اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋرىلتوعاي، بۋىرشىن اۋداندارىندا توعىسپالى اقپارات قۇرالدارى ورتالىعى رەسمي قۇرىلدى

  التاي گازەتىنىڭ ءتىلشىسى مەرەي كارىباي قىزى حابارلايدى. بۋرىلتوعاي اۋدانى مەن بۋىرشىن اۋدانى اۆتونوميالى رايوننىڭ 1 ـ توپتاعى 31 اۋدان دارەجەلى توعىسپالى اقپارات قۇرالدارى ورتالىعى قۇرىلىسىنداعى سىناق ءتۇيىنى اۋدانى رەتىندە 6 ـ ايدىڭ 8 ـ كۇنى وسى ەكى اۋداننىڭ اۋدان دارەجەلى توعىسپالى اقپارات قۇرالدارى ورتالىعى رەسمي قۇرىلدى.

  اۋدان دارەجەلى توعىسپالى اقپارات قۇرالدارى ورتالىعى قۇرىلىسىن كۇشەيتۋ پارتيا ورتالىق كوميتەتىنىڭ جاساعان كەلەلى شەشىمى. بۇل اۋدان دارەجەلى اقپارات دانەكەرى بايلىعىن رەتكە سالىپ بىرىكتىرىپ، اۋدان دارەجەلى اقپارات دانەكەرىنىڭ تيپكە بۇرىلىس جاساپ دارەجەسىن جوعارىلاتۋدى جەدەلدەتىپ، نەگىزگى اعىمدىق يدەيالىق جاماعات پىكىرىن بەكەمدەپ كەڭەيتىپ، نەگىزگى ساتى ۇگىت ـ يدەيا شەبىن بەكەمدەپ، نەگىزگى ساتى ۇگىتىنىڭ «ەڭ سوڭعى ءبىر كيلومەترىن» تۇتاستىرىپ، پارتيانىڭ يدەولوگيا قىزمەتى نەگىزىن بەكەمدەۋگە ٴتيىمدى.

  ۇعىسۋعا قاراعاندا، وسى ەكى اۋداننىڭ توعىسپالى اقپارات قۇرالدارى ورتالىعى اۋداندىق راديو ـ تەلەۆيزيانى نەگىز ەتىپ، راديو ـ تەلەۆيزور، اۋداندىق ۋيچات الەۋمەتتىك تەكشەسى، جاڭا اۋىل ـ قىستاق لاباسى قاتارلى اۋدان وڭىرىندەگى اقپارات بايلىعىن ءونىمدى رەتكە سالىپ بىرىكتىرىپ، قوسىن قۇرىلىسى، شەپ قۇرىلىسى، تەكشە قۇرىلىسى جانە مازمۇن قۇرىلىسى جاعىندا جاڭالىق جاراتىپ، اۋدان دارەجەلى توعىسپالى اقپارات قۇرالدارى ورتالىعى قۇرىلىسىن جالپى بەتتىك جەبەپ، ينفورماتسيانىڭ تارالۋ قارقىنىن جەدەلدەتىپ، اقپارات جاريالاۋ ساپاسىن جوعارىلاتىپ، ءداستۇرلى اقپارات دانەكەرى مەن جاڭا اقپارات دانەكەرىنىڭ توعىسپالى دامۋىن جۇزەگە اسىرعان.

  قۇرىلۋ سالتى وتكىزىلگەن كۇنى بۋرىلتوعاي اۋداندىق توعىسپالى اقپارات قۇرالدارى ورتالىعى جەرگىلىكتى ينفورماتسيا عىلىم ـ تەحنيكا سەرىكتەستىگى جانە كاسىپتىك دارىندىلارمەن قاتىستى سەلبەستىك كەلىسىمىنە قول قويىستى. بۋرىلتوعاي اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي رۇي بىلاي دەدى: «كاسىپورىن مەن كاسىپتىك دارىندىلاردىڭ تەحنيكالىق، كاسىپتىك ابزالدىلىعىن ارقاۋ ەتىپ، ءداستۇرلى اقپارات دانەكەرلەرى مەن جاڭا اقپارات دانەكەرلەرىنىڭ توعىسۋىن جەدەلدەتىپ، ەكى تەكشە، ءبىر تۇعىر ارقىلى جاريالاۋدى جۇزەگە اسىرىپ، جاڭا مەديانى كۇشەيتىپ، تۇتاس اۋداننىڭ اقپارات ىستەرىنىڭ اقاۋسىز جۇيەلى دامۋىن جەبەپ، كورىكتى، باي ـ باقىتتى بۋرىلتوعايدى ويداعىداي ۇگىتتەپ، تانىستىرامىز».

  سول كۇنى تۇستەن كەيىن بۋىرشىن اۋدانىندا قۇرىلۋ سالتىنا قاتىناسقاندار توعىسپالى اقپارات قۇرالدارى ورتالىعىن ەكسكۋرتسيالادى. بۋىرشىن اۋداندىق توعىسپالى اقپارات قۇرالدارى ورتالىعىنىڭ قۇرىلىس اۋماعى 4300 شارشى مەتر، اقپارات قولباسشىلىق ورنالاستىرۋ ورتالىعى، توعىسپالى اقپارات دانەكەرىنىڭ حابار رەداكسيا ءبولىمى، قويىلىم تاراتۋ بولمەسى، دىبىس الۋ بولمەسى، راديونى تىكە تاراتۋ بولمەسى، توعىسپالى تاراتۋ كومپيۋتەر ءۇيى، ساندى مالىمەت ورتالىعىنىڭ كومپيۋتەر ٴۇيى قاتارلى ورىندار ستانسيا مەن توراپ اراسىندا ماقالا، سۋرەت، كەسكىن بايلىعىنان ورتاق يگىلىكتەنىپ، بايلىعى شوعىرلانعان، قۇرىلىمى ۇيلەسىمدى، پارىقتى دامىعان، سايكەستى جوعارى ٴونىمدى توعىسپالى اقپار تاراتۋ جۇيەسىن قالىپتاستىردى.

  بۋىرشىن اۋداندىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى گاۋ ايچىن بىلاي دەدى: «بۋىرشىن اۋدانى اۋدان كولەمىندەگى اقپارات بايلىعىن رەتكە سالىپ بىرىكتىرىپ، ‹ءبىر جٶلدا حابار جيناپ، كوپ ءتۇرلى قولدانىپ، جالپى اقپاراتتا تەڭ تاراتاتىن› جاعداي قالىپتاستىردى، كەلەسى قادامدا ‹حابار +› اينالىم فٶرماسىنا بەلسەنە ىزدەنىس جاساپ، توعىسپالى اقپارات قۇرالدارى ورتالىعىن ‹حابار + ۇكىمەت ىستەرى + قىزمەت وتەۋ› ينفورماتسيالىق قىزمەت وتەۋ ۋنيۆەرسالدى تۇلعاسى ەتىپ جاراتىپ، تاراتۋ تاسىلىندە جاڭالىق جاراتىپ، بۋىرشىندى ويداعىداي ۇگىتتەپ تانىستىرامىز».

  ۇعىسۋعا قاراعاندا، بۋىرشىن، بۋرىلتوعاي ەكى اۋداننىڭ توعىسپالى اقپارات قۇرالدارى ورتالىعىنىڭ قۇرىلۋى ايماقتاعى اقپارات قۇرالدارىنىڭ توعىسپالى دامۋىنىڭ جاڭا كەزەڭگە وتكەندىگىنەن دەرەك بەرەدى، ايماقتاعى باسقا اۋدان دارەجەلى توعىسپالى اقپارات قۇرالدارى ورتالىعى كەيىنگى ساتىدا ىركەس ـ تىركەس رەسمي قۇرىلىپ جۇمىس باستاپ، مەجەمەن جىل سوڭىنا دەيىن تۇگەلدەي قۇرىلىپ بولادى ەكەن.

  ايماقتىق پارتكوم ۇگىت ءبولىمىنىڭ ورىنباسار باستىعى كۇڭ ۋيۋي بىلاي دەدى: «ەكى اۋداننىڭ توعىسپالى اقپارات قۇرالدارى ورتالىعىن رەسمي قۇرۋىن وراي ەتىپ، اقپارات دانەكەرلەرىن ورنالاستىرۋدى ۇزدىكسىز ساپالىلاندىرىپ، اقپارات دانەكەرلەرىنىڭ توعىسپالى دامۋىن ۇزدىكسىز جەبەۋىمىز قاجەت. اۋداندىق توعىسپالى اقپارات قۇرالدارى ورتالىعى جاڭا ءداۋىردىڭ ۇگىت قىزمەتى قاجەتىنە بەلسەنە سايكەسىپ، ءوزىن ينفورماتسيالىق قىزمەت وتەيتىن ۋنيۆەرسالدىق تۇلعا جانە قارىم ـ قاتىناس جاساپ بۇقاراعا قىزمەت وتەيتىن جاڭا دانەكەر ەتىپ جاراتىپ، ‹تۋ ورناتۋ، حالىق تىلەگىن توعىستىرۋ، دارىندىلاردى تاربيەلەۋ، مادەنيەتتى گٷلدەندىرۋ، وبراز ايگىلەۋدەي› بورىش مىندەتىن مۇقيات ارقالاپ، دۇرىس ساياسي باعىتتا، جاماعات پىكىرىندە جانە قۇن بەتالىسىندا تاباندى بولىپ، بۇقاراعا اناعۇرلىم ويداعىداي جەتەكشىلىك ەتىپ، قىزمەت وتەپ، اقپارات جاماعات پىكىرىنىڭ تاراتۋ قۋاتىن، جەتەكشىلىك قۋاتىن، ىقپال قۋاتىن، الەۋمەتتىك سەنىمدىلىك قۋاتىن ۇزدىكسىز جوعارىلاتىپ، اناعۇرلىم تىنىش، كورىكتى، باي ـ باقىتتى جاڭا التاي قۇرۋ ءۇشىن زور ۇلەس قوسۋى كەرەك».

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى