اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماق وزەن (كول) باستىقتارى ءتۇزىمىن جاپپاي جەبەۋ قىزمەتى ءماجىلىسىن اشتى

ءار دارەجەلى وزەن (كول) باستىقتارىنىڭ سۋدى باسقارۋ، وڭاۋ، قورعاۋ مىندەت جاۋاپكەرلىگىن تياناقتاندىرىپ، التاي ايماعىنىڭ وزەن، كولدەرىنىڭ اقاۋسىز تىرشىلىك ورتاسىن قورعاپ، وزەن، كولدەرىنىڭ ماڭگىلىك پايدالانىلۋىن جۇزەگە اسىرۋدى پارمەندى تۇزىمدىك كەپىلمەن قامدايىق

  التاي گازەتىنىڭ ءتىلشىسى جىڭ ميڭ حابارلايدى. 5 ـ ايدىڭ 14 ـ كۇنى تۇستەن كەيىن ايماق وزەن (كول) باستىقتارى ءتۇزىمىن جاپپاي جەبەۋ قىزمەتى ءماجىلىسىن اشتى. ايماقتىق وزەن (كول) باستىقتارى ءتۇزىمىن جاپپاي جەبەۋ باسشىلىق گرۋپپاسىنىڭ باستىعى، باس وزەن (كول) باستىعى، ايماقتىق پارتكومنىڭ شۋجيى جاڭ يان ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، اۆتونوميالى رايوندىق پارتكومنىڭ ‹1+3+3+رەفورما جاساپ، ەسىك اشۋ› قىزمەت ورنالاستىرۋىن مۇقيات دايەكتىلەندىرىپ، ورتالىقتىڭ، اۆتونوميالى رايوندىق پارتكومنىڭ وزەن (كول) باستىقتارى ءتۇزىمىن جاپپاي جەبەۋ جونىندەگى شەشىم ـ ورنالاستىرۋىن ىشكەرىلەي دايەكتىلەندىرىپ، تياناقتاندىرىپ، تانىمدى اناعۇرلىم كۇشەيتىپ، نىسانانى ايقىنداپ، شارانى جىڭىشكەلەپ، تەبىندى زورايتىپ، ءار دارەجەلى وزەن (كول)باستىقتارىنىڭ سۋدى باسقارۋ، وڭاۋ، قورعاۋ مىندەت جاۋاپكەرلىگىن تياناقتاندىرىپ، التاي ايماعىنىڭ وزەن، كولىنىڭ اقاۋسىز تىرشىلىك ورتاسىن قورعاپ، وزەن، كول رولىنىڭ ماڭگىلىك پايدالانىلۋىن جۇزەگە اسىرۋدى پارمەندى تۇزىمدىك كەپىلمەن قامداۋ كەرەك».

  ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى ءماجىلىستى باسقاردى. ايماقتىق پارتكومنىڭ مۇشەسى، باس حاتشى ما شۋەلياڭ ايماعىمىزدىڭ وزەن(كول) باستىقتارى ءتۇزىمىن جاپپاي جەبەۋ قىزمەت احۋالىن تانىستىرا كەلىپ، «التاي ايماعىنىڭ وزەن (كول) باستىقتارى ءتۇزىمىن جاپپاي جەبەۋ قىزمەتى جوباسىن» وقىدى. اۋدان، قالا، قىستاق 3 دارەجەلى وزەن (كول) باستىقتارى ۋاكىلدەرى ماجىلىستە جەكە ـ جەكە ءسوز سويلەدى.

  ماجىلىستە بىلاي دەپ اتاپ كورسەتىلدى: ساياسي تۇرعىنى جوعارىلاتىپ، يدەيالىق تانىمدى جانە دە تەرەڭدەتۋ كەرەك. وزەن (كول) باستىقتارى ءتۇزىمىن ىشكەرىلەي اتقارىپ، وزەن، كول باسقارۋ تۇزىلىسىندە جاڭالىق جاراتۋ __ سۋ قاينارىن قورعاپ، سۋ بىلعانىشىنىڭ الدىن الىپ، وڭاپ، سۋ ەكولوگياسىن قورعاۋدا، ءسوزسىز، باسىپ وتۋگە ءتيىستى جول ءارى التاي ايماعىنىڭ شينجياڭدا ەكولوگيالىق ورتانى قورعاۋدان ۇلگى كورسەتۋ رايونىن قۇرۋدى جەبەۋدەگى پارمەندى نەگىز. ءار دارەجەلى تاراۋلار سۋدى باسقارۋ، وڭاۋدىڭ ساياسي جاۋاپكەرلىگىن باتىل ارقالاپ، شينجياڭنىڭ وزەن (كول) باستىقتارى ءتۇزىمى قىزمەتىندەگى ۇلگىنى جاراتۋدى نىسانا ەتىپ، وزەندى (كولدى) قورعاۋ جانە وڭاۋ بارىسىندا وزەن (كول)باستىقتارىنىڭ قىزمەت ونىمدىلىگىن ايگىلەپ، پارمەندى تۇزىمدىك كەپىلمەن، تاماشا وزەن، كول ەكولوگيا ورتاسىن قۇرىپ، پارتيا ورتالىق كوميتەتىنىڭ وزەن (كول) باستىقتارى ءتۇزىمىن جاپپاي جەبەۋدەگى شەشىم ـ ورنالاستىرۋلارىنىڭ التايدا تياناقتاندىرىلۋىنا كەپىلدىك ەتىپ، شينجياڭنىڭ ەكولوگيالىق ورتاسىن قورعاۋدان ۇلگى كورسەتۋ رايونىن بار كۇشپەن قۇرۋ كەرەك.

  ماجىلىستە بىلاي دەپ باسا دارىپتەلدى: شەشۋشى ءتۇيىندى مىقتى يگەرىپ، قىزمەت مىندەتىن قايتالاي تياناقتاندىرۋ كەرەك. بىرىنشىدەن، وزەن، كولدەرگە شارلاۋ جۇرگىزۋ مىندەتىن ادا ەتۋ كەرەك. ءار دارەجەلى وزەن (كول)باستىقتارى وسكەلەڭ ءمان بەرىپ، وزەندەرگە (كول) شارلاۋ جۇرگىزۋ جاۋاپكەرلىگىن شىنايى ادا ەتىپ، ماسەلە بەتالىسىن كۇشەيتىپ، ماسەلەنى ورتاعا قويۋعا باتىل بولىپ، ماسەلەنى شەشە ءبىلۋ كەرەك. ءار دارەجەلى پارتكوم، ۇكىمەت جانە وزەن (كول) باستىقتارى ءتۇزىمى كەڭسەسى ورىن تەپكەن ماسەلەنى مەرزىم سايىن اقىلداسىپ شەشىپ،سۋ قاينارىن قورعاۋ جاۋاپكەرلىگىن ارقالاۋى، سۋ قاينارىن قورعاۋ جاۋاپكەرلىگىن ادا ەتۋى كەرەك.

  ەكىنشىدەن، «بەستى ۇشتاستىرۋ»كەرەك. «كوپ بولىپ ەڭبەك كورسەتەيىك» سەنىمى مەن بەكىمىن تىكتەپ، وزەن (كول) ءتۇزىمىن ويداعىداي ادا ەتۋدى بىلعانىشتىڭ الدىن الۋ، وڭاۋدان قامال الۋ شايقاسىنىڭ جەڭىسىنە قول جەتكىزۋمەن ۇشتاستىرۋ، تاۋ، سۋ، ورمان، اتىز، كول، جايلىمدى قورعاۋ، قالپىنا كەلتىرۋمەن ۇشتاستىرۋ، قالا، اۋىل تۇرعىندارىنىڭ قونىس ورتاسىن جونگە سالۋمەن ۇشتاستىرۋ، وسىزامانعى مال شارۋاشىلىعىن دامىتۋمەن ۇشتاستىرۋ، بالىق اۋلاۋعا جالپى بەتتىك تيىم سالۋمەن ۇشتاستىرىپ، ۇيلەسىمدى، عىلمي ادىستەر ارقىلى ساياحات كاسىبىن، وسىزامانعى مال شارۋاشىلىعىنىڭ دامۋىن، ەكولوگيالىق ورتانى قورعاۋ قىزمەتىن مىقتى يگەرىپ، ءار ۇلت بۇقاراسىنىڭ باي ـ باقىتتى تۇرمىس كەشىرۋىنە، تۇرمىس ورتاسىن كورىكتەندىرۋگە، كوڭىلدى كىرشىكسىزدەندىرۋگە، تاماشا وبراز تىكتەۋگە اناعۇرلىم تاماشا شارت ـ جاعداي ازىرلەۋ ءۇشىن، التايدى شينجياڭنىڭ ەكولوگيالىق وركەنيەتىنەن ۇلگى كورسەتەتىن رايونى ەتىپ، جۇڭگوداعى ەڭ كوركەم «جەر ءجانناتىنىڭ» بىرىنە اينالدىرىپ، التاي حالقىن شي جينپيڭنىڭ ەكولوگيالىق وركەنيەت يدەياسىن امالياتتا ايگىلەۋدىڭ ۇلگىلەرىنە جانە باستاماشىلارىنا اينالدىرۋ كەرەك.

  ۇشىنشىدەن، «ءتورت بەتالدىنى تازالاۋ» قيمىلىن ويداعىداي ورىستەتۋ كەرەك. «بەتالدى يەمدەنۋ، بەتالدى اشۋ، بەتالدى ءۇيۋ، بەتالدى سالۋدى»تازالاۋدى قارا كۇشتەردى الاستاپ، سۇرقيا كۇشتەردى جويۋ قىزمەتىمەن ۇشتاستىرىپ، زاڭعا، ەرەجەگە قايشى قۇرىلىستاردى زاڭ بويىنشا باتىل شاعۋ كەرەك. «بىرەۋى بايقالسا، بىرەۋىن تازالاپ، تىزىمدىكتەن ءوشىرۋ» قىزمەت تالابىنان جازباي، قىزمەت تەبىنىن اناعۇرلىم كۇشەيتىپ، شوعىرلى رەتكە سالىپ، وڭاۋ مەن بەكەمدەۋ، دارەجەسىن جوعارىلاتۋ سىندى ەكى كەزەڭدىك قىزمەتتى مىقتى يگەرىپ، اۋدان وڭىرىندەگى ءتۇيىندى وزەن (كول) بولەكتەرىندەگى «ءتورت بەتالدىنى تازالاۋدا» قالىپ قويماۋعا، بوستىق، قالتارىس بولماۋعا كەپىلدىك ەتۋ كەرەك.

  تورتىنشىدەن، سۋ بايلىعىن ويداعىداي باسقارۋ، پايدالانۋ كەرەك. اۋداندار (قالا، كورىنىس رايون) ءارقايسى قاتىستى تاراۋلار (ورىندار) سۋ ۇنەمدەۋ، سۋ ساقتاۋ، سۋدى تەڭشەۋ قىزمەتىن ءبىر تۇتاس جوسپارلاپ، ويداعىداي ىستەۋ كەرەك. پارمەندى شارالاردى قولدانىپ، سۋ قاينارىنىڭ حاۋىپسىزدىگىنە كەپىلدىك ەتۋ؛ بارىنشا اشىلعان رايونداردى وڭاۋ تەبىنىن كۇشەيتىپ، زاڭعا قايشى اشىپ، قازعانداردى جانە مولشەردەن تىس اشىپ، قازۋشىلاردى قاتاڭ جازالاۋ؛ سۋ ۇنەمدەۋ تيپىندى قوعام قۇرۋدى جاپپاي جەبەپ، ەگىن شارۋاشىلىعىنا پايدالاناتىن سۋدىڭ ونىمدىلىك مولشەرىن جوعارىلاتۋ كەرەك.

  بەسىنشىدەن، ۇلگى كورسەتۋ، جەتەلەۋ رولىن ويداعىداي ساۋلەلەندىرۋ كەرەك. ايماقتىڭ وزەن (كول) باستىقتارى تۇزىمىنەن ۇلگى كورسەتۋدەگى ۇزدىكتەردى جاراتۋ قىزمەتىن تەز ارادا اتقارىپ، تيپ ارقىلى ۇلگى كورسەتۋ، ءتۇيىن ارقىلى جەتەلەۋ، ءتۇيىن مەن جالپىنى ۇشتاستىرۋ ارقىلى پايدالانۋعا، جالپىلاستىرۋعا بولاتىن ءتۇزىم، ءادىس جانە شارالاردى قۇلشىنا قالىپتاستىرۋ كەرەك.

  ماجىلىستە مىنالار تالاپ ەتىلدى: ۇيىمدىق باسشىلىقتى كۇشەيتىپ، قىزمەت جاۋاپكەرلىگىن قايتالاي تياناقتاندىرۋ كەرەك. ءار دارەجەلى قاتىستى تاراۋلار سەلبەستىكتى كۇشەيتىپ، تۇلعالىق جاۋاپكەرلىكتى جانە قاراستى رايونداردى باسقارۋ جاۋاپكەرلىگىن ارقالاپ،«پارتيا، ۇكىمەت بىردەي جاۋاپتى بولۋ، ءبىر قىزمەت ورنىندا قوس جاۋاپكەرلىك بولۋ» جانە 4 دارەجەلى وزەن ( كول)باستىقتارى ءتۇزىمى تالابى بويىنشا «التاي ايماعىنىڭ وزەن (كول) باستىقتارى ءتۇزىمىن جاپپاي اتقارۋ قىزمەت جوباسىن» قاتاڭ اتقارىپ، جاۋاپكەرلىكتى قاتاڭ تياناقتاندىرۋ كەرەك. جالپى حالىقتى ات سالىسۋعا جۇمىلدىرىپ، ءار دارەجەلى اقپارات دانەكەرلەرىنەن پايدالانىپ، كادرلار، بۇقارا، وقۋشى جانە ەگىنشى ـ مالشىلار اراسىندا وزەن (كول) باستىقتارى ءتۇزىمىن ءۇرتىس كەڭ كولەمدە ۇگىتتەپ، وزەن (كول) باستىقتارى تۇزىمىنەن حاباردار بولۋ مولشەرى مەن ات سالىسۋ مولشەرىن جوعارىلاتۋ كەرەك. باقىلاپ ـ جەتەكشىلىك ەتۋ، جاۋاپكەرلىگىن قۋزاستىرۋدى كۇشەيتىپ، باعالاۋ «كورسەتكىشى» مەن «ولشەمى» رولىن تولىق ساۋلەلەندىرىپ، باعالاۋ ءادىسىن بەلگىلەپ، كەمەلدەندىرىپ، باعالاۋ كورسەتكىشىن ايقىنداپ، مەرزىم سايىن ارناۋلى باقىلاپ ـ جەتەكشىلىك ەتىپ تەكسەرۋ جۇرگىزۋ كەرەك.

  ءماجىلىس تەلەۆيزور ـ تەلەفون ءماجىلىسى فورماسىندا اۋىلدارعا (قالاشىق، الاڭ، كوشە ءىس باسقارماسىنا) دەيىن اشىلدى. امان كودەباي ۇلى، زىڭ شۋلا، چىن بو قاتارلى ايماق باسشىلارى، ايماقتىق وزەن (كول) باستىقتارى ءتۇزىمىن جاپپاي جەبەۋ باسشىلىق گرۋپپاسىنىڭ باستىعى، ورىنباسار گرۋپپا باستىعى، ايماقتىق باس وزەن (كول) باستىعى، ورىنباسار وزەن (كول) باستىعى، ايماقتىڭ وزەن اعىسىنا جاۋاپتى وزەن باستىعى، كول باستىعى، 10 ـ شىسى بەيتۇن قالالىق وزەن (كول) باستىقتارى ءتۇزىمىن جاپپاي جەبەۋ باسشىلىق گرۋپپاسى كەڭسەسىنىڭ مەڭگەرۋشىسى، ورىنباسار مەڭگەرۋشىسى، ايماقتىق پارتكومداعى ءارقايسى ءبولىم، كوميتەت، كەڭسەسىنىڭ، ايماقتاعى ءارقايسى كوميتەت، مەكەمە، كەڭسە، حالىقتىق توپتىڭ، ءارقايسى كاسىپورىن، ءىسورىندارىنىڭ، التايدا تۇراتىن ءارقايسى ورىنداردىڭ نەگىزگى جاۋاپتى جولداستارى، ايماقتىق وزەن (كول) باستىقتارى ءتۇزىمى كەڭسەسىندەگى بارلىق قىزمەتكەرلەر نەگىزگى ءماجىلىس مايدانىندا ماجىلىسكە قاتىناستى.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى