اعاجاي-التاي تورابى   ›   اقپارات ايدىنى   ›   شينجياڭ حابارلارى

رايونىمىز ونەركاسىپتە جاسىل دامۋ ۇلگىسىن قالىپتاستىرۋعا كۇش سالدى

اۆتونوميالى رايون دارەجەلى جاسىل زاۆود 93كە جەتتى

  شينجياڭ گازەتىنىڭ ءتىلشىسى ما ينيڭ 6 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، اۆتونوميالى رايون جۋىقتا 3 - توپتاعى جاسىل جاساۋدان ۇلگى كورسەتكەن ورىنداردىڭ ءتىزىمىن جاريالادى، بۇعان رايونىمىزدا تاعى 34 جاسىل زاۆود قوسىلعان، قازىرگە دەيىن رايونىمىزدا اۆتونوميالى رايون دارەجەلى جاسىل زاۆود 93كە جەتتى.

  قازىرگە دەيىن شينجياڭ ەل ىشىندەگى جاسىل جاساۋ جۇيەسىن قۇرۋداعى وزات تيپكە اينالدى. وتكەن جىلدىڭ سوڭىنا دەيىن رايونىمىزدا مەملەكەت دارەجەلى باعالاۋدان وتكەن جاسىل زاۆود 34كە جەتىپ، جۇڭگو ونەركاسىپ ەنەرگيا ۇنەمدەۋ جانە تازا ءوندىرىس قوعامىنىڭ بەكىتۋىمەن، شينجياڭداعى جاسىل زاۆود سانى ورتا، باتىس بولىكتەگى ولكەلەر بويىنشا الدىڭعى ورىندى يەلەپ، جاسىل زاۆودتىڭ كولەمدەنگەن ونەركاسىپ كاسىپورىن سالىستىرماسى بۇكىل مەملەكەت بويىنشا 1 - ورىنعا ءوتتى.

  شينجياڭ بايچىڭ جاڭا ازىق - تۇلىكپەن قامداۋ جەلىسى شەكتى سەرىكتەستىگى وسى رەت تاڭدالعان جاسىل زاۆودتىڭ ءبىرى. اتالعان سەرىكتەستىكتىڭ ورىنباسار باس ديرەكتورى ۋاڭ يان بىلاي دەدى: سوڭعى جىلدارى سەرىكتەستىك جاسىل قامداۋ جەلىسىن باسقارۋ ينفورماتسيا تۇعىرىن قولدانۋ، ساپا ساراپتاۋ تاجىريبەحاناسىن، اۆتوماتتى وڭدەۋ ءوندىرىس لەنياسىن جانە جاسىل توڭازىتۋ جەلىسى بويىنشا قامبادا ساقتاۋ، جەتكىزۋ زات اينالىمى جۇيەسىن قۇرۋ، جاسىل ونىمدەردى جاساۋ، جوبالاۋ سياقتى شارالاردى قولدانۋ ارقىلى جاسىل زاۆودتىڭ دامۋىنا مىعىم نەگىز قالادى. مۇنان بىلاي سەرىكتەستىك تەحنيكادا جاڭالىق اشۋ سەرپىنىن ۇزبەي ارتتىرىپ، جاسىل دامۋ جولىندا تاعى ءبىر ساتى جوعارىلايدى.

  ۇعىسۋعا قاراعاندا، اۆتونوميالى رايوننىڭ 3 - توپتاعى جاسىل جاساۋدان ۇلگى كورسەتكەن ورىندار تىزىمىندە 34 جاسىل زاۆودتان تىس، تاعى 2 جاسىل باقشا رايونى، 2 جاسىل قامداۋ جەلىسىن باسقارۋ كاسىپورنى، 10 جاسىل جوبالانعان ءونىم بار ەكەن. وسى رەت سارالانعان 3 - توپتاعى جاسىل جاساۋدان ۇلگى كورسەتكەن ورىنداردى رايونىمىز الدىمەن سيلاپ قولداۋ كورسەتەدى؛ الدىمەن قولداۋ كورسەتۋگە ۇيلەسەتىن جاسىل زاۆود، جاسىل باقشا رايونى، جاسىل قامداۋ جەلىسىن باسقارۋ كاسىپورنى ونەركاسىپتە ەنەرگيا ۇنەمدەۋ جانە جاسىل دامۋ بويىنشا ءتۇيىندى امانات - قارىز نىسانىن ءوتىنىش ەتۋىنە بولادى؛ مەملەكەتتىڭ جاسىل جاساۋ جۇيەسى قۇرىلىسى، جاسىل جاساۋ جۇيەسىن شوعىرلاندىرۋ، زەردەلى جاساۋدى امبەباپ ولشەمدەندىرۋ جانە جاڭا ۇلگى قولدانۋ نىساندارىن ءوتىنىش ەتۋ تالابىنا ۇيلەسەتىندەرىن ونەركاسىپ جانە ينفورماتسيالاندىرۋ مينيسترلىگىنە الدىمەن كورسەتەدى.

  بيىل اۆتونوميالى رايون جاسىل زاۆود قۇرۋدى، جاسىل باقشا رايونىن قۇرۋدى، جاسىل قامداۋ جەلىسىن ورناتۋدى، جاسىل ونىمدەردى اشۋدى ۇزدىكسىز ىلگەرىلەتىپ، جاسىل جاساۋ جۇيەسى قۇرىلىسىن جەدەلدەتىپ، جاسىل جوبالاۋدى، جاسىل تەحنيكانى جانە قولونەردى، جاسىل ءوندىرىستى، جاسىل باسقارۋدى بارىنشا ىلگەرىلەتىپ، جاسىل دامۋ ۇستانىمىن ءونىمنىڭ ومىرشەڭدىك اينالىمىنىڭ تۇتاس بارىسىنا ءسىڭىرىپ ءارى ەكونوميكالىق ونىمدىلىككە قول جەتكىزەتىن، ءارى ەكولوگيالىق ونىمدىلىك پەن قوعامدىق ونىمدىلىككە قول جەتكىزەتىن ونەركاسىپتە جاسىل دامۋ ۇلگىسىن قۇرۋعا كۇش سالادى.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ەنەرگيا ۇنەمدەۋ جانە جالپى بەتتىك قولدانۋ باسقارماسىنىڭ قاتىستى جاۋاپتىسى بىلاي دەدى: رايونىمىز جاسىل جاساۋدان ۇلگى كورسەتكەن تيپتەردى سومداۋ ارقىلى ۇلگى كاسىپورىنداردىڭ ونەگەلىك، جەتەكشىلىك رولىن ساۋلەلەندىرىپ، كاسىپ سالالارىنىڭ تيبىن جاڭالاۋدى جەبەپ، جاسىل ءتۇستى شينجياڭ ەكونوميكاسىنىڭ جوعارى ساپالى دامۋىن ىلگەرىلەتەتىن نەگىزگى اسەم بوياۋعا اينالدىرادى.

جاۋاپتى رەداكتور: ءاننا اكىمقان قىزى
  • شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى
  • مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قوزعاۋشى كۇش ەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن تىڭعىلىقتى ىلگەرىلەتۋ كەرەك
  • اۋەلگى ماقساتتان اينىماي، بورىش ارقالاپ، پارىقتى تاۋىپ، تياناقتاندىرۋدى يگەرىپ، نەگىزگى تاقىرىپتىق تاربيەدە ناقتى ناتيجەگە قول جەتكىزۋگە شىنايى كەپىلدىك ەتۋ كەرەك