اعاجاي-التاي تورابى   ›   مادەنيەت ارناسى   ›   بىلگەنگە مارجان

كۇننەن قورعايتىن قۇرالداردى قولدانۋدا جىبەرىلەتىن قاتەلىكتەر

  

جاز مەزگىلى دە كەلىپ جەتتى. ەندەشە، كۇنگە دۇرىس كۇيۋ مەن سۋعا ءتۇسۋ كەزەڭىنە دايىندالۋىمىز كەرەك. كەي جاعدايدا دەنەڭىزگە كۇننەن قورعايتىن كرەم جاقساڭىز دا، كۇنگە بىرتەگىس كۇيمەۋىڭىز نەمەسە كرەم تەرىنى تىپتەن قورعاماۋى مۇمكىن. ونىڭ باستى سەبەبى — كۇننەن قورعايتىن قۇرالداردى قولدانۋدا جىبەرىلەتىن قاتەلىكتەر.

  تومەندە SPF سۇزگىسى بار كرەمدەردى جاعۋدا جىبەرىلەتىن قاتەلىكتەر ءتىزىمىن ۇسىنامىز.

  قۇرالدى جەتكىلىكتى مولشەردە قولدانباۋ

  كەز كەلگەن كۇننەن قورعايتىن قۇرالداردى مولىنان جاعۋ قاجەت. سوندىقتان، ونى ۇنەمدەۋدىڭ قاجەتى جوق. ەۋروپالىق كوميسسيا مالىمەتى بويىنشا، كۇننەن قورعايتىن كرەمدى ادام دەنەسىنە تولىقتاي جاعۋ ءۇشىن ورتاشا ەسەپپەن 6 شاي قاسىق كرەم كەرەك ەكەن.

  جاڭارتىپ جاقپاۋ

  كەز كەلگەن كۇنەن قورعايتىن كرەم، اسىرەسە، سۋعا تۇسكەن سوڭ جاڭارتۋدى قاجەت ەتەدى. سوندىقتان سۋدان شىققان كەزدە كرەمدى قايتادان جاعىڭىز. قۇرعاق تەرىگە قاراعاندا ىلعال تەرى جىلدام كۇيەتىنىن ەستە ساقتاڭىز. كۇننەن قورعايتىن قۇرالدىڭ قاپتاماسىندا سۋعا ءتوزىمدى ەكەنى جازىلسا دا، سۋدان شىققان سوڭ قايتادان جاعىپ الىڭىز.

  SPF قۇرالىن دۇرىس تاڭداماۋ

  كۇننىڭ زياندى ساۋلەسى تەرىنىڭ تەز قارتايۋىنا سەبەپشى بولادى. سوندىقتان كەز كەلگەن SPF سۇزگىسى بار قۇرالدار ساۋلەدەن قورعاۋعا نەگىزدەلىپ جاسالادى. شىندىعىندا، ەشبىر قۇرال تەرىنى زياندى ساۋلەدەن 100 % قورعامايدى. تەرىڭىزدىڭ ءتۇسى اشىق بولعان سايىن SPF دەڭگەيى دە جوعارى بولۋى ءتيىس.

  سپرەيدى سىلاماۋ

  كۇننەن قورعايتىن قۇرالداردىڭ سپرەي تۇرىندە ساتىلاتىن تۇرلەرى دە بار. ونى تەرىگە بويلاتۋ جەڭىلىرەك، سەبەبى ونى تەرىگە تەك شاشا سالاسىز. كوپشىلىك جىبەرەتىن قاتەلىكتىڭ ءبىرى — سونداي سپرەيلەردى تەرىگە شاشقان سوڭ سىلاماۋ. سوندىقتان ونى دا كرەم سەكىلدى تەرىگە شاشقان سوڭ، تەگىس ەتىپ جاعىپ شىعۋ قاجەت.

  كۇننەن قورعايتىن قۇرالدى عيماراتتا قولدانباۋ

  كەي ادامدار كۇن ساۋلەسى اينەكتەن وتپەيدى دەپ قاتەلەسەدى. ەگەر ءسىز كولىكتە وتىرساڭىز نەمەسە جۇمىستا تەرەزەنىڭ جانىندا وتىرساڭىز، تەرىڭىز قورعانىستى قاجەت ەتەدى. سوندىقتان جاز مەزگىلىندە كۇننەن قورعايتىن قۇرالداردى كۇندە جاعىپ شىققان ءجون.

جاۋاپتى رەداكتور: ءاننا اكىمقان قىزى
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قوزعاۋشى كۇش ەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن تىڭعىلىقتى ىلگەرىلەتۋ كەرەك