اعاجاي-التاي تورابى   ›   اقپارات ايدىنى   ›   سۋرەتتى حابارلار

”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قوزعاۋشى كۇش ەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن تىڭعىلىقتى ىلگەرىلەتۋ كەرەك

چىن چۋانگو بۇراتالا موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

  

تۇتاس رايونداعى ءار ۇلت بالدىرعاندارىنىڭ ”1 - ماۋسىم“ حالىقارالىق بالالار مەرەكەسىن قۇتتىقتادى

  5 - ايدىڭ 31 - كۇنىنەن 6 - ايدىڭ 1 - كۇنىنە دەيىن اۆتونوميالى رايوندىق پارتكومنىڭ شۋجيى چىن چۋانگو بۇراتالا موڭعۇل اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى. 6 - ايدىڭ 1 - كۇنى چىن چۋانگو بۇراتالا قالاسى چىندەل قالاشىعى دىنجىك قىستاعىنىڭ بالاباقشاسىنا كەلىپ، بالالارعا ”1 - ماۋسىم“ حالىقارالىق بالالار مەرەكەسى تارتۋىن ۇسىندى ءارى ولاردىڭ جانە تۇتاس رايونداعى ءار ۇلت بالالارىنىڭ مەرەكەلەرىنىڭ مەرەيلى بولۋىن، اقاۋسىز ەرجەتۋىن تىلەدى. سۋرەتتى ءتىلشى سۇي جىجيان تۇسىرگەن

  شينجياڭ گازەتىنىڭ ءتىلشىسى ياۋ تۇڭ 6 - ايدىڭ 1 - كۇنى بۇراتالادان حابارلايدى. 5 - ايدىڭ 31 - كۇنىنەن 6 - ايدىڭ 1 - كۇنىنە دەيىن، اۆتونوميالى رايوندىق پارتكومنىڭ شۋجيى چىن چۋانگو بۇراتالا موڭعۇل اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى تىڭعىلىقتى ورىستەتىپ، ستيلگە بۇرىلىس جاساپ، شىنايى يگەرىپ، ناقتى ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن ىلگەرىلەتۋ كەرەك.

  چىن چۋانگو بۇراتالا قالاسى چىندەل قالاشىعى دىنجىك قىستاعىنىڭ حالىققا قولايلى قىزمەت وتەۋ زالىنا، پارتيا مۇشەلەرى مەن بۇقارانىڭ قيمىل ورتالىعىنا كەلىپ، نەگىزگى ساتى كادرلارىنان شىن ىقىلاسپەن حال سۇراپ، كوپشىلىكتى حالىقتىڭ تاماشا تۇرمىسقا دەگەن تالپىنىسى ءبىزدىڭ قۇلشىنىس نىسانامىز دەگەندى قاي - قاشان دا ەستە بەرىك ساقتاۋعا، شىنايى سەزىمدە بۇقارامەن بايلانىس جاساۋعا، بۇقاراعا قىزمەت وتەۋگە شابىتتاندىردى. چىندەل قالاشىعىنىڭ اۋىل - قىستاقتاعى ارتىق ەڭبەككۇشتەردى جۇمىستاندىرۋعا باۋلۋ بازاسىندا چىن چۋانگو كوپشىلىكتىڭ تۇرمىس جانە كىرىس جاعدايىن ەگجەي - تەگجەيلى ۇعىستى. ول بىلاي دەپ باسا دارىپتەدى: باۋلۋ تەبىنىن كۇشەيتىپ، اۋىل - قىستاقتاعى ءتىپتى دە كوپ ارتىق ەڭبەككۇشتەردىڭ ءبىر شەبەرلىكتىڭ تەتىگىن يگەرۋىنە، جۇمىستانۋ قابىلەتىن كۇشەيتۋىنە مۇمكىندىك جاساۋ كەرەك. تامىعىنزاڭگىن قىستاعىنىڭ تۇرعىنى مىرزات تۇردىنىڭ ۇيىندەگى جاڭا ءداۋىر وركەنيەت امالياتى ورتالىعى مادەنيەت ۇلكەن اۋلاسىندا اۋىلداستار ءبىر اراعا باس قوسىپ، ءان ايتىپ، ءبي بيلەدى. چىن چۋانگو اۋىلداستارعا تاماشا تىلەك ارناپ، كوپشىلىكتىڭ تۇرمىستارىنىڭ بارعان سايىن دۋماندى بولۋىن تىلەدى.

  بۇراتالا قالاسى ۇتىبۇلاق قالاشىعى چىندەلىنجو قىستاعىنىڭ مەشىتىندە چىن چۋانگو ءدىني قايراتكەرلەردى ەلىمىزدەگى دىندەردىڭ تاڭداۋلى ءداستۇرىن ساۋلەلەندىرىپ، ءىسلام ءدىنىنىڭ سوتسياليستىك قوعامعا ۇيلەسۋىن ىلگەرىلەتۋگە بەلسەنە ۇلەس قوسۋعا جىگەرلەندىردى.

  چىن چۋانگو تاعى شينجياڭ تيانلاي مال شارۋاشىلىق شەكتى جاۋاپكەرشىلىك سەرىكتەستىگىنە كەلىپ، كاسىپورىننىڭ ءوندىرىس، تيجارات جانە جۇمىستانۋعا جەتەكتەپ، كىرىستى ارتتىرۋ جاعدايىن ۇعىستى. ول كاسىپورىنداردىڭ جەرگىلىكتى ارتىقشىلىققا اناعۇرلىم تابان تىرەپ، كاسىپ سالالانۋ دەڭگەيىن اناعۇرلىم جوعارىلاتىپ، كاسىپورىننىڭ ساپانى جوعارىلاتىپ، ونىمدىلىكتى ارتتىرۋىن، ەگىنشى - مالشىلاردىڭ كىرىسىنىڭ ءۇرتىس ارتۋىن جەبەۋىن ءۇمىت ەتتى.

  ”1 - ماۋسىم“ حالىقارالىق بالالار مەرەكەسىنە تۋرا كەلگەندىكتەن، چىن چۋانگو دىنجىك قىستاعى بالاباقشاسىنا كەلىپ، بالالاردىڭ ۇيرەنۋ، تۇرمىس جاعدايىن ىقىلاسپەن سۇرادى ءارى ولاردىڭ جانە تۇتاس رايونداعى ءار ۇلت بالدىرعاندارىنىڭ مەرەكەلەرىنىڭ مەرەيلى بولۋىن، اقاۋسىز ەرجەتۋىن تىلەدى.

  تەكسەرۋ - زەرتتەۋ بارىسىندا چىن چۋانگو بۇراتالا موڭعۇل اۆتونوميالى وبلىسىنىڭ ورنىقتىلىق، دامۋ ىستەرىندە قول جەتكىزگەن تابىستارىن تولىق تۇراقتاندىردى. ول بىلاي دەپ باسا دارىپتەدى: ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن مۇقيات ۇيرەنىپ، دايەكتىلەندىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى تىڭعىلىقتى ويداعىداي ورىستەتىپ، اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ جالپى تالابىن مىقتاپ يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداۋ، بۇكىل ەلدەگى ءار ۇلت حالقىن ۇلى ارماندى جۇزەگە اسىرۋ جولىندا جۇمىلا كۇرەس جۇرگىزۋگە ىنتىماقتاستىرۋ، باستاۋ ءتۇبىرلى مىندەتىن مىقتاپ يگەرىپ، نازاريا ۇيرەنۋدە ءونىمى بولۋ، يدەيا - ساياسيدا سىننان ءوتۋ، ءىس تىندىرىپ، ناتيجە شىعارۋدا باتىل جاۋاپكەرشىلىك ارقالاۋ، حالىق ءۇشىن قىزمەت ىستەپ، قيىن ماسەلەلەردى شەشۋ، پاك، كىرشىكسىز بولىپ، ونەگە كورسەتۋ ناقتى نىساناسىن قۇلشىنا ىسكە اسىرىپ، نەگىزگى تاقىرىپتىق تاربيەدە ناقتى ناتيجەگە قول جەتكىزۋگە شىنايى كەپىلدىك ەتۋ كەرەك. تاقىرىپتىق تاربيەنى ورىستەتۋدى رەفورما، دامۋ، ورنىقتىلىق قىزمەتتەرىمەن بىرلەستىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قوعام ورنىقتىلىعىن قورعاۋ، جوعارى ساپالى دامۋدى ىلگەرىلەتۋ، ۇلتتار ىنتىماعىن بەكەمدەۋ، دامىتۋ، حالىق تۇرمىسىن قامتاماسىزداندىرۋ جانە جاقسارتۋ، ءدىن تاتۋلىعىن، جاراسىمدىلىعىن جەبەۋ، ەكولوگيالىق ورتانى قورعاۋ، پارتيانى جاپپاي قاتاڭ جونگە سالۋ قاتارلى قىزمەتتەردى ءبىر تۇتاس جوسپارلاپ ويداعىداي ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىنا، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.
 اۆتونوميالى رايوننىڭ ورىنباسار ءتوراعاسى جاۋ چۇڭجيۋ، اۆتونوميالى رايوندىق ساياسي كەڭەستىڭ ورىنباسار ءتوراعاسى، بۇراتالا موڭعۇل اۆتونوميالى وبلىستىق پارتكومنىڭ شۋجيى چيۋ شۋحۋا تەكسەرىپ - زەرتتەۋدە بىرگە بولدى.

جاۋاپتى رەداكتور: ءاننا اكىمقان قىزى
  • اۋەلگى ماقساتتان اينىماي، بورىش ارقالاپ، پارىقتى تاۋىپ، تياناقتاندىرۋدى يگەرىپ، نەگىزگى تاقىرىپتىق تاربيەدە ناقتى ناتيجەگە قول جەتكىزۋگە شىنايى كەپىلدىك ەتۋ كەرەك
  • شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، نازاردى باس نىساناعا شوعىرلاندىرىپ، تارباعاتاي ايماعىنىڭ ورنىقتىلىق، دامۋ جاڭا جاعدايىن ۇزدىكسىز اشۋ كەرەك
  • شي جينپيڭ 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن كەزدەستى
  • ءۇرىمجى شوعىرلاندىرۋ ورتالىعىنان 3 جىلدا جۇڭگو - ەۆروپا كەزەكشى پويەزىنەن 2200ى قاتىنادى