اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ەنەرگيا ساۋدا ىستەرى تالقى مىنبەرىنە بىرگە قاتىناستى

  شينحۋا اگەنتتىگىنىڭ 6 - ايدىڭ 7 - كۇنى سانت - پەتربۋرگتەن بەرگەن حابارى (تىلشىلەر لۇي چۋانجۇڭ، حاۋ فاڭجيا). مەملەكەت ءتوراعاسى شي جينپيڭ 6 - ايدىڭ 7 - كۇنى سانت - پەتربۋرگتە رەسەيدىڭ زۇڭتۇڭى پۋتينمەن بىرگە جۇڭگو مەن رەسەيدىڭ ەنەرگيا ساۋدا ىستەرى تالقى مىنبەرىنە قاتىناستى.

  ەكى ەلدىڭ مەملەكەت باسشىلارى ەكى جاق ۋاكىلدەرىنىڭ مالىمەتىن تىڭداعاننان كەيىن، جەكە - جەكە ءسوز سويلەدى.

  شي جينپيڭ بىلاي دەپ اتاپ كورسەتتى: جۇڭگو مەن رەسەي ءبىر - ءبىرىنىڭ جان - جاقتى ستراتەگيالىق ىستەستىك سەرىگى، ءار سالاداعى سەلبەستىگى ۇزدىكسىز تەرەڭدەپ، ەكى ەلدىڭ ورتاق دامۋىن، كوركەيۋىن پارمەندى جەبەدى. ەنەرگيا سەلبەستىگى − ەكى ەل سەلبەستىگىندەگى ۇلەس سالماعى ەڭ اۋىر، تابىسى ەڭ كوپ، كولەمى ەڭ كەڭ سالا. ەكى جاق ىستەستىكتى جيىلەتىپ، ءادىل، تۋراشىل، ۇيلەسىمدى، ءتارتىپتى حالىقارالىق ەنەرگيا ءتارتىبىن قورعاۋدا بەلسەندى رول اتقاردى.

  شي جينپيڭ جۇڭگو مەن رەسەيدىڭ ەنەرگيا سەلبەستىگىن بەكەمدەۋ جانە تەرەڭدەتۋ جونىندە 4 ءتۇرلى ۇسىنىس قويدى. ءبىرىنشى، كاسىپورىن نەگىزگى تۇلعاسىنا، ساۋدا پرينسيبىنە تاباندى بولىپ، سەلبەستىكتىڭ تاماشا ورايىن كەڭ كولەمدە قاراستىرۋ. ەكى ەل كاسىپورىندارى ءوزارا پايدا جەتكىزىپ، بىرگە يگىلىكتەنۋ، ساۋداعا ىڭعايلى بولۋ پرينسيبىن ۇستانىپ، اقىلداسۋدى، كەڭەسۋدى كۇشەيتىپ، سەلبەسۋ باعدارىن ءدال تابۋ، سەلبەسۋ سەرىگىن جاقسى قاراستىرۋ، سەلبەسۋ نىسانىن دۇرىس تابۋ كەرەك. فينانس قامسىزداندىرۋى مەن ەنەرگيا سەلبەستىگىندە ءوزارا قولداۋدى، ءوزارا جەبەۋدى كۇشەيتۋ كەرەك. ەكىنشى، جاڭا كومەسكى كۇشتى اشىپ، جۇڭگو - رەسەي ەنەرگيا سەلبەستىگىنىڭ ساپاسىن جوعارىلاتىپ، دەڭگەيىن ءوسىرۋدى ىلگەرىلەتۋ. ەنەرگيا تەحنيكاسى ولشەمى سەلبەستىگىن كۇشەيتىپ، ەكى ەلدىڭ ەنەرگيا ولشەمىن ءوزارا مويىنداۋىن جانە ۇشتاسۋىن ىلگەرىلەتۋ كەرەك. عىلىم - تەحنيكادا جاڭالىق اشۋدىڭ ەنەرگيا سەلبەستىگىن جەبەۋىن جانە جەتەكتەۋىن كۇشەيتىپ، ينفورماتسيا تەحنيكاسى مەن ەنەرگيا كاسىبىنىڭ تەرەڭدەي توعىسۋىن ىلگەرىلەتىپ، ەنەرگيا زەرتتەۋ - اشۋ سەلبەستىگىن تەرەڭدەتىپ، تاجىريبەنى بىرگە ءبولىسۋ، قابىلەت قۇرىلىسى، اقىل - پاراسات قويماسى اۋىس - كۇيىس سەلبەستىگىن كۇشەيتىپ، ءوزارا ۇيرەنۋ، ءوزارا ۇلگى الۋ كەرەك. ءۇشىنشى، مۇددە توعىسۋىن جەبەپ، باستاپقى، ورتا، تومەنگى ءوندىرىس بارىسىن جالپى بەتتىك ءبىر تۇلعالاندىرۋ سەلبەستىگىن تەرەڭدەتۋ. كەزەكتەگى جاعدايدى تياناق ەتىپ، ۇزاق بولاشاقتى كوزدەپ، ابزالدىلىقتار ارقىلى ءوزارا تولىقتاۋعا، ءوزارا پايدا جەتكىزۋگە، تەڭ يگىلىكتەنۋگە تاباندى بولىپ، تەرەڭدەي سەلبەسۋدى كەڭەيتۋ كەرەك. ءتورتىنشى، الەمدىك ەنەرگيانى جونگە سالۋ سەلبەستىگىن كۇشەيتىپ، ەنەرگيانى باياندى دامىتۋ ىستەرىن ىلگەرىلەتۋ. كوپ جاقتىلىقتى قول ۇستاسا باتىل قورعاپ، كوپ جاقتى سەلبەستىكتى بەلسەنە ورىستەتىپ، الەمدىك ەنەرگيانى جونگە سالۋ جۇيەسىندە ورەلى رول اتقارىپ، الەمدىك ەنەرگيانى دامىتۋعا اناعۇرلىم كوپ وڭ قۋات ۇستەۋ كەرەك.

  شي جينپيڭ بىلاي دەپ باسا دارىپتەدى: جۇڭگو مەن رەسەيدىڭ ەنەرگيا سەلبەستىك ءورىسى كەڭ، كومەسكى كۇشى زور. مەن پۋتين زۇڭتۇڭمەن بىرگە ەكى ەل ۇكىمەتتەرىنىڭ ەكى ەل كاسىپورىندارىنىڭ سەلبەستىكتى كەڭەيتۋىنە اناعۇرلىم تاماشا تيجارات - ساۋدا ورتاسىن جاراتۋىنا جەتەكشىلىك ەتىپ جانە ونى ىلگەرىلەتىپ، اناعۇرلىم جان - جاقتى ساياساتتىق قولداۋ كورسەتۋدى قالايمىن. جاڭا داۋىردەگى جۇڭگو مەن رەسەيدىڭ جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ پارمەندى قامتاماسىز ەتۋىندە، ەكى ەل كاسىپورىندارىنىڭ، ءسوزسىز، شىن پەيىلمەن ىنتىماقتاسىپ، ەكى ەلدىڭ ەنەرگيا سەلبەستىك دەڭگەيىنىڭ اناعۇرلىم العا باسۋىن ىلگەرىلەتىپ، ەكى ەل حالقىن اناعۇرلىم باقىتقا كەنەلتەتىندىگىنە سەنەمىن.

  پۋتين مىنالاردى ءبىلدىردى: رەسەي مەن جۇڭگونىڭ ەنەرگيا ساۋدا ىستەرى تالقى مىنبەرىن قۇرۋىن ءتوراعا شي جينپيڭ ەكەۋىمىز بىلتىر بىرگە ۇيعارىپ، ەكى جاقتىڭ مۇناي - تابيعي گاز، ەلەكتر، قايتا تۋىندايتىن ەنەرگيا سياقتى سالالارداعى سەلبەستىگىن كەڭەيتۋىن تالقىلاۋىنا ماڭىزدى تۇعىر ازىرلەگەن ەدىك. كەزەكتە، ەنەرگيا سەلبەستىگى رەسەي مەن جۇڭگونىڭ جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ ماڭىزدى قۇرامداس بولىگىنە اينالدى ءارى ول ەكى ەلدىڭ سەلبەسە دامۋداعى ەڭ تەز سالاعا اينالدى، بۇل ەكى جاققا دا پايدالى. رەسەي مەن جۇڭگونىڭ ەنەرگيا نەگىزدىك قۇرىلعى قۇرىلىسى، ساۋدا، تەحنيكا زەرتتەپ - اشۋ سياقتى جاقتارداعى سەلبەستىگى بەلسەندى ىلگەرىلەۋشىلىككە قول جەتكىزىپ، ماڭىزدى مۇناي - تابيعي گاز قۇبىرى جەلىسى جانە ءىرى سەلبەستىك نىساندارى دەر كەزىندە ىلگەرىلەتىلدى. رەسەي جۇڭگو كاسىپورىندارىنىڭ رەسەيدىڭ ەنەرگيا بازارىنا قارجى قوسۋدى كەڭەيتۋىن قارسى الادى. رەسەي ۇكىمەتى قاتىستى زاڭداردى، زاڭ ەرەجەلەردى جانە ساياساتتاردى كەمەلدەندىرىپ، شەتەل كاسىپورىندارىنىڭ رەسەيگە كەلىپ قارجى قوسىپ جۇمىس جۇرگىزۋىنە تاماشا بازار ورتاسىن ازىرلەيدى.
 ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.

جاۋاپتى رەداكتور: ءاننا اكىمقان قىزى
  • شي جينپيڭ مەن رەسەيدىڭ زۇڭتۇڭى پۋتين جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن ەسكە ءتۇسىرۋ جينالىسىنا بىرگە قاتىناستى ءارى ادەبيەت - كوركەمونەر كونسەرتىن تاماشالادى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قوزعاۋشى كۇش ەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن تىڭعىلىقتى ىلگەرىلەتۋ كەرەك