اعاجاي-التاي تورابى   ›   اقپارات ايدىنى   ›   شينجياڭ حابارلارى

بيىل رايونىمىزداعى اۋىل - قىستاق بەيقۇت ءۇي ينجەنەرياسىنىڭ جۇمىس باستاۋ مولشەرى ٪60تەن استى

  شينجياڭ گازەتىنىڭ ءتىلشىسى  ۋاڭ يۇيجاۋ، ەرىكتى ءتىلشى شياۋ جۇڭ 5 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، بيىل 4 - ايدىڭ سوڭىنا دەيىن، تۇتاس رايونىمىزداعى اۋىل - قىستاق بەيقۇت ءۇي ينجەنەرياسى بويىنشا 129 مىڭ 535 ءۇيدىڭ جۇمىسى باستالىپ، جۇمىس باستاۋ مولشەرى ٪64.47 بولعان.

  ءتىلشىنىڭ ۇعىسۋىنشا، بيىل اۆتونوميالى رايونىمىز اۋىل - قىستاق بەيقۇت ءۇي ينجەنەرياسى قۇرىلىس مىندەتى بويىنشا 200 مىڭ ءۇي سالۋدى جوسپارلاعان. مۇنىڭ ىشىندە، وڭتۇستىك شينجياڭنىڭ 4 ايماق - وبلىسىندا اۋىل - قىستاق بەيقۇت ءۇي ينجەنەرياسى قۇرىلىس مىندەتى بويىنشا 162 مىڭ 400 ءۇي سالۋ ورنالاستىرىلعان، بۇل تۇتاس جىلدىق جوسپار مىندەتىنىڭ ٪81.2 ىن ۇستايدى. قازىر تۇتاس رايونىمىزداعى اۋىل - قىستاق بەيقۇت ءۇي ينجەنەرياسىنا جيىنى 5 ميلليارد 537 ميلليون 303 مىڭ 500 يۋان قارجى ۇسىنىلعان. مۇنىڭ ىشىندە ورتالىقتىڭ جاردەم قارجىسى ءبىر ميلليارد 94 ميلليون 190 مىڭ يۋان، اۆتونوميالى رايوننىڭ جاردەم قارجىسى 2 ميلليارد 950 ميلليون يۋان، شينجياڭعا باعىتتامالى كومەكتەسەتىن ولكە، قالالاردىڭ جاردەم قارجىسى 466 ميلليون 750 مىڭ يۋان، ايماق، اۋدانداردىڭ سايكەستىرگەن قارجىسى 44 ميلليون 602 مىڭ يۋان، شارۋالار وزدەرى دايىنداعان قارجى 981 ميلليون 761 مىڭ 500 يۋان (بانكەدەن العان 8 ميلليون 340 مىڭ يۋان قارىزدى قامتيدى).

  بيىل جىل باسىندا، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى كەدەيلەردى سۇيەمەلدەۋ، حالىق ىستەرى، مۇگەدەكتەر بىرلەستىگى سياقتى تاراۋلارمەن بىرلەسىپ، جەر - جەر جوعارىعا مالىمدەگەن 2019 - جىلدان 2020 - جىل ارالىعىنداعى اۋىل - قىستاقتارداعى ارحيۆ تۇرعىزىلىپ، كارتچكالاندىرىلعان كەدەي وتباسىلارى سياقتى 4 ءتۇرلى ءتۇيىندى وبيەكتىنىڭ قۇرىلىس سۇرانىسى ساندى مالىمەتىنە ”ەكى رەت جوعارىعا جولداۋ، ەكى رەت تومەنگە ءتۇسىرۋ“ بويىنشا سالىستىرۋ، اداقتاۋ - انىقتاۋ، بەكىتۋگە جولداۋ جۇرگىزىپ، وڭتۇستىك شينجياڭنىڭ 4 ايماق - وبلىسىنداعى اۋىل - قىستاق بەيقۇت ءۇي ينجەنەرياسى قۇرىلىس مىندەتىن ۇيلەسىمدى تۇراقتاندىردى. سونىمەن بىرگە، نازاردى ارحيۆ تۇرعىزىلىپ، كارتچكالاندىرىلعان 9355 كەدەي وتباسىنا، اسىرەسە، 22 اۋىر كەدەي اۋدانداعى ارحيۆ تۇرعىزىلىپ، كارتچكالاندىرىلعان 8989 كەدەي وتباسىنا شوعىرلاندىرىپ، كەدەيلىكتەن ارىلتۋدان قامال الۋداعى ”تۇرعىن ءۇي حاۋىپسىزدىگىن قامتاماسىزداندىرۋ“ قىزمەتىن بار كۇشپەن ىلگەرىلەتتى.
 كەلەسى قادامدا، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قاتىستى تالاپتارعا ساي شارالاردى كەمەلدەندىرىپ، قۋزاۋ - جەتەكشىلىك ەتۋدى كۇشەيتىپ، 2019 - جىلعى اۋىل - قىستاق بەيقۇت ءۇي ينجەنەرياسى قۇرىلىس مىندەتىن بار كۇشپەن تياناقتاندىرىپ، وتباسىنا، ادامعا دەيىن دالمە - ءدال بولۋىنا شىنايى كەپىلدىك ەتەدى. سونىمەن بىرگە، ”شىن اتى - ءجون ءتۇزىمى“ ەستەلىگىن اقاۋسىزداندىرىپ، كەمەلدەندىرىپ، جەر - جەردى ”ءبىر وتباسىنا ءبىر ارحيۆ“ ءتۇزىمىن قاتاڭ تياناقتاندىرۋعا قۋزاپ، ءۇي سالۋشىلاردىڭ سالاۋاتى، نوپوسى، ءوتىنىشى، تەكسەرىپ بەكىتۋى، كەلىسىمى سياقتى نەگىزگى ينفورماتسيالارىن اشىق، جاريا ۇستاپ، قوعامنىڭ باقىلاۋىن قابىلدايدى؛ شارۋالاردىڭ سالاتىن ءۇي اۋدانىن قاتاڭ مەڭگەرىپ، 2019 - جىلدان 2020 - جىل ارالىعىنداعى اۋىل - قىستاقتارداعى ارحيۆ تۇرعىزىلىپ، كارتچكالاندىرىلعان كەدەي وتباسىلارى سياقتى 4 ءتۇرلى ءتۇيىندى وبيەكتىنىڭ سالاتىن ءۇي كولەمىن 40 − 60 شارشى مەتر ىشىندە قاتاڭ مەڭگەرەدى؛ قارجى باسقارۋعا قاتىستى بەلگىلەمەلەردى مۇقيات تياناقتاندىرىپ، اۋىل - قىستاق بەيقۇت ءۇي ينجەنەرياسى قۇرىلىسىنىڭ جاردەم قارجىسىن باسقارۋدى جانە پايدالانۋدى ارناعا ءتۇسىرىپ، جاردەم قارجىسىن دەر كەزىندە، تولىق سومادا شارۋالاردىڭ ”امبەباپ كارتچكا (يكاتۇڭ)“ ەسەبىنە تولەيدى؛ ينجەنەريا قۇرىلىسىنىڭ ساپاسىن، حاۋىپسىزدىگىن باسقارۋدى قاتايتىپ، ”جاپپاي قامتۋ، قالتارىس بولماۋ“ تالابى بويىنشا، اۋىل - قىستاق بەيقۇت ءۇي ينجەنەرياسىنىڭ قۇرىلىس ساپاسىنا، حاۋىپسىزدىگىنە باقىلاۋ، جەتەكشىلىك ەتۋ جۇرگىزىپ، قۇرىلىس ماتەريالدارىنىڭ ساپا وتكەلىن، قۇرىلىس بولشەكتەرىن جاساۋ وتكەلىن، جۇمىس باسى وتكەلىن، جۇمىس اياقتاعاننان كەيىنگى تەكسەرىپ وتكىزىپ الۋ وتكەلىن قاتاڭ مەڭگەرەدى.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى