اعاجاي-التاي تورابى   ›   مادەنيەت ارناسى   ›   دەنساۋلىق

سۋشيگە ارنالعان كۇرىشتى قالاي دايىندايمىز؟

  قاي ەلدىڭ اسۇيىندە بولماسىن "قانشالىقتى وڭاي بولسا، سونشالىقتى جاقسى" دەگەن پرينتسيپ جۇرەدى. سۋشيگە كۇرىش دايىنداۋدىڭ اسا قيىندىعى جوق. الايدا دۇرىس پىسپەي قالعان كۇرىش تاماقتىڭ ءدامىن بۇزسا، ءپىسىپ كەتكەن كۇرىش روللدىڭ ءپىشىنىن ساقتامايدى. جاپونيادا سۋشيگە تۇزدىق قوسادى، ايتپەسە سۋشي ءدامسىز بولادى. ەندەشە، سۋشيگە ارنالعان كۇرىشتىڭ رەتسەپتىسىن ۇسىنامىز.

  جاپونيالىقتار سۇيىكتى تاعامىنا كۇرىشتىڭ "ميسترال" دەپ اتالاتىن سۇرىبىن تاڭدايدى. ەگەر ونى دۇكەننەن تابا الماساڭىز، قاراپايىم ءىرى ءداندى كۇرىش الا بەرىڭىز.

  كۇرىش پەن سۋ مولشەرىن 1:1.5 قاتىناستا ەسەپتەپ، ول دايىن بولعانشا ءپىسىرۋ كەرەك. وسىنداي قاتىناستا الىنعان كۇرىش ەزىلىپ كەتپەيدى.

  كۇرىشتى پىسىرەر الدىندا جاقسىلاپ جۋىڭىز. كۇرىشتى ونىڭ سۋى ءمولدىر بولعانشا قايتا-قايتا جۋ كەرەك. سونىمەن قاتار، بەتىنە قالعىپ شىققان كۇرىشتەردى الىپ تاستاعان ءجون. جاپوندىقتاردىڭ ويىنشا، ولار بۇلىنگەنگە جاتادى.

  كۇرىشتى پىسىرەتىن سۋعا الدىمەن 1 نوري بالدىرىن سالىڭىز. ول كۇرىشكە ەرەكشە حوش ءيىس بەرەدى. سۋ قاينايىن دەگەندە ءنوريدى الىپ تاستاڭىز.

  كلاسسيكالىق سۋشي رەتسەبىندە سىركە سۋى تۇزدىعىن قولدانۋ ۇسىنىلادى. كۇرىش دايىن بولعان بويدا وعان سول تۇزدىقتى شاشادى. تۇزدىقتى شاشۋ كەزىندە كۇرىش تە تۇزدىق تا ىستىقتاۋ بولۋى كەرەك.

  سۋشيگە ارنالعان كۇرىشتى ءپىسىرۋدى ۇيرەنىپ العان سوڭ ۇيدەن سۋشيدىڭ كەز كەلگەن ءتۇرىن دايىنداۋعا بولادى. كۇرىش سۋشي تاعامىنىڭ نەگىزى دەۋگە بولادى. سوندىقتان ونى ءپىسىرۋدىڭ ادىستەرى كوپ. كۇرىش ءپىسىرۋدىڭ ەڭ وڭاي جانە كەڭ تاراعان 3 رەتسەپتىسىن ۇسىنامىز.

  1-رەتسەپ. كۇرىشتى جۋىپ، ونى كاسترولگە سالىپ، سۋ قۇيىڭىز. سۋىق سۋعا نوري بولىگىن سالىڭىز. سۋ قاينايىن دەگەندە ءنوريدى الىپ تاستاڭىز. ءنوريدى العان سوڭ كاسترول قاقپاعىن مۇلدەم اشپاڭىز. سۋ قايناعان سوڭ وتتى بىقتىرىپ قويىڭىز. ونى 10-15 مينۋت قايناتىپ، وتتى ءسوندىرىڭىز. سودان سوڭ كاسترولدى گاز پليتاسىنان الىپ، قاقپاعى جابىق كۇيىندە 15 مينۋتقا قالدىرىڭىز.

  2-رەتسەپ. جاقسىلاپ جۋىلعان 2 ستاكان كۇرىشكە 2 ستاكان سالقىن سۋ قۇيىپ، 30 مينۋتقا قالدىرىڭىز. سودان سوڭ كاسترولدىڭ قاقپاعىن جاۋىپ، ونى پليتاعا قويىپ، وتتى قوسىڭىز. ول قايناعان سوڭ استىن بىقتىرىپ، 10 مينۋت قايناتىڭىز. قاقپاعىن اشپاي، پليتادان ءتۇسىرىپ، 20 مينۋتقا قويىڭىز.

  3-رەتسەپ. كۇرىشتى جۋىپ، قايناپ جاتقان سۋعا سالىڭىز. وتتى بىقتىرىپ، كاسترولدى جاۋىپ قويىڭىز. كۇرىش سۇيىقتىقتى تولىقتاي ءسىڭىرىپ العانشا قايناتىڭىز.

  كۇرىشكە تۇزدىق دايىنداۋ

  ول ءۇشىن 2 اس قاسىق كۇرىش سىركە سۋى، 1 شاي قاسىق قانت جانە 1 شاي قاسىق تۇز كەرەك. تۇزدىقتىڭ وسى مولشەرى 450 گرام پىسكەن كۇرىشكە (200 گرام پىسپەگەن كۇرىش) جەتەدى. كاسترولگە سىركە سۋدى قۇيىپ، وعان قانت پەن تۇزدى سالىڭىز. ورتاشا وتتا تۇزدىقتىڭ قانتى مەن تۇزى تولىقتاي ەرىگەنشە ارالاستىرىڭىز. كۇرىشكە ارنالعان كلاسسيكالىق تۇزدىقتى دايىنداۋ قيىن ەمەس، تەك كۇرىش سىركە سۋى قاراپايىم دۇكەندەردەن تابىلا بەرمەيدى. ەگەر كۇرىش سىركە سۋىن تابا الماساڭىز، تومەندەگى ەكى ءادىس ارقىلى سوعان ۇقساس سىركە سۋىن الۋعا بولادى.

  1-ءادىس. سىزگە 1 اس قاسىق الما سىركە سۋى، 0.5 شاي قاسىق تۇز، 1 شاي قاسىق قانت جانە 1.5 اس قاسىق ىستىق سۋ قاجەت بولادى. كاسترولگە بارلىق ينگرەديەنتتەردى ارالاستىرىپ، ورتاشا وتقا تۇز بەن قانت ەرىگەنشە قوياسىز (قايناتپاڭىز).

  2-ءادىس. سىزگە 1.5 اس قاسىق 6%دىق سىركە سۋى، 1.5 اس قاسىق سويا تۇزدىعى جانە 1 شاي قاسىق قانت كەرەك. بارلىعىن ارالاستىرىپ، ەرىگەنشە قىزدىرىڭىز.

  سىركە سۋىن مۇلدەم قولدانعىڭىز كەلمەسە نەمەسە قول استىندا بولماسا، ونىڭ ورنىنا ليمون سۋىن الىڭىز. ليمون سۋىن قانتتىڭ از مولشەرىمەن ارالاستىرىپ، ونى دايىن كۇرىشكە شاشىڭىز.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى