اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قياق كۇرىش مەرەكەسى دەمالىسىندا ايماعىمىزدا ساياحاتشى كوبەيدى

  قياق كۇرىش مەرەكەسى دەمالىسىندا ايماعىمىزدىڭ جەر-جەرى وزگەشە مادەنيەت، ساياحات قيمىلدارىن وتكىزىپ، ساياحات ونىمدەرىن شىعارىپ، گۋمانيتارلىق مادەنيەت پەن كوركەم كورىنىستەردى ويداعىداي ۇشتاستىرىپ، قابىلداعان ساياحاتشى سانى 267 مىڭ ادام-رەتكە جەتتى، باي مازمۇندى وزگەشە قيمىلدار قياق كۇرىش مەرەكەسىندەگى ساياحاتتىڭ نەگىزگى ەرەكشەلىگىنە اينالدى.

  جۇڭگونىڭ باتىس وڭىرىندەگى تەڭىز ەرەكشەلىگى مەن الۋان ءتۇرلى جەر بەدەرى ەرەكشەلىگىن ايگىلەنگەن ساياحات تۇيىنى ەسەپتەلەتىن شينجياڭ بۋرىلتوعاي ۇلىڭگىر كولىندەگى مەملەكەتتىك 4 A دارەجەلى كورىنىس رايونى بولعان كول جاعاسى كورىنىس رايونى قياق كۇرىش مەرەكەسىندە اشىلدى. كوپتەگەن ساياحاتشىلار ءوزاۆتوكولىگىمەن وسى كورىنىس رايونىنا ساياحاتتاي كەلدى.

  سانجىلىق ساياحاتشى نيە گۇيجى: قياق كۇرىش مەرەكەسى دەمالىسىندا ساباقتاستارىممەن بىرگە ساياحاتتاپ ايىرىقشا قۋاندىم، بالالىق شاعىما قايتا ورالعانداي بولدىم.

  سۋ ايدىنىنىڭ اۋماعى 1035 شارشى كيلومەتر كەلەتىن ۇلىڭگىر كولى بۋرىلتوعاي ۇلكەن كولى مەن جىلى كولدەن قۇرالادى. كول جاعاسى كورىنىس رايونى بۋرىلتوعاي ۇلكەن كولىنىڭ شىعىس جاعاسىنا ورنالاسقان، جازدا كول سۋىنىڭ تەمپەراتۋراسى 20 سەلتسي گرادۋس اينالاسىندا بولادى، كول جاعاسىنداعى 100 مەترگە تاياۋ اۋماقتاعى قايراڭ كول جاعاسىنداعى تابيعي جۋىنۋ ورنى ەسەپتەلەدى، شينجياڭداعى كول جاعاسىنداعى ماڭداي الدى كورىنىس ءتۇيىنى دەگەن ادەمى اتقا يە. 2017-جىلدان باستاپ كول جاعاسى كورىنىس رايونىنىڭ دارەجەسى جوعارلاتىلدى، قوسىلىم تەبىنى ارتتىرىلىپ، جاڭادان ساياحاتشىلارعا قىزمەت وتەۋ ورتالىعى سالىنىپ، نەگىزدىك قۇرىلعىلار كەمەلدەنىپ، كورىنىس رايونىنىڭ ءتۇرلى يقۋاتى جوعارىلاپ، ساياحاتشىلاردى قابىلداۋ قابىلەتى ءوسىرىلدى.

  بۋرىلتوعاي كول جاعاسى ساياحاتىن اشۋ شەكتى سەرىكتەستىگىنىڭ ۇنەمىلىك ىستەرىنە جاۋاپتى ورىنباسار باس ديرەكتورى تاڭ شياۋجى: ءبىز الداعى جەردە ءوزاۆتوكولىگى جانە موتوتسيكىلىمەن كول جاعاسىنان قيىن كەرىشكە دەيىن اينالىپ جۇرۋ جارىسىن وتكىزەمىز

  ۇلىڭگىر كولى جاعاسىندا بالىق قاقتاۋ جانە ساتۋمەن شۇعىلدانعانىنا 20 نەشە جىل بولعان ياڭ تيڭجۇڭ ءبىر تۇستە 40 نەشە بالىق قاقتاپ ساتتى. شينجياڭ ساياحاتىنىڭ قاۋىرت مەزگىلىنىڭ كەلۋىنە ساي، كورىنىس رايونىنىڭ دارەجەسى جوعارلاتىلىپ شىت جاڭا بەينەدە اشىلدى. ياڭ تيڭجۇڭ قازىر كورىنىس رايونىنا سۇيەنىپ بالىق ساتۋدىڭ جاڭا ۇلگىسىن تاپتى.

  بالىق قاقتاپ ساتۋ دۇكەنىنىڭ قوجايىنى ياڭ تيڭجۇن: بۇگىن كەلگەن ساياحات كوپەراتيۆتەرى كوبەيدى، كورىنىس رايونىنىڭ قۇرىلعىلارى اناعۇرلىم كەمەلدەندى، ساياحات شارت- جاعداي جاقساردى الداعى جەردە ساياحاتشىلارعا اناعۇرلىم ويداعىداي قىزمەت وتەپ، قاقتالعان بالىقتى كوپتەپ ساتۋعا كۇش سالامىن.

  قازىر 5 A دارەجەلى كورىنىس رايونى بولعان قاناستىڭ اۋا تەمپەراتۋراسى 13 سەلتسي گرادۋس پەن 22 سەلتسي گرادۋس ارالىعىندا بولىپ، ساياحاتشىلاردىڭ ساياحاتتاۋىنا باپ كەلەدى. كورىنىس رايونىندا ۇلكەندى-كىشىلى 50 كورنىس تۇيىنى بار. كۇن نۇرىنا شومىلعان قاناستىڭ كوركى ءتىپتى دە كوز تارتادى.

  جياڭشيلىق ساياحاتشى شيۇڭ فاڭ: كوركەم كورنىستەردى تاماشالاپ، تازا اۋادان تىنىستاپ كوڭىلىم كوتەرىلىپ، سەرگىپ قالدىم.

  بەيجيڭدىق ساياحاتشى حان مين قاناسقا 3-رەت ساياحاتتاپ كەلدى. الدىڭعى رەتكە ۇقسامايتىنى ول وسى جولى ءوزاۆتوكولىگىمەن 6- ايدا تۇڭعىش رەت قاناسقا ساياحاتتاپ كەلدى.

  بەيجيڭدىك ساياحاتشى حان مين: قاناس دەسە دەگەندەي جەر ءجانناتى ەكەن. تاۋداعى قۇلپىرا اشىلعان الۋان ءتۇرلى گۇل كورىنىس رايونىنىڭ كوركىن اسىرا ءتۇسىپتى، بۇل ارانىڭ تابيعاتى راسىندا تاماشا ەكەن.

  قياق كۇرىش مەرەكەسى دەمالىسىندا ايماعىمىزدا قابىلدانعان ساياحاتشى سانى 267 مىڭ ادام-رەتكە جەتىپ، وتكەن جىلعى ۇقساس مەزگىلدەگىدەن ٪154.6 ارتتى، ساياحات جالپى تۇتىنۋى 242 ميلليون 739 مىڭ يۋانعا جەتىپ، وتكەن جىلعى ۇقساس مەزگىلدەگىدەن ٪87.2 ارتتى. مۇندا قاناس كورىنىس رايونىندا قابىلدانعان ساياحاتشى سانى 85 مىڭ ادام-رەتكە جەتىپ، وتكەن جىلعى ۇقساس مەزگىلدەگىدەن ٪95 ارتتى. ساياحات جالپى تۇتىنۋى 61 ميلليون 333 مىڭ يۋان بولىپ، وتكەن جىلعى ۇقساس مەزگىلدەگىدەن ٪139.2 ارتتى.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى