اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماق اۋىل ـ قىستاقتىڭ قونىس ورتاسىن جونگە سالۋ قىزمەتىن ناق مايداندا ىلگەرىلەتۋ ٴماجىلىسىن اشتى

  التاي گازەتىنىڭ ءتىلشىسى حۋ جۇنشيۋ حابارلايدى. 5 ـ ايدىڭ 13 ـ كۇنى ايماعىمىز بۋىرشىن اۋدانىندا اۋىل ـ قىستاقتىڭ قونىس ورتاسىن جونگە سالۋ قىزمەتىن ناق مايداندا ىلگەرىلەتۋ ٴماجىلىسىن اشتى. ىلگەرىلەتۋ ماجىلىسىندە تۇيىندەردى ناق مايداندا كورۋ، ولقىلىقتاردى تەكسەرىپ تولىقتاۋ ٴتاسىلى ارقىلى ماجىلىسكە قاتىناسقانداردان ايماعىمىزدىڭ اۋىل ـ قىستاق قونىس ورتاسىن جونگە سالۋ قىزمەتىن ىلگەرىلەتىپ، كوزدەن كەشىرىپ، وي جۇگىرتىپ، ٴوزارا سالىستىرىپ، ولقىلىقتاردى تاۋىپ، پارىقتاردى تولىقتاپ، اۋىل ـ قىستاقتىڭ قونىس ورتاسىن جونگە سالۋ قىزمەتىن جاپپاي باياندى ىلگەرىلەتۋدى تالاپ ەتتى. ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى قادەن كابەن ۇلى ىلگەرىلەتۋ ماجىلىسىنە قاتىناستى ٴارى ٴسوز سويلەدى.

  سول كۇنى جيىنعا قاتىناسقاندار بۋىرشىن اۋدانى قوستىق قالاشىعى، شۇڭقىر قالاشىعى جانە ويماقى قالاشىعى قاتارلى اۋىل ـ قالاشىقتاردىڭ قونىس ورتاسىن جونگە سالۋ قىزمەتىن ىلگەرىلەتۋ احۋالىن ناق مايداندا كوزدەن كەشىردى. ويماقى قالاشىعىنداعى يۇنشيۋان ەكولوگيا باقشاسىندا بىتىك وسكەن 100 مىڭ ٴتۇپ قاراعاي، 600 مۋ جەردەگى شىرعاناقتىڭ شىعىمى ادامدى قۋانتادى، باقشا رايونىنىڭ ىشىندەگى تاس جول، اسحانا، دارەتحانا، جاتاق رەتتى دە تازا ورنالاسقان؛ ويماقى قالاشىعى ەلامان قىستاعى كونە تۇرعىن ۇيلەردى، كونە توپىراق تامداردى شاعۋ قىزمەتىن مىقتى يگەرىپ، 456 مىڭ يۋان قارجى قوسىپ، كونە قىستاقتاعى 76 كونە ٴۇيدى شاعىپ، «جاڭاسىن سالىپ كونەسىن بۇزباي قويۋداي» جاعدايىن تۇبەگەيلى وزگەرتىپ، تۇرار جايدى، باعىمشىلىقتى، ەگىمشىلىكتى ٴبىر ـ بىرىنەن اۋاشالاپ، جاڭاشا شارۋالار اۋلاسى قالاشىقتىڭ كوركەم كورىنىسىنە اينالدى.

  ىلگەرىلەتۋ ماجىلىسىندە مىنالار اتاپ كورسەتىلدى: اۋىل ـ قىستاقتىڭ قونىس ورتاسىن جونگە سالۋ قىزمەتى __ شي جينپيڭنىڭ ەكولوگيالىق وركەنيەت يدەياسىن دايەكتىلەندىرۋدىڭ ماڭىزدى شاراسى، مەملەكەتتىڭ ورتانى قورعاۋدى باقىلاۋ ـ تەكسەرۋ قىزمەتىنىڭ ماڭىزدى مازمۇنى. اۋداندار (قالا، كورىنىس رايونى) اۋىل ـ قىستاقتىڭ قونىس ورتاسىن جونگە سالۋ قىزمەتىن كوكتەم ماۋسىمىنداعى وتانشىلدىق تازالىق قيمىلى ارەكەت دەپ قاراماي، قايتا ونى اۋىل ـ قىستاقتاردى گۇلدەندىرۋ ستراتەگياسىن ويداعىداي جۇرگىزۋدەگى ماڭىزدى شايقاس رەتىندە مىقتى يگەرۋى؛ ورتالىقتىڭ، اۆتونوميالى رايوننىڭ قاتىستى حۇجاتتارىنىڭ رۋحىن شىنايى ۇعىنىپ، جەتە ٴتۇسىنىپ، يدەيانى اناعۇرلىم بىرلىككە كەلتىرىپ، تانىمدى جوعارىلاتىپ، شارالاردى جىڭىشكەلەپ كۇشەيتۋى؛ تاراۋلاردىڭ قىزمەت جاۋاپكەرشىلىگىن اناعۇرلىم قاتاڭداستىرىپ، اۋداننىڭ، اۋىلدىڭ، قىستاقتىڭ تۇلعالىق جاۋاپكەرشىلىگىن ايقىنداپ، قىسىمدى ساتى سايىن جەتكىزىپ، اۋىل ـ قىستاقتىڭ نەگىزگى ساتى پارتيا ۇيىمىنىڭ رولىن شىنايى ساۋلەلەندىرۋى كەرەك.

  ىلگەرىلەتۋ ماجىلىسىندە مىنالار تالاپ ەتىلدى: ساياسي تۇرعىنى جوعارىلاتۋ كەرەك. بارلىق ادام ات سالىسىپ، جاۋاپكەرشىلىكتى باتىلدىقپەن ۇستىلەرىنە الۋى، قىزمەت تالابىن، جاۋاپكەرشىلىكتى ايقىنداپ، قىزمەتتى جان ـ جاقتىلى، جۇيەلى ىستەۋى؛ ۇگىتتەپ جۇمىلدىرۋدى كۇشەيتىپ، ەگىنشى ـ مالشىلاردىڭ باعىمشىلىق ورتاسىن جونگە سالۋ سانالىلىعىن كۇشەيتۋى؛ ۇيرەنۋ، زەرتتەۋ جۇرگىزۋ، ىزدەنىس جاساۋدى كۇشەيتىپ، قارجى توپتاۋ ارناسىن كەڭەيتۋى كەرەك.

  ىلگەرىلەتۋ ماجىلىسىندە مىنالار باسا دارىپتەلدى: بارلىق قىزمەتتە وڭايىنان قيىنىنا قاراي ىستەپ، بىرتىندەپ ىلگەرىلەتۋ كەرەك، 2019 ـ جىلدىڭ سوڭىندا قالا ـ قالاشىقتىڭ، قىستاقتىڭ جوباسىن جاساۋ، تەكسەرۋ قىزمەتىن جاپپاي ورىنداپ، 2020 ـ جىلدىڭ سوڭىنان بۇرىن ٴبىرشاما شەتكەرى جەرلەردەگى ەگىن ـ مال شارۋاشىلىق قىستاقتارىنىڭ جوباسىن جاساۋ قىزمەتىن ورىنداۋى؛ قىزمەت جاۋاپكەرشىلىگىن ۇستىگە الىپ، جوعارىلاتۋعا، تەرەڭدەتۋگە ٴمان بەرىپ، جاعدايدى تۋرا يگەرە الماعان، قىزمەتتى ىلگەرىلەتۋى دارمەنسىز بولعان، ناقتى تياناقتاندىرا الماعان جاۋاپتى ورىنداردىڭ، جاۋاپتى ادامداردىڭ جاۋاپكەرشىلىگىن قاتاڭ قۋزاستىرىپ، قىزمەتتى تياناقتاندىرۋى كورنەكتى اۋدانداردى (قالا، كورىنىس رايونى)، تاراۋلاردى (ورىن) كەلەسى جىلدا قارجىمەن قولداۋ كورسەتۋدە الدىمەن ويلاستىرۋ كەرەك.

  ىلگەرىلەتۋ ماجىلىسىندە بۋىرشىن اۋدانى، التاي قالاسى، بۋرىلتوعاي اۋدانى، ايماقتىق دەنساۋلىق ساقتاۋ ـ سالاماتتىلىق كوميتەتى، ايماقتىق تۇرعىن ٴۇي جانە قالا ـ اۋىل قۇرىلىسى مەكەمەسى اۋىل ـ قىستاقتىڭ قونىس ورتاسىن جونگە سالۋ قىزمەتىنىڭ اياق الىس احۋالىنان مالىمەت بەردى؛ اكىمشىلىك مەكەمەسىنىڭ، ايماقتىق ەگىن شارۋاشىلىق، اۋىل ـ قىستاق مەكەمەسىنىڭ قاتىستى جاۋاپتىلارى اۆتونوميالى رايوننىڭ اۋىل ـ قىستاق دارەتحاناسىن وزگەرتىپ سالۋدى ناق مايداندا كوزدەن كەشىرۋ، ىلگەرىلەتۋ ٴماجىلىسىنىڭ رۋحىن جەتكىزدى جانە وڭتۇستىك شينجياڭدى كوزدەن كەشىرۋ احۋالىنان مالىمەت بەردى. اكىمشىلىك مەكەمەسىنىڭ جاۋاپتى باسشىلارى، ايماقتىق پارتكومنىڭ، اكىمشىلىك مەكەمەسىنىڭ ورىنباسار باس حاتشىلارى، ايماقتىق اۋىل ـ قىستاقتىڭ قونىس ورتاسىن جونگە سالۋ قىزمەتىنە باسشىلىق ەتۋ گرۋپپاسىنا مۇشە ورىنداردىڭ جانە اۋدانداردىڭ (قالا، كورىنىس رايونى) جاۋاپتى باسشىلارى ىلگەرىلەتۋ ماجىلىسىنە قاتىناستى.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى