اعاجاي-التاي تورابى   ›   اقپارات ايدىنى   ›   شينجياڭ حابارلارى

رايونىمىزداعى باقشا رايوندارى كاسىپ سالالارىنىڭ تيبىن جاڭالاپ، دەڭگەيىن جوعارىلاتۋدى جەدەلدەتتى

1 - توقساندا تۇتاس رايونداعى ءتۇيىندى تۇردە باقىلاپ-تەكسەرىلەتىن 25 باقشا رايونىنىڭ ورىنداعان ونەركاسىپ جالپى ءونىم قۇنى 113 ميلليارد يۋانعا جەتتى

  شينجياڭ گازەتىنىڭ ءتىلشىسى ما ينيڭ 6 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، بيىل جىل باسىنان بەرى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى)، ءۇرىمجى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) سياقتى باقشا رايوندارى ”نىساندى مىقتى يگەرۋدى، ورتا قالىپتاستىرۋدى، جاڭالىق اشۋدى جەبەۋدى“ مىقتاپ ارقاۋ ەتىپ، باقشا رايونىنىڭ ءتۇزىلىس - مەحانيزم رەفورماسىن ۇزدىكسىز ىلگەرىلەتىپ، باقشا رايونى كاسىپ سالالارىنىڭ تيبىن جاڭالاپ، دەڭگەيىن جوعارىلاتۋدى جەدەل ىلگەرىلەتىپ، باقشا رايونى ەكونوميكاسىنىڭ ورنىقتى دامۋىن ساقتاۋعا شىنايى كەپىلدىك ەتتى. 1 - توقساندا تۇتاس رايونىمىزداعى ءتۇيىندى تۇردە باقىلاپ - تەكسەرىلەتىن 25 باقشا رايونىنىڭ ورىنداعان ونەركاسىپ جالپى ءونىم قۇنى 113 ميلليارد 80 ميلليون يۋانعا جەتىپ، بىلتىرعى سايكەس مەزگىلدەگىدەن %2.8 ارتتى؛ ونەركاسىپتىڭ ارتقان قۇنى 34 ميلليارد 510 ميلليون يۋانعا جەتىپ، بىلتىرعى سايكەستى مەزگىلدەگىدەن %2.2 ارتتى. مۇنىڭ ىشىندە ساۋان ونەركاسىپ باقشا رايونىنىڭ، كۇيتۇن - مايتاۋ ەكونوميكالىق، تەحنيكالىق اشۋ رايونىنىڭ، يدۇڭ ونەركاسىپ باقشا رايونىنىڭ، كۇشار ەكونوميكالىق، تەحنيكالىق اشۋ رايونىنىڭ ارتۋ قارقىنى ورتا ەسەپپەن %15تەن جوعارى بولدى.

  ”بيىل ءبىز ءتۇيىندى باقشا رايوندارىن، ءتۇيىندى كاسىپ سالالارىن، ءتۇيىندى نىسانداردى ارقاۋ ەتىپ، ساۋداگەر شاقىرىپ، قارجى ەنگىزۋ قىزمەتىن كۇشەيتىپ، ىشكى ولكەلەردەگى كاسىپ سالالارىنىڭ ويىسۋىن ىرىقتىلىقپەن قابىلداپ، نىسانداردى تياناقتاندىرۋ ارقىلى قارجى قوسۋدى، دامۋدى جەبەيمىز“، - دەي كەلىپ، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى باقشا رايوندارىن باسقارۋ باسقارماسىنىڭ باستىعى جاڭ حۋا فينانستىق قىزمەت وتەۋدى ساپالىلاندىرۋ جانە ەكولوگيالىق ورتانى قورعاۋدى كۇشەيتۋ توڭىرەگىندە، رايونىمىز باقشا رايوندارىنىڭ جۇمساق، قاتتى ورتاسىن ونان ارى ساپالىلاندىرىپ، كاسىپورىنداردى قارجى قوسىپ، شارۋاشىلىقپەن شۇعىلدانۋعا باۋراپ، كاسىپ سالالارىنىڭ شوعىرلى دامۋىن جەبەيتىندىكتەرىن ايتتى.

  1 - توقساندا ءتۇيىندى باقشا رايوندارىندا تاماشا دامۋ جاعدايى جارىققا شىقتى. ءۇرىمجى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) تياناقتاندىرعان جۇمىس باستاۋدى جوسپارعا العان كاسىپ سالاسى نىسانى 64، شينجياڭ كايۋو جاڭا ماتەريال عىلىم - تەحنيكا شەكتى جارنا سەرىكتەستىگى، جىجياڭ تيانتيە كاسىپتىك شەكتى جارنا سەرىكتەستىگى سياقتى ورىندار قارجى قوسقان ءبىرسىپىرا نىساندار ارت - ارتىنان تياناق تاپتى؛ جۇندۇڭ ەكونوميكالىق، تەحنيكالىق اشۋ رايونى جاڭادان جۇمىس باستاعان نىسان 14، بيىل بۇعان 11 ميلليارد 200 ميلليون يۋان قارجى قوسۋ جوسپارلاندى؛ شىنجىن قالالىق جۇڭتيانرىن كاسىپتىك شەكتى سەرىكتەستىگى ەلەكتروندىق زەردەلى تەرمينال ونىمدەردى مانەرلەۋ نىسانى قاشقار ەكونوميكالىق اشۋ رايونىنان ىرگە تەپتى، بۇعان 100 ميلليون يۋان قارجى قوسۋ جوسپارعا الىندى، جىلىنا قول تەلەفون سياقتى 3 ميلليون زەردەلى تەرمينال ءونىم جانە 3 ميلليون بولشەك، سونداي - اق سايكەستى ونىمدەر ءوندىرىلىپ ساتىلادى؛ ءۇرىمجى قالاسى شۇيموگوۋ ونەركاسىپ باقشا رايونىنىڭ ازىق - تۇلىك كاسىبى باقشاسى كەلىسىم سوماسى 8 ميلليارد 810 ميلليون يۋان كەلەتىن 11 نىسانعا كەلىستى؛ كۇيتۇن - مايتاۋ ەكونوميكالىق، تەحنيكالىق اشۋ رايونى نازاردى كاسىپ سالاسى مەن قالانى توعىستىرىپ دامىتۋعا شوعىرلاندىرىپ، قوسىمشا قۇنى جوعارى جىنتىكتى حيميا - ونەركاسىپ شارۋاشىلىعى سياقتى 7 تىرەكتى كاسىپ سالاسى مەن سالاماتتىق، كۇتىمدەۋ، مادەنيەت، ساياحات شاعىن قالاشىعى سياقتى 6 ۇلكەن جاڭا كاسىپ كۇيىن تۇراقتاندىردى.

  سوڭعى جارتى جىلدا اۆتونوميالى رايون كاسىپ سالاسى بويىنشا شينجياڭعا كومەكتەسۋ، اۋىس - كۇيىس، سەلبەستىك، كاسىپتىك كورمە، كاسىپ سالاسى قوعامى سياقتى تۇعىرلاردان ويداعىداي پايدالانۋ ارقىلى باقشا رايونى مەن كاسىپورىنداردىڭ قارجى بىرىكتىرىپ سەلبەسۋ، ساۋدا ارقىلى ساۋداگەر شاقىرۋ سياقتى جولدارمەن كاسىپ سالاسى ءورىسىنىڭ كەڭەيۋىن جانە سايكەستى دامۋىن جۇزەگە اسىرادى.
 ۇعىسۋعا قاراعاندا، 2018 - جىلدىڭ سوڭىنا دەيىن، رايونىمىزدا مەملەكەتتىك كەڭەستىڭ جانە اۆتونوميالى رايوندىق حالىق ۇكىمەتىنىڭ بەكىتۋىمەن قۇرىلعان ءتۇرلى باقشا رايوندارى 92گە جەتكەن، مۇنىڭ ىشىندە مەملەكەت دارەجەلىدەن 23 ى بار ەكەن.

جاۋاپتى رەداكتور: ءاننا اكىمقان قىزى
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قوزعاۋشى كۇش ەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن تىڭعىلىقتى ىلگەرىلەتۋ كەرەك