اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىز ءوندىرىس حاۋىپسىزدىگى جانە اپاتتىڭ الدىن الۋ، اپات شىعىنىن ازايتۋ، اپاتتان قۇتقارۋ قىزمەتى تەلەۆيزور ـ تەلەفون ءماجىلىسىن اشتى

قوعامدىق ورتانىڭ ءۇرتىس حاۋىپسىز، ورنىقتى بولۋىنا كەپىلدىك ەتەيىك

  التاي گازەتىنىڭ ءتىلشىسى حۋ جۇنشيۋ حابارلايدى. پارتيا ورتالىق كوميتەتىنىڭ، مەملەكەتتىك كەڭەستىڭ جانە اۆتونوميالى رايوندىق پارتكومنىڭ، حالىق ۇكىمەتىنىڭ جاقىن كۇندەردەن بەرگى ءوندىرىس حاۋىپسىزدىگى جانە اپاتتىڭ الدىن الۋ، اپات شىعىنىن ازايتۋ، اپاتتان قۇتقارۋ قىزمەتى جونىندەگى شەشىمدەرى مەن ورنالاستىرۋىن ىشكەرىلەي دايەكتىلەندىرىپ، تياناقتاندىرۋ، ءوندىرىس حاۋىپسىزدىگى مەن اپاتتىڭ الدىن الۋ، اپات شىعىنىن ازايتۋ، اپاتتان قۇتقارۋ قىزمەتىن قورىتىندىلاۋ، كوزالداعى جاعدايعا تالداۋ جاساپ، پارتيا مەن ۇكىمەت قۇرىلىمدارى رەفورماسىنان كەيىنگى ءبىر ءبولىم مەكەمە ـ ورىنداردىڭ قىزمەت فۋنكتسياسىن ايقىنداپ، كەلەسى قادامداعى ءتۇيىندى قىزمەتكە ورنالاستىرۋ جاساۋ ءۇشىن، 6 ـ ايدىڭ 9 ـ كۇنى تۇستەن كەيىن ايماعىمىز ءوندىرىس حاۋىپسىزدىگى جانە اپاتتىڭ الدىن الۋ، اپات شىعىنىن ازايتۋ، اپاتتان قۇتقارۋ قىزمەتى تەلەۆيزور ـ تەلەفون ءماجىلىسىن اشتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى ماجىلىسكە قاتىناستى ءارى ءسوز سويلەدى، ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى لان شىڭشين ءماجىلىستى باسقاردى.

  ماجىلىستە ايماعىمىزدىڭ 1 ـ ايدان 5 ـ ايعا دەيىنگى ءوندىرىس حاۋىپسىزدىگى قىزمەت احۋالى حابارلاندىرىلىپ، قاناس كورىنىس رايونىن باسقارۋ كوميتەتىنىڭ، ايماقتىق قاتىناس ـ تاسىمال مەكەمەسىنىڭ، شۇعىل جاعدايعا توتەپ بەرۋ، باسقارۋ مەكەمەسىنىڭ، سۋ يگىلىگى مەكەمەسىنىڭ، ورمان جانە جايلىم مەكەمەسىنىڭ ءوندىرىس حاۋىپسىزدىگى جانە اپاتتىڭ الدىن الۋ، اپات شىعىنىن ازايتۋ، اپاتتان قۇتقارۋ قىزمەتىن ادا ەتۋ احۋالىنان جاساعان دوكلادى تىڭدالدى، «قۇرىلىم رەفورماسىنان كەيىنگى ايماقتىق شۇعىل جاعدايعا توتەپ بەرۋ، باسقارۋ مەكەمەسىنىڭ، ورمان جانە جايلىم مەكەمەسىنىڭ، سۋ يگىلىگى مەكەمەسىنىڭ قاتىستى قىزمەت جاۋاپكەرلىگىن ايىرۋدى ايقىنداۋ جونىندەگى سايكەستىرۋ جيىنىنىڭ ەستەلىگىن» حابارلاندىردى.

  ماجىلىستە مىنالار تالاپ ەتىلدى: اۋداندار (قالا، كورىنىس رايونى)، تاراۋلار (ورىندار) يدەيادا وسكەلەڭ قىراعىلىقتى ساقتاپ، بەلسەنە ىسكە كىرىسىپ، جاۋاپكەرلىكتى باتىلدىقپەن ۇستىنە الىپ جانە ادا ەتىپ، جاۋاپكەرلىكتى ايقىنداپ، مۇلتىكسىز ۇشتاستىرىپ، قىزمەتتى تىڭعىلىقتى ىستەۋ ارقىلى ءار ۇلت حالقىنىڭ ءومىرى مەن مال ـ مۇلىك حاۋىپسىزدىگىن قامتاماسىزداندىرۋ كەرەك. قۋات جاعىندا ساياحاتتىڭ قاۋىرت ماۋسىمىنىڭ، ءوندىرىستىڭ قاۋىرت ماۋسىمىنىڭ ءتۇيىنىن مىقتى يگەرىپ، قاتەرلى حيميالىق زاتتار، قۇرىلىس جۇرگىزۋ، قاتىناس، ءورت ءوشىرۋ، كەن، ءىرى ماسەلەلەردى جونگە سالۋ قاتارلى جاقتاردى كورنەكتىلەندىرۋ، ءىس جۇزىندىككە ۇشتاستىرىپ، كۇشتى ۇلەستىرىپ، تۇرگە ءبولىپ شارا قولدانىپ، ءوندىرىس حاۋىپسىزدىگى كومەسكى كىناراتتارىن ءبىر ـ بىرلەپ اداقتاۋ، ارناۋلى جونگە سالۋ جانە اپاتتىڭ الدىن الۋ، اپات شىعىنىن ازايتۋ، اپاتتان قۇتقارۋ قىزمەتىن تىڭعىلىقتى، ويداعىداي ىستەۋ قاجەت. شۇعىل جاعدايعا توتەپ بەرۋگە قامدانۋ جاعىندا تاسقىن مەزگىلىنىڭ، ءورت اپاتى ٴجيى تۋىلاتىن مەزگىلدىڭ ەرەكشەلىگىنە ۇشتاستىرا وتىرىپ، شۇعىل جاعدايعا توتەپ بەرۋ مانەۆرىن كۇشەيتىپ، توتەپ بەرۋ قۋاتىن جوعارىلاتۋ، قاتاڭ تۇردە كەزەكشىلىك ىستەپ، ينفورماتسيانىڭ ىركىلىسسىزدىگىنە كەپىلدىك ەتىپ، زاتتىق ماتەريالداردى ساقتاۋدى كۇشەيتۋ، اپات تۋىلا قالسا دەركەزىندە ات سالىسۋعا، ەڭ تەز قارقىنمەن قۇتقارىپ، ادامداردىڭ جارالانۋ، ءولۋ قاتەرىن جانە مال ـ مۇلىك شىعىنىن ەڭ تومەنگى شەكتە ازايتۋعا كەپىلدىك ەتۋ ٴتيىس. سونىمەن بىرگە، ءوندىرىس حاۋىپسىزدىگىندە شۇعىل جاعدايعا توتەپ بەرۋ ۇگىتىن كۇشەيتىپ، «ءۇش ءتۇرلى قىزمەت ورنى» قىزمەتكەرلەرىن تاربيەلەۋدى ويداعىداي ىستەپ، «التاي ايماعىنىڭ ءوندىرىس حاۋىپسىزدىگى سالاسىنىڭ اشكەرەلەۋ، سيلاۋ ادىسىنەن» ويداعىداي پايدالانىپ، كوپشىلىكتىڭ بارلىعى ءوندىرىس حاۋىپسىزدىگىنە كوڭىل بولەتىن قوعامدىق راي قالىپتاستىرۋ قاجەت.

  ماجىلىستە مىنالار باسا دارىپتەلدى: ءار دارەجەلى تاراۋلار ساياسي تۇرعىنى جوعارىلاتىپ، حالىقتى وزەك ەتۋ كوزقاراسىن كۇشەيتۋ، مىندەت جاۋاپكەرلىك نىساناسىن ايقىنداپ، قوعام ورنىقتىلىعى مەن باياندى تىنىشتىق باس نىساناسىن قاز ـ قالپىندا تياناقتاندىرۋ، ءوندىرىس حاۋىپسىزدىگى مەن اپاتتىڭ الدىن الۋ، اپات شىعىنىن ازايتۋ، اپاتتان قۇتقارۋ قىزمەتىن تىڭعىلىقتى ويداعىداي ىستەۋى؛ ساقتىق دابىلىن ۇدايى قاعىپ، قىراعىلىقتى ساقتاپ، بوساڭسىماي، سالعىرتتىققا سالىنباي، باق سىناماي، ءۇرتىس حاۋىپسىز، ورنىقتى قوعامدىق ورتا ارقىلى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الۋى كەرەك.

  ماجىلىستە قادەن كابەن ۇلى اۋدانداردىڭ (قالا، كورىنىس رايونىنىڭ) جانە ايماققا توتە قاراستى تاراۋلاردىڭ (مەكەمەلەردىڭ)، ءتۇيىندى كاسىپورىنداردىڭ ۋاكىلدەرىمەن «2019 ـ جىلعى ءوندىرىس حاۋىپسىزدىگى نىسانالى باسقارۋ جاۋاپكەرلىك حاتىنا» قول قويىستى.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى