٴبىر جولدى » ورتاق قۇرۋ سەلبەستىگىنىڭ ۇزدىكسىز تەرەڭدەگەندىگىنە، ناقتىلانا تۇسكەندىگىنە ەرەكشە قۋانىشتامىن. جۇڭگو قىرعىزستانمەن قول ۇستاسا قۇلشىنىپ، جۇڭگو مەن قىرعىزستاننىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىن جەبەپ، ٴتىپتى دە كوپتەگەن جاڭا جەتىستىكتەرگە قول جەتكىزىپ، ەكى ەل حالقىنا ٴتىپتى دە زور باقىت جاراتۋدى قالايدى. ەكى جاق شاڭحاي سەلبەستىك ۇيىمى، ازيا ٴوزارا ىقپالداستىق جانە سەنىم شارالارى كەڭەسى قاتارلى كوپ جاقتى جۇلگەدەگى سەلبەستىكتى نىعايتىپ، كوپ جاقتىلىققا تاباندى بولىپ، قورعامپازدىققا، سىڭار جاقتىلىققا بىرلىكتە قارسى تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋى كەرەك.

  جيەنبەكوۆ بىلاي دەدى: ٴتوراعا شي جينپيڭنىڭ قىرعىزستان ـ جۇڭگو قاتىناسىنا ايرىقشا ٴمان بەرگەندىگىنە العىس ايتامىن. بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، قىرعىزستان مۇنى ەرەكشە قۋانىشپەن قۇتتىقتايدى، جۇڭگونىڭ دامۋدا اناعۇرلىم زور تابىستارعا قول جەتكىزۋىن تىلەيدى. بىرنەشە كۇننىڭ الدىندا، مەن « شي جينپيڭ: ەل باسقارۋ جونىندە» اتتى كىتاپتىڭ 1 ـ تومىنىڭ قىرعىزشا باسىلىمىنىڭ العاشقى تاراتىلۋ سالتىنا قاتىناستىم. بۇل شىعارما ٴبىزدىڭ جۇڭگونىڭ قىمباتتى تاجىريبەلەرىنەن ۇلگى الىپ، قىرعىزستاننىڭ وزىندىك رەفورما، دامۋ ىستەرىن ىلگەرىلەتۋىمىزدە ماڭىزدى مانگە يە. قىرعىزستان جۇڭگو ۇكىمەتىنىڭ شينجياڭنىڭ حاۋىپسىزدىگى مەن ورنىقتىلىعىن قورعاۋ، ۇشقارىلىققا سوققى بەرۋ جاعىندا قولدانعان شارالارىن باتىل قولدايدى، جۇڭگونىڭ ەجەلدەن بەرى قىرعىزستاندى زور كۇشپەن قولداعانىنا جانە كومەكتەسكەنىنە العىس ايتادى. قىرعىزستان جۇڭگونىڭ حالىقارالىق ىستەردەگى ىقپال كۇشىنە باسا ٴمان بەرەدى، جۇڭگومەن بىرلىكتە «ٴبىر بەلدەۋ، ٴبىر جولدى» ورتاق قۇرۋ جۇلگەسىندەگى ٴار سالاداعى ٴوزارا ٴتيىمدى سەلبەستىكتى ىشكەرىلەتىپ، جۇڭگو ەكونوميكاسىنىڭ جەدەل دامۋ قولايلى ورايىنا بەلسەنە قاتىناسىپ، ەكى جاقتى قاتىناستىڭ قارىشتاپ دامۋىن ىلگەرىلەتۋدى قالايدى.

جاۋاپتى رەداكتور: ءاننا اكىمقان قىزى
  • شينجياڭنىڭ بۋرىلتوعاي اۋدانى: تۇيە باعىمشىلىعىمەن دوڭگەلەك داۋلەتتى ورەگە جەتۋگە قۇلشىنۋدا
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى