اعاجاي-التاي تورابى   ›   زاڭ-تارازى   ›   عىلىمي ماقالالار

”قارا نار“ − رىن بيشى: پارتيا مەن حالىق ءۇشىن بارلىعىن ارنادى

  رىن بيشى (ماتەريال سۋرەت)
شينحۋا اگەنتتىگى تاراتقان
 

  شينحۋا اگەنتتىگىنىڭ 6 - ايدىڭ 5 - كۇنى چاڭشادان بەرگەن حابارى (ءتىلشى جوۋ ميان). ”ول − پارتيامىزدىڭ قارا نارى، جۇڭگو حالقىنىڭ قارا نارى، اۋىر جۇك ارقالاپ، ۇزاق تا ماشاقاتتى جول باستى، دەمالۋدى بىلمەدى، راحات دەگەندى بىلمەدى، جەكە باسىنىڭ قامىمەن ەشقانداي ساناسپادى. ول − تاڭداۋلى كوممۋنيزمشىل، پارتيامىزدىڭ ەڭ جاقسى مۇشەسى، ءبىزدىڭ ۇلگىمىز“. بۇل يە جيانيىڭ مارشالدىڭ رىن بيشى جولداسقا بەرگەن باعاسى.

  رىن بيشى، اسىلگى اتى رىن پەيگو، حۋناننىڭ ميلو دەگەن جەرىنەن. 1904 - جىلى دۇنيەگە كەلگەن، 1920 - جىلى جۇڭگو سوتسياليستىك جاستار وداعىنا مۇشە بولعان، 1922 - جىلى جۇڭگو كوممۋنيستىك پارتياسىنا مۇشە بولعان، 1925 - جىلى 7 - ايدا كوممۋنيستىك جاستار وداعى ورتالىق كوميتەتىنىڭ باس شۋجيى بولىپ تاعايىندالادى، 1927 - جىلى 5 - ايدا جۇڭگو كوممۋنيستىك پارتياسىنىڭ 5 - قۇرىلتايىندا ورتالىق كوميتەتتىڭ مۇشەسى بولىپ سايلانادى. زور توڭكەرىس ساتسىزدىككە ۇشىراعاننان كەيىن، رىن بيشى 1927 - جىلى 8 - ايدىڭ 7 - كۇنى حانكوۋدا اشىلعان جۇڭگو كوممۋنيستىك پارتياسى ورتالىق كوميتەتىنىڭ شۇعىل ماجىلىسىنە قاتىناسىپ، جەر توڭكەرىسىن بەلسەندىلىكپەن دارىپتەپ، جۇڭگو كوممۋنيستىك پارتياسى ورتالىق كوميتەتى ۋاقىتشا ساياسي بيۋروسىنىڭ مۇشەسى بولىپ سايلانادى. 1928 - جىلى جۇڭگو كوممۋنيستىك پارتياسىنىڭ 6 - قۇرىلتايىندا ورتالىق كوميتەتتىڭ مۇشەسى بولىپ جالعاستى سايلانادى، 1931 - جىلى جۇڭگو كوممۋنيستىك پارتياسى 6 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە ورتالىق كوميتەت ساياسي بيۋروسىنىڭ مۇشەسى بولىپ سايلانادى.

  1935 - جىلى 11 - ايدا رىن بيشى جانە حى لۇڭ قاتارلىلار قىزىل ارميانىڭ 2 - ، 6 - جۇنتۋانىن باستاپ، ۇزاق جورىققا اتتانادى. 1936 - جىلى 7 - ايدا رىن بيشى قىزىل ارميا 2 - باعىتتىق قوسىنىنىڭ ساياسي كوميسسارى بولىپ تاعايىندالادى. 12 - ايدا جۇڭحۋا سوۆەتتىك حالىق رەسپۋبليكاسى ورتالىق توڭكەرىستىك اسكەري ىستەر كوميتەتىنىڭ مۇشەسى، ءتوراعالار القاسىنىڭ مۇشەسى بولىپ تاعايىندالادى. ۇزاق جورىق بارىسىندا رىن بيشى ماۋ زىدۇڭ ۋاكىلدىك ەتكەن جۇڭگو كوممۋنيستىك پارتياسىنىڭ ورتالىق كوميتەتىن تاباندىلىقپەن قولداپ، جاڭ گوتاۋدىڭ بولشەكتەۋشىلىك ارەكەتىمەن كۇرەس جۇرگىزىپ، قىزىل ارميانىڭ 3 ۇلكەن نەگىزگى كۇشىنىڭ جەڭىسپەن كەزدەسۋىن بار كۇشپەن جەبەيدى.

  بۇكىل ەلدە جاپون شاپقىنشىلارىنا قارسى سوعىس بۇرق ەتە تۇسكەننەن كەيىن، قىزىل ارميا 8 - ارمياعا وزگەرتىلىپ جاپون شاپقىنشىلارىنا قارسى سوعىستىڭ الدىڭعى شەبىنە اتتانادى، رىن بيشى ورتالىق اسكەري ىستەر كوميتەتىنىڭ باس ساياسي ءبولىمىنىڭ مەڭگەرۋشىسى بولىپ تاعايىندالادى. 1938 - جىلى 3 - ايدا جۇڭگو كوممۋنيستىك پارتياسى ورتالىق كوميتەتى اتىنان ماسكەۋگە بارىپ كوممۋنيستىك ينتەرناتسيونالعا جۇڭگونىڭ جاپون شاپقىنشىلارىنا قارسى سوعىس جاعدايىنان جانە جۇڭگو كوممۋنيستىك پارتياسىنىڭ قىزمەتى مەن مىندەتىنەن مالىمەت بەرەدى. يان - انعا قايتىپ كەلگەننەن كەيىن، ورتالىق كوميتەتتىڭ تاپسىرۋىمەن «ءبىرسىپىرا تاريحي ماسەلەلەر جونىندەگى قاۋلى»نىڭ جوباسىن جازۋ قىزمەتىن باسقارادى. 1943 - جىلى 3 - ايدا ماۋ زىدۇڭمەن، ليۋ شاۋچيمەن بىرگە ماۋ زىدۇڭدى باسشى ەتكەن جۇڭگو كوممۋنيستىك پارتياسى ورتالىق كوميتەتىنىڭ شۋجيچۋىن ۇيىمداستىرادى. 1945 - جىلى جۇڭگو كوممۋنيستىك پارتياسى 7 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە ورتالىق كوميتەت ساياسي بيۋروسىنىڭ مۇشەسى، شۋجيچۋدىڭ شۋجيى بولىپ سايلانادى.

  1946 - جىلدان كەيىن، ول ماۋ زىدۇڭمەن، جوۋ ىنلايمەن بىرگە وڭتۇستىك - سولتۇستىكتە اينالا سوعىس جۇرگىزىپ، ورتالىق كوميتەتتىڭ كەلەلى شەشىمدەرىنە قاتىناسادى. شيبايپوداعى قاراپايىم اۋىل - قىستاق قولباسشىلىق ورنىندا رىن بيشى ماۋ زىدۇڭ قاتارلىلارعا كومەكتەسىپ، 3 ۇلكەن شايقاسقا قولباسشىلىق ەتەدى. 1949 - جىلى كوكتەمدە رىن بيشى شيبايپودا اشىلعان 7 - كەزەكتى ورتالىق كوميتەتتىڭ ەكىنشى جالپى ماجىلىسىنە قاتىناسادى.

  قىزمەتتى ءومىرىنىڭ سوڭىنا دەيىن جالعاستىردى. 1950 - جىلى 10 - ايدا چاۋشيان پارتياسىنىڭ جانە ۇكىمەتىنىڭ تالابى بويىنشا جۇڭگو كوممۋنيستىك پارتياسى ورتالىق كوميتەتى امەريكا يمپەرياليزمىنە قارسى تۇرىپ، چاۋشيانعا كومەكتەسىپ، وتاندى قورعاۋ ستراتەگيالىق شەشىمىن جاسايدى. وسى كەزدە جۇڭگو كوممۋنيستىك پارتياسى ورتالىق كوميتەتى ءۇرتىس بىرنەشە كۇن ءماجىلىس اشادى، شيپاگەر رىن بيشىنىڭ ۇيىقتايتىن ۋاقىتىن بەلگىلەگەندىكتەن، ول ماجىلىسكە قاتىناسپاۋى ءتيىس ەدى، ءبىراق جۇمىس پەن قىزمەتكە ”100 قادام جولدىڭ 99 قادامىن باسساڭ دا ءالى جولدامىن دەپ ويلا“ دەگەن قاعيدادان جازبايتىن رىن بيشى ۇزاق ۋاقىت ناۋقاستانىپ جۇرسە دە قىزمەت ىستەيدى. ول ۇنەمى ءتۇن ورتاسىنا دەيىن وتىرادى. ناۋقاستان قايتىس بولاردان ءبىر اپتا بۇرىن، ول تاعى نەگىزگى ساتىداعى كادرلارمەن كەڭسەدە اڭگىمەلەسىپ، اۋىل - قىستاقتاعى پارتيا مۇشەلەرىنىڭ يدەيالىق جاعدايىن تەكسەرەدى.

  1950 - جىلى 10 - ايدىڭ 25 - كۇنى تاڭەرتەڭ رىن بيشى ميىنا تۇتقيىل قان ءتۇسىپ، 27 - كۇنى تۇستە بەيجيڭدە 46 جاسىندا قايتىس بولادى. جۇڭگو حالقىنىڭ توڭكەرىس ىستەرى جولىندا ول اقتىق دەمىنە دەيىن وتانعا ەڭبەك ەتەدى.
 حۋنان ولكەسىنىڭ ميلو قالاسىنداعى رىن بيشى ەسكەرتكىش سارايى 2008 - جىلى 4 - ايدا سىرتقا تەگىن اشىلعاننان بەرى، ءار جىلى 700 مىڭ ادام - رەتتەن استام ساياحاتشى قابىلدايدى. رىن بيشى ەسكەرتكىش سارايىنىڭ كەڭسە مەڭگەرۋشىسى تيان پان بىلاي دەپ تانىستىردى: ەسكەرتكىش ساراي ”قارا نار رۋحى “ن بارىنشا اسقاقتاتىپ، قىزىل گەندى جالعاستىرىپ، وتانشىلدىق، توڭكەرىستىك ءداستۇر جانە پارتيالىلىق تاربيەسىن كەڭ كولەمدە ورىستەتۋ جاعىندا ماڭىزدى رولىن ساۋلەلەندىردى.

جاۋاپتى رەداكتور: ءاننا اكىمقان قىزى
  • شينجياڭنىڭ بۋرىلتوعاي اۋدانى: تۇيە باعىمشىلىعىمەن دوڭگەلەك داۋلەتتى ورەگە جەتۋگە قۇلشىنۋدا
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى