اعاجاي-التاي تورابى   ›   اقپارات ايدىنى   ›   احپارات اعىمى

ەلىمىز شينجياڭداعى قىزىل مىڭ ءۇيدى قورعاۋعا 10 ميلليون يۋان قارجى ءبولدى

     سۋرەتتە: شينجياڭ كۇسان زەرتتەۋ ورتالىعىنىڭ مادەني مۇرا قىزمەتكەرى ۇڭگىردىڭ قابىرعاسىن شۇعىل جوندەپ بەكەمدەۋدە (5 – ايدىڭ 14 – كۇنى). شينحۋا اگەنتتىگىنىڭ ءتىلشىسى لي جىحاۋ فوتوسى

  شينحۋا اگەنتتىگى، 6 – ايدىڭ 1 – كۇنى، ءۇرىمجى (ءتىلشى: جاڭ شياۋلۇڭ، لي جىحاۋ) بيىل ەلىمىز قازىرگە دەيىن بەلگىلى بولعان ەڭ ەرتەدەگى بۇددا ءدىنى كولەمدى تاس ۇڭگىر بۇتحاناسىنىڭ ورنى — قىزىل مىڭ ءۇيدى قورعاۋعا الۋ ءۇشىن 10 ميلليون يۋان قارجى بولەدى.

  قىزىل مىڭ ءۇي شينجياڭ باي اۋدانى ويپاتىنىڭ وڭتۇستىگىنە، ءشولتاۋدىڭ سولتۇستىك بوكتەرىندەگى مۇزارت وزەنىنىڭ شىعىس جاعالاۋىنداعى وپىرىلمالى جارعا ورنالاسقان. تاس ۇڭگىر جاڭا ەرانىڭ 3 – عاسىرىندا سالىنىپ، جاڭا ەرانىڭ 9 – عاسىرىندا قۇلدىراۋعا بەت العان.

  قىزىل مىڭ ءۇيدى زەرتتەۋ مەن قورعاۋ قىزمەتىنە جاۋاپتى بولعان كۇسان زەرتتەۋ مەكەمەسى باستىعىنىڭ ورىنباسارى يە مەيدىڭ ايتۋىنشا، بيىل قورعاۋعا بولىنگەن قاراجات نەگىزىنەن قابىرعا سۋرەتتەردى جوندەۋ، تاۋ جىنىسىن بەكەمدەۋ، سيفرلانعان قورعاۋ، ءۇش ورىندى قاريتاعا ءتۇسىرۋ قاتارلى نىساندارعا جۇمسالادى، مۇنداعى ماقسات: مادەني مۇرانىڭ حاۋىپسىزدىگىن ويداعىداي قورعاپ، مادەني مۇرانى ارلەندىرۋگە قۇلشىنىپ، مادەني مۇرانىڭ پايدالانىلىمدىلىعىن ارتتىرۋ.

  قازىر قىزىل مىڭ ۇيدەن بايقالعان تاس ۇڭگىردىڭ سانى 349عا جەتتى. تاس ۇڭگىرلەر مىڭتاۋ سىلەمىندەگى شىعىستان باتىسقا قاراي 1.7 كيلومەتر كەلەتىن وپىرىلمالى جارعا قابات بويىنشا ورنالاسقان ءارى تاۋ تۇزىلىسىنە قاراي ءتورت تاس ۇڭگىرگە بولىنگەن، مۇندا 10000 شارشى مەترلىك قابىرعا سۋرەت پەن ءىشىنارا بوياۋلى مۇسىندەردىڭ جۇرناعى بار، كوپ ورىنداعى ۇڭگىر الدىنداعى قۇرىلىس بولشەكتەرى ساقتالىپ قالعان.

  ۇزاق زامان وتكەندىكتەن، قىزىل مىڭ ءۇيدىڭ ىشىندەگى كوپتەگەن قابىرعا سۋرەتتەر بۇلىنۋگە تاياعان، قابىرعا سۋرەتتەردى قورعاۋ مەن جوندەۋ اسا قيىن.

  شينجياڭ كۇسان زەرتتەۋ ورتالىعى قورعاۋ بولىمشەسى باستىعىنىڭ ورىنباسارى ياڭ جيەنىڭ ايتۋىنشا، ۇڭگىردىڭ اۋاسى دىمقىل، تاۋ جىنىسىنىڭ بىرىگۋ قاسيەتى ناشار بولعاندىقتان، قابىرعا سۋرەتتەرى وتە وڭاي كوشەدى، قىزمەتكەرلەردىڭ ءىشىنارا بولەكتەرىنە شۇعىل قۇتقارۋ سيپاتىندىق بەكەمدەپ قورعاۋ جانە جوندەۋ جۇمىستارىن ىستەۋى قاجەتتى.

جاۋاپتى رەداكتور: ءاننا اكىمقان قىزى
  • ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قوزعاۋشى كۇش ەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن تىڭعىلىقتى ىلگەرىلەتۋ كەرەك
  • اۋەلگى ماقساتتان اينىماي، بورىش ارقالاپ، پارىقتى تاۋىپ، تياناقتاندىرۋدى يگەرىپ، نەگىزگى تاقىرىپتىق تاربيەدە ناقتى ناتيجەگە قول جەتكىزۋگە شىنايى كەپىلدىك ەتۋ كەرەك
  • شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، نازاردى باس نىساناعا شوعىرلاندىرىپ، تارباعاتاي ايماعىنىڭ ورنىقتىلىق، دامۋ جاڭا جاعدايىن ۇزدىكسىز اشۋ كەرەك
  • شي جينپيڭ 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن كەزدەستى