اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ قىرعىزستاندا، تاجىكستاندا مەملەكەت ىستەرى ساپارىندا بولادى ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 19 - رەتكى ماجىلىسىنە، ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناسادى

سىرتقى ىستەر مينيسترلىگى جۇڭگولىق، شەتەلدىك اقپارات قۇرالدارىنا قۇلاق قاعىس ەتۋ ءماجىلىسىن وتكىزىپ، قاتىستى جاعدايلاردى تانىستىردى

  شينحۋا اگەنتتىگىنىڭ 6 - ايدىڭ 10 - كۇنى بەيجيڭنەن بەرگەن حابارى (ءتىلشى سۇن ي). سىرتقى ىستەر مينيسترلىگى 6 - ايدىڭ 10 - كۇنى جۇڭگولىق، شەتەلدىك اقپارات قۇرالدارىنا قۇلاق قاعىس ەتۋ ءماجىلىسىن وتكىزدى. سىرتقى ىستەر مينيسترلىگىنىڭ ورىنباسار مينيسترى جاڭ حانحۇي مەملەكەت ءتوراعاسى شي جينپيڭنىڭ تاياۋدا قىرعىزستاندا، تاجىكستاندا مەملەكەت ىستەرى ساپارىندا بولاتىندىعى ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 19 - رەتكى ماجىلىسىنە، ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناساتىندىعى تۋرالى قاتىستى جاعدايلاردى تانىستىردى ءارى تىلشىلەردىڭ سۇراۋلارىنا جاۋاپ بەردى.

  جاڭ حانحۇي مىنالاردى ءبىلدىردى: ءتوراعا شي جينپيڭ 6 - ايدىڭ 12 - كۇنىنەن 16 - كۇنىنە دەيىن قىرعىزستاندا، تاجىكستاندا مەملەكەت ىستەرى ساپارىندا بولادى ءارى بىشكەكتە وتەتىن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 19 - رەتكى ماجىلىسىنە، دۋشانبەدە وتەتىن ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناسادى. حالىقارالىق جاعدايدا اۋمالى - توكپەلى وزگەرىس بولعان تۇستادا، جۇڭگونىڭ قىرعىزستاندى، تاجىكستاندى قامتىعان ورتا ازيا ەلدەرىمەن قارىم - قاتىناسى ۇزدىكسىز ورنىقتى، اقاۋسىز دامىدى. جۇڭگو مەن قىرعىزستان، جۇڭگو مەن تاجىكستان اتى - زاتىنا ساي جاقسى كورشىلەر، ابزال سەرىكتەر، تاماشا دوستار، ەكى جاقتىڭ قارىم - قاتىناسى تاريحتاعى ەڭ تاماشا مەزگىلدە تۇر، كەڭ ءورىستى دامۋ بولاشاعىنا كەز كەلىپ وتىر. قىرعىزستانداعى، تاجىكستانداعى ساپارى كەزىندە، ءتوراعا شي جينپيڭ جيەنبەكوۆ زۇڭتۇڭ مەن راحمون زۇڭتۇڭ وتكىزەتىن قارسى الۋ سالتى، كەڭەس، قول قويۋ سالتى، قارسى الۋ قوناعاسى سياقتى مەملەكەت ىستەرى قيمىلدارىنا جەكە - جەكە قاتىناسادى، ەكى ەلدىڭ مەملەكەت باسشىلارىمەن بىرگە جۇڭگو مەن قىرعىزستاننىڭ، جۇڭگو مەن تاجىكستاننىڭ جان - جاقتى ستراتەگيالىق سەرىكتەستىك قاتىناسىنىڭ بولاشاقتاعى دامۋى جونىندە جاڭا جوبا، جاڭا ورنالاستىرۋلار جاساپ، جۇڭگو مەن قىرعىزستان قارىم - قاتىناسىنىڭ، جۇڭگو مەن تاجىكستان قارىم - قاتىناسىنىڭ ساياسي نەگىزىن اناعۇرلىم بەكەمدەپ، جۇڭگو مەن قىرعىزستاننىڭ، جۇڭگو مەن تاجىكستاننىڭ ”ءبىر بەلدەۋ، ءبىر جول“دى بىرگە قۇرۋ سەلبەستىگى ءۇشىن جاڭا جوبا جاساپ، ەكى جاقتىڭ جوعارى ورەدەگى ساياسي ءوزارا سەنىمىن اناعۇرلىم ناقتى سەلبەستىك تابىستارىنا اينالدىرىپ، حالىقتىڭ ىرىس - قۇتىن ارتتىرىپ، ءار ەلدىڭ ءوزىنىڭ دامۋى مەن گۇلدەنۋىنە دەم بەرىپ، جۇڭگو مەن قىرعىزستان قارىم - قاتىناسىنىڭ، جۇڭگو مەن تاجىكستان قارىم - قاتىناسىنىڭ جاڭا جاعدايدا اناعۇرلىم زور دامۋدى جۇزەگە اسىرۋىنا شىنايى كەپىلدىك ەتەدى.

  جاڭ حانحۇي بىلاي دەپ اتاپ كورسەتتى: شاڭحاي سەلبەستىك ۇيىمى قۇرىلعان 18 جىلدان بەرى، ىنتىماق پەن ءوزارا سەنىمدى ۇزدىكسىز بەكەمدەپ، ءار سالاداعى ءوزارا ءتيىمدى سەلبەستىكتى تەرەڭدەتىپ، وڭىرلىك جانە حالىقارالىق ىستەرگە بەلسەنە ات سالىسىپ، ءوڭىردىڭ بەيبىتشىلىگى مەن دامۋىن جەبەۋدە، حالىقارالىق ادىلدىك پەن تۋراشىلدىقتى قورعاۋدا ماڭىزدى ورەلى رول اتقاردى. بىلتىر 6 - ايداعى چيڭداۋداعى باسشىلار ماجىلىسىنەن بەرى، مۇشە ەلدەر ءماجىلىس تابىستارىن مۇقيات تياناقتاندىرىپ، شاڭحاي سەلبەستىك ۇيىمىنىڭ تىڭ دامۋىن ىلگەرىلەتتى. شاڭحاي سەلبەستىك ۇيىمى باسشىلار ءماجىلىسى كەزىندە ءتوراعا شي جينپيڭ ءار ەل باسشىلارىمەن بەيرەسمي قارسى الۋ كەشكى قوناعاسى، توپتىق سۋرەتكە ءتۇسۋ، شاعىن، كەڭ كولەمدى كەڭەستەر، حۇجاتتارعا قول قويۋ سالتى، قارسى الۋ قوناعاسى سياقتى قيمىلدارعا قاتىناسادى. ءتوراعا شي جينپيڭ ماجىلىسكە قاتىناسقان ءار ەلدىڭ باسشىلارىمەن شاڭحاي سەلبەستىك ۇيىمى دامۋىنىڭ قازىرگى جاعدايى مەن بولاشاعى، سونداي - اق كەلەلى حالىقارالىق جانە وڭىرلىك ماسەلەلەر جونىندە پىكىر اۋىستىرىپ، قازىرگى جاعدايدا حاۋىپ - قاتەر، سىن - سايىستارعا قول ۇستاسا توتەپ بەرۋدىڭ، حاۋىپسىزدىك پەن ورنىقتىلىقتى جانە دامۋ مەن گۇلدەنۋدى بىرگە جەبەۋدىڭ جاڭا وي جەلىسىن، جاڭا شاراسىن ىشكەرىلەي تالقىلايدى. جۇڭگو جاق ”شاڭحاي رۋحىن“ ۇزدىكسىز اسقاقتاتۋدى دارىپتەپ، شاڭحاي سەلبەستىك ۇيىمىنىڭ ىنتىماعى مەن ءوزارا سەنىمدىلىگىن بەكەمدەۋ، ساياسي، حاۋىپسىزدىك، ەكونوميكا، گۋمانيتارلىق، سىرتقى قارىم - قاتىناس سياقتى سالالارداعى سەلبەستىكتەردى تەرەڭدەتۋ جونىندە باستاما جانە دارىپتەمە العا قويىپ، ءار جاقپەن بىرگە شاڭحاي سەلبەستىك ۇيىمىنىڭ جاڭا كەزەكتەگى دامۋىن جۇزەگە اسىرۋدى ىلگەرىلەتەدى. باسشىلار ماجىلىسىندە ءتوراعا شي جينپيڭ باسقا مۇشە ەلدەردىڭ باسشىلارىمەن بىرگە «بىشكەك جارناماسى»نا قول قويادى ءارى جاريالايدى، ءماجىلىستىڭ اقپاراتتىق مازمۇنداماسىن جاريالايدى، كوپ سالاعا ساياتىن سەلبەستىك حۇجاتتارىنا قول قويادى ءارى بەكىتەدى. باسشىلار ءماجىلىسى كەزىندە، ءتوراعا شي جينپيڭ تاعى دا ماجىلىسكە قاتىناسقان قاتىستى ەلدەردىڭ باسشىلارىمەن ەكى جاقتى كەزدەسۋلەر وتكىزەدى.

  جاڭ حانحۇي بىلاي دەپ اتاپ كورسەتتى: ازيا ءوزارا ىقپالداستىق جانە سەنىم شارالارى ءماجىلىسى قۇرىلعان 27 جىلدان بەرى، ءار جاقتىڭ قارىم - قاتىناستى ىلگەرىلەتۋدە، ءوزارا سەنىمدى تەرەڭدەتۋدە، سەلبەستىكتى كۇشەيتۋدە بەلسەندى رول اتقاردى. 2014 - جىلدان 2018 - جىلعا دەيىن جۇڭگو جاق ازيا ءوزارا ىقپالداستىق جانە سەنىم شارالارى ماجىلىسىنە ءتوراعا ەل بولىپ مىندەت وتەگەن مەزگىلدە بورىشىن مۇقيات وتەپ، شاڭحاي باسشىلار ءماجىلىسىن ءساتتى وتكىزىپ، ورتاق، جان - جاقتى، سەلبەسكەن، باياندى ازيا حاۋىپسىزدىك كوزقاراسىن امالياتتا ايگىلەۋدى دارىپتەپ، ازيا ءوزارا ىقپالداستىق جانە سەنىم شارالارى ماجىلىسىندەگى ءار جاقتىڭ جوعارى باعاسىنا يە بولدى. بىلتىر 9 - ايدا جۇڭگو جاق ءتوراعا ەلدىك مىندەتتى تاجىكستانعا وتكىزىپ بەردى. جاڭا جاعدايدا مۇشە ەلدەر ازيا ءوزارا ىقپالداستىق جانە سەنىم شارالارى ءماجىلىسىنىڭ تاماشا دامۋ اۋقىمىن ساقتاپ، ءوڭىردىڭ حاۋىپسىزدىگى مەن ورنىقتىلىعىن جانە دامۋى مەن گۇلدەنۋىن جەبەۋدە اناعۇرلىم زور رول اتقارۋىن ءۇمىت ەتەدى. ازيا ءوزارا ىقپالداستىق جانە سەنىم شارالارى ءماجىلىسىنىڭ باسشىلار ءماجىلىسى كەزىندە ءتوراعا شي جينپيڭ ءار ەل باسشىلارىمەن بىرگە توپتىق سۋرەتكە ءتۇسۋ، باسشىلار ءماجىلىسى جانە قارسى الۋ قوناعاسى سياقتى قيمىلدارعا قاتىناسادى. بۇل رەتكى باسشىلار ءماجىلىسىنىڭ نەگىزگى تاقىرىبى − ”بىرگە نازار سالۋ: حاۋىپسىز جانە اناعۇرلىم گۇلدەنگەن ازيا ءوزارا ىقپالداستىق جانە سەنىم شارالارى ءماجىلىسى ءوڭىرى ءۇشىن“. جۇڭگو جاق ءوڭىر جاعدايىنىڭ دامۋى مەن وزگەرىسىنە نازار اۋدارىپ، ورتاق، جان - جاقتى، سەلبەسكەن، باياندى حاۋىپسىزدىك كوزقاراسىن ۇزدىكسىز امالياتتا ايگىلەپ، ازيا ءوزارا ىقپالداستىق جانە سەنىم شارالارى ءماجىلىسىنىڭ ءار سالاداعى سەنىمدىلىك شارا سەلبەستىكتەرىن ىشكەرىلەي ىلگەرىلەتۋدى دارىپتەيدى. باسشىلار ءماجىلىسى جارناما ماقۇلدايدى ءارى جاريالايدى.

  جاڭ حانحۇي بىلاي دەپ باسا دارىپتەدى: ءار جاقتىڭ بىرگە قۇلشىنۋىندا، ءتوراعا شي جينپيڭنىڭ قىرعىزستانداعى، تاجىكستانداعى ساپارىنىڭ جانە شاڭحاي سەلبەستىك ۇيىمى مەن ازيا ءوزارا ىقپالداستىق جانە سەنىم شارالارى ءماجىلىسىنىڭ باسشىلار ماجىلىسىنە قاتىناسۋىنىڭ، ءسوز جوق، تولىق تابىستى بولاتىندىعىنا، جاڭا جاعدايدا جۇڭگو - قىرعىزستان قارىم - قاتىناسىنىڭ، جۇڭگو - تاجىكستان قارىم - قاتىناسىنىڭ تىڭ ساتىعا كوتەرىلۋىنە جەتەكشىلىك ەتىپ، شاڭحاي سەلبەستىك ۇيىمى مەن ازيا ءوزارا ىقپالداستىق جانە سەنىم شارالارى ءماجىلىسىنىڭ جاڭا باستامادا تىڭ دامۋدى جۇزەگە اسىرۋىن ىلگەرىلەتىپ، جاڭاشا حالىقارالىق قارىم - قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدا اناعۇرلىم زور رول اتقاراتىندىعىنا سەنەمىز.
 

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى