اعاجاي-التاي تورابى   ›   اقپارات ايدىنى   ›   سۋرەتتى حابارلار

ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتەيىك

چىن چۋانگو ۇرىمجىدە تەكسەرۋ - زەرتتەۋ جۇرگىزگەندە مىنالاردى باسا دارىپتەدى

  5 - ايدىڭ 18 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو شينچيكاڭ ءدارى - دارمەك جارنا شەكتى سەرىكتەستىگىندە كاسىپورىننىڭ ءوندىرىسى، تيجاراتى جانە جۇمىسشى - قىزمەتكەرلەر مامىلەسى سياقتى جاعدايلاردى ۇعىسۋدا. سۋرەتتى ءتىلشى سۇي جىجيان تۇسىرگەن

  شينجياڭ گازەتىنىڭ ءتىلشىسى ياۋ تۇڭ 5 - ايدىڭ 18 - كۇنى ۇرىمجىدەن حابارلايدى. 5 - ايدىڭ 18 - كۇنى اۆتونوميالى رايوندىق پارتكومنىڭ شۋجيى چىن چۋانگو ۇرىمجى قالاسىندا تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، تۇتاس رايونىمىزدىڭ ەكونوميكاسىنىڭ جوعارى ساپالى دامۋىن ىلگەرىلەتۋ كەرەك.

  ءۇرىمجى جۇڭيا التىن، جاقۇت، قاس تاسى كاسىپ باقشاسىندا قازىر التىن وندىرەتىن - مانەرلەيتىن جانە قاتىستى كاسىپ سالاسى كاسىپورىننان 20سى بار، التىن، جاقۇت، قاس تاسىن جوبالاۋ، زەرتتەۋ - اشۋ، تەكسەرۋ - ساراپتاۋ، كورمەگە قويۋ - ساۋدالاۋ، مادەنيەت - ساياحات سياقتىلاردى نەگىز ەتكەن تۇتاس كاسىپ تىزبەگى شوعىرى العاشقى ادىمدا قالىپتاسقان. وسماني التىن - كۇمىس ءزىننات بۇيىمدارىن مانەرلەۋ شەكتى سەرىكتەستىگىندە، چىن چۋانگو كاسىپورىن جاۋاپتىلارىمەن جانە قىزمەتكەرلەرمەن شىن ىقىلاسپەن اڭگىمەلەسىپ، كاسىپورىننىڭ ءوندىرىسى، تيجاراتى جانە جۇمىسشى - قىزمەتكەرلەر مامىلەسى سياقتى جاعدايلاردى مۇقيات ۇعىستى. قاشقاردىڭ يوپۇرعا اۋدانىنان كەلگەن 22 جاستاعى نۇريگۇل بارات پەن كۇيەۋى وسى ارادا جۇمىسقا ورنالاسقان، ول ەكەۋى ايىنا 5000 يۋاننان استام كىرىس كىرگىزەدى، ولار بۇل اراداعى قىزمەتىنە، تۇرمىسىنا ءدان ريزا. چىن چۋانگو مىنالاردى اتاپ كورسەتتى: جۇمىستانۋ − حالىق تۇرمىسىنىڭ نەگىزى، ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ قىزمەتىن اناعۇرلىم ويداعىداي ىستەپ، كاسىپ ارقىلى ادامداردى الاڭسىز ەتۋ، كاسىپ ارقىلى ادامدارى ورنىقتىرۋ كەرەك.

  شينجياڭ كاييۋە جاڭا ماتەريال عىلىم - تەحنيكا شەكتى جارنا سەرىكتەستىگىندە، چىن چۋانگو نىسان قۇرىلىسى، تەحنيكالىق اشۋ - زەرتتەۋ سياقتى جاعدايلاردى تاپتەشتەي ۇعىستى. ول مىنالاردى باسا دارىپتەدى: جاڭالىق اشۋ − كاسىپورىننىڭ جانى، كاسىپورىننىڭ زەرتتەۋ - اشۋ قابىلەتىن جوعارىلاتۋعا قۇلشىنىپ، دامۋ ومىرشەڭدىك كۇشىن ۇزدىكسىز كۇشەيتىپ، كاسىپورىندى زورايتۋ، كۇشەيتۋ، ساپالىلاندىرۋ كەرەك.

  شينچيكاڭ ءدارى - دارمەك شەكتى جارنا سەرىكتەستىگىندە چىن چۋانگو كاسىپورىن جاۋاپتىلارىمەن جۇرە ءجۇرىپ اڭگىمەلەسىپ، ۇيعۇر ءدارى - دارمەك تاريحىن جانە ونى زەرتتەۋ - اشۋ، ءوندىرۋ، ساتۋ جاعدايىن دەن قويا ۇعىستى. چىن چۋانگو مىنالاردى اتاپ كورسەتتى: شينجياڭنىڭ ۇلتتىق شيپاگەرلىك - دارىگەرلىگى − ەلىمىزدىڭ ءداستۇرلى شيپاگەرلىك - دارىگەرلىگىنىڭ ماڭىزدى قۇرامداس بولگى، وسى زامانعى عىلىم - تەحنيكاعا سۇيەنىپ جۇڭگوشا شيپاگەرلىك پەن ۇلتتىق شيپاگەرلىك - دارىگەرلىك ىستەرىنىڭ دامۋىن جەدەلدەتىپ، ايگىلى ماركا جاراتىپ، كولەمىن كەڭەيتىپ، ءداستۇرلى شيپاگەرلىك - دارىگەرلىكتى كوركەيتۋگە قۇلشىنۋ كەرەك.

  چىن چۋانگو تەكسەرۋ - زەرتتەۋ بارىسىندا مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم ەكونوميكا يدەياسىن مۇقيات دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسى رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتىن ءبىر تۇتاس جوسپارلاپ ىلگەرىلەتىپ، ”1+3+3 +رەفورما، ەسىك اشۋ“ قىزمەت ورنالاستىرۋىن تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ”بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ“باعىتىن جاپپاي تياناقتاندىرىپ، جۇمىسقا ورنالاستىرۋدى، فينانستى، سىرتقى ساۋدانى، سىرتقى قارجىنى، قارجى قوسۋدى، مەجەنى اناعۇرلىم ورنىقتىرۋ؛ ناقتى ەكونوميكانى دامىتىپ، زورايتىپ، رەفورمانى، ەسىك اشۋدى تەرەڭدەتىپ، وزىق جاساۋ كاسىبىن دامىتۋدى جەدەلدەتىپ، حالىقتىق شارۋاشىلىقتى كۇش سالا دامىتىپ، بايلىق فاكتورىنىڭ ناقتى ەكونوميكاعا قاراي شوعىرلانۋىن، ساياسات - شارالاردىڭ ناقتى ەكونوميكاعا قاراي بەيىمدەلۋىن، قىزمەت كۇشتەرىنىڭ ناقتى ەكونوميكاعا قاراي كۇشەيۋىن ىلگەرىلەتۋ؛ تۇتىنۋعا قارجى قوسۋدىڭ جەبەۋ رولىن ءونىمدى ساۋلەلەندىرىپ، بازاردىڭ بايلىقتى جايعاستىرۋدا شەشۋشى رول اتقارۋىنا مۇمكىندىك جاساۋعا تاباندى بولىپ، رەفورما ارقىلى بازاردىڭ ومىرشەڭدىك كۇشىن قاۋلاتىپ، كەلەلى ينجەنەريا نىساندارىنىڭ ناقتى تياناقتانۋىن ىلگەرىلەتۋدى جەدەلدەتىپ، تۇتىنۋ قاجەتىن كەڭەيتىپ، تۇتىنۋ تۇيىندەرىن جەتىلدىرىپ، تۇتىنۋ دارەجەسىن جوعارىلاتۋعا باستاۋ؛ تيجارات - ساۋدا ورتاسىن ونان ارى ساپالىلاندىرىپ، ”ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ“ رەفورماسىن ۇزدىكسىز تەرەڭدەتىپ، سالىقتى ازايتىپ، اقىنى تومەندەتۋ سياقتى ابزال ساياساتتاردى ويداعىداي تياناقتاندىرىپ، كاسىپورىنداردىڭ اۋىرتپالىعىن شىن مانىندە جەڭىلدەتىپ، كاسىپورىنداردىڭ دامۋىنا تاماشا ورتا جاراتۋ؛ پارتيانىڭ ەكونوميكا قىزمەتىنە باسشىلىعىن كۇشەيتۋ، ءار دارەجەلى پارتكومدار مەن ۇكىمەتتەر ەكونوميكا قىزمەتىن ويداعىداي ىستەۋگە وسكەلەڭ ءمان بەرۋ، ءار دارەجەلى باسشى كادرلار ۇيرەنۋدى جانە تەكسەرۋ - زەرتتەۋدى كۇشەيتىپ، ەكونوميكا قىزمەتىن ويداعىداي ىستەۋ قابىلەتى مەن دەڭگەيىن جوعارىلاتىپ، تۇتاس رايونىمىزدىڭ ەكونوميكاسىنىڭ ورنىقتى، اقاۋسىز دامۋىن ىلگەرىلەتۋگە قۇلشىنۋ كەرەك.
 اۆتونوميالى رايون باسشىلارىنان شۇي حايرۇڭ، جاڭ چۇنلين، ۋان حايچۋان تەكسەرۋ - زەرتتەۋدە بىرگە بولدى.

جاۋاپتى رەداكتور: ءاننا اكىمقان قىزى
  • شي جينپيڭ ازيا وركەنيەتتەر تىلدەسۋى جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك