اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

100 جىلدىق ايگىلى ماركاعا يە حاربين مادەر توبى التاي قالاسىندا سارا مەيمانحانا سالىپ، جالپى وڭىرلىك ساياحاتتىڭ دامۋىنا دەمەۋ كورسەتتى

  5-ايدىڭ 13-كۇنى، التاي قالاسىندا حاربين مادەر حۇڭجيڭ (马迭尔·弘景) سارا كوركەمونەر مەيمانحاناسىنىڭ جۇمىس باستاۋ سالتى سالتاناتپەن وتكىزىلدى.

  جۋىق جىلداردان بەرى، التاي ايماقتىق پارتكوم اۆتونوميالى رايوندىق پارتكومنىڭ جالپى قىزمەت ورنالاستىرۋى بويىنشا، ”ساياحات كاسىبىن نەگىزگى تۇلعا ەتىپ، 1-كاسىپتى جەتەلۋ، 2-كاسىپتى سۇيەمەلدەۋ “ سىندى دامۋ وي جەلىسىن ارقاۋ ەتىپ، جوبا جاساپ، سارا جەلى قالىپتاستىرىپ، ساتۋدى، جالپىلاستىرۋدى كۇشەيتىپ، بيىلعى قىس ماۋسىمىنداعى كەيبىر ولقىلىقتاردى تولىقتاپ، قىزمەت وتەۋ قۇرىلعى قۇرىلىسىن كەمەلدەندىرىپ، كاسىپ سالاسىنىڭ دامۋىن جەبەپ، ”جەر ءجانناتى ــ قاناس، قارلى مەكەن ــ التاي“ ايگىلى ماركاسىنىڭ ىقپال كۇشى مەن تارالۋ قۋاتىن ۇزدىكسىز كۇشەيتىپ، تۇتاس رايونىمىزدىڭ ساياحات كاسىبى جەدەل دامىعان تاماشا جاعداي جارىققا شىقتى.

  ايماقتىق پارتكومنىڭ ورىنباسار شۋجيى، حيلۇڭجياڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى لي بيڭ جۇمىس باستاۋ سالتىنا قاتىناستى ٴارى ٴسوز سويلەدى. لي بيڭ بىلاي دەپ اتاپ كورسەتتى: حيلۇڭجياڭ ولكەسىنىڭ شينجياڭعا باعىتتامالى كومەكتەسۋ قىزمەتىنىڭ الدىڭعى شەپ قولباسشىلىق شتابى وزىندىك باسىمدىعى مەن كومەسكى كۇشىن تولىق ساۋلەلەندىرىپ، التاي ايماعىنىڭ ساياحات كاسىبىنىڭ دامۋىن جەبەۋدى شينجياڭعا باعىتتامالى كومەكتەسۋدىڭ ماڭىزدى مىندەتى ەتۋدەن جازباي، «لۇڭتايحاۋ» سياقتى ارناۋلى ساياحات پويەزىنىڭ قاتىناۋىن ىسكە قوسىپ، قىسقى ساياحات ونىمدەرى جۇيەسىن قالىپتاستىرىپ، ۇگىتتى جالپىلاستىرىپ، ىقپال كۇشى مەن اتاق-ابىرويىن جوعارىلاتتى، ساياحات قامتاماسىزداندىرۋ مەحانيزمىن ورناتۋ سياقتى قىزمەت نەگىزىندە، 100 جىلدىق ايگىلى ماركاعا يە حاربين مادەر توبىن(马迭尔集团) التايعا ٴساتتى ەنگىزىپ، كاسىپ ارقىلى جىلۋمەن قامداۋ سەرىكتەستىكتەرىنىڭ كەرەكسىز بولعان پار قازان ٴۇيى رايونىنان پايدالانىپ، مادەر حۇڭجيڭ(马迭尔·弘景) سارا كوركەمونەر مەيمانحاناسىن سالىپ، ايماقتىڭ كوركەمونەر ارقىلى بايىرعى زاۆود رايونىن وزگەرتۋدىڭ جولىن اشتى. سوڭعى كەزدەرى ورتالىق قازىنا-ەكونوميكا داشۋەسىنىڭ قازىنا-ەكونوميكا تالقى مىنبەرى، ورتالىق اسەمونەر ينستيتۋتىنىڭ كوركەمونەرگە جاتتىعۋ بازاسى، مادەر شاراپحاناسى(马迭尔酒吧) سياقتى قوناق سارايلارىنا كەلىپ قونىستانۋىنا بايلانىستى، تاريحي مادەنيەت جەلىسى مەن قازىرگى زامان تۇرمىسىنىڭ كەمەلدى ۇشتاسۋىن جۇزەگە اسىرىپ، التاي قوناق سارايىنىڭ قىزمەت وتەۋ كاسىبىنىڭ قىزمەت وتەۋ ساپاسىن جوعارىلاتۋ، وڭىرلىك قىزمەت وتەۋ قۇرىلعىلارىنىڭ ماركالانۋىن، ساپالانعان دامۋ جاعدايىن جەدەل قالىپتاستىرۋ جونىنەن توتەنشە ماڭىزدى ٴمان الادى.

  ۇعىسۋعا قاراعاندا، مادەر حۇڭجيڭ (马迭尔.弘景) تاڭداۋلى كوركەمونەر مەيمانحاناسى حاربين مادەر توبى مەن بەيجيڭ حۇڭجيڭ جۇڭتيان سەرىكتەستىگىنىڭ التايدا ستراتەگيالىق سەلبەستىك جاساۋىنىڭ ٴبىرىنشى قادامى بولىپ، 150 دەن استام جوعارى ساپالى قوناق بولمە، وزگەشە تاعام، مادەر سىرا بولەمەسى، ورتالىق قازىنا-ەكونوميكا ۋنيۆەرسيتەتى چاڭتاي كىتاپحاناسى، ورتالىق اسەمونەر اكادەمياسىنىڭ پروتون كوركەمونەر ورتالىعى جانە كوركەمونەر ايالداماسى ٴبىر تۇلعالانعان سارا مادەنيەت، ساياحات ۋنيۆەرسال تۇلعاسى بولىپ قۇرىلىپ، التايدىڭ جالپى تۇلعالىق قابىلداۋ قۋاتىن ونان ارى جوعارىلاتىلىپ، قاريدارلاردىڭ ساپار بارىسىنداعى قاجەتى قاناعاتتاندىرىلادى.

  التاي قالاسىندا ەرەكشە قار-مۇز بايلىعى جانە ”جۇڭگونىڭ قارلى مەكەنى“، ”ادامزاتتىڭ بايىرعى قار شاڭعى مەكەنى“ سياقتى ايگىلى ماركالارى بار بولىپ، اۆتونوميالى رايوننىڭ قىسقى قار-مۇز سپورتى ساياحات شارۋاشىلىعىن دامىتۋ وزەكتى رايونى بولىپ تۇراقتانىپ، دامۋ كومەسكى كۇشى زور بولىپ تابىلادى. مادەر توبى مەن حۇڭجيڭ جۇڭتيان سەرىكتەستىگى(马迭尔集团和弘景中天) قار-مۇز كاسىبىنىڭ ايگىلى ماركا ابزالدىلىعى مەن وزىق قوناق ٴۇي باسقارۋ تاجىريبەسىنەن پايدالانىپ، بۇرىنعى پار قازان زاۆود رايونىن مادەر حۇڭجيڭ تاڭداۋلى مەيمانحاناسىنا وزگەرتىپ سالدى، بۇل قالانىڭ ساياحات دەڭگەيى مەن قالا كورىنىسىنىڭ دەڭگەيىن جوعارىلاتۋدا ماڭىزدى مانگە يە بولىپ، التاي قالالىق ۇكىمەت ”ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋمەن باسقارۋدى ۇشتاستىرۋ، قىزمەت وتەۋدى ساپالىلاندىرۋ“ رەفورما شارالارىن ونان ارى تياناقتاندىرىپ، ساۋدا ورتاسىن ساپالىلاندىرىپ، تۇتاس بارىسقا ىلەسىپ، نىسان قۇرىلىسىنىڭ ٴتۇرلى قىزمەتتەرىن قامتاماسىزداندىرادى.

  اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى