اعاجاي-التاي تورابى   ›   اقپارات ايدىنى   ›   سۋرەتتى حابارلار

1000نان ارتىق مادەني ەسكەرتكىش شينجياڭ تاريحىن اڭگىمەلەدى

اۆتونوميالى رايوندىق مۇراجاي جاڭادان ”شينجياڭ تاريحي مادەني ەسكەرتكىشتەرى كورمەسى“ن اشتى

  5 - ايدىڭ 18 - كۇنى قالا تۇرعىندارى اقسۋ ايماقتىق مۇراجايدىڭ تابيعات كورمە زالىنداعى جابايى حايۋاناتتار ۇلگىسىن تاماشالادى. سول كۇنى اقسۋ ايماقتىق مۇراجاي جىبەك جولى تاريحىنان اڭگىمە شەرتۋ جارىسى، مەملەكەتتىك مۇراجاي ماماندارىنىڭ لەكسياسىن تىڭداۋ، بولاشاقتا سيفرلانعان زەرتتەۋدى ناقتى سەزىنۋ سياقتى 9 ءتۇرلى قيمىل وتكىزىپ، مۇراجاي مەن بۇقارانىڭ جاقىن ارالىقتان ىقپالداسۋ تۇعىرىن ورناتتى. □ سۋرەتتى ۋاڭ جىچيڭ تۇسىرگەن

  شينجياڭ گازەتىنىڭ ءتىلشىسى  جاڭ يىڭچۇن 5 - ايدىڭ 18 - كۇنى ۇرىمجىدەن حابارلايدى. 5 - ايدىڭ 18 - كۇنى ”حالىقارالىق مۇراجاي كۇنى“، ”مادەنيەتتىڭ تورابى بولعان مۇراجاي: ءداستۇرلى بولاشاق“ دەگەن نەگىزگى تاقىرىپتى ارقاۋ ەتىپ، اۆتونوميالى رايوندىق مۇراجاي ءبىر قىدىرۋ قيمىل ورىستەتىپ، كورەرمەندەرگە جاڭا كورمەنى كورسەتۋمەن قاتار، مەملەكەت اسىلىن دا تاماشالاتىپ، قويۋ ءداستۇرلى جانە وسى زامانعى تۇسكە يە ورتادا جۇڭحۋا مادەنيەتىن شىنايى مويىنداۋدى كۇشەيتتى.

  وسى كۇنى بۇل مۇراجاي ”شينجياڭ جالپى تاريحى كورمەسى“ن وزگەرتىپ، جاڭالاعاننان كەيىن، جاڭادان ”شينجياڭ تاريحي مادەني ەسكەرتكىشتەرى كورمەسى“ن اشىپ، جۇڭحۋا مادەنيەتىنە مۇراگەرلىك ەتۋدى جانە ونى اسقاقتاتۋدى تياناق ەتىپ، جۇڭحۋا مادەنيەتىنىڭ توركىنى مەن شينجياڭ تاريحى سىندى نەگىزگى ارقاۋعا بويلاپ، كونە تاس قۇرالدارى داۋىرىنەن تارتىپ چيڭ پاتشالىعى داۋىرىنە دەيىنگى توقىما بۇيىم، قاعاز، تەرى، اعاش قۇرال، قىش بۇيىم سياقتى 1000نان ارتىق ءتۇرلى مادەني ەسكەرتكىشتى كورمەگە قويىپ، ەلەكتروندى ەكران، زەردەلى ويىن، اسەرلەستىك ويىنى سياقتىلاردى كىرىستىرىپ، كورەرمەندەرگە وبرازدى، قىزىقتى فورمامەن شينجياڭ تاريحىن جاپپاي ءتۇسىندىردى. مۇندا بۇكىل ەلىمىزدەگى 10 ۇلكەن ارحەولوگيالىق جاڭا بايقاۋ بولىپ باعالانعان جەمەنەي الەم ۇڭگىرى كونە جۇرتى، كۇشاردىڭ دوستىق كوشەسىندەگى جين جانە 16 اۋلەت تۇسىنداعى كەرپىش وبا سياقتى كونە جۇرتتاردان بايقاپ، قازىپ الىنعان ءتۇرلى قىش بۇيىمدار، حات - قاعاز جانە ادەمى قامقا، قابىرعا سۋرەت سياقتى 105تەن ارتىق مادەني ەسكەرتكىش جۇرتقا تۇڭعىش رەت كورسەتىلدى.

  ”قابىرعا سۋرەتتەردەگى اڭگىمە“ − كۇسان قابىرعا سۋرەتتەرىن قۇراۋ جارىسىندا ءۇرىمجى قالالىق 81 - باستاۋىش مەكتەپ 4 - جىلدىعىنىڭ 20 نەشە وقۋشىسى سۋرەتتەردى قۇراۋ بارىسىندا كۇسان قابىرعا سۋرەتتەرىندەگى اڭگىمەلەردى ءتۇسىنىپ، تاريحي مادەنيەت بىلىمدەرىن مولايتتى.

  ”جاڭا مۇراجايدان مەملەكەت اسىلىن ىزدەيمىن“ قيمىلى كوپتەگەن كورەرمەندى بۇعان قاتىناسۋعا قىزىقتىردى. ولار كورمە ىشكابىنداعى سان مىڭداعان مادەني ەسكەرتكىشتەردىڭ اراسىنان ورتالىق تەلەۆيزياسىنىڭ كولەمدى مادەني ەسكەرتكىش جانە مۇراجاي زەرتتەۋ قويىلىمى − ”مەملەكەت اسىلى“نىڭ 2 - بولىمىندە كورسەتىلگەن 3 مەملەكەت اسىلى مادەني ەسكەرتكىشىن، ياعني جىبەك كيىم كيگىزىلگەن رەڭدى اشەكەي اعاش قۋىرشاقتاردى، ”بەس جۇلدىز شىعىستان كوتەرىلسە جۇڭگوعا قۇت“ دەگەن جازۋ جازىلعان قامقامەن كومكەرىلگەن بىلەك قورعاعىشتى جانە فۋشي، نۇيۋا جىبەك سۋرەتىن تاپقاندا، ءاربىر مادەني ەسكەرتكىشتىڭ استارىنداعى تاريحي اڭگىمەنى دەن قويا وقىدى، تەبىرەنە سۋرەتكە ءتۇستى ءارى سۋرەتتەردى ۋيچات دوستار شەڭبەرىنە جولداپ، ءوز تابىستارىن تۋىس - تۋعان، دوس - جاراندارىمەن ورتاقتاستى.
 وسى كۇنى مۇراجايدىڭ جىلجىمالى مۇراجايى سانجى حۇيزۋ اۆتونوميالى وبلىسىنىڭ شونجى اۋدانىنا بارىپ، كوشپەلى كورمە ۇگىت - لەكسيا قيمىلىن وتكىزدى، باي مازمۇندى، قىزىقتى مادەني ەسكەرتكىش سۋرەتتەرىنە قاراپايىم دا ۇعىنىقتى جازباشا تۇسىنىك بەرىلدى، ونىڭ ۇستىنە ءتۇسىندىرۋشى ەگجەي - تەگجەيلى تۇسىندىرگەندىكتەن، جەرگىلىكتى ءار ۇلت بۇقاراسى جوعارى ساپالى مادەنيەت قىزمەت وتەۋىنەن يگىلىكتەنۋمەن قاتار، جاندى وتانشىلدىق تاربيەسىن دە قابىلداپ، جۇڭحۋا مادەنيەتىن شىنايى مويىنداۋدى كۇشەيتتى.

جاۋاپتى رەداكتور: ءاننا اكىمقان قىزى
  • ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتەيىك
  • شي جينپيڭ ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك