اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماق عىلىم جالپىلاستىرۋ تاربيە بازاسى قۇرىلىسى نىسانىن باستاۋ سالتىن وتكىزدى

  التاي گازەتىنىڭ ءتىلشىسى جۇڭ چۇنچۇن حابارلايدى. 6 ـ ايدىڭ 6 ـ كۇنى ايماق عىلىم جالپىلاستىرۋ تاربيە بازاسى قۇرىلىسى نىسانىنىڭ جۇمىس باستاۋ سالتىن وتكىزدى. مىنە، بۇل نىساننىڭ جاپپاي جۇمىس باستاۋ ساتىسىنا وتكەنىن بىلدىرەدى. ايماقتىق پارتكومنىڭ ورىنباسار شۋجيى، حيلۇڭجياڭ ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى لي بيڭ جۇمىستىڭ باستالعانىن جاريالادى، ايماقتىق پارتكومنىڭ مۇشەسى، اكىمشىلىك مەكەمەسنىڭ ۇنەمىلىك ىستەرگە جاۋاپتى ورىنباسار ءۋاليى چىن بو جۇمىس باستاۋ سالتىنا قاتىناستى.

  ۇعىسۋعا قاراعاندا، ايماقتىڭ عىلىم جالپىلاستىرۋ تاربيە بازا نىسانى ايماقتىق 2 ـ تولىق ورتا مەكتەپتىڭ باتىسىنا ورنالاساتىن بولىپ، قۇرىلىس اۋماعى 6718.32 شارشى مەتر، جيىنى 3 قابات ەكەن. قۇرىلىس مازمۇنى عىلىم جالپىلاستىرۋ كورمە سارايى، استرونوميالىق عىلىم ـ تەحنيكا سارايى جانە اسپان دەنەلەرىن باقىلاۋ سارايى قاتارلىلاردى قامتىپ، مۇندا، التاي زالى، جەر شارى زالى، كۇن جۇيەسى زالى، تۇراقتى جۇلدىز زالى، قۇس جولى زالى، عارىش زالى، استرونوميا ءىلىمى تاريحى زالى، عارىشتىق بارلاۋ زالى جانە پلانەتا زالى جوبالانعان. نىسانعا جيىنى 70 ميلليون يۋان قارجى قوسىلادى، بۇل حيلۇڭجياڭ ولكەسىنىڭ شينجياڭعا كومەككە بەرگەن 30 ميلليون يۋان قارجىسىن ءوز ىشىنە الادى. نىسان استرونوميا ىستەرىن زەرتتەۋ، بارلاۋ، ۇگىتتەۋ، وقۋ ـ اعارتۋ، ساياحات، تاماشالاۋ ءبىر تۇلعالانعان امبەباپ عىلىم جالپىلاستىرۋ تاربيە بازاسى بولىپ، ايماقتىڭ استرونوميا ىستەرى مەن وڭىرلىك ساياحاتتى دامىتۋىندا كەلەلى ماڭىز الادى.

  لي بيڭ مىنانى ءبىلدىردى: «2017 ـ جىلى حيلۇڭجياڭ ولكەسى 3 ـ توپتا شينجياڭعا كومەكتەسۋ قىزمەتىن باستاعاننان بەرى، پارتيا 19 ـ قۇرىلتايىنىڭ رۋحى مەن 6 ـ رەتكى بۇكىل ەلدىڭ شينجياڭعا سالالار بويىنشا كومەكتەسۋ قىزمەت ءماجىلىسىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، تياناقتاندىرىپ، ايماقتىق پارتكومنىڭ جالپى تۇلعالىق تالابىنا ساي، حيلۇڭجياڭ ولكەسىنىڭ وقۋ ـ اعارتۋ بايلىعى ابزالدىلىعىن تولىق ساۋلەلەندىرىپ، وقۋ ـ اعارتۋ جاعىندا شينجياڭعا كومەكتەسۋ تەبىنىن ارتتىرىپ، كومەككە يە بولعان تاربيە بازاسى نەگىزدىك قۇرىلعى قۇرىلىسىندا تىڭ جەتىستىكتى ىسكە اسىردى، وقۋ ـ اعارتۋ، وقۋ ـ وقىتۋ ورەسىندە جاڭا ورلەۋ جارىققا شىعىپ، ەكى جەردىڭ وقۋ ـ اعارتۋداعى بارىس ـ كەلىس، تاجىريبە الماستىرۋ، ارالاسۋ سەلبەستىگىندە تىڭ دامۋ ىسكە اسىپ، از ۇلت وقىتۋشىلارىن تاربيەلەۋدە تىڭ تابىستار قولعا كەلدى، وقۋ ـ اعارتۋ ارقىلى شينجياڭعا كومەكتەسۋ قىزمەتىندە ءبىرشاما جاقسى ناتيجە جاراتىلىپ، جۇرتتىڭ جاپپاي القاۋىنا يە بولدى. ايماقتىڭ عىلىم جالپىلاستىرۋ تاربيە بازاسى قۇرىلىس نىسانىنىڭ جۇمىس باستاۋى ايماق وقۋ ـ اعارتۋىن دامىتۋدىڭ ماڭىزدى شاراسى بولىپ، ايماق وقۋ ـ اعارتۋىن دامىتۋدا كەزەڭدىك ماڭىزعا يە. سونىمەن بىرگە، عىلىم جالپىلاستىرۋ تاربيە بازاسى سالىنىپ بولعاننان كەيىن استرونوميا عىلىمىن جالپىلاستىرۋ مەن وقۋ ـ اعارتۋ، وقۋ ـ وقىتۋدى ورگانيكالى ۇشتاستىرىپ، ايماقتىڭ استرونوميا عىلىمىن جالپىلاستىرۋ قىزمەتىنىڭ جاڭا ساتىعا قادام تاستاۋىن ىلگەرىلەتەدى».

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى