اعاجاي-التاي تورابى   ›   زاڭ-تارازى   ›   عىلىمي ماقالالار

ليۋ شيفىن: پارتيا ىستەرىنە ادال دا ىنتالى ايەل جاۋىنگەر

   ليۋ شيفىننىڭ سۋرەتى
  شينحۋا اگەنتتىگى تاراتقان

  شينحۋا اگەنتتىگىنىڭ 5 - ايدىڭ 25 - كۇنى شيامىننان بەرگەن حابارى (ءتىلشى يان جىحۇڭ). شيامىنداعى ايبىندى دا اسقاق ۋانشىياننىڭ ەتەگىندە بيىكتىگى 24 مەتر كەلەتىن قۇرباندار ەسكەرتكىشى قاسقايىپ تۇر، ەسكەرتكىشكە چىن ي مارشال جازعان ”قۇربانداردىڭ ەرلىك رۋحى مەكەندى ماڭگى قورعايدى“ دەگەن ارناۋ ءسوز جارقىراعان التىن ارىپتەرمەن جازىلىپتى. تاس باسپالداقتاردى بويلاي ەسكەرتكىش ارتىنا قاراي جۇرسەڭىز، جاپ - جاسىل ارشالارمەن كومكەرىلگەن، قۇرباندار ماڭگىلىك ۇيقىدا جاتقان قابىرستاندى كورەسىز. قۇپيا شايقاس جۇرگىزۋگە تاباندى بولىپ، شيامىن ازات بولۋ قارساڭىندا داڭقپەن قۇربان بولعان ءبىر ايەل جاۋىنگەر دە جاسىل ارشالارمەن كومكەرىلگەن قۇرباندار قابىرستانىندا ماڭگىلىك ۇيقىدا جاتىر. مىنە بۇل پارتيانىڭ تاڭداۋلى قىزى ليۋ شيفىن ەدى.

  ليۋ شيفىن، ايەل، 1924 - جىلى شيامىندا تۋعان. 20 - عاسىردىڭ 30 - جىلدارىنىڭ اياعى مەن 40 - جىلدارىنىڭ باسىندا، ليۋ شيفىن ەمتيحان تاپسىرىپ، سول كەزدە ”قايىرىمدىلىق ورگانى“ اتالاتىن بو - اي شيپاحاناسىنىڭ سەستراسى بولادى. 1945 - جىلى جاپون شاپقىنشىلارىنا قارسى سوعىس جەڭىسكە جەتكەننەن كەيىن، ليۋ شيفىن ۇيىنە قايتىپ كەلىپ، ءوزى ۇيرەنگەن ەمدەۋ، كۇتىمدەۋ بىلىمدەرى مەن شەبەرلىگىنە سۇيەنىپ، ناۋقاستاردى ەمدەيدى. وسى مەزگىلدەردە، ول پارتيانىڭ قۇپيا ۇيىمدارىمەن بايلانىس ورناتىپ، پارتياعا كىرۋ تالابىن ىرىقتىلىقپەن ورتاعا قويادى، پارتيا ۇيىمى تاپسىرعان مىندەتتەردى تالاي رەت ورىنداپ، پارتيانىڭ ىستەرىنە ىنتالى دا ادال بولادى.

  1949 - جىلى 5 - ايدا شيامىندا جاۋ مەن ءبىزدىڭ ارامىزداعى كۇرەس بارعان سايىن شيەلەنىسكەن كەزدە ليۋ شيفىن جۇڭگو كوممۋنيستىك پارتياسىنا مۇشە بولادى، سودان باستاپ بار ىنتا - ىقىلاسىمەن پارتيا ءۇشىن قىزمەت ىستەپ، بارلىق زەيىنىن توڭكەرىس ىستەرىنە جۇمسايدى. ول بۇقارامەن بەلسەنە بايلانىس ورناتىپ، العاباسار جاستاردى ىنتىماقتاستىرىپ، ولاردى توڭكەرىستىك جولمەن جۇرۋگە باستايدى. ول تاعى بەلسەندىلىكپەن پارتيا ۇيىمى مەن پارتيزاندار اترەتىنە قارجى جانە ءدارى - دارمەك، ەمدەۋ اسپاپتارى سياقتىلاردى جينايدى. ەرەكشە ناشار ورتادا تۇرىپ، ەرەكشە مىندەت تاپسىرىپ العان ول جۇڭگو كوممۋنيستىك پارتياسى شيامىن قىزمەت كوميتەتى باسشىلارىنىڭ ورنالاستىرۋى بويىنشا، گومينداڭنىڭ جوعارى جىكتەگى ادامدارىنا جاناسۋ ارقىلى قۇپيا مالىمەت توپتايدى. 1949 - جىلى 9 - ايدىڭ 19 - كۇنى، ليۋ شيفىن باقىتقا قارسى تۇتقىندالىپ، شيامىن قورعانىس قولباسشىلىق شتابىنىڭ اباقتىسىنا جابىلادى.

  ليۋ شيفىن تۇتقىندالعان سول كۇننەن باستاپ، جاۋلار ونىڭ اۋزىنان جاسىرىن پارتيا ۇيىمىنىڭ قۇپيالىقتارىن بىلۋگە ءارى سول ارقىلى شيامىننىڭ جاسىرىن پارتيا ۇيىمدارىن تۇبەگەيلى قۇرتۋعا ۇرىنادى. جاۋلار وعان ادامگەرشىلىكتەن بەزگەن ءتۇرلى - تۇستەگى قيناۋلاردى قولدانادى، ءبىراق ليۋ شيفىن اۋىر ازاپ پەن قيناۋلارعا ءتوزىپ، پارتيانىڭ قۇپيالىقتارىن قاتاڭ ساقتاپ، كوممۋنيستىك پارتيا مۇشەسىنىڭ اسىل قاسيەتىن ايگىلەپ، مىزعىماس پارتيالىلىعى ارقىلى جاۋىنگەر سەرىكتەرىنىڭ حاۋىپسىزدىگىن ساقتاپ، پارتيانى قورعاپ قالادى.

  10 - ايدىڭ 15 - كۇنى جۇڭگو حالىق ازاتتىق ارمياسى شيامىنعا جالپى بەتتىك شابۋىل جاسايدى. قاماۋدا جاتقان ليۋ شيفىن تاۋقىمەتتى بىرگە تارتقان دوستارىمەن بىرگە شيامىندى ازات ەتۋدىڭ زەڭبىرەك ءۇنىن ەستيدى، ول قۋانعانىنان جاراقات ازابىن ۇمىتىپ، تاۋقىمەتتى بىرگە تارتقان دوستارىن ”تاڭ اتايىن دەدى!“ - دەپ شابىتتاندىرادى.
 الايدا جەڭىس تاڭى اتاردان ءبىر كۇن بۇرىنعى تۇندە، ءولىم الدىنداعى جانتالاسقا تۇسكەن جاۋلار جەڭىلىسكە ۇشىراپ شەگىنەر كەزىندە، قاماۋدا جاتقان كوممۋنيستىك پارتيانىڭ مۇشەلەرى مەن توڭكەرىسشىل بۇقاراعا قاندى قىرعىن جۇرگىزەدى. 1949 - جىلى 10 - ايدىڭ 16 - كۇنى ليۋ شيفىن مەن جاسىرىن پارتيا ۇيىمىنىڭ مۇشەلەرىن جانە باسقا دا توڭكەرىسشىل بۇقارادان 17 ادامدى شيامىنداعى حۇڭشاننىڭ ەتەگىندە دارعا اسادى. 10 - ايدىڭ 17 - كۇنى شيامىن ازات بولادى. پارتيانىڭ تاڭداۋلى قىزى ليۋ شيفىن وتتاي لاۋلاعان جاستىق كوكتەمىن جۇڭگو حالقىنىڭ ازاتتىق ىستەرىنە ارنايدى، سول كەزدە ول 25 جاستا بولاتىن.

جاۋاپتى رەداكتور: ءاننا اكىمقان قىزى
  • شي جينپيڭ 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن كەزدەستى
  • ءۇرىمجى شوعىرلاندىرۋ ورتالىعىنان 3 جىلدا جۇڭگو - ەۆروپا كەزەكشى پويەزىنەن 2200ى قاتىنادى
  • جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ورتا بولىك وڭىرلەردىڭ كوركەيۋىنىڭ جاڭا جاعدايىن قۇلشىنا اشۋ كەرەك
  • مەكتەپ باسقارىپ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك