اعاجاي-التاي تورابى   ›   اقپارات ايدىنى   ›   سۋرەتتى حابارلار

ءۇرىمجى شوعىرلاندىرۋ ورتالىعىنان 3 جىلدا جۇڭگو - ەۆروپا كەزەكشى پويەزىنەن 2200ى قاتىنادى

شينجياڭنىڭ ”وتكەل ەكونوميكاسى“نان ”كاسىپ ەكونوميكاسى“نا قاراي تيبىن جاڭالاپ، دەڭگەيىن ءوسىرۋىن ىلگەرىلەتتى

  5 - ايدىڭ 25 - كۇنى تولتىرا تاۋار تيەلگەن جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان شىعىپ، قازاقستاننىڭ الماتى قالاسىنا بەتتەدى. ۇعىسۋعا قاراعاندا، بۇل − شوعىرلاندىرۋ ورتالىعى جۇمىس جۇرگىزگەن 3 جىلدان بەرگى 2200 - جۇڭگو - ەۆروپا كەزەكشى پويەزى ەكەن.  سۋرەتتى ءتىلشى شيە لۇڭ تۇسىرگەن

  تىلشىلەرىمىز لۋ فىڭباۋ، شى شين 5 - ايدىڭ 26 - كۇنى ۇرىمجىدەن حابارلايدى. 5 - ايدىڭ 25 - كۇنى تۇستەن كەيىن تولتىرا تاۋار تيەلگەن جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان قازاقستاننىڭ الماتى قالاسىنا جولعا شىقتى، بۇل شوعىرلاندىرۋ ورتالىعى جۇمىس جۇرگىزگەن 3 جىلدان بەرى قاتىناعان 2200 - جۇڭگو - ەۆروپا كەزەكشى پويەزى.

  سەرىكتەستىگىنىڭ زاتىن تيەگەن جۇڭگو - ەۆروپا كەزەكشى پويەزىنىڭ ءۇرىمجى شوعىرلاندىرۋ ورتالىعىنان جولعا شىققاندىعىنا قاراپ تۇرىپ، ءۇرىمجى تۇڭيادا حالىقارالىق زات تاسىمال وكىلەتتى شەكتى سەرىكتەستىگىنىڭ ورىنباسار باس مەڭگەرۋشىسى ليۋ جىنجۇن توتەنشە قۋانا: ”جۇڭگو - ەۆروپا كەزەكشى پويەزىمەن زات تاسىمالدانعاننان كەيىن ءىشىنارا جەلىلەردىڭ تاسىمال ۋاقىتىنىڭ شامامەن تەڭ جارتىسى قىسقارىپ، زات جەتكىزۋدەگى وزىندىك قۇنى دا %30تەن استام ۇنەمدەلىپ، سەرىكتەستىكتىڭ جۇمىس مولشەرىنىڭ جىل سايىن ارتۋىن جەتەكتەدى، بىلتىر ءبىز 2000 نەشە ولشەمدى جۇك تيەۋىش قوراپپەن زات جونەلتتىك، بيىل بىلتىرعىدان كوپ بولاتىندىعى داۋسىز“، - دەدى.

  شينجياڭ شينتيە حالىقارالىق زات جەتكىزۋ شەكتى جاۋاپكەرلىك سەرىكتەستىگىنىڭ ورىنباسار باس ديرەكتورى نان جۇن بىلاي دەپ تانىستىردى: 2016 - جىلى 5 - ايدىڭ 26 - كۇنى ءۇرىمجى شوعىرلاندىرۋ ورتالىعى ىسكە قوسىلىپ، جۇمىس جۇرگىزگەننەن بەرى جۇڭگو - ەۆروپا كەزەكشى پويەزدەرى ەڭ العاشقى كەزدەگى اپتاسىنا ءبىر پويەز قاتىناۋدان جەدەل دامىپ، كۇنىنە 3 پويەز قاتىناپ، شوعىرلانعان، ۇدايىلانعان قاتىناۋ ۇلگىسىن قالىپتاستىردى. قازىر شوعىرلاندىرۋ ورتالىعىنان جۇرەتىن كەزەكشى پويەزدەردىڭ جەلىسى 21گە جەتىپ، ورتا ازيا مەن ەۆروپاداعى 19 مەملەكەتتەگى 26 قالاعا تۇتاسقان. زات تۇرلەرى دە ەڭ العاشقى تۇرمىستىق بۇيىمداردان، كيىم - كەشەكتەردەن ماشينا جابدىقتارى، سۋمەن جىلىتۋ قۇرىلىس ماتەريالدارى، ەلەكتروندىق بولشەك، مۇناي حيميا ونەركاسىبى سياقتى 200 نەشە تۇرگە كەڭەيدى.

  ءۇرىمجى شوعىرلاندىرۋ ورتالىعىنىڭ قارىشتاپ دامۋى حۋبەي، شاندۇڭ، حىنان، جىجياڭ سياقتى جەرلەردەن كەلگەن ازىق - تۇلىك مانەرلەۋ، ماقتا توقىما بۇيىمدارى، ماشينا جاساۋ، ءۇي جيھازدارىن ءوندىرۋ سياقتى 40تان استام ساۋدا، زات جەتكىزۋ، شەكارا اتتاعان ەلەكتروندىق ساۋدا كاسىپورنىن ءۇرىمجى حالىقارالىق قۇرلىق پورت رايونىنا ىرگە تەبۋگە باۋرادى.

  نان جۇن مىنانى ءبىلدىردى: ءۇرىمجى شوعىرلاندىرۋ ورتالىعى حالىقارالىق زات جەتكىزۋ ءىرى وتكەلى ارتىقشىلىعىنا سۇيەنىپ، جىبەك جولى ەكونوميكالىق بەلدەۋى وزەكتى رايونىنىڭ قاتىناس تورابى ورتالىعى قۇرىلىسىن ءتۇيىن ەتىپ، جۇڭگو - ەۆروپا كەزەكشى پويەزدەرىنىڭ حالىقارالىق زات جەتكىزۋ ماركاسى ىقپالىن ۇزدىكسىز كەڭەيتىپ، اناعۇرلىم كوپ كاسىپورىنداردى شينجياڭعا ىرگە تەبۋگە باستاپ، شينجياڭنىڭ ”وتكەل ەكونوميكاسى“نان ”كاسىپ ەكونوميكاسى“نا قاراي تيبىن جاڭالاپ، دەڭگەيىن ءوسىرۋىن ىلگەرىلەتەدى.
 ۇعىسۋعا قاراعاندا، 2016 - جىلى ءۇرىمجى شوعىرلاندىرۋ ورتالىعىنان 135 پويەز، 2017 - جىلى 710 پويەز، 2018 - جىلى 1002 پويەز قاتىناعان ەكەن. ”ءبىز زات جەتكىزۋدىڭ شار تاراپتى شارپۋ جانە قىزمەت وتەۋ قابىلەتىن ۇزدىكسىز جوعارىلاتىپ، حالىقارالىق زات جەتكىزۋ ءىرى وتكەلىن اناعۇرلىم ىركىلىسسىزدەندىرىپ، بيىل جۇڭگو - ەۆروپا كەزەكشى پويەزدەرىنىڭ قاتىناۋ سانىندا تاعى دا تىڭ دەڭگەي جاراتۋعا قۇلشىنامىز“، - دەيدى نان جۇن.

جاۋاپتى رەداكتور: ءاننا اكىمقان قىزى
  • جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ورتا بولىك وڭىرلەردىڭ كوركەيۋىنىڭ جاڭا جاعدايىن قۇلشىنا اشۋ كەرەك
  • مەكتەپ باسقارىپ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك
  • ءبىر اپتالىق اۋا رايىنان الدىن الا مالىمەت
  • 1000نان ارتىق مادەني ەسكەرتكىش شينجياڭ تاريحىن اڭگىمەلەدى