اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدىڭ وقۋ ـ اعارتۋ ىستەرىنىڭ دامۋى جونىندە

ۇلت گۇلدەنۋىنىڭ نەگىزگى ينجەنەرياسىن بەكەمدەدى

  وقۋ ـ اعارتۋ كوركەيسە، ەل كوركەيەدى، وقۋ ـ اعارتۋ قۇدىرەتتەنسە، ەل قۇدىرەتتەنەدى.

  التاي ايماعى تاياۋ جىلداردان بەرى نازاردى باس نىساناعا شوعىرلاندىرىپ، وقۋ ـ اعارتۋ قىزمەتىنىڭ مەملەكەتتىك ءماجىلىسىنىڭ جانە باس شۋجي شي جينپيڭنىڭ وقۋ ـ اعارتۋ قىزمەتى جونىندەگى جەلىلەس ماڭىزدى ءسوزىنىڭ رۋحىن مۇقيات دايەكتىلەندىرىپ، حالىق رازى بولاتىن وقۋ ـ اعارتۋدى دامىتۋدى شىعار ءتۇيىن جانە تابان تىرەر تياناق ەتىپ، قىزمەت شارالارىن جىڭىشكەلەپ، قوسىلىم تەبىنىن ارتتىرىپ، وقۋ ـ اعارتۋ، وقىتۋ ىستەرىنىڭ دامۋىن جەبەپ، كورنەكتى تابىسقا قول جەتكىزدى.

  التاي گازەتىنىڭ ءتىلشىسى حۋ جۇنشيۋ

  - دارىندى ستراتەگياسىن اتقارىپ، وقىتۋشىلار قوسىنى قۇرىلىسىن كۇشەيتتى

  «وسى رەت حيلۇڭجياڭ ولكەلىك پارتكوم پارتيا مەكتەبىندە 7 كۇندىك جۇيەلى ساياسي نازاريا ۇيرەنۋىنە قاتىناستىم، ماماندار شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ءتۇسىندىردى، تەرەڭ شابىت الدىم. قايتىپ كەلگەننەن كەيىن ۇيرەنۋ ەستەلىگىمدى رەتتەپ، جاس وقىتۋشىلار مەن وداق مۇشەلەرىن ارناۋلى تاربيەلەۋگە دايىندالامىن» ـ دەدى 6 ـ ايدىڭ 3 ـ كۇنى التاي ايماقتىق 2 ـ تولىق ورتا مەكتەپتىڭ ءمورال تاربيەسى ءبولىمىنىڭ مەڭگەرۋشىسى گو بين تىلشىگە حيلۇڭجياڭ ولكەسىندە ۇيرەنۋدە بولعان كەزدەگى ەستەلىگىن كورسەتىپ تۇرىپ. ەستەلىك داپتەرگە مامانداردىڭ تۇسىندىرمەسى، تاجىريبە الماستىرۋ قاتارلى مازمۇندار مەن اسەرى رەتتى جازىلىپتى.

  وقۋ ـ اعارتۋدى قۇدىرەتتەندىرۋ ءۇشىن وقىتۋشىلار قوسىنىن قۇدىرەتتەندىرۋ كەرەك. ايماعىمىز وقىتۋشىلار قوسىنى قۇرىلىسىنا وسكەلەڭ ءمان بەرىپ، «جاڭا داۋىردە ورتا ـ باستاۋىش مەكتەپتەردىڭ پارتيا قۇرىلىسى قىزمەتىن كۇشەيتۋ جونىندەگى اتقارۋ جوباسى»، «التاي ايماعىنىڭ وقۋ ـ اعارتۋ سالاسىنا دارىندىلاردى كىرگىزۋ قىزمەتىنىڭ اتقارۋ جوباسى» قاتارلى ساياساتتاردى العا قويىپ، ءار جىلى مەرزىمسىز ۋاقىتتا ۇسىنىس ەتىپ كىرگىزىپ جەتەكشىلىك ەتۋ، سىرتقا ۇيرەنۋگە جىبەرۋ ۇلگىسى ارقىلى ۇزدىك جاس وقىتۋشىلاردى شينجياڭنىڭ ءىشى ـ سىرتىنداعى ءتۇيىندى مەكتەپتەرگە، ۇلگى كورسەتۋ مەكتەپتەرىنە مىندەت الىپ شىنىعۋعا جىبەرىپ، حيلۇڭجياڭ، جيلين ولكەسىمەن وقىتۋشىلاردى تاربيەلەۋ سەلبەستىك قاتىناسىن ورناتىپ، وقىتۋشىلار قوسىنىنىڭ تۇلعالىق ساپاسى مەن وقىتۋ دەڭگەيىن جوعارىلاتتى.

  (جالعاسى 3 ـ بەتتە) (باسى 1 ـ بەتتە)

  6 ـ ايدىڭ 2 ـ كۇنى التاي قالاسىنىڭ سولتۇستىك رايونىنداعى شينجياڭعا باعىتتامالى كومەكتەسۋ جاتاق عيمارتىندا حيلۇڭجياڭ ولكەسىنەن باعىتتامالى كومەكتەسۋگە كەلگەن وقىتۋشى جاڭ فىڭيىڭ سۋرەت سىزۋدى ۇيرەنۋگە كەلگەن وقۋشىلارعا سۋرەت سىزۋ بىلىمدەرىن ءتۇسىندىردى. جاڭ فىڭيىڭ ۇستازدىڭ جەتەكشىلىگىندە كوزالداعى «ۇلتتار ىنتىماعىنىڭ بەرەكەلى شاڭىراعى» مەن «ءبىر بەلدەۋ، ءبىر جولدى» بەينەلەگەن كوركەم تۋىندىلار بارلىققا كەلدى.

  جاڭ فىڭيىڭ حيلۇڭجياڭ ولكەسى سۇيحۋا شۋەيۋانىنىڭ وقىتۋشىسى. سۋرەت سىزۋ، كيىم جوبالاۋ قاتارلى جاقتاردا مول بىلىمگە يە. التايعا كەلگەننەن كەيىن، ول ەكى ۇداي بولماستان سۋرەت سىزۋ جاعىنداعى ءبىلىمىن جەرگىلىكتى ورىنداعى وقۋشىلارعا ۇيرەتتى، ونىڭ جەتەكشىلىگىندە وقۋشىلاردىڭ سۋرەت تۋىندىلارى كوپ رەت ايتارلىقتاي ناتيجەگە قول جەتكىزدى. ول جەتەكشىلىك ەتكەن وقۋشى نۇرسولتاننىڭ سۋ بوياۋلى سۋرەتى «ىنتىماق __ كۇش» «شينجياڭدى ٴسۇيۋ، 2017 ـ جىلعى وتانىم __ وتباسىم اتىنداعى 14 ـ كەزەكتى جاس وسپىرىمدەردىڭ سۋرەت سىزۋ، فوتو سۋرەت جارىسىنىڭ» التىن سيلىعىن ەنشىلەدى.

  تاياۋ جىلداردان بەرى، ايماعىمىز حيلۇڭجياڭ مەن جيلين ولكەسىنىڭ شينجياڭعا باعىتتامالى كومەكتەسۋ نىسانىنا سۇيەنە وتىرىپ، وقۋ ـ اعارتۋ ارقىلى شينجياڭعا باعىتتامالى كومەكتەسۋ جوسپارىن جاپپاي تياناقتاندىردى، ەكى ولكەنىڭ پەداگوگيكا مەكتەبىن بىتىرگەن وقۋشىلارىن التايعا كەلىپ پراكتيكا جاساۋعا ورنالاستىرىپ، ەرەكشە قىزمەت ورنى ارقىلى 1535 وقىتۋشى قابىلداسا، اۋداندار (قالا) 1560 وقىتۋشى قابىلداپ، اقىسىز پەداگوگيكالىق مەكتەپ بىتىرگەن وقۋشىدان 407 سىن قابىلدادى. سونىمەن بىرگە، تۇرعىن ءۇيىن شەشىم ەتۋ، ەڭبەكاقىسىن جوعارىلاتۋ ارقىلى قوعامنان 29 باكلاۋر دارىندى قابىلداپ، 1128 داشۋە وقۋشىسىنىڭ پراكتيكا جاساۋىنا كومەكتەستى، جوسپارداعى باعىتتامالى كومەكتەسەتىن وقىتۋشى 266 ادام بولدى. سونىمەن بىرگە، مەكتەپتەردىڭ پارتيا ۇيىمىنىڭ 92 شۋجيى مەن قىزمەت قاجەتىنەن شىعا المايتىن 2108 وقىتۋشىنى تەڭشەپ الماستىرىپ، وقىتۋشىلار قوسىنى قۇرىلىمىن ۇزدىكسىز ساپالىلاندىردى.

  - ساپالى ورنالاستىرۋدا تاباندى بولىپ، كاسىپتىك وقۋ ـ اعارتۋدى زور كۇشپەن دامىتتى

  5 ـ ايدىڭ 30 ـ كۇنى ايماقتىق پەداگوگيكا مەكتەبىنىڭ 2018 ـ جىلدىق 1 ـ كلاس وقۋشىسى گۇلناز مۇقيات قىزى تىلشىگە: «وقۋ قاراجاتى، جاتاق قاراجاتى جانە وقۋلىق قاراجاتى تۇگەلدەي تەگىن، ايىنا 300 يۋان قوسىمشا تاماق قاراجاتى بەرىلەدى، قازىر ٴبىز تويا تاماقتاناتىن بولدىق» ـ دەپ ٴوزىنىڭ مەكتەپتە يگىلىكتەنەتىن مامىلەسىن ايتتى.

  مەملەكەتتىڭ «ٴۇشتى كەشىرىم ەتۋ، ءبىردى تولىقتاۋ» وقۋعا كومەك كورسەتۋ ارقىلى حالىققا تيىمدىلىك جاساۋ ساياساتىنىڭ ارقاسىندا، 2009 ـ جىلدان باستاپ ايماعىمىزداعى ورتا دارەجەلى كاسىپتىك مەكتەپتە وقىپ جاتقان وقۋشىلار تۇگەلدەي اقىسىز وقۋعا ٴتۇستى. 2018 ـ جىلى ايماق ورتا دارەجەلى كاسىپتىك مەكتەپتەردەگى وقۋشىلارعا تاعى ٴبىر ۇلكەن تارتۋ ۇسىندى. اتاپ ايتقاندا، التاي نوپۋسىنداعى ورتالاۋ، ورتا مەكتەپ بىتىرگەن وقۋشىلار ورتا دارەجەلى كاسىپتىك مەكتەپتەرگە (كاسىپتىك تولىق ورتا) جاڭادان قابىلدانسا، ءاربىر وقۋشىعا 10 مىڭ يۋان ۇيرەنۋ ـ تۇرمىس كومەك قاراجاتىن بەرىپ، ۇيرەنۋى مەن تۇرمىسىن الاڭسىز ەتتى.

  «ورتا دارەجەلى كاسىپتىك مەكتەپتەرگە بەرىلەتىن كومەك قاراجات __ ايماق بەلگىلەگەن حالىققا ٴتيىمدى ناقتى ساياسات. بۇل ورتا دارەجەلى كاسىپتىك وقۋ ـ اعارتۋدىڭ باۋراۋ قۋاتىن بارىنشا جوعارىلاتىپ، وقۋشىلاردىڭ ورتا جولدا وقۋدان شەگىنۋىن تەجەپ قانا قويماي، 2018 ـ جىلى كۇزدە ورتا دارەجەلى كاسىپتىك مەكتەپتەرگە 2030 وقۋشى قابىلداندى، بۇل 2017 ـ جىلداعىنىڭ تەڭ جارىمىنا جۋىق ارتتى» ـ دەدى ايماقتىق وقۋ ـ اعارتۋ مەكەمەسى «قوس ٴتىل» كەڭسەسىنىڭ مەڭگەرۋشىسى جاڭ گوشىڭ.

  جاقىنعى جىلداردان بەرى، ايماعىمىز ورتا دارەجەلى كاسىپتىك وقۋ ـ اعارتۋعا قوسىلىم تەبىنىن ارتتىرىپ، ورتا دارەجەلى كاسىپتىك مەكتەپتەرگە بەرىلەتىن كومەك قاراجاتتى ايماعىمىزدىڭ «سەگىز ٴىرى حالىق تۇرمىسى ىستەرى» قاتارىنا كىرگىزىپ، «التاي ايماعىنىڭ كاسىپتىك وقۋ ـ اعارتۋدىڭ دامۋىن جەدەلدەتۋ جونىندەگى پىكىرى»، «التاي ايماعىنداعى ورتا دارەجەلى كاسىپتىك مەكتەپ وقۋشىلارىنىڭ ۇيرەنۋ، تۇرمىس كومەك قاراجاتىن باسقارۋدىڭ ۋاقىتتىق ٴادىسى» قاتارلى ساياساتتاردى شىعارىپ، بايلىق قاينارىن، قارجىنى شوعىرلاندىرۋ، شوعىرلى مەكتەپ اشۋعا تاباندى بولىپ، 550 ميلليون يۋان قارجى قوسىپ، 4 ورتا دارەجەلى كاسىپتىك مەكتەپتى ٴبىر تۇتاس جوسپارلاپ، ٴبىر تۇتاس قۇرىپ، ٴبىر تۇتاس باسقاردى، جاڭا مەكتەپ رايونىنىڭ جالپى قۇرىلىس كولەمى 125 مىڭ 500 شارشى مەترگە جەتتى، ايماقتىق پەداگوگيكا مەكتەبى مەن ايماقتىق راديو ـ تەلەۆيدەنيا داشۋەسى ارت ـ ارتىنان جاڭا مەكتەپ رايونىنا كوشىپ كىردى.

  جٶعارى دارەجەلى كاسىپتىك وقۋ ـ اعارتۋ جوعارى دارەجەلى وقۋ ـ اعارتۋدىڭ ماڭىزدى قۇرامداس بولەگى، جوعارى دارەجەلى وقۋ ـ اعارتۋدىڭ دامۋ ورەسى ٴبىر مەملەكەتتىڭ دامۋ ورەسى مەن دامۋ كومەسكى كۇشىنىڭ ماڭىزدى بەلگىسى.

  تاياۋدان بەرى، كاسىپتىك تەحنيكا شۋەيۋانى كاسىپ گرۋپپاسىنىڭ جاۋاپتىسى حوۋ شينفىڭ وتە قاربالاس بولدى. كاسىپتىك تەحنيكا شۋەيۋانىنىڭ اۆتونوميالى رايوندىق ۇكىمەتتىڭ بەكىتۋىنەن ءوتۋى ءارى مەملەكەتتىك وقۋ ـ اعارتۋ مينيسترلىگىنە ءوتىنىش بەرۋىنە ىلەسە، كاسىپتىك تەحنيكا شۋەيۋانىنا وقۋشى قابىلداۋ قىزمەتى جاپپاي باستالدى. ول تىلشىگە: «تەحنيكا شۋەيۋانىنىڭ قۇرىلىسى بىتۋگە تاياپ قالدى، بيىل 9 ـ ايدا العاشقى توپتاعى جاڭا وقۋشىلار كەلىپ التايدا جوعارى دارەجەلى كاسىپتىك وقۋ ـ اعارتۋ بولماۋ تاريحىنا قوش ايتادى» ـ دەدى.

  2017 ـ جىلى ايماقتىڭ مەكتەپ باسقارۋ ورەسىن جاپپاي جوعارىلاتۋ ءۇشىن، التايدا ايماقتىڭ كاسىپتىك تەحنيكا شۋەيۋانى قۇرىلىپ، التاي قالاسىنىڭ وڭتۇستىك رايونىنا ىرگە تەپتى. ونىڭ يەلەگەن جەر اۋماعى 2000 مۋ بولىپ، ساياحاتتى ەرەكشەلىك، وقۋ تاريحى تاربيەسىن، كاسىپتىك تاربيەنى، تەحنيكالىق قىزمەت وتەۋدى ءبىر تۇلعالاندىرعان تولىق كۇندىك تۇزىمدەگى ادەتتەگى جوعارى دارەجەلى كاسىپتىك مەكتەپ. شۋەيۋاندا ساياحات باسقارۋ، رەستوران باسقارۋ، دەمالىس ساياحاتى، ساياحات جابدىعى، مادەنيەت ساياحاتى سياقتى 5 فاكۋلتەت اشىلىپ، التاي ايماعى ساياحات ەكونوميكاسىنىڭ تەز قارقىنمەن دامۋى ءۇشىن جوعارى ساپالى تەحنيكا دارىندىلارىنا بولعان قاجەتىن قاناعاتتاندىرادى.

  التاي كاسىپتىك تەحنيكا شۋەيۋانىنىڭ وقىتۋشى قاينارى كەمشىل بولۋ ماسەلەسىن شەشۋ ءۇشىن، 2 ـ ايدىڭ 26 ـ كۇنى ايماقتىق اكىمشىلىك مەكەمەسى مەن حيلۇڭجياڭ ولكەلىك وقۋ ـ اعارتۋ مەڭگەرمەسى سەلبەستىك كەلىسىمناماسىنا قول قويىستى، حيلۇڭجياڭ ولكەلىك وقۋ ـ اعارتۋ مەڭگەرمەسى ءار جىلى كاسىپتىك ۇزدىك وقىتۋشىلاردى تاڭداپ جىبەرىپ، التاي كاسىپتىك تەحنيكا شۋەيۋانىنىڭ دامۋىنا جەتەكشىلىك ەتەدى، سونداي ـ اق التاي كاسىپتىك تەحنيكا شۋەيۋانىنا وقىتۋشى تاربيەلەپ بەرەدى. مىنە، بۇل التاي كاسىپتىك تەحنيكا شۋەيۋانىنىڭ دامۋىنا دەم بەرىپ، ىركىلىسسىز دامۋىنا جول اشتى.

  - ءمورالدى ادام تاربيەلەۋگە تاباندى بولىپ، مىندەتتى وقۋ ـ اعارتۋدى تەڭگەرمەلى دامىتتى

  عاسىرلىق ءومىر __ بالا باقشادان باستالادى.

  كوزالدا، التاي ايماعىنىڭ كەز ـ كەلگەن ءبىر قىستاعىنا نەمەسە الەۋمەتتىك اۋماعىنا بارساڭىز، ادەمى ءارى اشىق ءتۇستى بالا باقشا نازارىڭىزدى بىردەن وزىنە اۋدارادى، بۇل التاي ايماعىنىڭ تاياۋ جىلداردان بەرى، وقۋعا تۇسەر الدىنداعى تاربيەگە ءمان بەرگەندىگىنىڭ ايعاعى. قازىرگە دەيىن ايماق بويىنشا بالا باقشادان 320 سى سالىنىپ، اۋدان، اۋىل (قالاشىق)، قىستاق ءۇش دارەجەلى وقۋعا تۇسەر الدىنداعى تاربيەنى تولىق جالپىلاستىرۋ ىسكە استى.

  «وقۋعا تۇسەر الدىنداعى تاربيەنىڭ ماقساتى __ ەگىن ـ مال شارۋاشىلىق رايونى مەن قالا بالالارى اراسىنداعى پارىقتى جويىپ، وقۋعا تۇسەر الدىنداعى تاربيەنى ەڭ جوعارى شەكتە تەڭ جۇرگىزۋدى ىسكە اسىرۋ. ال، مىندەتتى اعارتۋدى تەڭگەرمەلى دامىتۋ دەگەنىمىز وقۋ ـ اعارتۋ بايلىعىن ۇيلەسىمدى ورنالاستىرىپ، مەكتەپ، قالا ـ اۋىل، وڭىرلىك وقۋ ـ اعارتۋدى دامىتۋ اراسىنداعى پارىقتى جويۋ» ـ دەدى 6 ـ ايدىڭ 3 ـ كۇنى ايماقتىق وقۋ ـ اعارتۋ مەكەمەسىنىڭ ورىنباسار باستىعى ان حاييان تىلشىگە.

  قازىر التاي ايماعىندا 87 باستاۋىش مەكتەپ، 100 وقىتۋ ءتۇيىنى، 320 بالا باقشا جانە ءبىر ەرەكشە تاربيە مەكتەبى بار بولىپ، بۇلار بۇكىلدەي مەملەكەتتە ءبىر تۇتاس (جالعاسى 4 ـ بەتتە)

  قولدانىلاتىن ورتاق تىلدە تاربيە جۇرگىزۋدى جولعا قويدى. ايماق بويىنشا جوعارىدان تومەنگە دەيىن «كەڭ كولەمدە قامتىپ، نەگىزگە كەپىلدىك ەتكەن» وقۋعا تۇسەر الدىنداعى تاربيەگە الەۋمەتتىك قىزمەت وتەۋ جۇيەسى نەگىزىنەن قالىپتاسىپ، ايماق بويىنشا باستاۋىش، ورتالاۋ وقۋ ـ اعارتۋىنىڭ بەكەمدەلۋى جەكە ـ جەكە %98 جانە %99.08كە جەتىپ، مىندەتتى وقۋ ـ اعارتۋ تەڭگەرمەلى دامىدى.

  ەگەر وقۋعا تۇسەر الدىنداعى تاربيەنى ستراتەگيالىق مانگە يە حالىق تۇرمىسى ينجەنەرياسى، نەگىزدى قالاپ، يگىلىگى ۇزاق مەرزىمدە كورىلەتىن شەشىم دەسەك، وندا مىندەتتى وقۋ ـ اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارى ايماقتىڭ حالىق تۇرمىسىنا تيىمدىلىك جاراتىپ، حالىق تۇرمىسىن جاقسارتۋىنداعى كەلەلى شارا.

  ءبىر شىنى قارا شاي مەن ءبىر كەسەك قاتقان نان كوكتوعاي اۋدانى دۇرە قالاشىعى مالشىلىق 1 ـ جاتاقتى مەكتەبى 5 ـ جىلدىق 2 ـ كلاسىندا وقيتىن اقجول تاسقىن ۇلىنىڭ تۇسكى اسى بولاتىن.

  «شەشەم قاربالاس كەزىندە ماعان تاماق جاساپ بەرە المايدى، ۇيگە قايتقاندا قولىما ىلىنگەنىن جەيمىن» ـ دەدى اقجول.

  اقجول ءار كۇنى تۇستە ۇيىنە قايتىپ تاماق ىشەدى. الايدا، شەشەسى قاربالاس بولىپ ۇيىنە كەلىپ تاماق جاساي الماعاندا، ول قولىنا ىلىنگەندى جەپ جۇرە بەرەتىن. ول 2018 ـ جىلى 3 ـ ايدا قاباعات قۋاندى، ويتكەنى مەكتەپ ءار كۇنى 2 ساعات ساباقتان كەيىن جەمىس ـ جيدەك، بال كۇلشە، ءسۇت سياقتى قورەكتىگى مول اس ـ سۋمەن قامدادى، بۇل ۇيىندەگى قارا شاي مەن قاتقان ناننان الدە قايدا ارتىق بولدى.

  تاياۋ جىلداردان بەرى، ايماق مىندەتتى وقۋ ـ اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىن جاپپاي اتقاردى، شىڭگىل مەن جەمەنەي اۋدانىنا مەملەكەت جاعىنان قورەكتىك قوسىمشا قاراجات بەرىلۋدەن سىرت، باسقا اۋدان (قالا) ايماقتىڭ كۇنىنە 4 يۋان ولشەمى بويىنشا، شارت ـ جاعدايى جار بەرەتىن جاتاقتى مەكتەپتەر جىلى تاماقپەن قامداۋ جابدىقتارىن كوبەيتىپ، اسپاز جانە قىزمەتكەر ورنالاستىردى؛ اسحانا اشۋ شارت ـ جاعدايى جوق مەكتەپتەر سيىر ءسۇتى، بولكا جانە جەمىس ـ جيدەك سياقتى اس ـ سۋ ارقىلى قورەكتىكتى جاقسارتتى؛ قازىرگە دەيىن شىڭگىل، جەمەنەي، بۋرىلتوعاي، بۋىرشىن جانە كوكتوعاي اۋدانى مىندەتتى وقۋ ـ اعارتۋ ساتىسىنداعى وقۋشىلاردى تەگىس قورەكتىگى مول اس ـ سۋمەن قامداۋدى باستادى.

  قورەكتىگى مول اس ـ سۋمەن قامداۋ جوسپارى اتقارىلعاننان بەرى، اقجول «ءبىر شىنى قارا شاي مەن ءبىر كەسەك قاتقان ناندى» تۇسكى قورەك ەتۋدەن قۇتىلدى. ول: «قورەكتىگى مول اس ـ سۋ سونداي جىلى، ءوزىمدى باقىتتى سەزىنەمىن» ـ دەدى قۋانىشتى تۇردە تىلشىگە.

  اقجولدىڭ مۇنداي باقىت سەزىمى ايماقتىڭ تاياۋ جىلداردان بەرى حالىق تۇرمىسىنا قاتىستى ىستەردى زور كۇشپەن دامىتقانىنىڭ، حالىق تۇرمىسىنا تيىمدىلىك جاساعانىنىڭ ايعاعى بولدى.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى