اعاجاي-التاي تورابى   ›   مادەنيەت ارناسى   ›   بىلگەنگە مارجان

بايىمايتىن 10 ءتۇرلى ەركەك

  

اقشا تابۋ، كول-كوسىر بايلىققا كەنەلۋ ءاربىر ەر ازاماتتىڭ ەڭ باستى ارمانى. دەگەنمەن، بارلىعى قۇلشىنعانىمەن، ساتسىزدىككە جولىعىپ جاتادى. ال شىندىعىندا اقشا تابۋدىڭ ءوزى ەر-ازاماتتاردىڭ مىنەز-قۇلقىنا بايلانىستى بولىپ جاتاتىنى تاعى بەلگىلى. ەندەشە، اقشا تابا المايتىن ەركەكتەر كىمدەر؟

  1.تاۋەكەلگە بارا المايتىن ەركەتەر

  جاڭالىق اشۋدان قورقاتىن، كەز كەلگەن جۇمىستى باستاردا وزىنە سەنىمسىزدىك تانىتاتىن، باتىلدىعى كەم ەر جىگىتتەردىڭ مول تابىسقا جەتۋى قيىن. وقىس وقيعا ورىن العاندا تاۋەكەل دەپ بەل بۋا الماسا ەركەكتىككە سىن.

  2.وزىندىك پىكىرى جوق ەركەكتەر

  ەل ءسوزىنىڭ جەتەگىندە كەتەتىن، بىرەۋدىڭ پايىمىن وزىنىكىنەن جوعارى قوياتىن، وڭاي يلانعىش، وزىندىك ويى جوق ەركەكتەر جەتىستىك جولىن وڭاي تابا قويمايدى.

   3. جالقاۋ ەركەكتەر

  تەك وڭاي ولجاعا باتۋدى ويلايتىن، دايىن اسقا تىك قاسىعىن توساتىن، جانىن قينامايتىن جالقاۋ ەركەكتەن داۋلەتى تاسىعان، اتاق-ابىرويى الىسقا كەتكەن سىيلى ازامات شىقپايدى.

  4. جوسپارسىز ءومىر سۇرەتىن ەركەكتەر

  تەك بۇگىنگى كۇننىڭ تايراڭىمەن تاڭدى اتىرىپ، كەشتى باتىراتىن، العا قويعان ناقتى ماقسات، ارمانى جوق ادامداردىڭ باي بولا سالۋى قيىن. باعى جانىپ وڭاي ولجاعا ەگە بولسا دا، ول داۋلەتتى ساقتاي الۋى ەكى تالاي.

  5. ساۋىقشىل ەركەكتەر

  قوناعاسىدان قالمايتىن، بار تاپقان مالىن ءىشىپ-شەۋدەن، توي-تومالاقتان اسىرا المايتىن ۇنەمشىلدىكتى بىلمەيتىن ەركەكتەر باي بولا المايدى. ساۋىققۇمار ەركەكتەر اراق-شاراپقا اۋەس بولاتىندىقتان تاپقان دۇنيەسىن قارا باسىنىڭ قۇمارلىعىنا قۇربان ەتەدى.

  6.وتباسىندا وزىندىك ورنى جوق ەركەكتەر

  ءوز وتباسىنداعى شاعىن ىستەرگە كەسىم جاساي المايتىن، وزگەلەرگە ءوزىن سىيلاتا المايتىن، وكتەم سويلەپ، ءوز ساياساتىن جۇرگىزە المايتىن ەركەكتەر دە بۇل تىزىمدە.

  7. اتاققۇمار ەركەكتەر

  شەكتەن تىس داڭعويلىق، كوكىرەكتىك، بوس ماقتان ەركەكتى ابىرويدان ايىرادى. جاساعان جاقسىلىعىن جارتى عاسىر جىرلايتىن جانداردىڭ جاتتاندى اڭگىمەسە ەكى-ءۇش رەت قايتالانعاننان كەيىن اينالاسىنداعىلاردىڭ قۇلاعىنا تۇرپىدەي تيەدى.

  8. كۇمانشىل ەركەكتەر

  كىمگە بولسا دا سەنبەيتىن، بىرەۋدىڭ جەتىستىگىن قىزعاناتىن ءىشى تار ەركەكتەر، ءار سوزگە قادالاتىن كۇمانشىل ەركەكتەر دۇنيە مەن ابىرويدى وسى قاسيەتتەرىنىڭ كەسىرىنەن جيناي المايدى.

  9. ۋادەسىندە تۇرمايتىن ەركەكتەر ورىنسىز ۋادە بەرگىش، سويتە تۇرا ايتقانىن ورىندامايتىن، تابانسىز ەركەكتەر جەتىستىك جولىن تابا المايدى. بۇنداي ادامداردىڭ قاي ورتادا بولماسىن ابىرويى بولمايدى. ولار ورتاعا تەك جامان قاسيەتتەرىمەن جاتتالادى.

  10.ءوز-وزىنە ەسەپ بەرە المايتىن ەركەكتەر

  جيعان مالىن ورىندى ۇقساتا المايتىن، نە الىپ، نە قويعانىن بىلمەي ەسى شىعىپ، ءوز-وزىنەن ءتۇڭىلىپ جۇرەتىن ەركەكتەر از ەمەس، ماتەريالدىق جاعدايى ءماز ەمەس.

جاۋاپتى رەداكتور: ءاننا اكىمقان قىزى
  • كوكتوعاي: شاعىن قالاشىقتاعى كوپ حيكايا
  • ورنىقتىلىقتى قورعاۋ، شەكارانى كۇزەتۋ جاۋاپكەرشىلىگى مەن بورىشىن مىقتاپ يگەرىپ، بيڭتۋان رەفورماسىن تەرەڭدەتۋدى جانە وڭتۇستىككە قاراي دامىتۋدى ىلگەرىلەتۋ كەرەك
  • ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، پارتيا مەن حالىق جۇكتەگەن جاڭا ءداۋىردىڭ جاۋاپكەرشىلىگى مەن بورىشىن ويداعىداي اتقارۋ كەرەك
  • ايماقتىق اۋا رايى ستانسياسى بوراننان ساقتانۋدىڭ سارى ءتۇستى ساقتىق سيگىنالىن تاراتتى