اعاجاي-التاي تورابى   ›   اقپارات ايدىنى   ›   سۋرەتتى حابارلار

جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ورتا بولىك وڭىرلەردىڭ كوركەيۋىنىڭ جاڭا جاعدايىن قۇلشىنا اشۋ كەرەك

شي جينپيڭ جياڭشيدا قىزمەت تەكسەرگەندە ءارى ورتا بولىك وڭىرلەردىڭ كوركەيۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى

  5 - ايدىڭ 20 - كۇنىنەن 22 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭشيدا قىزمەت تەكسەردى، ورتا بولىك وڭىرلەردىڭ كوركەيۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

- ەلىمىز ءالى دە دامۋدىڭ ماڭىزدى ستراتەگيالىق وراي مەزگىلىندە تۇر، الايدا ءدوپ كەلگەن حالىقارالىق جاعداي كۇن سايىن قىم - قۋىت، كۇردەلى بولىپ وتىر. ءبىز حالىقاراداعى، ەل ىشىندەگى ءتۇرلى ءتيىمسىز فاكتورلاردىڭ ۇزاق ۋاقىتتىلىعىن، كۇردەلىلىگىن سەرگەكتىكپەن تانىپ، ءتۇرلى قيىنشىلىق جاعدايىنا توتەپ بەرۋ دايىندىعىن ۇيلەسىمدى، ويداعىداي ىستەۋىمىز كەرەك. ەڭ ماڭىزدىسى، تاعى دا ءبىزدىڭ ءوز ءىسىمىزدى جاقسى ىستەپ، ءبىر تۇتاس جوسپارلاپ، زەرتتەپ، ورنالاستىرىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن سايكەستى ىلگەرىلەتىپ، جوسپاردى ەگجەي - تەگجەيلى جاساعاننان كەيىن، ارەكەتكە كىرىسۋىمىزدە، قوردى كوبىرەك توپتاعاننان كەيىن، بىرتىندەپ شىعارۋىمىزدا.

   - ورتا بولىك وڭىرلەردى كوركەيتۋ قىزمەتىن جاقسى ىستەۋ ءۇشىن، ءبىرىنشى، جاساۋ كاسىبىنىڭ جوعارى ساپالى دامۋىن ىلگەرىلەتۋ؛ ەكىنشى، شەشۋشى سالالارداعى دەربەس جاڭالىق اشۋ قابىلەتىن جوعارىلاتۋ؛ ءۇشىنشى، تيجارات - ساۋدا ورتاسىن ساپالىلاندىرۋ؛ ءتورتىنشى، جاڭادان گۇلدەنگەن كاسىپتەردى جايعاستىرۋ مەن كوشىرۋدى بەلسەنە ۇلاستىرۋ؛ بەسىنشى، جوعارى ورەدە ەسىك اشۋدى كەڭەيتۋ؛ التىنشى، جاسىل دامۋعا تاباندى بولۋ؛ جەتىنشى، حالىق تۇرمىسى سالاسىنداعى ءتۇيىندى قىزمەتتەردى ويداعىداي ىستەۋ؛ سەگىزىنشى، ساياسات - شارالاردى جانە قىزمەت مەحانيزمىن كەمەلدەندىرۋ كەرەك.
- جيڭگاڭشان رۋحى جانە سوۆەتتىك رايون رۋحى جۇڭگو كوممۋنيستىك پارتياسى مۇشەلەرىنىڭ اۋەلگى ماقسات پەن بورىشتى ارقالاپ، جۇڭگو كوممۋنيستىك پارتياسىنىڭ ۇلى توڭكەرىستىك رۋحىن سومداعان. وسى ۇلى توڭكەرىستىك رۋح ۋاقىت كەڭىستىگىنەن اتتاپ وتكەن، ماڭگى زامانى وتپەيتىن، ءبىزدى اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا جىگەرلەندىرەتىن سارقىلماس رۋحاني قوزعاۋشى كۇش.

  شينحۋا اگەنتتىگىنىڭ 5 - ايدىڭ 22 - كۇنى نانچاڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 20 - كۇنىنەن 22 - كۇنىنە دەيىن جياڭشيدا قىزمەت تەكسەردى، ورتا بولىك وڭىرلەردىڭ كوركەيۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جان - جاقتى دايەكتىلەندىرىپ، جاڭا دامۋ ۇستانىمدارىن دايەكتىلەندىرىپ، قامداۋ جاعىنداعى قۇرىلىمدىق رەفورماعا اناعۇرلىم زور كۇش سالىپ، دامۋعا جاڭالىق اشۋ ارقىلى دەم بەرۋ ستراتەگياسىن اتقارۋعا، ستراتەگيالىق جاڭادان گۇلدەنگەن كاسىپتەردى دامىتۋعا اناعۇرلىم زور كۇش سالىپ، مەملەكەتتىڭ ستراتەگياسىمەن بەلسەندىلىكپەن، ىرىقتىلىقپەن توعىسىپ، جوعارى ساپالى دامۋدى ىلگەرىلەتىپ، ورتا بولىك وڭىرلەردىڭ جالپىلىق ناقتى قۋاتى مەن باسەكەلىك قۋاتىن ۇزدىكسىز كۇشەيتىپ، ورتا بولىك وڭىرلەردىڭ كوركەيۋىنىڭ جاڭا جاعدايىن قۇلشىنا اشۋ كەرەك.

  جاز باسىندا گانجياڭ دارياسىنىڭ ەكى جاعالاۋى جاسىل جەلەك جامىلىپ، ماۋەلەي قۇلپىرىپ تۇر. 5 - ايدىڭ 20 - كۇنى شي جينپيڭ جياڭشي ولكەلىك پارتكومنىڭ شۋجيى ليۋ چيدىڭ، ولكە باستىعى ي ليانحۇڭنىڭ سەرىك بولۋىمەن گانجوۋ قالاسىنداعى كاسىپورىنداردى، اۋىل - قىستاقتاردى، توڭكەرىستىك ەسكەرتكىش سارايلاردى ارالاپ، ەكونوميكانىڭ، قوعامنىڭ دامۋىن كوزدەن كەشىرىپ، تەكسەرۋ - زەرتتەۋ جۇرگىزىپ، توڭكەرىستىك بايىرعى رايوندارداعى كەدەيلىكتەن ارىلتۋدان قامال الۋ جانە ورتا بولىك وڭىرلەرىنىڭ كوركەيۋىن ىلگەرىلەتۋ قىزمەتىنىڭ اياق الىسى جاعدايىن ناقتاپ ۇعىستى.

  5 - ايدىڭ 20 - كۇنى تۇستە شي جينپيڭ ۇشاقپەن گانجوۋعا بارىپ، الدىمەن جياڭشي جينلي يۇڭسى عىلىم - تەحنيكا جارنا شەكتى سەرىكتەستىگىندە قىزمەت تەكسەردى. كاسىپورىننىڭ كورمە زالىندا، شي جينپيڭ كاسىپورىننىڭ ءوندىرىس، تيجارات جانە گانجوۋ سيرەك كەزدەسەتىن جەر ەلەمەنتتەرى كاسىبىنىڭ دامۋ جاعدايى جونىندەگى تانىستىرۋدى زەر سالا تىڭداپ، ەلىمىزدىڭ سيرەك كەزدەسەتىن جەر ەلەمەنتتەرى بايلىعىنىڭ تارالۋ جاعدايىن، اشۋ تەحنيكاسىن، قولدانىلۋ جاعدايىن جانە وندىرۋدە، مانەرلەۋدە قولدانىلاتىن قورشاعان ورتانى قورعاۋ شارالارىن ەگجەي - تەگجەيلى ۇعىستى. ءوندىرىس سەحىندا، شي جينپيڭ قوراپتاۋدى اۆتوماتتى تەكسەرۋ - ولشەۋ جەلىسى، جوعارى يقۋاتتى كۇيدىرىپ بىرىكتىرۋ پەشى سياقتى جابدىقتاردىڭ ءوندىرىس اينالىم جاعدايىن دەن قويا كوردى، جۇمىس باسىنداعى جۇمىسشىلارمەن ىقىلاستى اڭگىمەلەستى. شي جينپيڭ كاسىپورىننىڭ عىلمي زەرتتەۋ ۇسىنىلىمىن مولايتۋ، عىلىم - تەحنيكادا جاڭالىق اشۋعا كۇش سالۋ، ەكولوگيانى قالپىنا كەلتىرۋگە ءمان بەرۋ ءادىس - امالدارىن تۇراقتاندىردى. ول بىلاي دەپ باسا دارىپتەدى: تەحنيكادا جاڭالىق اشۋ − كاسىپورىننىڭ جانى. دەربەس ءبىلىم مەنشىك ۇقىعىنا جانە وزەكتى تەحنيكاعا يە بولعاندا عانا، وزەكتى باسەكەلىك قۋاتقا يە ءونىم وندىرۋگە، قيان - كەسكى باسەكەدە جەڭىمپاز ورىندا تۇرۋعا بولادى. تەحنيكادا جاڭالىق اشۋ سىندى ستراتەگيالىق نەگىزگى ءتۇيىندى مىقتاپ مەڭگەرىپ، اناعۇرلىم كوپ شەشۋشى، وزەكتى تەحنيكالاردى يگەرىپ، كاسىپ دامۋىنىڭ بيىك بەلەسىن الدىمەن يەلەۋ كەرەك. سيرەك كەزدەسەتىن جەر ەلەمەنتتەرى ماڭىزدى ستراتەگيالىق بايلىق ءارى قايتا تۋىندامايتىن بايلىق. عىلىم - تەحنيكادا جاڭالىق اشۋ قىزمەتىنىڭ تەبىنىن ارتتىرىپ، اشۋدىڭ، پايدالانۋدىڭ تەحنيكالىق دەڭگەيىن ۇزدىكسىز جوعارىلاتىپ، كاسىپ تىزبەگىن ۇزارتىپ، ۇستەمە قۇندى جوعارىلاتىپ، نىسانداردىڭ قورشاعان ورتانى قورعاۋىن كۇشەيتىپ، جاسىل دامۋدى، باياندى دامۋدى جۇزەگە اسىرۋ كەرەك.

  يۇيدۋ ورتالىق قىزىل ارميانىڭ جينالىپ ۇزاق جورىققا اتتانعان جەرى. 1934 - جىلى 10 - ايدا ورتالىق ورگانى، ورتالىق اسكەري ىستەر كوميتەتى جانە ورتالىق قىزىل ارميانىڭ نەگىزگى كۇشى وسى ارادا جينالىپ جولعا شىعىپ، الىس جورىققا اتتاندى. 5 - ايدىڭ 20 - كۇنى تۇستەن كەيىن شي جينپيڭ پويەزگە اۋىسىپ وتىرىپ يۇيدۋ اۋدانىنا كەلىپ، ورتالىق قىزىل ارميانىڭ ۇزاق جورىققا اتتانۋ ەسكەرتكىشىنە قۇرمەتپەن قاراپ، ورتالىق قىزىل ارميانىڭ ۇزاق جورىققا اتتانعان جەرىنىڭ بايىرعى جۇرتى بۇرىنعى يۇيدۋ اۋدان قالاشىعىنىڭ شىعىس قاقپا وتكەلىن كوزدەن كەشىرىپ، ورتالىق قىزىل ارميانىڭ ۇزاق جورىققا اتتانۋ ەسكەرتكىش سارايىن ەكسكۋرسيالادى. ەسكەرتكىشتىڭ الدىندا، شي جينپيڭ توڭكەرىستىك قۇرباندارعا گۇل شارباق قويدى ءارى 3 رەت ءيىلىپ تاعزىم ەتتى. ول باياۋ باسىپ ەسكەرتكىشتى اينالىپ، تۇعىرداعى بورتپە ويمالاردى زەر سالا كورىپ، پارتيا ورتالىق كوميتەتى مەن ورتالىق قىزىل ارميانىڭ سوۆەتتىك رايونداردا قان كەشىپ شايقاس جاساعان سول داڭقتى جىلداردى تەرەڭ سەزىممەن ساعىنا ەسكە الدى. ەسكەرتكىش سارايىنىڭ ىشىندە شي جينپيڭ ورتالىق قىزىل ارميانىڭ ۇزاق جورىققا جينالىپ اتتانۋىنىڭ تاريحي جاعدايى جونىندەگى تانىستىرۋدى تىڭدادى، سۋرەتتەردىڭ، ناقتى بۇيىمداردىڭ الدىندا توقتاپ زەر سالا قاراپ، كوپشىلىكپەن ءالسىن - ءالى اڭگىمەلەسىپ، سول جىلدارداعى تاريحتى ەسكە الدى. ول بىلاي دەپ باسا دارىپتەدى: بيىل جاڭا جۇڭگو قۇرىلعاندىعىنىڭ 70 جىلدىعى. ءبىز، ءسوز جوق، قىزىل اكىمياتتىڭ قايدان كەلگەندىگىن، جاڭا جۇڭگونىڭ قالاي قۇرىلعاندىعىن ەستە بەرىك ساقتاپ، پارتيامىز اشقان جۇڭگوشا سوتسياليزمدى بارىنشا قاستەرلەپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋىمىز كەرەك. توڭكەرىستىك مۇرات بارلىعىنان جوعارى. مۇرات - سەنىم وتى تۇتانعان ەكەن، ماڭگى سونبەيدى. ورتالىق سوۆەتتىك رايونداردا جانە ۇزاق جورىق بارىسىندا، پارتيا مەن قىزىل ارميا بەرىك مۇرات - سەنىم مەن قايسار توڭكەرىستىك جىگەرگە سۇيەنىپ، تالاي رەت قيىن جاعدايدا قايتا جول تاۋىپ، ساتسىزدىككە ۇشىراعان سايىن ەرلىك كورسەتىپ، ەڭ سوڭىندا جەڭىسكە قول جەتكىزىپ، تاڭعاجايىپ كەرەمەتتەر جاراتتى. ءبىزدىڭ پارتيانىڭ اۋەلگى ماقساتى مەن بورىشىن ۇمىتۋىمىزعا بولمايدى، توڭكەرىستىك مۇرات پەن توڭكەرىستىڭ نەگىزگى ماقساتىن ۇمىتۋىمىزعا بولمايدى، توڭكەرىس تۋىن ۇزدىكسىز بيىك ۇستاپ، ۇلى ۇزاق جورىق رۋحىن اسقاقتاتىپ، جۇڭحۋا ۇلتىنىڭ ۇلى گۇلدەنۋ نىساناسىن بەتكە الىپ ەرلىكپەن العا ىلگەرىلەۋىمىز كەرەك. بۇگىنگى جاڭا ۇزاق جورىق جولىندا ءبىز ەل ءىشى - سىرتىنان كەلگەن ءتۇرلى ەلەۋلى حاۋىپ - قاتەرلەر مەن سىن - سايىستاردى جەڭىپ، جۇڭگوشا سوتسياليزمنىڭ جاڭا جەڭىسىنە قول جەتكىزۋىمىزدە ءالى دە بۇكىل پارتيانىڭ، بۇكىل ەل حالقىنىڭ بەرىك مۇرات - سەنىمىنە جانە قايسار توڭكەرىستىك جىگەرىنە سۇيەنۋىمىز كەرەك.

  ەسكەرتكىش سارايىنىڭ 1 - قاباتىندا شي جينپيڭ يۇيدۋ اۋدانىنداعى قىزىل ارميا جاۋىنگەرلەرىنىڭ ۇرپاقتارىمەن، توڭكەرىستىك قۇربانداردىڭ ءۇي ىشىندەگىلەردىڭ ۋاكىلدەرىمەن كەزدەستى. شي جينپيڭ اسەرلەنە بىلاي دەدى: توڭكەرىستىك سوعىس جىلدارىندا جياڭشي حالقى توڭكەرىستىڭ جەڭىسى ءۇشىن زور قۇرباندىق بەرىپ، زور ۇلەس قوستى. قازىر مەملەكەت دامىدى، حالىقتىڭ تۇرمىسى جاقساردى، ءبىز سۋ ىشكەندە قاينارىن ۇمىتپاۋىمىز كەرەك، توڭكەرىستىك اعا بۋىنداردى، توڭكەرىستىك قۇربانداردى ۇمىتۋىمىزعا بولمايدى، توڭكەرىستىك بايىرعى رايونداعى اۋىلداستاردى ۇمىتۋىمىزعا بولمايدى. ءار دارەجەلى پارتكومدار مەن ۇكىمەتتەر جۇڭگو توڭكەرىسى ءۇشىن ۇلەس قوسقان ساقا قىزىل ارميا جاۋىنگەرلەرىنە، ساقا جولداستارعا، سونداي - اق قىزىل ارميا جاۋىنگەرلەرىنىڭ ۇرپاقتارىنا، توڭكەرىستىك قۇربانداردىڭ ءۇي ىشىندەگىلەرگە كوڭىل ءبولۋى، قامقورلىق جاساۋى كەرەك. شي جينپيڭ ولاردىڭ دەندەرىنىڭ ساۋ، تۇرمىستارىنىڭ باقىتتى بولۋىن تىلەدى.

  ەسكەرتكىش سارايىنىڭ سىرتىنداعى الاڭدا حاباردى ەستي سالا جۇگىرە جەتكەن ىنتالى جۇرت ءور داۋىسپەن ”باس شۋجي، سالەمەتسىز بە!“، ”باس شۋجي، جاپا شەكتىڭىز!“، - دەدى، شي جينپيڭ كوپشىلىككە: قازىر ءبىز سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادىق، الدىڭعىلاردىڭ ءىزىن باسىپ، بولاشاققا جول اشىپ، تاعى دا ساپارعا شىعۋىمىز كەرەك! - دەدى.

  يۇيدۋ اۋدانىنىڭ ەرەكشە ءوڭىر ورىن ارتىقشىلىعى مەن كليمات ەرەكشەلىگى كوكونىس كاسىبىن دامىتۋعا ۇيلەسەدى. شي جينپيڭ زىشان فۋشي كوكونىس كاسىپ باقشاسىنا كەلىپ، كوكونىس جىلىجايلارىنا كىرىپ، يۇيدۋ اۋدانىنىڭ كوكونىس شارۋاشىلىعىنىڭ دامۋ جاعدايىن ۇعىستى. ەڭبەك ىستەپ جاتقان اۋىلداستار باس شۋجيگە: كاسىپ باقشاسىنىڭ ”باستاماشى كاسىپورىن + سەلبەستىك كووپەراتيۆى + شارۋا وتباسى جانە كەدەي وتباسى“ سىندى دامۋ ۇلگىسى ارقىلى قىستاق تۇرعىندارىنىڭ كەدەيلىكتەن ارىلىپ بايۋىن جەبەپ، وتباسىلارىنىڭ جىلدىق ورتاشا كىرىسىن 10 مىڭ يۋانعا تاياتقاندىعىن ايتتى. شي جينپيڭ بۇعان القاۋ ءبىلدىردى. ول بىلاي دەپ باسا دارىپتەدى: جۇڭگو كوممۋنيستىك پارتياسىنىڭ اۋەلگى ماقساتى حالىقتى باقىتقا كەنەلتۋ، ۇلتتىڭ گۇلدەنۋىن كوزدەۋ، پارتيا ورتالىق كوميتەتىنىڭ ويلاعانى امالدىڭ بارىنشا بۇقارانى جاقسى تۇرمىسقا كەنەلتۋ. كۇنجۇتتىڭ گۇلى بىرىنەن - ءبىرى بيىكتەپ اشىلادى، مۇنان كەيىنگى تۇرمىس ءتىپتى دە تاماشا بولا تۇسەدى.

  وسىدان كەيىن شي جينپيڭ زىشان قالاشىعى تانتوۋ قىستاعىنا كەلىپ، قىستاق كەلبەتىن، قىستاق بەت - بەينەسىن كوزدەن كەشىردى. قىزىل ارميا قۇربانىنىڭ ۇرپاعى، ارميادان بوساعان اسكەر سۇن گۋانفا باس شۋجيدىڭ كەلگەنىن كورىپ، ءۇي ىشىندەگى ۇلكەن - كىشىلەردى ەرتە كەلىپ، ىستىق ىقىلاسپەن باس شۋجيدى ۇيىنە قوناققا شاقىردى. سۇن گۋانفانىڭ ۇيىندە شي جينپيڭ اس ءۇيدى، جاتىن بولمەنى، ارتقى اۋلانى جانە تازالىق بولمەسىن زەر سالا كورىپ، ونىڭ تۇرعىن ءۇيى مەن تازالىعىنىڭ جاقسارۋ جاعدايىنا القاۋ ايتتى. سونان كەيىن شي جينپيڭ سۇن گۋانفا وتباسىمەن جانە جەرگىلىكتى قالاشىق، قىستاق كادرلارىمەن بىرگە قورالانا وتىرىپ اڭگىمە دۇكەنىن قۇرىپ، ولاردىڭ كىرىستەرىنىڭ قانداي ەكەندىگىن، ۇلدارى مەن كەلىندەرىنىڭ قايدا جۇمىسقا ورنالاسقاندىعىن، بالالارىنىڭ قايدا وقىپ جاتقاندىعىن، بالالارىنىڭ مەكتەپتەگى تاماق جاعدايى قانداي ەكەندىگىن، وتباسىندا تاعى قانداي قيىنشىلىقتار مەن تالاپ - تىلەكتەر بار ەكەندىگىن ىقىلاسپەن سۇرادى. كوپشىلىك باس شۋجيگە بىلاي دەدى: جۋىق جىلداردا تۇتاس قىستاق بويىنشا 109 كەدەي وتباسى كوكونىس شارۋاشىلىعىن دامىتۋعا ات سالىستى، قىستاق تاعى جۇمىستانۋ بويىنشا كەدەيلەردى سۇيەمەلدەۋ سەحىن قۇردى، اۋىلداستار سىرتقا شىعىپ جۇمىس ىستەۋمەن بىرگە، ءۇي ماڭايىندا جۇمىسقا ورنالاسىپ، قارتتار مەن بالالارعا قارايلاستى، جەردى اينالىمعا سالۋ ارقىلى كىرىس كىرگىزۋمەن بىرگە، جۇمىس ىستەپ تە كىرىس تاپتى، كەدەي وتباسىلارى دا تابىس ءبولىسىن الدى. 95 كەدەي وتباسى كەدەيلىكتەن ارىلدى. شي جينپيڭ مۇنى ەستىپ توتەنشە قۋاندى. ول بىلاي دەپ باسا دارىپتەدى: وسى رەت جياڭشيگە سوۆەتتىك رايوندارداعى اۋىلداستارعا امانداسۋ ءۇشىن كەلدىم، اۋىلداستاردىڭ تۇرمىسى جاقسارعان - جاقسارماعاندىعىن، بايىرعى رايونداردىڭ كەدەيلىك قالپاعىن دەر كەزىندە الىپ تاستاي الاتىن - المايتىندىعىن بىلۋگە كەلدىم. كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى كەزەڭىنە ءوتتى، جەر - جەر، تاراۋلار تاعى دا كۇش شىعارىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا ويداعىداي شەشىپ، بايىرعى رايون حالقىن باقىتتى تۇرمىسقا كەنەلتۋ كەرەك. قالا - قالاشىقتانۋ مەن اۋىل - قىستاقتى گۇلدەندىرۋ ءبىرىن - ءبىرى جەبەيدى، ءبىر - بىرىنە سۇيەنەدى. اۋىل - قىستاقتى گۇلدەندىرۋ، سوتسياليستىك جاڭاشا اۋىل - قىستاقتى جاقسى قۇرۋ كەرەك. اۋىل - قىستاقتاردىڭ قونىس ورتاسىن رەتتەۋ - وڭاۋدى جانە رۋحاني وركەنيەت قۇرىلىسىن كۇشەيتىپ، اۋىل - قىستاقتى جونگە سالۋ جۇيەسىن كەمەلدەندىرىپ، اۋىل - قىستاقتىڭ رۋحاني بەت - بەينەسىن، قونىس ورتاسىن، ەكولوگيالىق ورتاسىن، قوعامدىق سالتىن شىت جاڭا بەينەگە ەنگىزىپ، اۋىلداستاردىڭ ادام تامساندىراتىن اۋىل تۇرمىسىن وتكىزۋىنە مۇمكىندىك جاساۋ كەرەك.

  قىستاقتان اتتانعان كەزدە اۋىلداستار قىستاقتىڭ شىعا بەرىسىنە جينالىپ، باس شۋجيمەن جابال امانداستى، كەيبىر قىستاق تۇرعىندارى اسەرلەنگەندەرىنەن كوزدەرىنە جاس الدى. شي جينپيڭ كوپشىلىكپەن ىقىلاستى قول الىسىپ، اۋىلداستاردىڭ تۇرمىسىنىڭ بارعان سايىن باقىتتى، تاماشا بولۋىن تىلەدى.
 5 - ايدىڭ 21 - كۇنى تۇستەن كەيىن شي جينپيڭ نانچاڭدا ورتا بولىك وڭىرلەردىڭ كوركەيۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشتى. اڭگىمە ماجىلىستە سانشي ولكەلىك پارتكومنىڭ شۋجيى لو حۇينيڭ، انحۇي ولكەلىك پارتكومنىڭ شۋجيى لي جينبين، جياڭشي ولكەلىك پارتكومنىڭ شۋجيى ليۋ چي، حىنان ولكەلىك پارتكومنىڭ شۋجيى ۋاڭ گوشىڭ، حۋبەي ولكەلىك پارتكومنىڭ شۋجيى جياڭ چاۋلياڭ، حۋنان ولكەلىك پارتكومنىڭ شۋجيى دۋ جياحاۋ جانە مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ ءسوز سويلەدى.

  5 - ايدىڭ 20 - كۇنىنەن 22 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭشيدا قىزمەت تەكسەردى، ورتا بولىك وڭىرلەردىڭ كوركەيۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. سۋرەتتە: شي جينپيڭ جياڭشي جينلي يۇڭسى عىلىم - تەحنيكا جارنا شەكتى سەرىكتەستىگىندە قىزمەت تەكسەرىپ، كاسىپورىننىڭ ءوندىرىس، تيجارات جاعدايىن ۇعىستى.  سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: ورتا بولىك وڭىرلەردىڭ كوركەيۋىن ىلگەرىلەتۋ پارتيا ورتالىق كوميتەتىنىڭ شىعارعان ماڭىزدى شەشىمى. ورتا بولىك وڭىرلەرىن كوركەيتۋ قىزمەتىن جاقسى ىستەۋ جاپپاي دوڭگەلەك داۋلەتتى قوعام ورناتۋ كۇرەس نىساناسىن جۇزەگە اسىرۋ، ەلىمىزدىڭ سوتسياليستىك وسىزامانداندىرۋ قۇرىلىسىنىڭ جاڭا ساپارىن باستاۋ جونىنەن ەرەكشە ماڭىزدى ءمان الادى. كەزەكتە ورتا بولىك وڭىرلەردىڭ كوركەيۋ تەبىنى قارقىندى، ورتا بولىك وڭىرلەردىڭ دامۋ بولاشاعى زور. جوعارى ساپالى دامۋ تالابىن مىقتاپ ارقاۋ ەتىپ، اۋقىمعا قاراي ىلگەرىلەپ، تىڭعىلىقتى قىزمەت ىستەپ، ورتا بولىك وڭىرلەردىڭ كوركەيۋىن ىلگەرىلەتۋدى تاعى دا تىڭ ساتىعا كوتەرۋ كەرەك.

  شي جينپيڭ بىلاي دەپ اتاپ كورسەتتى: ەلىمىز ءالى دە دامۋدىڭ ماڭىزدى ستراتەگيالىق وراي مەزگىلىندە تۇر، الايدا، ءدوپ كەلگەن حالىقارالىق جاعداي كۇن سايىن قىم - قۋىت، كۇردەلى بولىپ وتىر. ءبىز حالىقاراداعى، ەل ىشىندەگى ءتۇرلى ءتيىمسىز فاكتورلاردىڭ ۇزاق ۋاقىتتىلىعىن، كۇردەلىلىگىن سەرگەكتىكپەن تانىپ، ءتۇرلى قيىنشىلىق جاعدايىنا توتەپ بەرۋ دايىندىعىن ۇيلەسىمدى، ويداعىداي ىستەۋىمىز كەرەك. ەڭ ماڭىزدىسى، تاعى دا ءبىزدىڭ ءوز ءىسىمىزدى جاقسى ىستەپ، ءبىر تۇتاس جوسپارلاپ، زەرتتەپ، ورنالاستىرىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن سايكەستى ىلگەرىلەتىپ، جوسپاردى ەگجەي - تەگجەيلى جاساعاننان كەيىن، ارەكەتكە كىرىسۋىمىزدە، قوردى كوبىرەك توپتاعاننان كەيىن، بىرتىندەپ شىعارۋىمىزدا.

  شي جينپيڭ ورتا بولىك وڭىرلەردى كوركەيتۋ قىزمەتىن جاقسى ىستەۋ جونىندە 8 پىكىردى ورتاعا قويدى. ءبىرىنشى، جاساۋ كاسىبىنىڭ جوعارى ساپالى دامۋىن ىلگەرىلەتىپ، جاڭا كەزەكتى عىلىم - تەحنيكا جانە كاسىپ توڭكەرىسىنە ىرىقتىلىقپەن توعىسىپ، سيفرلانعان، توراپتاسقان، زەردەلىلەنگەن تەحنيكانىڭ ءارقايسى سالالاردا قولدانىلۋىن تەزدەتىپ، جاساۋ كاسىبىن دامىتۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ كەرەك. ەكىنشى، شەشۋشى سالالارداعى دەربەس جاڭالىق اشۋ قابىلەتىن جوعارىلاتىپ، قولداۋ ساياساتىندا جاڭالىق اشىپ، عىلىم - تەحنيكا تابىسىن كادەگە جاراتۋدى جانە كاسىپ سالالاندىرۋدى ىلگەرىلەتىپ، دەربەس ءبىلىم مەنشىك ۇقىعىنا يە وزەكتى تەحنيكالاردى جەدەل زەرتتەپ اشىپ، ءتول جاسامپازدىق تەحنيكالاردا جاڭالىق اشۋعا اناعۇرلىم كوبىرەك ىنتالاندىرىپ، ءبىلىم مەنشىك ۇقىعىن قورعاۋدى كۇشەيتۋ كەرەك. ءۇشىنشى، تيجارات - ساۋدا ورتاسىن ساپالىلاندىرىپ، حالىقارالىق وزىق ورەگە تۋرالانىپ، ورنىقتى، ءادىل، اشىق تيجارات - ساۋدا ورتاسىن قالىپتاستىرىپ، حالىقتىق كاسىپورىندار مەن ورتا، شاعىن، ۇساق كاسىپورىنداردىڭ قارجى قۇراۋى قيىن بولۋ ماسەلەسىن باسەڭدەتۋ كەرەك. ءتورتىنشى، جاڭادان گۇلدەنگەن كاسىپتەردى جايعاستىرۋ مەن كوشىرۋدى بەلسەنە ۇلاستىرىپ، شىعىس بولىك تەڭىز جاعالاۋىنداعى جانە حالىقاراداعى قاتىستى وڭىرلەرمەن ۇشتاسۋدى كۇشەيتىپ، وزىق جاساۋ كاسىبىن دەمەيتىن ءبىر توپ كاسىپورىنداردى باۋراۋ، قابىلداۋ كەرەك. بەسىنشى، جوعارى ورەدە ەسىك اشۋدى كەڭەيتىپ، ورايدى يگەرىپ، ”ءبىر بەلدەۋ، ءبىر جول“ حالىقارالىق سەلبەستىگىنە بەلسەنە ات سالىسىپ، ساپالى ءوندىرىس قۋاتىنىڭ جانە جابدىقتاردىڭ دۇنيە ءجۇزىنىڭ ۇلكەن ساحناسىنا، حالىقارالىق ۇلكەن بازارعا بەت الۋىن ىلگەرىلەتىپ، تاڭداۋلى ماركا مەن تەحنيكانى شىعارۋ كەرەك. التىنشى، جاسىل دامۋعا تاباندى بولىپ، ەكولوگيانى قورعاپ جانە قالپىنا كەلتىرىپ، قورشاعان ورتانى كوركەيتۋ مەن جونگە سالۋدى كۇشەيتىپ، بايلىقتان ۇنەمدى، شوعىرلى پايدالانۋدى ىلگەرىلەتىپ، جاسىل دامىعان كورىكتى ورتا بولىك قۇرۋ كەرەك. جەتىنشى، حالىق تۇرمىسى سالاسىنداعى ءتۇيىندى قىزمەتتەردى ويداعىداي ىستەپ، كەدەيلىكتەن ارىلتۋدان قامال الۋ قىزمەتىن ويداعىداي ىستەپ، اناعۇرلىم كوپ جۇمىستاندىرۋ ورنىن جاراتىپ، حالىق تۇرمىسىنداعى ولقىلىقتاردى جەدەل تولىقتاپ، قوعامدىق قامتاماسىزداندىرۋ جۇيەسىن كەمەلدەندىرىپ، قوعامدىق جونگە سالۋدا جاڭالىق اشۋ كەرەك. سەگىزىنشى، ساياساتتاردى، شارالاردى جانە قىزمەت مەحانيزمىن كەمەلدەندىرىپ، ورتا بولىك وڭىرلەردىڭ كوركەيۋىن قولداۋ تەبىنىن ارتتىرىپ، ورتا بولىك وڭىرلەردىڭ جوعارى ساپالى دامۋىن جەبەيتىن ساياساتتاردى، شارالاردى زەرتتەپ، العا قويىپ، ءبىر تۇتاس جوسپارلاپ، سايكەستىرۋدى كۇشەيتۋ كەرەك.

  شي جينپيڭ بىلاي دەپ باسا دارىپتەدى: پارتيا ورتالىق كوميتەتى جاقىن ارادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى جونىندە ورنالاستىرۋ جاسايدى، جەر - جەر، تاراۋلار تياناقتاندىرۋدى ويداعىداي يگەرۋ، يگەرۋدەن ناتيجە شىعارۋ كەرەك. بيىل نەگىزگى ساتىنىڭ اۋىرتپالىعىن جەڭىلدەتۋ جىلى، جەر - جەر، تاراۋلار وسىنى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، فورماشىلدىقتى، تورەشىلدىكتى باتىل رەتتەپ، وڭاپ، شىنايى يگەرىپ، ناقتى ىستەيتىن ستيل قۇرىلىسىن كۇشەيتىپ، قالىڭ كادرلاردى اناعۇرلىم قىزۋ ىنتامەن ورتا بولىك وڭىرلەردىڭ كوركەيۋى ۇلى ىسىنە كىرىسۋگە جۇمىلدىرۋ كەرەك.

  5 - ايدىڭ 22 - كۇنى تۇستەن بۇرىن شي جينپيڭ جياڭشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، جياڭشيدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى، وڭتۇستىك جياڭشي ورتالىق سوۆەتتىك رايونىنىڭ ەكونوميكالىق، قوعامدىق دامۋدا قول جەتكىزگەن كەلەلى ىلگەرىلەۋشىلىگىن تۇراقتاندىردى، جياڭشيدەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن جالپى بەتتىك دايەكتىلەندىرىپ، تياناقتاندىرىپ، ”بەستى ءبىر تۇلعالاندىرۋ“ جالپى ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىن دايەكتىلەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس جوسپارلاپ ىلگەرىلەتىپ، توڭكەرىستىك بايىرعى رايونداردىڭ جوعارى ساپالى دامۋىن جەدەلدەتۋ جاعىندا ۇلگى كورسەتۋگە، ورتا بولىك وڭىرلەردىڭ كوركەيۋىن ىلگەرىلەتۋ جاعىندا باتىلدىقپەن الدا جۇرۋگە قۇلشىنىپ، جاڭا داۋىردەگى جياڭشيدىڭ رەفورما جاساۋىنىڭ، دامۋىنىڭ جاڭا كارتيناسىن ويداعىداي كەستەلەۋدى ءۇمىت ەتتى.

  شي جينپيڭ بىلاي دەپ باسا دارىپتەدى: ەكونوميكانىڭ جوعارى ساپالى دامۋىن ىلگەرىلەتىپ، قامداۋ جاعىنداعى قۇرىلىمدىق رەفورما سىندى وسى نەگىزگى جەلىنى مىقتاپ يگەرىپ، قامداۋ قۇرىلىمىن ۇزدىكسىز جاقسارتىپ، ەكونوميكانىڭ دامۋ ساپاسى مەن ونىمدىلىگىن ءوسىرۋ كەرەك. جاڭا، كونە قوزعاۋشى قۋاتتاردى اۋىستىرۋدى جەدەل ىلگەرىلەتىپ، ”ءۇشتى ازايتۋ، ءبىردى تومەندەتۋ، ءبىردى تولىقتاۋ“ تابىسىن بەكەمدەپ، كونەنى تاستاپ، جاڭانى قابىلداۋدى جەدەلدەتۋ كەرەك. نازاردى جەتەكشى كاسىپتەرگە شوعىرلاندىرىپ، جاڭادان گۇلدەنگەن كاسىپتەردى جەدەل جەتىلدىرىپ، ءداستۇرلى كاسىپتەردى جاڭالاپ، دەڭگەيىن ءوسىرىپ، وسى زامانعى قىزمەت وتەۋ كاسىبىن دامىتىپ، سيفرلى ەكونوميكانىڭ دامۋ ورايىن مىقتاپ يگەرۋ كەرەك. عىلىم - تەحنيكا تابىسىن اۋىستىرۋ، كادەگە جاراتۋ مەحانيزمىن كەمەلدەندىرىپ، جاڭالىق اشۋ تىزبەگىن، كاسىپ تىزبەگىن، دارىندىلار تىزبەگىن، ساياسات تىزبەگىن، قارجى تىزبەگىن تەرەڭدەي توعىستىرۋ جولىمەن ءجۇرۋ كەرەك. ەكولوگيالىق وركەنيەت جۇيەسىن جەدەل ورناتىپ، تاۋ - وزەندى جونگە سالۋ، تاۋ - وزەندى كورىكتەندىرۋ جۇمىسىن ويداعىداي ىستەپ، كورىكتى جۇڭگونىڭ ”جياڭشي ۇلگىسى“ن تۇلعالاۋ كەرەك.

  شي جينپيڭ بىلاي دەپ اتاپ كورسەتتى: رەفورما جاساۋدىڭ، ەسىك اشۋدىڭ تەرەڭدەۋىن، ناقتىلانۋىن ىلگەرىلەتىپ، ءتۇرلى رەفورما مىندەتتەرىن ءبىر تۇتاس جوسپارلاپ ىلگەرىلەتىپ، ءبىر ىستەن ءبىر ناتيجە شىعارۋعا شىنايى كەپىلدىك ەتۋ كەرەك. ءوزىنىڭ ءىس جۇزىندىك جاعدايىنا ۇشتاستىرىپ، رەفورما تۇيىندەرىن كورنەكتىلەندىرىپ، ەكولوگيالىق وركەنيەت ءتۇزىلىس رەفورماسى، عىلىم - تەحنيكا ءتۇزىلىس رەفورماسى، اۋىل شارۋاشىلىعى، اۋىل - قىستاق رەفورماسى، قوعامدىق، حالىق تۇرمىسى سالاسى رەفورماسى جاعىندا جاڭالىق اشۋدى يگەرۋ، تياناقتاندىرۋدى يگەرۋ كەرەك. چاڭجياڭ - جۋجياڭ - فۋجيانمەن ىرگەلەس بولۋداي وڭىرلىك باسىمدىقتان تولىق پايدالانىپ، ”ءبىر بەلدەۋ، ءبىر جول“دى بىرگە قۇرۋعا ىرىقتىلىقپەن توعىسىپ، چاڭجياڭ ەكونوميكالىق بەلدەۋىن دامىتۋعا بەلسەنە ات سالىسىپ، چاڭجياڭ اتىراۋىمەن، گۋاڭدۇڭ - شياڭگاڭ - اۋمىن ۇلكەن شىعاناق رايونىمەن ۇشتاسىپ، ەسىكتى ايقارا اشۋ ارقىلى قارىشتاپ دامۋدى جەبەۋ كەرەك.

  شي جينپيڭ بىلاي دەپ باسا دارىپتەدى: اۋىل - شارۋاشىلىعىن، اۋىل - قىستاقتىڭ وسىزاماندانۋىن ىلگەرىلەتىپ، استىق ءوندىرىسىنىڭ نەگىزىن بەكەمدەپ، ساپا ارقىلى اۋىل شارۋاشىلىعىن گۇلدەندىرۋگە، جاسىلدىق ارقىلى اۋىل شارۋاشىلىعىن گۇلدەندىرۋگە تاباندى بولىپ، اۋىل شارۋاشىلىعىنىڭ جالپىلىق ونىمدىلىگى مەن باسەكەلىك قۋاتىن ۇزدىكسىز جوعارىلاتۋ كەرەك. جاڭاشا قالا - اۋىل قاتىناسىن قالىپتاستىرىپ، قالا مەن اۋىل توعىسا دامۋ ءتۇزىلىس - مەحانيزمىن جانە ساياسات جۇيەسىن ورناتىپ، كەمەلدەندىرىپ، قالا مەن اۋىلدىڭ سايكەسە دامۋىن، توعىسا دامۋىن جەبەۋ كەرەك.

  شي جينپيڭ بىلاي دەپ باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، بۇقارا ەڭ كوڭىل ءبولىپ وتىرعان ماسەلەلەردەن باستاپ ىسكە كىرىسىپ، بار كۇشتى سالۋعا، شاماعا قاراي ىستەۋگە تاباندى بولىپ، حالىققا تيىمدىلىك جاساۋ ساياساتتارىن تياناقتاندىرىپ، جالپىعا ءتيىمدى سيپات الاتىن، نەگىزدىك سيپات الاتىن، ەڭ تومەنگى شەكتىك سيپات الاتىن حالىق تۇرمىسى قۇرىلىسىن ويداعىداي ىستەۋ كەرەك. جۇمىستانۋى قيىنعا سوققانداردى دەر كەزىندە جۇمىستانۋعا جەتەكتەپ جانە شەبەرلىككە باۋلىپ، ولاردىڭ جۇمىستانۋ جولىن تابۋىنا، تۇرمىسىن قامتاماسىز ەتۋىنە شىنايى كەپىلدىك ەتۋ كەرەك. قوعامدىق قايشىلىقتاردان ساقتانۋ جانە ونى شەشۋ مەحانيزمى قۇرىلىسىن كۇشەيتىپ، جان - جاقتى قوعامدىق جونگە سالۋ، ساقتانۋ - تىزگىندەۋ جۇيەسىن كەمەلدەندىرىپ، زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ جانە جازالاپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي جۇرگىزۋ كەرەك.

  شي جينپيڭ بىلاي دەپ باسا دارىپتەدى: جياڭشي قىزىل ءتۇستى ەستەمەگە تولى قىزىل جەر. بۇقارانىڭ ويلاعانىن ويلاپ، حالىقپەن تىنىستاس، تاعدىرلاس، جۇرەكتەس بولۋ − پارتيانىڭ اۋەلگى ماقساتى ءارى پارتيانىڭ بۇلجىماس بەكىمى. جيڭگاڭشان رۋحى جانە سوۆەتتىك رايون رۋحى جۇڭگو كوممۋنيستىك پارتياسى مۇشەلەرىنىڭ اۋەلگى ماقساتى مەن بورىشىن ارقالاپ، جۇڭگو كوممۋنيستىك پارتياسىنىڭ ۇلى توڭكەرىستىك رۋحىن سومداعان. ۋاقىت كەڭىستىگىنەن اتتاپ وتكەن، ماڭگى زامانى وتپەيتىن وسى ۇلى توڭكەرىستىك رۋح ءبىزدى اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا جىگەرلەندىرەتىن سارقىلماس رۋحاني قوزعاۋشى كۇش. قىزىل اكىمياتتىڭ وڭاي - وسپاق قولعا كەلمەگەندىگىن، جاڭا جۇڭگونىڭ وڭاي - وسپاق قولعا كەلمەگەندىگىن، جۇڭگوشا سوتسياليزمنىڭ وڭاي - وسپاق قولعا كەلمەگەندىگىن جەتە تانىپ، پارتيا مۇشەلەرىن، كادرلاردى، اسىرەسە، باسشى كادرلاردى جالپى ءۇشىن پارتيا قۇرۋ، حالىق ءۇشىن بيلىك جۇرگىزۋ ۇستانىمىن بەرىك ورناتۋعا تاربيەلەپ، بۇقارالىق سۇيىسپەنشىلىكتى ارتتىرىپ، بۇقارالىق لۋشياندى امالياتتا ايگىلەپ، ادال، پاك، جاۋاپكەرشىلىك ارقالايتىن ساياسي قاسيەتتى سومداپ، حالىقتىڭ كومپىس قىزمەتكەرى بولىپ، جاڭا داۋىردەگى پارتيانىڭ تاريحي بورىشىن ورىنداۋ ءۇشىن قۇلشىنا كۇرەس جاساۋ كەرەك. جيڭگاڭشان رۋحى مەن سوۆەتتىك رايون رۋحىنا ويداعىداي مۇراگەرلىك ەتىپ جانە ونى ساۋلەلەندىرىپ، قالىڭ پارتيا مۇشەلەرىن، كادرلاردى ”ءتورت تانىم“دى كۇشەيتىپ، ”ءتورت سەنىم”دى بەكەمدەپ، ”ەكىنى قورعاۋ“دى ورىنداپ، سانالى تۇردە كوممۋنيزم ۇلى مۇراتىنىڭ جانە جۇڭگوشا سوتسياليزم ورتاق مۇراتىنىڭ بەرىك سەنۋشىلەرىنەن جانە ادالدىقپەن امالياتتا اتقارۋشىلارىنان بولۋعا تاربيەلەۋ، جەتەكتەۋ كەرەك.
 ديڭ شۋەشياڭ، ليۋ حى، حى ليفىڭ قاتارلىلار قىزمەت تەكسەرۋدە بىرگە بولدى ءارى ورتا بولىك وڭىرلەردىڭ كوركەيۋىن ىلگەرىلەتۋ قىزمەتى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتا بولىكتەگى 6 ولكەنىڭ جاۋاپتى جولداستارى اڭگىمە ماجىلىسكە قاتىناستى.

جاۋاپتى رەداكتور: ءاننا اكىمقان قىزى
  • مەكتەپ باسقارىپ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك
  • ءبىر اپتالىق اۋا رايىنان الدىن الا مالىمەت
  • 1000نان ارتىق مادەني ەسكەرتكىش شينجياڭ تاريحىن اڭگىمەلەدى
  • ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتەيىك