اعاجاي-التاي تورابى   ›   مادەنيەت ارناسى   ›   دەنساۋلىق

ارىقتاۋعا كەدەرگى كەلتىرەتىن 5 ادەت

  ارتىق سالماقتان ارىلا الماۋعا ناشار زات الماسۋ، كۇيزەلىس جانە تۇقىم قۋالاۋشىلىق ءجيى سەبەپ بولادى. الايدا كەي زياندى ادەتتەر دە جاقسى ناتيجەنىڭ بولماۋىنا ىقپال ەتەدى.

  بارلىعىن نانمەن جەۋ

  كوپ وتباسىدا كەز كەلگەن تاماققا نان قوسىپ جەۋ ادەتى ساقتالعان. ناندا كوپ مولشەرلى كومىرسۋلار بولادى. ارينە، ناننان تولىقتاي باس تارتۋعا شاقىرمايمىز، ءبىراق ونى سانالى تۇردە جەۋدى ۇسىنامىز. ناندى تاڭعى اسقا قوسىپ جەۋگە بولادى، ءبىراق بالالىق شاعىڭىزدا ۇيرەنىپ قالعانداي ونى ءار تاماققا قوسىپ جەۋ دۇرىس ەمەس.

  ءتاتتى تىسكەباسار جەۋ

  پەچەنەمەن (نەمەسە باسقا دا ءتاتتى تىسكەباسار) قانت قوسىلعان ءتاتتى شاي ءىشۋ ارقىلى قانتتىڭ كۇندىزگى مولشەرىن جەپ قويۋعا بولادى. ال ونىڭ مولشەردەن اسىپ كەتۋى ــ سەمىزدىككە اكەلەتىن ءبىر سەبەپ.

  گادجەتكە قاراپ وتىرىپ تاماق جەۋ

  تەلەديدارى ءسوندىرۋلى، ۇيالى تەلەفونى الىستا تۇرعان ادامنىڭ تاماقتانۋ ۇلەسى دۇرىس بولىپ كەلەدى جانە تاماقتىڭ ءدامىن ۇزاققا دەيىن سەزىپ جۇرەدى. ال ادام تەلەديداردىڭ نەمەسە سمارتفوننىڭ ەكرانىنا الاڭداپ وتىرعاندا تاماقتانۋ بەيسانالىق تۇردە جۇرەدى. ادام قولىنا تۇسكەنىن اۋزىنا سالىپ، تويعانىنا ءمان بەرمەيدى.

 ۇيقىنى قاندىرماۋ

  ۇيقىسى قانباعان ادام كۇنىنە ادەتتەگىدەن ورتاشا ەسەپپەن 300 ككال ارتىق جەپ قويادى. اعزا ۇيقىنىڭ جەتىسپەۋىن سىرتتان كەلەتىن باسقا ەنەرگيامەن تولتىرۋ ءۇشىن كوبىرەك تاماق قاجەت ەتەدى.

  تاماقتى جامان جانە جاقسىعا ءبولۋ

  "الدىمەن سورپانى ءىش، سوسىن كامپيت جەيسىڭ" كوپشىلىككە تانىس ءسوز. كەي ادامدار بالاسى ءتاتتىنى جەگەن سوڭ ىستىق تاماقتى جەمەي قويادى دەپ ويلاعاندىقتان سولاي ايتادى. ءبىراق كوپشىلىك جاقسى كورەتىن ءتاتتىسىن جەۋ ءۇشىن ۇناتپايتىن سورپاسىن قيناپ ىشەدى. سودان سوڭ ولار "ءتاتتى" دەسەرتتى ء"دامسىز" تاماقتان كەيىنگى سىي رەتىندە قابىلدايدى. سوندىقتان قانتى بار تاماققا تارتىپ تۇرماسا دا دۇرىس تاماقتان سوڭ ءتاتتى جەۋ ادەتكە اينالىپ كەتەدى. ءتۇرلى تاماقتىڭ دامىنەن راقات الۋدى ۇيرەنىڭىز.

جاۋاپتى رەداكتور: ءاننا اكىمقان قىزى
  • شي جينپيڭ 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن كەزدەستى
  • ءۇرىمجى شوعىرلاندىرۋ ورتالىعىنان 3 جىلدا جۇڭگو - ەۆروپا كەزەكشى پويەزىنەن 2200ى قاتىنادى
  • جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ورتا بولىك وڭىرلەردىڭ كوركەيۋىنىڭ جاڭا جاعدايىن قۇلشىنا اشۋ كەرەك
  • مەكتەپ باسقارىپ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك