اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

وت قويۋعا تيىم سالۋ بۇيرىعى

  كەزەكتە ايماعىمىز كوكتەمگى بوراندى اۋا رايى مەزگىلىنە ءوتتى، ءورت اپاتىنان ءونىمدى ساقتانىپ، ءار ۇلت بۇقاراسىنىڭ ءومىرى مەن مال ـ مۇلكىنىڭ حاۋىپسىزدىگىن قورعاۋ ءۇشىن، «جۇڭحۋا حالىق رەسپۋبليكاسىنىڭ ءورت ءوشىرۋ زاڭى»، «شينجياڭ ۇيعۇر اۆتونوميالى رايوننىڭ بوراندى اۋا رايىنداعى ورتتەن ساقتانۋدىڭ حاۋىپسىزدىگىن باسقارۋ بەلگىلەمەسى» قاتارلى زاڭ، زاڭ ـ ەرەجەگە ساي، ايماقتىڭ ءىس جۇزىندىگىنە بىرلەستىرىپ، وت قويۋعا تيىم سالۋ بۇيرىعىن جاريالادى:

  ءبىرىنشى، وت قويۋعا تيىم سالۋ بۇيرىعى جاريالانعان كۇننەن باستاپ 5 ـ ايدىڭ 31 ـ كۇنىنە دەيىن اتقارىلادى؛

  ەكىنشى، وت قويۋعا تيىم سالۋ بۇيرىعى اتقارىلعان كەزدە بوراندى اۋا رايىندا دالاعا تاماق جاساۋعا، وت جاعۋعا، قوقىر ـ قوقسىقتى ورتەۋگە قاتاڭ تيىم سالىنادى؛ ءارقانداي جەردى ءورىستى، داقىلدار ساباعىن، جاعالاۋداعى شوپتەردى ورتەۋگە قاتاڭ تيىم سالىنادى؛

  ءۇشىنشى، ءارقانداي مەكەمە ـ ورىننىڭ جانە جەكەنىڭ ەگىس اتىزى ورمان تورابى، ورمان وسىرۋگە قولايلى قاعىر تاۋدا، ورمان وتىرعىزاتىن جەرلەردە، بۇتا ـ بۇرگەندى جەر قاتارلى ءورت وڭاي كەتەتىن جەر بولەكتەرىندە ەرەجەگە قايشى وت پايدالانۋىنا بولمايدى؛

  ءتورتىنشى، گازەت، راديو ـ تەلەۆيزيا قاتارلى اقپارات دانەكەرلەرى ۇگىت ابزالدىلىعىن تولىق ساۋلەلەندىرىپ، وت قويۋ بۇيرىعى اتقارىلعان مەزگىلدە ارناۋلى ستون اشىپ، ۇگىت كولەمىن كەڭەيتىپ، ۇگىت ونىمدىلىگىن كۇشەيتۋ كەرەك؛

  بەسىنشى، ورتتەن ساقتانۋ باقىلاۋىنا، تەكسەرۋىنە بىرلەستىرىپ، مالشىلىق رايوندارعا، كاسىپورىن، ءىسورىندارىنا، اۋىل ـ قالاشىق، اۋىل ـ قىستاقتارعا بارىپ بەتپە ـ بەت ۇگىت ـ تاربيە ورىستەتىپ، ورتتەن ساقتانۋ ۇگىتىن «جەتىگە جەتكىزۋ» قىزمەتىن بار كۇشپەن ورىستەتىپ، بۇقارانىڭ ءورت اپاتىنان ساقتانۋ تانىمى مەن ءوزىن قۇتقارۋ قۋاتىن جوعارىلاتىپ، ءورت كومەسكى كىناراتىن بايقاسىمەن «96119» نومىرگە تەلەفون جالعاپ مالىمدەۋى كەرەك؛

  التىنشى، اۋداندار (قالا، كورىنىس رايوندار)، اۋىل (قالاشىق)، فەرما، تاراۋلار (ورىندار)، كوكتەمگى بوراندى اۋا رايىنداعى ءورت اپاتى ەرەكشەلىگىنە قاراي، بۇقارانى ءۇيىنىڭ الدى ـ ارتىنا وتىن، ءشوپ قاتارلىلاردى ءۇيىپ قويا سالۋداي ناشار ادەتىن وزگەرتۋگە تاربيەلەپ، اڭىز ورتەۋ قاتارلىلاردان بولاتىن ءورت اپاتى شىرعالاڭىنىڭ الدىن الۋ جانە ازايتۋ كەرەك؛

  جەتىنشى، ءورت ٴوشىرۋ تاراۋلارى ورتتەن ساقتانۋدىڭ ارالاپ تەكسەرۋى بارىسىندا بايقالعان ءورت كومەسكى كىناراتىن دەركەزىندە جويۋى؛ ءورت ءوشىرۋ حاۋىپسىزدىگىنە كەپىلدىك ەتە المايتىن، ءورت اپاتى تۋىلسا ادامداردىڭ ءومىرى مەن حاۋىپسىزدىگىنە اۋىر زيان تۋدىراتىن قاتەرلى ورىنداردىڭ ءوندىرىسىن توقتاتىپ، رەتكە سالىپ تۇزەتۋگە بۇيىرۋ كەرەك؛

  سەگىزىنشى، وت قويۋعا تيىم سالۋ بۇيرىعىنا قايشى كەلگەندەرگە قاتىستى فۋنكتسيالىق تاراۋلار قاتىستى زاڭ، زاڭ ـ بەلگىلەمەلەر بويىنشا جاۋاپكەرلىگىن قۋزاستىرۋ كەرەك.

  التاي ايماقتىق اكىمشىلىك مەكەمەسى كەڭسەسى

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى