اعاجاي-التاي تورابى   ›   اقپارات ايدىنى   ›   سۋرەتتى حابارلار

مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى

 شينحۋا اگەنتتىگىنىڭ 6 - ايدىڭ 3 - كۇنى بەيجيڭنەن بەرگەن حابارى. جۋىقتا مەملەكەتتىك كەڭەستىڭ اقپارات كەڭسەسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن جاريالادى.

  قيمىل بەلگىسى ”70“ سيفرىن جانە مەملەكەت وبرازىنا ۋاكىلدىك ەتەتىن مەملەكەت گەربىندەگى بەس جۇلدىزدى، سونداي - اق تيان - انمىندى جوبانىڭ وزەكتى ەلەمەنتى ەتىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ نەگىزگى تاقىرىبىن ارقاۋ ەتتى. قيمىل بەلگىسىندە ”70“ تاريحتىڭ جاڭا پاراعىن اشقان كورىنىس ونىمدىلىگى بويىنشا جوبالانىپ، پارتيا مەن مەملەكەت ىستەرىنىڭ شىت جاڭا وبرازىن كورنەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭگوشا سوتسياليزمنىڭ جاڭا داۋىرگە ءوتىپ، جۇڭحۋا ۇلتىنىڭ سونى ىستەرگە كۇش سالىپ جاتقاندىعىن بەينەلەيدى.

  ”7“نىڭ ءپىشىنى ءارى مەرەكەلىك ءتۇستى لەنتاعا ۇقسايدى، ونىڭ جەلبىرەگەن اسەرى مەن مەملەكەت گەربىندەگى مەن مۇندالاپ تۇرعان التىنداي سارى ءتۇستى ستەرەولدىق بەينەدەگى بەس جۇلدىز جانە تيان - انمىن تۇرعان شەڭبەرشە ءبىرى قوزعالىپ، ءبىرى تىنىش تۇرعان ىقپالداستىق قاتىناس قالىپتاستىرىپ، تاريحتىڭ قاتپارىن ايگىلەۋمەن بىرگە، ماڭىزدى مەرەكەنى قۇتتىقتاۋ رايىن دا قامتىدى.

  قيمىل بەلگىسىن جەر - جەردىڭ، تاراۋلاردىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل ورتاسىن جايعاستىرۋعا جانە بۇقارالىق نەگىزگى تاقىرىپتىق تاربيە قيمىلى بۇيىمدارىن جاساۋعا كەڭىنەن پايدالانۋىنا بولادى.


جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىل بەلگىسىن پايدالانۋ تۇسىندىرمەسى

  بۇل بەلگى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋعا ارنالعان بىردەن - ءبىر بەلگى.

  ءبىرىنشى، پايدالانۋ كولەمى 

  1. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلدارىنا جانە باسقا قاتىستى قيمىلدارعا پايدالانىلادى.

  2. قۇتتىقتاۋ قيمىلى ورتاسىن جايعاستىرۋ جانە شاقىرۋ قاعازى، كۋالىك، بىلۋگە ءتيىستى ىستەر، قول قويۋ داپتەرى سياقتى تۇتىنۋ بۇيىمدارىن جاساۋعا پايدالانىلادى.

  3. بۇقارالىق سيپاتتى تاقىرىپتىق تاربيە قيمىلدارىنىڭ ارتقى كورىنىسى، بەلگى تاقتايشا، الۋان ءتۇستى جالاۋلار، كۇن شاتىر، كۇن قاعار شاپكى، قول قالتا، اشەكەيلى جەيدە سياقتىلاردى جاساۋعا پايدالانىلادى.

  4. اقپاراتتىق حابار ارناۋلى باعدارلامالارى، ارناۋلى ينتەرنەت بەتتەرى، ۇگىت بۇيىمدارى، ۇگىت بۇكتەمە بەتتەرى، ۇگىت ۇراندارى، الەۋمەتتىك يگىلىك قۇلاقتاندىرۋلارى، قۇلاقتاندىرۋ سياقتىلاردى جاساۋعا پايدالانىلادى.

  5. قۇتتىقتاۋ قيمىلى لەزدىك جارنامالارى، زناك، جەڭدىك سياقتىلاردى جاساۋعا پايدالانىلادى، بۇقاراعا ەستەلىك بۇيىم رەتىندە بەرىلەدى.

  ەكىنشى، پايدالانۋ تالابى 

  1. قۇتتىقتاۋ قيمىل بەلگىسىن بايسالدىلىقپەن، يناباتتىلىقپەن پايدالانۋ كەرەك، قالاعانشا وزگەرتۋگە، ءپىشىنىن نەمەسە رەڭىن قالاعانشا وزگەرتۋگە بولمايدى، ۇلكەيتۋ نەمەسە كىشىرەيتۋ ارقىلى بەلگىنىڭ تولىمدىلىعىن بۇلدىرۋگە بولمايدى.

  2. قۇتتىقتاۋ قيمىلى بەلگىسىن ساۋدا قۇلاقتاندىرۋىنىڭ ورنىنا، ساۋدا بەلگىلەرىن جاساۋعا نەمەسە باسقا ءارقانداي ساۋدا سيپاتىنداعى جۇمىستارعا پايدالانۋعا بولمايدى، جەكەلەردىڭ قۇتتىقتاۋ قيمىلىنا جانە كوڭىل ايتۋ قيمىلدارىنا پايدالانۋعا بولمايدى.

  3. قۇتتىقتاۋ قيمىلى بەلگىسى فاكتور ەتە جاسالعان بۇيىمدار جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىبىمەن تىعىز قاتىستى بولۋ كەرەك، جۇيەسىز پايدالانۋعا، الباتى پايدالانۋعا بولمايدى.

  4. قۇتتىقتاۋ قيمىلى بەلگىسىن قولدانعاندا ءىس جۇزىندىك جاعدايمەن ۇشتاستىرىپ، ۋاقىتقا، ورىنعا قاراي پايدالانىپ، توڭىرەكتەگى ورتامەن بايلانىسىن ۇتىمدى يگەرىپ، تۇتاس تۇلعالىق ونىمدىلىككە ءمان بەرۋ كەرەك ءارى قويۋ قوعامدىق راي قالىپتاستىرۋعا ءتيىمدى بولۋ، ءارى قازىرگى گۋمانيتارلىق تابيعي كورىنىستى بۇلدىرمەۋگە ءمان بەرىپ، قالا، اۋىل ورتاسى بەت - بەينەسىمەن سايكەستى، بىركەلكى بولۋىنا شىنايى كەپىلدىك ەتۋ كەرەك.

  ءۇشىنشى، پايدالانۋدى باسقارۋ 

  1. قۇتتىقتاۋ قيمىلى بەلگىسىنىڭ مەنشىك ۇقىعى مەملەكەتتىك كەڭەستىڭ اقپارات كەڭسەسىنە تاۋەلدى.

  2. بازاردى باقىلاۋ - باسقارۋ تاراۋلارى قۇتتىقتاۋ قيمىلى بەلگىسىنىڭ تاۋار ماركاسىن تىركەۋدى باسقارۋ قىزمەتىن ويداعىداي ىستەپ، بەلگىنىڭ ساۋدالىق تىركەلۋىنەن ساقتانىپ، بەلگىنى پايدالانۋدىڭ بازار باقىلاۋىن جانە باسقارۋىن كۇشەيتۋ كەرەك.

  3. ءارقايسى وڭىرلەر، تاراۋلار قاراستى وڭىرلەرىندەگى جانە باسقارعان، ۇيىمداستىرعان قيمىلدارعا باقىلاۋ جۇرگىزىپ، بەلگىنى تالاپ بويىنشا پايدالانباۋ سياقتى ماسەلەلەرگە باعىتتالعان شارالاردى دەر كەزىندە قولدانىپ، رەتتەۋ - وڭاۋ كەرەك.
 مەملەكەتتىك كەڭەستىڭ اقپارات كەڭسەسى

  2019 - جىل 6 - ايدىڭ 3 - كۇنى
 (شينحۋا اگەنتتىگىنىڭ 6 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قوزعاۋشى كۇش ەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن تىڭعىلىقتى ىلگەرىلەتۋ كەرەك
  • اۋەلگى ماقساتتان اينىماي، بورىش ارقالاپ، پارىقتى تاۋىپ، تياناقتاندىرۋدى يگەرىپ، نەگىزگى تاقىرىپتىق تاربيەدە ناقتى ناتيجەگە قول جەتكىزۋگە شىنايى كەپىلدىك ەتۋ كەرەك
  • شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، نازاردى باس نىساناعا شوعىرلاندىرىپ، تارباعاتاي ايماعىنىڭ ورنىقتىلىق، دامۋ جاڭا جاعدايىن ۇزدىكسىز اشۋ كەرەك
  • شي جينپيڭ 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن كەزدەستى