اعاجاي-التاي تورابى   ›   البۋم   ›   كورىكتى التاي

”جۇڭگو ساياحات كۇنى“ جەلىلەس قيمىلدارى التايدىڭ كوركىن اسىردى

    ءوز ءتىلشىمىز دۇڭ شىجۇي حابارلايدى. 5-ايدىڭ 13-كۇنى ءتىلشىنىڭ التاي ايماقتىق مادەنيەت، دەنە تاربيە، راديو-تەلەۆيزيا جانە ساياحات مەكەمەسىنەن ۇعىسۋىنشا، ”19-مامىر جۇڭگو ساياحات كۇنىن“ قارسى الۋ ٴۇشىن، التاي ايماعىنداعى اۋدان، قالالار بىرلەسىپ قىزىل ساياحات، كۇتىنۋ ەكولوگيالىق ساياحاتى، دەنە تاربيە جارىس ىستەرى ساياحاتى، ۇلتتىق سالت-سانا، مادەنيەت ساياحاتى، اۋىل-قىستاق سەيىل-سەرۋەن ساياحاتى، مەرەكە-مەيرامداردا كوڭىل اشۋ ساياحاتى سياقتى ٴبىرقىدىرۋ نەگىزگى تاقىرىپتىق سايكەستى قيمىلداردى دايارلاعان.

  سوڭعى جىلداردان بەرى التاي ايماعى” ساياحات ارقىلى حالىققا تيىمدىلىك جەتكىزۋ، پايدا جەتكىزۋگە“ باستان ـ اياق تاباندى بولىپ، جۇڭگو ساياحات كۇنىن قۇتتىقتاۋ جەلىلەس قيمىلدارىن وتكىزۋ ارقىلى تۇتاس قوعامنىڭ ساياحاتقا اناعۇرلىم نازار اۋدارۋىن، ساياحاتقا قاتىناسۋىن، ساياحاتتىڭ دامۋىن قولداۋىن ىلگەرلەتىپ، التايدىڭ وزگەشە تابيعي ساياحات كورىنىسىن ايگىلەدى.

     قىزىل ساياحات

  كوكتوعاي اۋدانىنىڭ كوكتوعاي كەن باقشاسى اسىل تاس ۇڭگىرلەرىن ساياحاتتاپ، تەڭىز كوك جاقۇتىنىڭ اسىلگى وندىرىلگەن جەرىن ارالاۋ، جاياۋ ٴجۇرۋ قيمىلىن ورىستەتتى. قيمىل مەزگىلىندە، بۇكىل ەلدىڭ جەر-جەرىنەن كەلگەن جاياۋ جۇرۋ اۋەسكەرلەرى ٴتۇستى كيىمدەردى كيىپ، شابىتى شالقىپ، احاۋسىز دەنە تاربيە ارەكەتى ارقىلى كوكتوعايدىڭ كەندەرىن ارالاپ، ونداعى گەولوگيالىق مادەنيەت پەن اعا بۋىن كەن جۇمىسشىلارىنىڭ كۇرەس تاريحىن ۇعىنىپ، مەملەكەت ەستەمەسىن تۇسىنەتىن بولادى.

  كوكتوعاي اۋدانى كوكتوعاي كەن باقشاسى كورىنىس رايونى كوكتوعاي قالاشىعى بالالار باقشاسى وقىتۋشى ـ وقۋشىلارىنىڭ وتانشىلدىق تاربيە تاقىرىپتىق قيمىلىن ورىستەتتى. وقىتۋشىلار بالالار باقشاسىنداعى وقۋشىلاردى باستاپ گەولوگيالىق كورمە سارايىن ارالاتىپ ، كوكتوعاي رۋحىن ۇگىتتەپ، تۇسىندىرىپ، 3-كەن شۇڭقىرىن تاماشالاتتى.

  شىڭگىل اۋدانى ٴانيپا وقۋ-اعارتۋ بازاسى ”قىزىل وقۋ-اعارتۋ“ اۋىلدى ساياحاتتاۋ قيمىلىن ورىستەتەدى. ساياحاتشىلار شىڭگىل اۋدانىنىڭ جەرگىلىكتى كورىنىس تۇيىندەرى، مۇراجاي، قىزىل تاقىرىپتىق وقۋ - اعارتۋ سارايى، ٴانيپا تاقىرىپتىق وقۋ-اعارتۋ سارايى، دولانا باقشاسى، چيڭلۇڭحۋ باقشاسى سياقتى جەرلەردى ساياحاتتاۋىنا بولادى.

  ٴاربىر پارشا سۋرەت،ءاربىر ىزگى ءىس، ءاربىر سيلىق ستاكان ارقىلى ٴانيپا مەن كۇيەۋى ءابيباۋ دىڭ، سونداي - اق ولاردىڭ بارلىق بالالارى تۋرالى اڭگىمە شەرتىلەدى. بۇل ارادا ٴانيپا شەشەيدىڭ 76 جىلعا جۋىق تاريحى جيناقتالىپ، ەرلى ـ زايىپتى ەكەۋىنىڭ جاپا ـ ماشاقاتپەن 4 ۇلتتان قۇرالعان 19 بالانى باعىپ ـ قاعىپ وسىرگەن حيكاياسى قايتا جاڭعىرتىلىپ، كوپشىلىكتىڭ ۇلتتار ىنتىماعى رۋحىن ونان ارى كۇشەيتەتىن بولادى.

  سوڭعى جىلدارى التاي ايماعى قىزىل ساياحات ونىمدەرىن بەلسەنە جەتىلدىرىپ، ساياحاتتىڭ دامۋى مەن مادەنيەت، دەنە تاربيە سياقتى كاسىپتەردىڭ جاپپاي توعىسۋىن جەبەدى.

  كۇتىنۋ ەكولوگيالىق ساياحاتى

  بۋرىلتوعاي اۋدانى ”مادەنيەت پەن ساياحاتتى توعىستىرۋ، تاماشا تۇرمىس“ تاقىرىبىنداعى ۇگىت-تاربيە قيمىلىن العا قويدى جانە ۇلىڭگىر كولى سازدىق ساياحاتى، سازدىقتى قورعاۋ ۇگىتى، مادەنيەت ارقىلى حالىققا تيىمدىلىك جاساۋ الەۋمەتتىك يگىلىك سيپاتتى ويىن قويۋ قاتارلى قيمىلداردى ورىستەتتى. ۇلىڭگىر كولى مەملەكەتتىك سازدى جەر باقشاسى دۇنيە جۇزىندەگى جىل قۇستارىنىڭ كوشۋ 3-ٴنومىرلى جەلىسىندە تۇرادى، بۇل بۇكىل جەر شارىنداعى ورگانيزمدەر تىزبەگىنىڭ ماڭىزدى ٴتۇيىنى بولىپ، جىل قۇستارىنىڭ تيانشان تاۋى مەن التاي تاۋىن باسىپ وتۋىندەگى”ەنەرگيا تولىقتاۋ پۋنكتى“ سانالادى. قيمىل ارقىلى ساياحاتشىلارعا سازدىقتىڭ ماڭىزدىلىعىن تولىق ۇعىندىرۋمەن بىرلىكتە، ەكولوگيالىق ورتانى قورعاۋ قىزمەتىندە قول جەتكەن تابىستاردى بەكەمدەپ، ۇلىڭگىر كولى مەملەكەتتىك سازدى جەر باقشاسىن ونان ارى ويداعىداي قۇرىپ شىعۋعا بولادى.

اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ورتا بولىك وڭىرلەردىڭ كوركەيۋىنىڭ جاڭا جاعدايىن قۇلشىنا اشۋ كەرەك
  • مەكتەپ باسقارىپ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك
  • ءبىر اپتالىق اۋا رايىنان الدىن الا مالىمەت
  • 1000نان ارتىق مادەني ەسكەرتكىش شينجياڭ تاريحىن اڭگىمەلەدى