اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن كەزدەستى

ۋاڭ ياڭ كەزدەسۋگە قاتىناستى

  5 - ايدىڭ 28 - كۇنى پارتيا مەن مەملەكەت باسشىلارىنان شي جينپيڭ، ۋاڭ ياڭ قاتارلىلار بەيجيڭدەگى حالىق سارايىندا 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن كەزدەستى.  سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 5 - ايدىڭ 28 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، لو جىڭگۋاڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 5 - ايدىڭ 28 - كۇنى تۇستەن بۇرىن بەيجيڭدەگى حالىق سارايىندا 9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنا جانە جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىنا قاتىناساتىن ۋاكىلدەرمەن ىقىلاستى تۇردە كەزدەسىپ، پارتيا ورتالىق كوميتەتى، مەملەكەتتىك كەڭەس اتىنان كوپشىلىكتى قىزۋ قارسى الاتىندىعىن جانە شىن جۇرەكتەن قۇتتىقتايتىندىعىن ءبىلدىرىپ، دۇنيە جۇزىنىڭ جەر - جەرىندەگى حۋاچياۋلارعا، حۋارىندارعا ىقىلاستى سالەم جولدادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ كەزدەسۋگە قاتىناستى.

  تۇستەن بۇرىن ساعات 11دە شي جينپيڭ قاتارلىلار حالىق سارايىنىڭ سولتۇستىك زالىنا كەلگەندە تۇتاس الاڭدى ۇزاقتان - ۇزاققا سوزىلعان قىزۋ شاپالاق ءۇنى كەرنەدى. شي جينپيڭ قاتارلىلار ۋاكىلدەرمەن ىقىلاستى تۇردە قول الىسىپ، ءالسىن - ءالى اڭگىمەلەستى ءارى كوپشىلىكپەن بىرگە ەستەلىك سۋرەتكە ءتۇستى.

  جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان كەزدەسۋگە قاتىناستى ءارى سول كۇنى تۇستەن بۇرىن وتكىزىلگەن جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 5 - كەزەكتى جورالار القاسىنىڭ 1 - رەتكى جورالار جينالىسىندا ءسوز سويلەدى. ءماجىلىس جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 4 - كەزەكتى جورالار القاسىنىڭ قول جەتكىزگەن ناتيجەلەرىن تولىق تۇراقتاندىرىپ، شياڭگاڭ، اۋمىن، تايۋان، سونداي - اق مەملەكەت سىرتىمەن بىرلەسكەن دوستىق بايلانىس قىزمەتىندە ءدوپ كەلگەن وراي مەن سىن - سايىستارعا تەرەڭ تالداۋ جاساپ، قالىڭ مەملەكەت سىرتىمەن بىرلەسكەن دوستىق بايلانىس قوعامى القالارىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءبىر نيەتپەن ىنتىماقتاسىپ، بىرگە كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا، جاڭا كەزەكتى سىرتقا ەسىك اشۋدى تەرەڭدەتۋگە، وتاننىڭ بەيبىت بىرلىككە كەلۋىن جەبەۋگە، ادامزاتتىڭ وركەنيەتتەن ءوزارا ۇلگى الۋىن ىلگەرىلەتۋگە اناعۇرلىم زور ۇلەس قوسۋعا ۇندەدى.

  ءماجىلىس جۇڭحۋا مەملەكەت سىرتىمەن بىرلەسكەن دوستىق بايلانىس قوعامى 4 - كەزەكتى جورالار القاسىنىڭ قىزمەت بايانداماسىن، «جۇڭحۋا مەملەكەت سىرتىمەن بىرلەسكەن دوستىق بايلانىس قوعامى مەن جۇڭگو مەملەكەت سىرتىمەن اۋىس - ءتۇيىس قوعامىن بىرىكتىرۋ جونىندەگى قارارى»، «جۇڭحۋا مەملەكەت سىرتىمەن بىرلەسكەن دوستىق بايلانىس قوعامىنىڭ ۋستاۆى» سياقتى حۇجاتتاردى قارادى جانە ماقۇلدادى. ءماجىلىس يوۋ چۋاندى جۇڭحۋا مەملەكەت سىرتىمەن بىرلەسكەن دوستىق بايلانىس قوعامىنىڭ باستىعىنا سايلادى، قوعامنىڭ 26 ورىنباسار باستىعىن جانە 230 تۇراقتى جوراسىن سايلادى.

  9 - كەزەكتى دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسى 5 - ايدىڭ 29 - كۇنى اشىلادى، 90 نەشە مەملەكەتتەن جانە رايوننان كەلەتىن حۋاچياۋ، حۋارىن ۇيىمدارىنىڭ 450دەن استام جاۋاپتىسى جينالىسقا قاتىناسادى.
 ديڭ شۋەشياڭ، ۋان گاڭ، باتىر قاتىستى قيمىلدارعا قاتىناستى.

جاۋاپتى رەداكتور: ءاننا اكىمقان قىزى
  • ءۇرىمجى شوعىرلاندىرۋ ورتالىعىنان 3 جىلدا جۇڭگو - ەۆروپا كەزەكشى پويەزىنەن 2200ى قاتىنادى
  • جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ورتا بولىك وڭىرلەردىڭ كوركەيۋىنىڭ جاڭا جاعدايىن قۇلشىنا اشۋ كەرەك
  • مەكتەپ باسقارىپ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك
  • ءبىر اپتالىق اۋا رايىنان الدىن الا مالىمەت