اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدا اينالمالى اۋەجەلىسى رەسىمي اشىلدى

  6-ايدىڭ 10-كۇنى التاي ايماعىنداعى اينالمالى اۋە جەلىسى رەسىمي اشىلىپ، التاي اۋەجايىن ورتالىق، قاناس اۋەجايى مەن كوكتوعاي اۋەجايىن ەكى قانات ەتكەن ايماعىمىز ىشىندەگى اۆياتسيا ەكونوميكالىق شەڭبەرى قالىپتاستى.

  شينجياڭ تەلەۆيزياسىنىڭ ءتىلشىسى شاينۇر: مەنىڭ تۋ سىرتىمداعى "جەر ءجانناتى قاناس قارلى مەكەن التاي" دەگەن ۇران جازىلعان ۇشاق جەرگە باياۋ قوندى، التاي ايماعىنداعى اينالمالى اۋە جەلىسى بۇگىن رەسىمي اشىلدى، وسىلايشا التاي ايماعىندا العاش رەت التايدان قاناسقا، التايدان كوكتوعايعا، قاناستان كوكتوعايعا قاتىنايتىن 3 اۋە جەلىسى اشىلدى.

  التاي ايماعى مەن «شيڭفۋ» اۆياتسيا سەرىكتەستىگى بىرگە قالىپتاستىرعان "التاي" اتتى ساياحات ارناۋلى ۇشاعى 3 اۋە جەلىسىندە قاتىنايدى، ءار كۇنى ءاربىر اۋە جەلىسىندە ءبىر كەزەكشى ۇشاق ءبىر رەت بارىپ قايتادى، التاي ايماعىنداعى 3 تارماق اۋە جەلىسىندەگى اۋەجاي اراسىندا ءبىر-بىرىنە توتە ۇشاتىن اۋە جەلىسى تورابى قالىپتاسىپ، 3 بەس A دارەجەلى كورىنىس رايوندارى اراسىنداعى اينالمالى جٶل اشىلىپ، ساياحاتتاۋ ۋاقىتى نەداۋىر قىسقاردى. بۇرىن قاناستان كوكتوعاي كورىنىس رايونىنا باراتىن قۇرلىقتىق جٶل قاتىناسىندا كەمىندە 10 ساعات جۇرۋگە تۋرا كەلەتىن، اۋە جەلىسى اشىلعان سوڭ ۇشۋ ۋاقىتى نە بارى 55 مينۋت بولادى. 6-ايدىڭ 10-كۇنىنەن 20-كۇنىنە دەيىن، ءۇش اۋە جەلىسىندە تيىمدى ساياسات شىعارىلدى، ساياحاتشىلار ەڭ تومەن بولعاندا 9 يۋاننان باستالاتىن ەرەكشە تيىمدى ۇشاق بەلەتىنەن يگىلىكتەنە الادى، ۇشاق بەلەتى بويىنشا كورىنىس رايونىنىڭ ەسىك بەلەتىندەگى تيىمدىلىكتەن يگىلىكتەنە الادى.

  بەيجيڭدىك ساياحاتشى گاۋجٶىر: ەستۋىمشە وسى رەتكى قاتىناۋ كەزەگى تۇڭعىش رەتكى قاتىناۋ ەكەن، ۇشاق وتە ورنىقتى ۇشتى، وتە ىڭعايلى ەكەن، ونىڭ ۇستىنە قىزمەت وتەۋى دە جاقسى ەكەن.

  التاي اۆياتسيا كاسىبىنە قارجى قٶسۋ شەكتى سەرىكتەستىگىنىڭ القا باستىعى سۇن شياۋجين: ۇشاق بەلەتى بويىنشا قاناس كورىنىس رايونىنىڭ، كوكتوعاي كورىنىس رايونىنىڭ ەسىك بەلەتىنەن سونداي-اق رايون ارالىق اۆتوكولىك بەلەتىنەن تەگىن يگىلىكتەنۋگە بولادى، قاناس اۋەجايىنان كورىنىس رايونىنداعى ەسىك بەلەتى پونكتىنە دەيىن، كوكتوعايدان كوكتوعاي كورىنسى رايونى ەسىك بەلەتى پونكتىنە دەيىن اپارۋ الىپ كەلۋ قىزمەت وتەۋىنەن تەگىن يگىلىكتەنەدى.

  جۋىقتاعى جىلدارى، التاي ايماعىنداعىلار «حالىقتىق اۆياتسيانى كۇشەيتۋ، ساياحاتتى كوركەيتۋ» سىندى دامۋ وي جەلىسىنەن جازباي، ءوزىنىڭ تاماشا اۋە شارت-جاعدايى مەن كاسىپ دامىتۋ نەگىزىن تياناق ەتىپ، ەلىمىزدەگى اۆياتسيا سەرىكتەستىكتەرىمەن بەلسەنە سەلبەسىپ، شينجياڭنىڭ سىرتىندا چۇڭچيڭ، شي-ان، گۋاڭجوۋ، جىڭجوۋ سەكىلدى قالالار اراسىندا ۇشاق قاتىناتتى، شينجياڭنىڭ ىشىندە قاشقار، كورلا، حوتان، تۇرپان، قارامايلى، شاۋەشەك سەكىلدى قالالار اراسىندا اۋە جەلىسىن اشتى سونداي-اق ءوڭىر ىشىندە تومەن كەڭىستىكتەگى قىسقا ارالىقتاعى تاسىمال اۋە جەلىسىن اشتى.

  قارامايلى قالاسى «كاڭحۇي» ۇلى تابيعات ساياحاتتاتۋ ورنىنىڭ ورىنباسار باس ديرەكتورى حۋ شياۋفىڭ: ساپارلاۋ ۋاقىتىن قىسقارتىپ ساياحاتتاۋ تاماشالاۋ ۋاقىتىن ۇزاتتى، تومەن كەڭىستىكتەگى ۇشۋ وتە جاقسى، جٶل ۇستىندە بۋرىلتوعايدى، جول بويىنداعى كورىنىستەردى تاماشالاۋعا بولادى، اۆتوكولىكتەگىدەن باسقاشا بولادى.

  ايماقتىق دامۋ-رەفٶرما كوميتەتىنىڭ ورىنباسار مەڭگەرۋشىسى لياڭ كىميڭ: ساياحات اۆياتسياسىن دامىتۋدى، نەگىزگى جەلىدە ەلىمىزدىڭ جەر-جەرىنە ۇشۋدى، تارماق جەلىدە شينجياڭنىڭ جەر-جەرىنە ۇشۋدى، جالپىلىق اۆياتسيادا كورىنىس رايوندارىنا ۇشۋدى تياناقتاندىرىپ، التاي ايماعىنىڭ ساياحات كاسىبىن تۇلعالىق كاسىپ ەتكەن ەكونوميكاسىنىڭ جوعارى ساپامەن دامۋىن ىلگەرىلەتەمىز، ەندىگى قىزمەتتە ساياحات كاسىبىندەگى قامداۋ جاعىنداعى قۇرىلىمدىق رەفورمانى ىشكەرىلەي جۇرگىزىپ، اۆياتسيا كاسىبىن بارىنشا دامىتىپ، ساياحاتتىق قىزمەت وتەۋ ساپاسىن كۇش سالا جوعارىلاتامىز.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى